لحقو علي : الخرسانه جديده وتخر ماي

[كبير المتداولين]

شباب يعطيكم العافيه انا وصلت مرحله صب الخرسانه للدور الارضي
كانت امس عمليه الصب ورحت اليوم واكتشفت وجود تشققات كثيره في الصبيه يعني تقريبا 6 اماكن والشي الي خوفني اكثر انه من تحت في الصاله تخر ماي شسالفه لايكون رحت فيها فهموني المقاول يقولي شي عادي . والله مب احسن له

[سهم طايح]

الكراكات اذا كانت سطحية فهذا شي عادي

وبما انك ما ركبت عوازل فاكيد ان السقف بيخر عليك

لا تحاتي الموضوع في السليم

منزل مبارك مقدما

[كبير المتداولين]

الكراكات اذا كانت سطحية فهذا شي عادي

وبما انك ما ركبت عوازل فاكيد ان السقف بيخر عليك

لا تحاتي الموضوع في السليم

منزل مبارك مقدما

الله يبارك فيك اخوي
بس اخوي شلون اركب عازل هاي الدور الارضي اخبر العازل لدور السطح

[Chambray]

الله يبارك فيك اخوي
بس اخوي شلون اركب عازل هاي الدور الارضي اخبر العازل لدور السطح

انت مب محتاج عازل للطابق الارضي او الاول
العازل للسطح

اي صبيه في العالم بتصب ماي فوقها بتحصلها تخرررررر من تحت
لان مافيها عازل
انت مش محتاج العازل بين الطابق الارضي والاول

إلا ( في الحمامات ) وانت بكرامه واذا كان عندك بانتري
لان هالمكان الي فيه الماي
لكن الغرف ما اعتقد في ماي علشان تحط عازل
لاتحاتي الامر عادي جداً

[khaldoon]

ما تخاف اخوي شي عادي وما في اي مشكله

[نمـر]

لا تحاتي أمورك طيبه وتحصل مع كل البيوت والله يجعله منزل مبارك إن شاء الله

[كبتشينوو]

مبارك عليك المنزل

بصراحه مافهمت الموضوع عدل

بس بحكم خبرتي انصحك اتشيك عليها

لان الصبيه ماتخر الا اذا في حاله وهو مركب الخشب مال السقف

ماحط بين كل مربع الاسود لزقه اهنى نعم يخر اما غيره اكيد شغل

النجاره وربط بالملازم شغل مو عدل وتحياتي وشيك مع الاستشارى الى ماسك البيت

لاتاخذ ع كلام المقاول

[كبير المتداولين]

ريحتو قلبي الله يريح قلوبكم امين يارب

والله خفت لانه الصبيه في البدايه مسوين عليها اختبار ماطلعت اوكي عقب ردو عدلو عليها مره ثانيه عشان تضبط وهاي الشي الي خوفني

جزاكم الله خير دامه شي عادي يصير في كل اليبوت الحمد لله

[(رمز المحبه)]

يالحبيب شكلك جديد على البناء واموره .. انا صار لي الحين ثلاث سنوات ابني وللحين احفص .. كل ما ااخلص من بيت نبدا في اللي بعده .. وامور واجد ماره علينا


بخصوص التشققات .. حتى لو انت ترشهاا بالماي بعد الصبه بفتره وكل يوم ومهتم فيها والجوو بارد .. مع ذلك لازم تظهر لك التشققات .. لانه على قولة اخواننا المصريين الخرسانه بتريّح يعني تبدا تتمدد شوي شي طبيعي وتظهر بعض الشقوق والتصدعات ( شي عادي جدا )

وفيما يتعلق بأنها تخر ماي .. هذا شي طبيعي لانك للحين ما بعد وصلت مرحلة وضع العازل ( عازل الماء ) وهذا فوق فالسطح فقط وفوق البنت هاوس .. يعني على المكان المكشوف للمطر والامور ذي

اما الدور الاول وسقفه ما يحط له عازل .. بس للحمامات (عزكم الله) .. وبس

وامورك طيبه يا كبيــر المتداولين .. ركز على البورصه انت وريح بالك

[كبير المتداولين]

يالحبيب شكلك جديد على البناء واموره .. انا صار لي الحين ثلاث سنوات ابني وللحين احفص .. كل ما ااخلص من بيت نبدا في اللي بعده .. وامور واجد ماره علينا


بخصوص التشققات .. حتى لو انت ترشهاا بالماي بعد الصبه بفتره وكل يوم ومهتم فيها والجوو بارد .. مع ذلك لازم تظهر لك التشققات .. لانه على قولة اخواننا المصريين الخرسانه بتريّح يعني تبدا تتمدد شوي شي طبيعي وتظهر بعض الشقوق والتصدعات ( شي عادي جدا )

وفيما يتعلق بأنها تخر ماي .. هذا شي طبيعي لانك للحين ما بعد وصلت مرحلة وضع العازل ( عازل الماء ) وهذا فوق فالسطح فقط وفوق البنت هاوس .. يعني على المكان المكشوف للمطر والامور ذي

اما الدور الاول وسقفه ما يحط له عازل .. بس للحمامات (عزكم الله) .. وبس

وامورك طيبه يا كبيــر المتداولين .. ركز على البورصه انت وريح بالك


:nice:

[فتى الجود]

عادي وانا اخوك
بس خل الناطور يعطي ماي 3 الى 4 مرات في اليوم( مع انه اشتا )

وابشرك انه عادي ولاتشيل هم

[بويوسف]

تخر ماي عادي لامشكلة وطبيعية .. ولكن اذا ممكن تصور التشققات لانك قلت انها كبيرة ..

[Markets]

اخوي اول شي مبروك البيت

ثانيا احيانا يتداول بعض الامور بين الخبراء و المجربين من ملاك او مقاولين من اصحاب الخبرة تكون اخطاء شائعة لانه صعب تحكم على الوضعية دون استناد لدليل واضح او شيء مرئي و هالامور هندسية بحتة و انا من وجهة نظري ارجع للاستشاري او اكثر من استشاري يفحص لك المخطط و يقارنه بالصبيات عشان تتفادى اي اخطاء في المراحل المتقدمة لانه هالامور راح تفرق معاك بالعزل و الطبقات و نسبة امتصاص الماء و الرطوبة و نسبة الخلطة للاسمنت فاتمنى تستشير الاستشاري للبنيان و هو الحكم الفاصل

بالتوفيق ان شاء الله

[أبنية العرب]

شي عادي اخوي
ريح بالك ومنزل مبارك ان شاءالله

[Qatari2003]

السلام عليكم من خلال خبرتي البسيطة في مجال البناء اهم شي بعد التاكد من الحديد هو الخرسانه ولها اشياء احنا نغفل عنها من اهمها:-
1- ممنوع اضافة ماء في الخرسانه حتى لو في سيارة المكس او بعد صبه في المكان المخصص له مثل السقف (بعد مرور 24 ساعة يغمر السقف بالماء لتقليل التصدعات لمده 36 ساعة).
2- التاكد من قوة الخرسانة (ورقة مع كل سائق سيارة خرسانه) وكم ساعة مره عليها في السيارة (لا يجوز ان تستخدم اذا مر عليها اكثر من ساعتين من يوم اطلعت من المصنع مكتوب في نفس الورقة مع السائق القوة عادة تكون 30 والنوع او بي سي سمنت opc 30n)
3- واخيرا اختبار الاسمنت في الموقع من ارتفاعه عمل اختبار السلمب ( قاعدة كلما زاد الاتفاع تقل من امكانية الخرسانة الدخول بين الحديد والعكس صحيح ) ودرجة الحراره اذا زاد عن 32 درجة فهذا مخالف لان درجة الحرارة وسط الاسمنت عندما يبدء بالجفاف ترتفع وقد تصل الى 60 درجة وهذا يسبب الشقوق. لكن لو درجة حرارة اقل تقل الشقوق وهذا سبب اضافة الثلج للخرسانه مع الماء لتقليل درجة الحرارة

صحيح باقي استخدام الهزاز بعتدال لان كثرته تسبب بنزول الحصى للاسفل وقلته ممكن تسبب وجود فرغات في الصبيه بسبب الهواء

ارد واقول خبرتي بسيطه في هذا المجال