الشركه الوطنيه للمشاريع الطبيه وين صارت

[abu abdulla]

ضمن المساهمين في الشركه منذ 5 سنوات وماعاد نعرف مصير الشركه حتى مقرها ما اعرف وين ، اللي يعرف لايبخل علينا
وسؤال هل يحق لنا مقاضاة الشركه لعدم ادراج اسهمها بسوق الدوحه مثل ما وعدونا


وشكرا للجميع

[مرتبش]

السلام عليكم

اعتقد كان مقرها في الدائري الثالث مجابل وكالة الفوكسواجن قريب السينما ولكني من فترة شفت المبنى عليه اسم ge وما فيه لوحة الطبية

وما نسمع عنها في الجرايد مثل ايام تأسيسها ( وذيك الايام تاسست شركات كثيرة منها عائلية مساهمة واعتقد انها نفس الشي ..لاحس ولا خبر)

يعطيك العافية

[سنافي]

اي والله اما هالشركة الغريبة جمعت 82 مليون من 5 او 6 سنين واختفت ... تخبط في الادارة .. كل يومين مدير ومقر الشركة في داعوس عمارة يملكها احد اعضاء مجلس الادارة !!!! والحين صار اكثر من سنه ماسمعنا عنهم شي والاخطاء القانونية عليهم بالهبل ..... وانا من فترة سمعت ان مجموعة من المساهمين بيوكلون محامي يرفع دعوه عليهم او يشتكي عليهم .... وانا ايد كل مساهم مب راضي ينظم لهالحملة اللي بتصير لان السكوت مب في صالح المستثمرين .. لو هالشركة في الكويت او السعودية كان علووم

والله كريم

[abu abdulla]

شكرا على المرور ،،،،، سنافي والله لنا واناء ومجموعه من اصدقائي حوالي 100 الف سهم تاسيس وضحكوا علينا وكل يوم شي غير ، اذا فيه حد بيوكل محامي او بيشتكي لدى الهيئه العامه انا بكون معاهم والله يستر من نهايتها لاني سمعت انها بتتحول عقاريه

[abu abdulla]

مازلت ابحث عن الشركه ولافيه خبر ما ادري اسهمنا وين طارت

[الساهر]

السلام عليكم

اخواني الشركة اول ما تاسست كان فكرتها انها تسوي صيدليات على مستوى مثل بوتس وصيدليات النهدي في السعودية ويكون لها تواجد كبير في الدوحة بس حصلوا مضايقات من الوكلاء للأدوية والصيدليات وبعدين تغير نشاطها والحين غيروا حتى الاسم وفي كلام ان اعضاء عن مجلس الادارة قدموا استقالاتهم بس هذا الاخبار من زمان من سنة او سنتين