شخبار الفقع و الحميض و اليراوه ؟

[w.qatar]

صباح الخير

شخباركم عساكم بخير ..

اقووول محد حصل حميض ولا فقع ؟؟ احنا حصلنا يراوه فالحويله و شفنا الرقروق بس مافيه فقع :(

اللي لقى ياليت يعطينا المكان بالضبط وين ؟؟؟

[ولد المشرب]

موجود الفقع واليراوه الحميض
امس ملقط يراوه
الفقع موجود وين المطر نزل في الوسمي الاولي والتالي
و انا حصلت فقع و الحمدالله
لو اعرف انزل صور كان نزلتها

[بوحمد1]

اي منطقة لقيت الفقع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ولد المشرب]

البرثة وترابها
قبله قريب الزروع

[w.qatar]

ابي الاحداثيات ممكن ؟ :(

[سر يا قلم]

اليرواه في اي مكان بتحصل ... عليك بلوديان

اما الفقع قليل الي طلع اذا تقدر تدخل البرثه اقصد راس لفان كلام ثاني

انا تقريبا من خمس سنوات دخلت لفان وفقعت ومن بعدها كرهت افقع برع من الي شفته في لفان
ويعطيك العافيه

[w.qatar]

زين و الحميض ؟ هذا كلش ما شفناه مادري وين نحصله ؟
وبخصوص راس لفان اتوقع محد يقدر يدش الا اللي يشتغل هناك
يعطيكم العافيه ما قصرتوا

[**هـتــــــان**]

ممكن سؤال الفقع لازم يكون مع شجرة الرقروق ولا عادي ممكن يجي بروحه ؟

وشلون شكل شجرة الرقروق بالضبط ابي صورررة واضحه ؟:(
لاني الخبط بين بعض الاشجار الاصغيرة .

[حمد 2002]

فالكم الرزق الحلال

[كايد الوكره]

الفقع موجود يين الوكره والمطار ( الحضارمه )