احسن دكتور خلع سن العقل؟

[قطري فلته]

السلام عليكم

كيف الحال والله يبعد عنكم المرض

لي يومين وانا اتهرب على هل الموضوع بس يالله امري الله لازم انروح عياده اسنان وانا اكره مالى دكتور اسنان:eek5:

المهم ابي دكتور يده خفيفه لان طلع لى سن العقل مكسور نصه يعني خلقى

:rolleyes2:

ابي يده خفيفه ويعطيني بنج فول ابشن

وابي المجربين شحسو بعد ما شلو عليهم ظرس العقل ؟

يقولون بيصير خبل

صج :nice:

[أم غانم]

هلآ فيك أخوي ،،

ماعليك شر إن شاء الله



الدكتور مغيث البيك ، في المستشفى الأهلي

مارتن توماس ، عيادة خاصة في السد




جربت الآثنين "صراحة" .. الآول رجعت له لآن الثاني قال حالتي تستدعي بنج كامل "" حالة عن حالة تفرق""


بالنسبة للألم إن شاء الله مافية ألم أو شي لآن البنج بيكون تمام ومابتحس فية والدكتور ماشاء الله يدة خفيفة ..



دقيقة إلا يقول لك " قوم" خلصنا ومابتصدق ؟ لآني خلعت عنده سن " عادي " ببنج موضعي ..


أما العقل كان " كامل" ماحسيت بشي حتى بعد العملية سوى ألم خفيف بالكاد تحس فية وإنتفاخ بسيط يدوم يومين


أمم بالنسبة للأحساس .. عادي .. بس أنا عن نفسي قلت فكة " هم وإنزاح" لآن مسبب لي زحمة والشارع فاضي..


" إلتهابات لثة" والحين الحمدلله


توكل على الله الموضوع بسيط ولاتحاتي

[ثرية]

رافت الخراشي

[شيط ويط]

وعليكم السلام .. اخوي روح حق اي دكتور الكل فيه الخير والبركه .. ترى الموضوع عادي .. اذا ودك عيادة الاسنان في رميله .. او شوف لك اي عيادة خاصة الموضوع كله ماياخذ 3 دقايق :)

[قطري فلته]

رحم الله والديكم والله الكل يقولى الرميله عاد زحمه مواعيد وانتم عارفين مالى خلق الشوشره والله اكلمكم وحاط يدي على خدي اصبر لين باجر بس عطوني دكتور فنان

[QATAR2011]

دكتوره بان خلعت لي ضرس العقل وأنا مادري كنت اشتكي من اسناني وصداع دايم ولما رحت لها عطتني ابرة بنج وانا مادري وخلعت الضرس ويوم خلصت قالت لي هذا اللي مزعجج ( ضرس العقل) خلاص افتكيتي منه ،، تعجبت متى شلته!!!،، الحمدلله يدها خفيفه وماهره.. بس للأسف هاجرت كندا :(

[قطري فلته]

دكتوره بان خلعت لي ضرس العقل وأنا مادري كنت اشتكي من اسناني وصداع دايم ولما رحت لها عطتني ابرة بنج وانا مادري وخلعت الضرس ويوم خلصت قالت لي هذا اللي مزعجج ( ضرس العقل) خلاص افتكيتي منه ،، تعجبت متى شلته!!!،، الحمدلله يدها خفيفه وماهره.. بس للأسف هاجرت كندا :(

سكتي والله الى صداع ملعوزني الله يخلى بروفين 600

وين مكانها

[غزلان]

الموضوع بسيط والألم لايذكر دامه بنج والدكتور بعدها بينصحك شتسوي

ماتشوف شر

[دانـة قطـر]

رحم الله والديكم والله الكل يقولى الرميله عاد زحمه مواعيد وانتم عارفين مالى خلق الشوشره والله اكلمكم وحاط يدي على خدي اصبر لين باجر بس عطوني دكتور فنان


لا أخوي إذا رحت للمركز الصحي التابع لكم قوله يعطيك ايرجنت للرملية
أنا بعد متأذية من ضرس العقل لإنه طالع بالعرض ويضرب فالخد بس ما رحت :(

[chillis]

رافت الخراشي

[سمو الاميره]

اخوي انا فيني فوبيا من شئ اسمه عياده اسنان ..~

لكن شغل عيادة المدينه تدري شلون خلاني احب انظف اسناني وحياتكـ شليت 4 ضروس وشلت 6 اعصاب ونظفت ضروسي وركبت تقويم والله اني مااحسيت بالالم كلشششششش الا يمكن بالتقويم بسس

كنت اتعالج الي بفرع السد عند دكتور حسن بس للاسف سافر الحين السعووديه وبطل عياده بالحسا

والحين اخواني وخواتي نفس حالتي بس عند الدكتور وليــــــــــــد في عيادة المدينه فرع اسباير..~

جد ماراح تندم ابداً..~

وتحيااتي لك والله يشفيكـ