محمد2009
10-02-2011, 10:23 AM
جاني اخر الليل اتصــــــال
وانا اشرب كرك واكل بسكوت ديمة
الرقم بايخ لكن الصوت قتــــال
كنه مثل صوت المذيعـــــة حليمة
قالت صباح الخير ياطيّب الفــــال
قلت ارحبي ترحيبةٍ مستــــديمــة
بالعود والصفري ودلة وفنجــــال
واجبك يابنت الأصول الكـــــريمة
وردت بضحكة ثم قالت وش الحال؟
قلت اشهد إن الحال عقبك سقيمة
قالت وهي تضحك بعد مثل الأطفال
وانا بعد كني بدونك يتيمة
من يوم قالتها تزلزلت زلزال
من فجعتي كني مسوي جريمة
قلت ارفعي صوتك ترى مابه ارسال
كذاااب .. لكنّ المصيبة عظيمة
قالت أقول اسمع ترى كلامنا طال
ممكن تصاحبني تراني وسيمة
واسمي الحقيقي أول حروفه الدال
لكن يسمّوني البنات الزعيمة
صحيح أحب الفخفخة واعشق المال
لكن .... تراني طاهرة مستقيمة
ما عندي امغازل ولا لعب جهّال
ما عندي إلا في الشرف والحشيمة
بس الصراحة قلبي لشوفتـك مال
واصبحت وحدك جالسٍ في صميمه
فكّر بعقلك واترك القيل والقال
واحذر تطيع اهل العقول العقيمة
وارسل لي الحين خمسمية ريال
أشحن بها جوال أختي غنيمة
أو طقم غالي فيه خاتم وسلسال
أروح به في عرس ولاّ عزيمة
قلت الحقيقة ماني رجل أعمال
ولاني بتاجر والموارد عديمة
أنا الصراحة شبه عطّال بطّال
وعلاقتي بالفقر جداً حميمة
والراتب الله يرحم الحال مازال
محدود والمصروف ربي عليمه
والدين بـالآلاف والبنك شغّال
ياكل فلوسي بالربا والظليمة
والسوق طايح والغلا ضيّق البال
والموت والله صاير اكبر غنيمة
قالت تحمّل بس والحمل ينشال
خلك شديد الباس صلب العزيمة
ياخي تصرّف جعلك اتصير نشّال
أهم شي إن النوايا سليمة
لابد تفهمني على كل الأحوال
ما دمت من أهل العقـول الفهيمة
قلت إيه والله فاهم اللي على البال
لكن ترى هذي علينا قديمة
يابنت هذا صاير اليوم موال
للي تبي تلعب علي ابن اللئيمة
يابنت ما تدرين كم فيه محتال
يلعب على الحبلين وانتي غشيمة
يا بنت كم من جاهلة دمعها سال
من عقب ماجات العواقب وخيمة
والبنت لا اقتفى عرضها بيد الأنذال
والله ما يبقى لها أي قيمة
قالت تبي ولاّ فخلّك على جال
مهوب ناقصني نصايح حكيمة
عز الله إنك للأسف منت رجّال
وانك قليل الذوق مافيك شيمة
يا لعنبو اللي مايسطّرك بنعال
حتى يعلمك الغزل يابهيمة
قالت مالت عليك وصكّت الخط في الحال
مدري (مالت) هي مدح والا شتيمة
وسلامتكم
وانا اشرب كرك واكل بسكوت ديمة
الرقم بايخ لكن الصوت قتــــال
كنه مثل صوت المذيعـــــة حليمة
قالت صباح الخير ياطيّب الفــــال
قلت ارحبي ترحيبةٍ مستــــديمــة
بالعود والصفري ودلة وفنجــــال
واجبك يابنت الأصول الكـــــريمة
وردت بضحكة ثم قالت وش الحال؟
قلت اشهد إن الحال عقبك سقيمة
قالت وهي تضحك بعد مثل الأطفال
وانا بعد كني بدونك يتيمة
من يوم قالتها تزلزلت زلزال
من فجعتي كني مسوي جريمة
قلت ارفعي صوتك ترى مابه ارسال
كذاااب .. لكنّ المصيبة عظيمة
قالت أقول اسمع ترى كلامنا طال
ممكن تصاحبني تراني وسيمة
واسمي الحقيقي أول حروفه الدال
لكن يسمّوني البنات الزعيمة
صحيح أحب الفخفخة واعشق المال
لكن .... تراني طاهرة مستقيمة
ما عندي امغازل ولا لعب جهّال
ما عندي إلا في الشرف والحشيمة
بس الصراحة قلبي لشوفتـك مال
واصبحت وحدك جالسٍ في صميمه
فكّر بعقلك واترك القيل والقال
واحذر تطيع اهل العقول العقيمة
وارسل لي الحين خمسمية ريال
أشحن بها جوال أختي غنيمة
أو طقم غالي فيه خاتم وسلسال
أروح به في عرس ولاّ عزيمة
قلت الحقيقة ماني رجل أعمال
ولاني بتاجر والموارد عديمة
أنا الصراحة شبه عطّال بطّال
وعلاقتي بالفقر جداً حميمة
والراتب الله يرحم الحال مازال
محدود والمصروف ربي عليمه
والدين بـالآلاف والبنك شغّال
ياكل فلوسي بالربا والظليمة
والسوق طايح والغلا ضيّق البال
والموت والله صاير اكبر غنيمة
قالت تحمّل بس والحمل ينشال
خلك شديد الباس صلب العزيمة
ياخي تصرّف جعلك اتصير نشّال
أهم شي إن النوايا سليمة
لابد تفهمني على كل الأحوال
ما دمت من أهل العقـول الفهيمة
قلت إيه والله فاهم اللي على البال
لكن ترى هذي علينا قديمة
يابنت هذا صاير اليوم موال
للي تبي تلعب علي ابن اللئيمة
يابنت ما تدرين كم فيه محتال
يلعب على الحبلين وانتي غشيمة
يا بنت كم من جاهلة دمعها سال
من عقب ماجات العواقب وخيمة
والبنت لا اقتفى عرضها بيد الأنذال
والله ما يبقى لها أي قيمة
قالت تبي ولاّ فخلّك على جال
مهوب ناقصني نصايح حكيمة
عز الله إنك للأسف منت رجّال
وانك قليل الذوق مافيك شيمة
يا لعنبو اللي مايسطّرك بنعال
حتى يعلمك الغزل يابهيمة
قالت مالت عليك وصكّت الخط في الحال
مدري (مالت) هي مدح والا شتيمة
وسلامتكم