مستوى المستشفيات بدولتنا قطر

[حمد 2002]

مارأيكم بالمستشفيات بدولتنا قطر من جميع النواحي ؟ حيث لاحظنا في السنوات الماضيه كثرت الشكاوي على المستفيات الحكوميه والخااصه ، بالاضافه الى كثرت الاخطاء الطبيه المميته ؟ :anger1:

[نمر بن عدوان]

بالعكس المستوى ممتاز انضباط في المواعيد ونظافه واهتمام ممكن يكون في تأخير في بعض الاقسام لكن بشكل عام الخدمات في مستشفى حمد والطواري وبعض المستشفيات الخاصه غير متوفره على مستوى الكثير من الدول المجاوره وربما العالميه

[(رمز المحبه)]

من زمان والناس تشتكي وتتذمر من مستوى المستشفيات عندنا .. ولكن لا حياة لمن تنادي ؟؟

ليش الناس أحتدت تروح للعلاج فالخارج ؟؟ وكثير منهم على حسابهم الخاص ومتكلفين وعسى الله يكون في عونهم .. لانهم ما لقوو العلاج المناسب لهم في الدوحــه .. والمشكله لما يطلبون انه الحكومه تتكفل فالعلاج فالخارج يقولون لك لا علاجك عندنا .. ووووووين يا ناس .. وين علاجي ..؟ لقيته وقلت لا ؟؟ والا مجرد تطببون فيني وانواع الاختبارات على المريض ليما يشوفون تصيب ولا تخيب معاهم عاادي حقل تجارب

لا يا بووي والله اروح للدول المتطوره علميا وطبيا واتعالج عندهم صج بتكلف بس عسى الله يعين محتـد


اتمنى من الحكومه انه تركز على الصحــه والمستشفيات .. ويكون هناك فيه مستشفيات متخصصه

الحكومه ما تقصر يا ناس وكرماء مع الشعب ومع الغريب والقريب .. بلاكم من اللي تحت

[(رمز المحبه)]

بالعكس المستوى ممتاز انضباط في المواعيد ونظافه واهتمام ممكن يكون في تأخير في بعض الاقسام لكن بشكل عام الخدمات في مستشفى حمد والطواري وبعض المستشفيات الخاصه غير متوفره على مستوى الكثير من الدول المجاوره وربما العالميه

:eek5: عايش في قطر انت ؟؟

[Dawn]

الصحه ليست من اولوليات الدوله في هذه الفتره ..

وهذا ليس للاساءه ابدا بالعكس .. الدوله لها مطلق الحريه بالاهتمام بالرياضه والاغاني والطرب والمهرجانات .. وهو شيء جميل ومهم بالنسبه للبعض

لكن المرجو ان تأخذ الصحه في يوم من الايام حقها وتكون من اولويات خطط التطوير بالدوله .. اضافة الى التعليم .. والبيئه والاعلام وحرية الراي والثقافه الخ الخ الخ

[حمد 2002]

الصحه للأسف من اخر الاولويات

[قطرية ونص]

لا المستشفى الحكومي ولا الخاص ولدي نكسرت يده وجبروها شهر والحين يده ماقدر تحركها لها اكثر من ثلاث شهور خصوصا الكف ولا يعرفون ايش السبب ولدي يده مسوده صوب الكف ويسون له علاج يتعب يقعد يصرخ من الالم .. الحين بنسافر برع على حسابنا الخاص اعالج ولدي
حسبي الله ونعم الوكيل

[حمد 2002]

من المسؤؤل عن تواضع المستشفيات عندنا بالدوله !!! :nice:

[al3grab]

الدكتور يفحص المريظ شفهي ويعطيه مسكن عام وبس هذا الي خلانا نتوجه الا الصيدليات التجاريه مباشره

[CH Engineer]

لا المستشفى الحكومي ولا الخاص ولدي نكسرت يده وجبروها شهر والحين يده ماقدر تحركها لها اكثر من ثلاث شهور خصوصا الكف ولا يعرفون ايش السبب ولدي يده مسوده صوب الكف ويسون له علاج يتعب يقعد يصرخ من الالم .. الحين بنسافر برع على حسابنا الخاص اعالج ولدي
حسبي الله ونعم الوكيل


انا عندي شرخ برجلي صارله اكثر من سنه ونص واعتقد كسر بس الدكتور شكله مايعرف شي وللحين رجلي تعورني اذا حصلتوا علاج كلموني بروح اتعالج
لاني دخلت قوقل ودورت واكتبوا احتمال في نقص بالكالسيوم او فيتامين د
صارلي 3 اشهر كل يوم اشرب نص لتر او لتر حليب بس للاسف للحين اذا لعبت كوره احس بالالم على طول

[Abdulraman]

احنا عندنا احسن المستشفيات واحسن الاجهزة على مستوى العالم وهذا بشهادة دكتور في المانيا يوم رحت مرافق مع الوالده الله يعطيها طولة العمر ويخليها لي
بس ماعندنا دكاترة , كل الدكاتره اللي عندنا يبيلهم ترميم كامل
:rolleyes2:

[big boss]

اشرب حليب ابل مع مميانه لاي استفسار على الخاص

[النائب]

انا اشوف إن المستشفيات لدينا في دولة قطر مقارنه بدول الخليج خاصة والدول العربية عامة بأنها من افضل المستشفيات وذلك على مستوى المباني او النظافه او العدد .

اللهم ديمها نعمة على البلاد والعباد .

ولو رجعنا لكفائة الأطباء فانا اقول هناك شكاوي من البعض والبعض الآخر يمدح ويشكر واعتقد إنها حسب الحالات المرضيه .

[Dear All]

قال الحمدلله غيرك ماعنده مستشفى
سوى كان فيه اخطاء ولا غيرة هذي ماهي بمستشفى حمد فقط بل في العالم كله

[Me&OnLy]

والله يا اخوان جيت طواري حمد عشان الم في البطن عطاني حبوب حمى وعضلات والم شدخل مادري والاطباء هم عذروب المستشفيات والاستاف اللي يتواجد غي طواري حمد علي مدار الساعه ستاف تنقصه الخبره

[tager811]

لا والله مستشفياتنا لازم وزارة الصحة تلتفت لها انا من كم يوم رحت مستشفى حمد كنت تعبانه وماحصلت سرير نطروني لين الساعه ثلاث وكل ماقولهم متا انا تعبانة يقولون ماندري انتظري للين حد يطلع اوكي بتم انتظر وانا تعبانه وعندي داوم وعيالي فالبيت ماعندهم حد لي الساعه ست او اكثر ولما رحت اجوف فيه حد طلع اخذ مكانه حصلت اللي على الاسرة مصرية والثانية بتانية ومادري شنو انزين مافي اولوية حقنا احنا القطريين ومرة رحت مع امي نفس الحاله امي كانت تعبانه حدها ومرة كبيرة ماتقدر تنتظر عطونا رقم وانتظرنا عالكراسي وكل اللي دشو قبلنا مقيمين شنوو دشيت عالدكتور وقلتله امي تعبانه مب قادرين ننتظر اكثر من جذي وكانت داخل وحدة سودانية قلتله ترا احنا القطريين اولى اوكي مب ادخل مصري وسوري والقطريين في ينتظرون ساعتين وثلاثة بعدين انا تنرفزت لان امي تعبانه والسودانية اللي داخل تسولف وتضحك وعيالها معاها والله احتريت شنو هاي المفروض يعزلون المقيمين بروحهم والقطريين بروحهم لازم يكون لنا اولوية
وبخصوص مستشفى الولادة مافي نظافه كلش مافي اسلوب النيرسات مخيسين النفس ويهاوشون جدام عيني يهاوشون وحدة تصارخ من الالم في الولادة والنيرس تهاوشها تقولها شوي شوي بيبي انتي والله خاطري افلعها بانعال تصارخ عليها لانها تدري انها بحاجتها وفي نفس الوقت وحدة مع امها ادفها بالقاري وهي المسكينه خلاص على وشك ولاده ومنطرينها يقولون مافي اسرة اوكي ليمتا يعني بتربي عالكرسي !! والمقيمين داخل عالاسرة عصبت امها وقالت احنا نييب لكم سرير من البيت بس طلعت ومالحقت شصار عقب صراحة صادني رعب من هالمستشفى والاهلي دكتور اسمة عبدالعظيم ياته وحدة صغيرة سن عمرها في العسشرينات كان عندها الم باسنانها عطاها بنج وتمت بغيبوبة كم يوم بعدين ماتت وهي عندها ولدين


باختصاااااااااااااااااااااااااااااااااااار احنا القطريين مالنا اولوية باي شي والمستشفيات مستواها متدني ياليت حد يسمعنا

[موضي قطر]

الكادر الطبي " البعض منهم " يبي لهم اعادة نظر من الإستمرار في العمل في المستشفى من عدمة

أما الأجهزة الطبية فهي متطورة ويمكن من ضمن الأحدث في العالم بس المشكلة في القائمين عليها تحس انهم مايعرفون للأجهزة مرة صارت معاي المكلف بالعمل على بالجهاز ماعرف له وانحرج مني :shy:

وانا خذيت اوراق الفحوصات وطلعت :rolleyes2:

[الأصيلة]

لا المستشفى الحكومي ولا الخاص ولدي نكسرت يده وجبروها شهر والحين يده ماقدر تحركها لها اكثر من ثلاث شهور خصوصا الكف ولا يعرفون ايش السبب ولدي يده مسوده صوب الكف ويسون له علاج يتعب يقعد يصرخ من الالم .. الحين بنسافر برع على حسابنا الخاص اعالج ولدي
حسبي الله ونعم الوكيل

أي شيء في العظام عندنا سبيتار
ليش مستشفى حمد وعلاج في الخارج
صراحة عناية طبية فائقة...

[نورالهدى]

انا عندي شرخ برجلي صارله اكثر من سنه ونص واعتقد كسر بس الدكتور شكله مايعرف شي وللحين رجلي تعورني اذا حصلتوا علاج كلموني بروح اتعالج
لاني دخلت قوقل ودورت واكتبوا احتمال في نقص بالكالسيوم او فيتامين د
صارلي 3 اشهر كل يوم اشرب نص لتر او لتر حليب بس للاسف للحين اذا لعبت كوره احس بالالم على طول

تحتاج أشعة الشمس كل يوم الساعه 6 صباحا لمدة ساعه
وبالشفا:shy:

[ارين]

مارأيكم بالمستشفيات بدولتنا قطر من جميع النواحي ؟ حيث لاحظنا في السنوات الماضيه كثرت الشكاوي على المستفيات الحكوميه والخااصه ، بالاضافه الى كثرت الاخطاء الطبيه المميته ؟ :anger1:


كنت من يومين في طوارئ مستشفى حمد .. وكان هناك ثلاثة أو أربعة أطباء مشرفين في قسم الإقامة القصيرة للنساء ..
" على فكرة كنت مريضة فأهملوني هناك ساعة ونصف ولم يأتيني أي أحد من ألأطباء لمباشرة العلاج .. أعتقد إن حالتي هي أحسن حال من الباقيين "
فجلست على الكرسي أتأمل المشهد أمامي ..
ورأيت الاستهتار من أحدهم " طبيب أجنبي " واهمال للمرضى وعدم اسعافهم في الوقت المناسب .. لدرجة إن زوج أو أخ إحدى المريضات
عصب عليه لتأخره عليهم أو لعدم اهتمامه .. فاحتد معه بالكلام .. لم يعجبه الطبيب تصرف القطري وصياحه عليه
فطلب من زميله بإخراجه من المكان .. فأخرجوا القطري أو خرج من نفسه لا أدري
المهم جاءه أحد زملائه الأطباء ليواسيه من الذي جرى أمامه .. فرد عليه الطبيب المهمل بلغته الإنجليزية .. These animals .. animals
تخيلوا هالطبيب عايش في بلادنا ويأخذ راتبه من مستشفياتنا وفي الأخير يسب القطريين .. :(

للأمانة ..الطبيب الذي عالجني والممرضات كانوا على درجة عالية من الكفاءة والحرص على المرضى

[حمد 2002]

للأسف الي يدخل مستشفى حمد يطلع منه بأعجوبه

[وحيد-الشوق]

الصحه ليست من اولوليات الدوله في هذه الفتره ..

وهذا ليس للاساءه ابدا بالعكس .. الدوله لها مطلق الحريه بالاهتمام بالرياضه والاغاني والطرب والمهرجانات .. وهو شيء جميل ومهم بالنسبه للبعض

لكن المرجو ان تأخذ الصحه في يوم من الايام حقها وتكون من اولويات خطط التطوير بالدوله .. اضافة الى التعليم .. والبيئه والاعلام وحرية الراي والثقافه الخ الخ الخ

والله انك صادق :)

اقول لو يسكتون المطبلين يكون افضل ولحد يجي ويقولي اسبيتار امحق مستشفى اصلا مسوينه حق اللعيبه الفاشلين ولرياضة الكورة حسبي الله عليها من رياضه

للعلم اسبيتار لايعالج الا الاصابات الرياضية الخفيفة وبعض مشاكل الركبة الزبدة الظهر والورك والرقبة مايقربون صوبهم

[حمد 2002]

لماذا الدوله لاتبني مستشفى متطور غير مستشفى حمد به طاقم يتم جلبه من الدول الأوربيه ويكون للمواطنين فقط وبالمجاان

[£عبدالعزيز£]

صحيح ان الشكاوي كثيرة .. لكن لما اشوف الاوضاع برع قطر

اقول الحمدلله رب العالمين على النعمة اللي احنا فيها

وللاسف في ناس عبالهم ان العلاج مقتصر على القطريين فقط

عبالهم ان العلاج وظيفة او منحة دراسية

العلاج مافيه شي اسمه مواطن ولا مقيم

..


لا والله مستشفياتنا لازم وزارة الصحة تلتفت لها انا من كم يوم رحت مستشفى حمد كنت تعبانه وماحصلت سرير نطروني لين الساعه ثلاث وكل ماقولهم متا انا تعبانة يقولون ماندري انتظري للين حد يطلع اوكي بتم انتظر وانا تعبانه وعندي داوم وعيالي فالبيت ماعندهم حد لي الساعه ست او اكثر ولما رحت اجوف فيه حد طلع اخذ مكانه حصلت اللي على الاسرة مصرية والثانية بتانية ومادري شنو انزين مافي اولوية حقنا احنا القطريين


اختي انتي في مستشفى .. اوكي من حقج تشتكين من الانتظار

بس المصرية والبتانية على قولتج يمكن حالتهم اصعب من حالتج

ويحتاجون العلاج اكثر منج وجاييبن قبلج

ترى هاي مستشفى مب بنك ولا شركة اتصالات






ومرة رحت مع امي نفس الحاله امي كانت تعبانه حدها ومرة كبيرة ماتقدر تنتظر عطونا رقم وانتظرنا عالكراسي وكل اللي دشو قبلنا مقيمين شنوو دشيت عالدكتور وقلتله امي تعبانه مب قادرين ننتظر اكثر من جذي وكانت داخل وحدة سودانية قلتله ترا احنا القطريين اولى اوكي مب ادخل مصري وسوري والقطريين في ينتظرون ساعتين وثلاثة بعدين انا تنرفزت لان امي تعبانه والسودانية اللي داخل تسولف وتضحك وعيالها معاها والله احتريت شنو هاي المفروض يعزلون المقيمين بروحهم والقطريين بروحهم لازم يكون لنا اولوية


ما تشوف شر .. بس بعد مب من حقج انج تقولين حق الدكتور ليش تدخل مقيمين

واحنا ننطر برع .. ترى نفس ما قلت لج هاي مستشفى مب محل ذهب





وبخصوص مستشفى الولادة مافي نظافه كلش مافي اسلوب النيرسات مخيسين النفس ويهاوشون جدام عيني يهاوشون وحدة تصارخ من الالم في الولادة والنيرس تهاوشها تقولها شوي شوي بيبي انتي والله خاطري افلعها بانعال تصارخ عليها لانها تدري انها بحاجتها وفي نفس الوقت وحدة مع امها ادفها بالقاري وهي المسكينه خلاص على وشك ولاده ومنطرينها يقولون مافي اسرة اوكي ليمتا يعني بتربي عالكرسي !! والمقيمين داخل عالاسرة عصبت امها وقالت احنا نييب لكم سرير من البيت بس طلعت ومالحقت شصار عقب صراحة صادني رعب


من حقج تشتكين لو الممرضات عاملوج بطريقة سيئة

بس مرة ثانية دخلتي المقيمين في السالفة

ترى هاي مستشفى .. مب محل عبايات !!



من هالمستشفى والاهلي دكتور اسمة عبدالعظيم ياته وحدة صغيرة سن عمرها في العسشرينات كان عندها الم باسنانها عطاها بنج وتمت بغيبوبة كم يوم بعدين ماتت وهي عندها ولدين

الدكتور عبدالعظيم ماله اي علاقه بطب الاسنان على حسب معلوماتي المتواضعة

الا لو كان دكتور ثاني اسمه عبدالعظيم

والله يرحمها لو السالفة صج



باختصاااااااااااااااااااااااااااااااااااار احنا القطريين مالنا اولوية باي شي والمستشفيات مستواها متدني ياليت حد يسمعنا

هاي مستشفى والكل من حقه يتعالج فيه سواءا كان مواطن ولا مقيم

فاذا حصل تطوير يكون تطوير للمستشفى بحيث يخدم المواطن وغير المواطن

ترى فالنهاية هاي مستشفى مب مطعم !!

..

واسمحيلي اختي على ردي

[Rider]

مستوى دون الصفر والي يمدح اكيد يتعالج على حساب الدولة في الخارج

[الموضوعي]

اطالب بأشراف وزارة الداخلية على وزارة الصحة ومؤسسة حمد الطبية لإدارتها بشكل فعال

[شويهينــه]

لماذا الدوله لاتبني مستشفى متطور غير مستشفى حمد به طاقم يتم جلبه من الدول الأوربيه ويكون للمواطنين فقط وبالمجاان

وشفيهم الدكاتره عيال البلاد ؟؟

ترى محد ملعوز مستشفى حمد والاداره الا هالاجانب اللي تبي تجيبهم من برع

[غايه الطواش]

انا صار لي شهر اعاني من شغله معينه وكل ماروح مستشفيات الحكومه يعطوني دوا بناء على فحص شفهي
رحت مستشفى خاص وفي اسبوع خف الوجع وسويت العمليه اول امس والحمدالله الحين مرتاحه صحيح اني بتم طول هالاسبوع تحت تاثير المخدر بس الحمدالله ولا العذاب الي كنت عايشته
يعني دشيت على ثلاث دكاتره كلهم ماعرفوا يشخصون او بالاحرى ماكلفوا عمرهم يشوفون مكان الوجع ماعدا وحده ولا شخصتني غلط

الصراحه القطاع الخاص قام يتفوق على القطاع الحكومي وخاصه مع انتقال الاطباء الكفؤ من مستشفى حمد لمستشفيات اخرى

[العقل المدمر]

لا والله مستشفياتنا لازم وزارة الصحة تلتفت لها انا من كم يوم رحت مستشفى حمد كنت تعبانه وماحصلت سرير نطروني لين الساعه ثلاث وكل ماقولهم متا انا تعبانة يقولون ماندري انتظري للين حد يطلع اوكي بتم انتظر وانا تعبانه وعندي داوم وعيالي فالبيت ماعندهم حد لي الساعه ست او اكثر ولما رحت اجوف فيه حد طلع اخذ مكانه حصلت اللي على الاسرة مصرية والثانية بتانية ومادري شنو انزين مافي اولوية حقنا احنا القطريين ومرة رحت مع امي نفس الحاله امي كانت تعبانه حدها ومرة كبيرة ماتقدر تنتظر عطونا رقم وانتظرنا عالكراسي وكل اللي دشو قبلنا مقيمين شنوو دشيت عالدكتور وقلتله امي تعبانه مب قادرين ننتظر اكثر من جذي وكانت داخل وحدة سودانية قلتله ترا احنا القطريين اولى اوكي مب ادخل مصري وسوري والقطريين في ينتظرون ساعتين وثلاثة بعدين انا تنرفزت لان امي تعبانه والسودانية اللي داخل تسولف وتضحك وعيالها معاها والله احتريت شنو هاي المفروض يعزلون المقيمين بروحهم والقطريين بروحهم لازم يكون لنا اولوية
وبخصوص مستشفى الولادة مافي نظافه كلش مافي اسلوب النيرسات مخيسين النفس ويهاوشون جدام عيني يهاوشون وحدة تصارخ من الالم في الولادة والنيرس تهاوشها تقولها شوي شوي بيبي انتي والله خاطري افلعها بانعال تصارخ عليها لانها تدري انها بحاجتها وفي نفس الوقت وحدة مع امها ادفها بالقاري وهي المسكينه خلاص على وشك ولاده ومنطرينها يقولون مافي اسرة اوكي ليمتا يعني بتربي عالكرسي !! والمقيمين داخل عالاسرة عصبت امها وقالت احنا نييب لكم سرير من البيت بس طلعت ومالحقت شصار عقب صراحة صادني رعب من هالمستشفى والاهلي دكتور اسمة عبدالعظيم ياته وحدة صغيرة سن عمرها في العسشرينات كان عندها الم باسنانها عطاها بنج وتمت بغيبوبة كم يوم بعدين ماتت وهي عندها ولدين


باختصاااااااااااااااااااااااااااااااااااار احنا القطريين مالنا اولوية باي شي والمستشفيات مستواها متدني ياليت حد يسمعنا


حرااااااام عليج
والمقيمين يعني مب اوادم ويحتاجون علاج مثل المواطنين ؟؟
مافكرتي يمكن هم بعد ظروفهم اصعب والا انطروا يمكن اكثر منج ؟؟
ترى كلهم فالنهايه بشر لهم روح ويحسون ومن حقهم يتعالجون دام العلاج متوفر
معاج حق انج تطالبين بسرعه علاجج وعلاج الوالده
بس الحل يكون في توسعه المستشفيات وزياده عدد الاطباء مب في تاخير المقيمين عشان المواطنين