.. كم مرة صوّرت نفسك بالجوال ؟؟؟ ) [الأرشيف] - منتديات شبكة الأسهم القطرية

مشاهدة النسخة كاملة : .. كم مرة صوّرت نفسك بالجوال ؟؟؟ )

شيط ويط

09-02-2011, 08:26 AM

http://st2.gsmarena.com/vv/bigpic/no7650.gif

قلبت شركة نوكيا في منتصف العام 2002 معايير صناعة الجوالات رأسا على عقب ، عندما أعلنت في حينه طرح جوال نوكيا 7650 - موضحة صورته أعلاه - مزود بكاميرا يمكن من خلالها التصوير وتبادل الصور عبر تقنية الـ MMS (المصدر إجابات قوقل) !

والآن ونحن في العام 2011 لا أظن أنه يوجد انسان لا يملك جوال بلا كاميرا أو لم يتعامل في يوم من الأيام مع مثل هذا النوع من الجوالات :)

الأسئلة المطروحة

كم مره صوّرت نفسك بالجوال ؟؟ ..:funny:
وشنهي المناسبات اللي كنت تصور نفسك فيها ؟؟ :funny:
وليش ؟؟؟ :funny:
عزيزي الشاب كم مره صورت نفسك وانت تسوق السيارة ؟؟ :funny:
وليش تصور نفسك وانت في السيارة ؟؟؟ :funny:
عزيزتي الفتاة كم مرة صورتي (الحنا) اللي في يدج ؟؟ :funny:
وشنهو كنتي تصورين ؟؟؟ :funny:

وممكن تكلمنا عن تجربتك في بداية تواجد واستخدام جوال بوكيمرا اول مره ؟؟؟؟ وشنهي القصص او السوالف اللي ممكن تقولها لنا بخصوص هالموضوع سواء صارت لك او لغيرك ؟؟ .. وشنهو رايك في اللي يصور نفسه بالجوال ؟؟ :funny:

الموضوع للدردشه .. في موضوع (تصوير) أنفسكم بالجوال :telephone:

بوسيف الهاجري

09-02-2011, 08:31 AM

الحمدالله ولا مره صورت عمري
ما احب ها الحركات
احس انها للبزران
احب اصور عيالي الصغار

شيط ويط

09-02-2011, 08:34 AM

الحمدالله ولا مره صورت عمري
ما احب ها الحركات
احس انها للبزران
احب اصور عيالي الصغار

الله يحفظهم لك :nice:

هند88

09-02-2011, 08:37 AM

@north_star@

09-02-2011, 08:41 AM

انا عن نفسي ناااادر جدا استخدم كاميرا الجوال الا اذا في شي جذب انتباهي

missperfect

09-02-2011, 08:43 AM

ولا مليون مرة هههههههههه

sara jsm

09-02-2011, 08:53 AM

عاش من شافك اخوي شيط :)
ويسعد الله صباحك على هالموضوع الطريف ^ ^

كم مره صوّرت نفسك بالجوال ؟؟ ..
هههههههههههههه عد واغلط :shy:
وشنهي المناسبات اللي كنت تصور نفسك فيها ؟؟
وليش ؟؟؟
الاعياد او الاعراس او الحفلات ,, وقت الكشخه بس :nice:
عزيزتي الفتاة كم مرة صورتي (الحنا) اللي في يدج ؟؟
3 مرات :nice:
وشنهو كنتي تصورين ؟؟؟
اصور شكلي \ شعري \ عيوني \ خرابيط :tease:
وممكن تكلمنا عن تجربتك في بداية تواجد واستخدام جوال بوكيمرا اول مره ؟؟؟؟
واايد استانست عليه لانه كان بالنسبة لي مثل الحلم
وماتوقعت يتحقق ,, خاصة ان السوالف التقنيه ماتوصلنا بسرعه نفس باقي الدول ,,
اول مرة خذت جوال بوكيمرا صورت شعار نادي السد
وحطيته خلفيه لجوالي :shy:
وشنهي القصص او السوالف اللي ممكن تقولها لنا بخصوص هالموضوع سواء صارت لك او لغيرك ؟؟ ..
باتكلم عن نفسي ,, انا يوم اصور بالجوال سيده انزل الصور على فلاش
يعني ماخلي شي بالتلفون ,, لان قبل سنة تقريبا
ضاع تلفوني وكنت حاطه فيه صوري مع صور بنات عمي واخواني وكل العائله
والحمدلله الف مرة انهم لقوا الجوال ورجع لي ومن ذاك اليوم مستحيل احط صوري او صور البنات في الجوال واطلع فيه ,, :(
وشنهو رايك في اللي يصور نفسه بالجوال ؟؟
عادي اشفيها يعني لو الواحد صور نفسه
او عياله او شي حلو ,,
في النهاية هو يخلد ذكرى حلوة او حدث حلو مر عليه في وقت معين ويمكن مايتكرر ,,
وبس والله هذرت وايد :shy:

ظبيــღــه

09-02-2011, 09:04 AM

لصاار عندي جواال ..

رجعت وشااركت ..اوكي

و

W B :nice:

عاشق الشهادة

09-02-2011, 09:13 AM

الحمد لله على السلامة اخوي شيط ويط لي فترة ماشفتك بالمنتدى وعسى المانع خير اخوي الغالي :)

كم مره صوّرت نفسك بالجوال ؟؟ ..

كثير وما اذكر كم مرة :whistling:

وشنهي المناسبات اللي كنت تصور نفسك فيها ؟؟
وليش ؟؟؟

صور اطفال و افراح زواج واعياد اذا كنت ناسي الكاميرا اصور بالجوال ;)

عزيزي الشاب كم مره صورت نفسك وانت تسوق السيارة ؟؟

ما اذكر اني صورت نفسي وانا اسوق :rolleyes:

وليش تصور نفسك وانت في السيارة ؟؟؟

جاوبت على هذا السؤال :tease:

عزيزتي الفتاة كم مرة صورتي (الحنا) اللي في يدج ؟؟

؟؟؟؟

وشنهو كنتي تصورين ؟؟؟

؟؟؟؟

وممكن تكلمنا عن تجربتك في بداية تواجد واستخدام جوال بوكيمرا اول مره ؟؟؟؟ وشنهي القصص او السوالف اللي ممكن تقولها لنا بخصوص هالموضوع سواء صارت لك او لغيرك ؟؟ .. وشنهو رايك في اللي يصور نفسه بالجوال ؟؟
انت لو تقولي ايش تعشيت أمس باقولك ما اذكر تبيني اتذكر شي صار له اكثر من 8 سنوات :yawn:

بوسيف الهاجري

09-02-2011, 09:27 AM

الصراحه انا خاش شي عنكم
احب اصور عداد السياره الي اسوقها
مثلا

GMC2010
http://img101.herosh.com/2011/02/09/550160446.jpg (http://www.herosh.com)

بورش كيان
http://img103.herosh.com/2011/02/09/876339066.jpg (http://www.herosh.com)

مرسيدسSL500
http://img101.herosh.com/2011/02/09/388026984.jpg (http://www.herosh.com)

VXR2008
http://img102.herosh.com/2011/02/09/185762188.jpg (http://www.herosh.com)

قطرية فذة

09-02-2011, 09:34 AM

الأسئلة المطروحة

كم مره صوّرت نفسك بالجوال ؟؟ ..

مره.

وشنهي المناسبات اللي كنت تصور نفسك فيها ؟؟

دون مناسبه

عزيزي الشاب كم مره صورت نفسك وانت تسوق السيارة ؟؟
سؤال رجالي.. نحترم الخصوصيه

وليش تصور نفسك وانت في السيارة ؟؟؟
سؤال رجالي.. نحترم الخصوصيه

عزيزتي الفتاة كم مرة صورتي (الحنا) اللي في يدج ؟؟

ولامره
وشنهو كنتي تصورين ؟؟؟

العين

وممكن تكلمنا عن تجربتك في بداية تواجد واستخدام جوال بوكيمرا اول مره ؟؟؟؟

في بدايه استخدامي لجوال الكيمره ماخليت شي وصورته للتجربه
والحقيقه شرائي للجوال لتصوير الكيك ..

أصور واعدل وارسل

لجل اني قد اكون اما في سفر او في زيارات واصادف يكون فيه وقت اسوي به كيك مع الجمعه والسولف والتزين خذت كيمره عمليه ( سوني اريكسون )للتصوير خاصه لهذه الاشياء
.. واحياناً احتاج الصور للتصميم.
ضيف على هذا قد يعجبني شيئ في اي مكان كان
واصوره واضيف عليه فكرتي من خلال الكتابه على الصوره للتدوين بس ومن ثم ارجع لها عقب بالجهاز اعدل واطور عليها .

وشنهي القصص او السوالف اللي ممكن تقولها لنا بخصوص هالموضوع سواء صارت لك او لغيرك ؟؟ .. وشنهو رايك في اللي يصور نفسه بالجوال ؟؟

قصص؟ اممم ماصار لي موقف لجل اني كنت اصور على قدر الحاجه

بالنسبه للي يصور نفسه بالجوال رايي به يحافظ على نفسه والله يكفيكم الشر

/

من احد المواقف اللي حدثت بالتصوير بالكيمره

اتذكر في حرم الجامعه انتبهت لوحده تصورني دون استإذان

فما كان مني الا اني اتجهت مباشره لها ودون ما اكلمها فتحت الميموري ولغيت كل شي بالجوال وسلمته لها فاضي ..
تستاهل ماجاها.

كثير نسمع قصص مرعبه بهذا الخصوص والله يستر على بنات المسلمين

ماخبرتنا موضوعك بخصوص الجوال؟!

العضو العتيج

09-02-2011, 01:41 PM

الحمدالله ولا مره صورت عمري
ما احب ها الحركات
احس انها للبزران
احب اصور عيالي الصغار

الصراحه انا خاش شي عنكم
احب اصور عداد السياره الي اسوقها
مثلا

gmc2010
http://img101.herosh.com/2011/02/09/550160446.jpg (http://www.herosh.com)

بورش كيان
http://img103.herosh.com/2011/02/09/876339066.jpg (http://www.herosh.com)

مرسيدسsl500
http://img101.herosh.com/2011/02/09/388026984.jpg (http://www.herosh.com)

vxr2008
http://img102.herosh.com/2011/02/09/185762188.jpg (http://www.herosh.com)

!!!!! لا تعلـــــــيق!!!!!!

مستر بن

09-02-2011, 01:57 PM

كاميرا الجوال سارت تغني عن الكاميرا العادية
لان الجوال دايما معانا.. عكس الكاميرا..

وفي مرة سافرنا .. وصورنا في السفره كلها بالجوال مع ان الكاميرا معانا .. بس انا كنت ناسيه احط الميموري :shy:
و الجوال كان تصوريه روعه فستخدمناه للتصوير..

شنو نوووع التلفوون ..!!؟؟؟

لصاار عندي جواال ..

رجعت وشااركت ..اوكي

و

w b :nice:

شدعووووووووة لهدرجة ..

عمتي ام جااسم ,, تر انا اللي سرقتة خخخخخخخخخخخخخخخخخخخخخ

ماا عرف اكذب ,..

لافوشيا

09-02-2011, 05:19 PM

!!!!! لا تعلـــــــيق!!!!!!

اخوي العتيج:

الاخ بوسيف وضح انه مايحب يصور نفسه لانها للبزران بس يحب يصور عياله الصغار لكن ماقال ماحب اصور عداد سياراتي صح ولا لا؟؟؟؟

احب اعرف ليش قلت لا تعليق الحين؟؟؟

العضو العتيج

09-02-2011, 06:56 PM

كتبت لا تعليق لاني استغربت تصوير العداد والسياره تمشي بسرعه عالية فوق السرعه القانونية شي خطر وماتوقعت يبدر من شخص كبير في العمر والمقام مثل بوسيف ....لان اكيد ادرى مني ان هالشي خطر له ولغيره وبس

غايه الطواش

09-02-2011, 07:54 PM

شيط ويط رايق اليوم :shy:

كم مره صوّرت نفسك بالجوال ؟؟ ..

شوي مو وايد الصراحه ماتستهويني كاميرا الجوال خالص خالص :shy:

وشنهي المناسبات اللي كنت تصور نفسك فيها ؟؟
وليش ؟؟؟
عزيزي الشاب كم مره صورت نفسك وانت تسوق السيارة ؟؟

انا شابه واسوق سياره وبس ماقد صورت عمري وانا اسوق بس مرت على نماذج هالنمونه:tease:
وليش تصور نفسك وانت في السيارة ؟؟؟
مادري اسئلهم
عزيزتي الفتاة كم مرة صورتي (الحنا) اللي في يدج ؟؟
مرتين
وشنهو كنتي تصورين ؟؟؟

اصور اشيا وايد كتوثيق بس اول اذا ابي اطرش صور اليهال بسرعه بسرعه
واكثر شي اصوره المحلات بالسفر اصور الاغراض واطرش حق خواتي اذا يعجبهم واشوف رايهم واذا يبوني اخذ لهم شي
واحيان اصور اشيا عشان احرهم مثلا
مره كنت في المانيا وخواتي في الحسا صورت لهم احرهم

وعقبها اختي راحت امريكا وانا رحت الحسا صورت لي تحرني وتذكرني بالموقف

واحيان حركات عبط بين الاخوان والخوات والربع والاحبه :shy:

بوسيف الهاجري

09-02-2011, 08:02 PM

بنـت الغالـي

09-02-2011, 08:08 PM

بصرااااحه انا احب التصوير في جوالات النوكيا
ماينعدووووووون الصور

بس من طلعت بلاك بيري وسمعت عن بلاويه ماصرت اصور فيه
بسي اصور ايدي وانا اسووق >< عشان احر ربعي هم مايسوقوووون هههههههههههه شريره

واذا في خاطري اصور اروح للكانون او جوالاتي النوكيا القديمه
وطبعا هالجوالات انا محتفظه فيها للبيت وبس .. للخصوووصيه ^^
واااايد اصور الحنا ><

يسلموو ع الموضوع الحلو

شيط ويط

09-02-2011, 08:29 PM

شيط ويط

09-02-2011, 08:31 PM

انا عن نفسي ناااادر جدا استخدم كاميرا الجوال الا اذا في شي جذب انتباهي

نفس الحاله :nice:

شيط ويط

09-02-2011, 08:33 PM

ولا مليون مرة هههههههههه

هههههههههههههههه اشكرج على صراحتج :nice:

وطن

09-02-2011, 08:42 PM

كم مره صوّرت نفسك بالجوال ؟؟ ..
شدراني ما حسبت
بس بالعاده امسح أول بأول
واذا بصور احاول ان بدون الويه الا في الحالات الاضطراريه
يعني يكون مطلوب علي مثلا
:secret:

وشنهي المناسبات اللي كنت تصور نفسك فيها ؟؟
وليش ؟؟؟

أوقات الكشخه وحب الذات :tease:

عزيزي الشاب كم مره صورت نفسك وانت تسوق السيارة ؟؟
يصير أنا ارد؟؟
لوووووووول

وليش تصور نفسك وانت في السيارة ؟؟؟

حب الذات ؟

عزيزتي الفتاة كم مرة صورتي (الحنا) اللي في يدج ؟؟
ما تعدش
بجميع انواع الكاميرات
وبالسلف تايمر
لووووووول

وشنهو كنتي تصورين ؟؟؟

وايد اشياء اصورها
ومثل ما قالت غاية الطواش احيان تصور بالمحلات عشان تشاور اهلك بشغله

أمير المحبه

09-02-2011, 09:00 PM

3959 مره :rolleyes2:

وايد الصراحه تدري اتمرن لازم اصور بين الفتره والثانيه

هههههههههههههههههه

اصور خدامتنا وايد تشبه رونالدينيو :tease:

وصور البحر وايد وقت الشروق

وتسلم عالموضوع الحلو شيط ويط

والحمدالله على سلامتك :nice:

والله يبعد عنك البلطجيه :omg:

سلوى حسن

10-02-2011, 10:54 PM

شيط يسلموا على الموضوع

حليتان*

10-02-2011, 11:13 PM

3959 مره :rolleyes2:

اصور خدامتنا وايد تشبه رونالدينيو :tease:
:omg:

ههههههههههههههههه

الله يرجك يااالرزيل

هههههههههههه شيط ويط عن الفضااايح يالاسمرااني

واايد صورنا نفسنا وغيرنا صورونا

بس خلاص الحين ماقمنا نفكر بهالاشياء

حليتان*

10-02-2011, 11:15 PM

ههههههه تعاال شيط ويط تذكرت لاتنس النظاره الشمسيه خخخخخخ

وكحل عينك فالتووقيع ::<< المكان فرضة الخوووووووور

بصمة قطرية

11-02-2011, 01:06 AM

كم مره صوّرت نفسك بالجوال ؟؟ ..

كم مرة ما صورت نفسي ..:secret:

وشنهي المناسبات اللي كنت تصور نفسك فيها ؟؟
كل ما كشخت ..:shy:

وليش ؟؟؟
عشان اشوف كشختي في الصور ..:shy:

عزيزي الشاب كم مره صورت نفسك وانت تسوق السيارة ؟؟
وليش تصور نفسك وانت في السيارة ؟؟؟
عزيزتي الفتاة كم مرة صورتي (الحنا) اللي في يدج ؟؟
امممممممممم كل ما تحنيت ..
اموت في الحنه ..:nice:

وشنهو كنتي تصورين ؟؟؟
كل شي ..

وممكن تكلمنا عن تجربتك في بداية تواجد واستخدام جوال بوكيمرا اول مره ؟؟؟؟
اول جوال بكاميرا استخدمته اشتغلت تصور في العيال ..

وشنهي القصص او السوالف اللي ممكن تقولها لنا بخصوص هالموضوع سواء صارت لك او لغيرك ؟؟ .. وشنهو رايك في اللي يصور نفسه بالجوال ؟؟

امممممممممم عادي ..
الجوال نفس الكاميرا ..
اصور نفسي وعيالي لأني مش من النوع اللي يبيع جواله ..
لهالسبب اصور عادي ..

موضوع حلو تسلم الأيادي شيط ويط ~:)

naklan

11-02-2011, 01:20 AM

اصورفقط اذا كان لذكرى في مكان لا يتكرر

بس تصوير اماكن او مناضر او نماذج تعجبني كثير :looking:

تسلم خيووووو شيط ويط :)

toghma

13-02-2011, 01:57 PM

كم مره صوّرت نفسك بالجوال ؟؟ ..
وااااااااااااااااايد

وشنهي المناسبات اللي كنت تصور نفسك فيها ؟؟
كل ما كشخت أو لبست شئ جديد في السفر وفي الرحلات والسفر
وليش ؟؟؟
للذكرى

عزيزي الشاب كم مره صورت نفسك وانت تسوق السيارة ؟؟
وانا أسوق ؟؟ ولا مرة طبعا ـ لكن والسيارة واقفة يمكن عشر مرات .
وليش تصور نفسك وانت في السيارة ؟؟؟
اممممم ـ قعدة السواقة لها رزتها ؟ تبغي تشوف :)
وممكن تكلمنا عن تجربتك في بداية تواجد واستخدام جوال بوكيمرا اول مره ؟؟؟؟ وشنهي القصص او السوالف اللي ممكن تقولها لنا بخصوص هالموضوع سواء صارت لك او لغيرك ؟؟ .. وشنهو رايك في اللي يصور نفسه بالجوال ؟؟

في البدايات ما كنت احب اتصور ـ لان الكاميرا مثل ما تخبرون ( فاشلة ) والسوالف والقصص كثيرة خاصة في البر والبحر صورت كثير صور نادرة مثل ( صيد هامور وزنه 9 كيلو من على سيف الديحة ) لأن محد صدق هالسالفة إلا لما شافوا الصورة .
ورايي في إلي يصور نفسه ، هذه حرية شخصية لأن التصوير بالجوال هو نفسه بالكاميرا العادية ماااااااااافي فرق ـ بالعكس الصور تطلع أحلى .
وشوووووووووكران

قطر love

13-02-2011, 02:09 PM

شيط ويط ......... :looking:

كيف حالك .............. :whistling:

شيط ويط

14-02-2011, 08:10 AM

شيط ويط ......... :looking:

كيف حالك .............. :whistling:

طيب طاب حالك .. وانت ؟؟ :looking:

لاجل QT

14-02-2011, 08:13 AM

وااااااااااااااااايد اصور نفسي بمناسبة ومن غير مناسبة:)

انشاله مايضع جوالي :eek5:

الله الحافظ

شيط ويط

18-05-2011, 12:45 AM

وااااااااااااااااايد اصور نفسي بمناسبة ومن غير مناسبة:)

انشاله مايضع جوالي :eek5:

الله الحافظ

اما لو يضيع :tease:

بوخالد911

19-05-2011, 11:50 PM

قليل جدا

ومسحتهم