بكل صراحة وامانة : ليش متسلف/ة؟(للصريحين والصريحات فقط)

[حبر سري]

السلام عليكم ومساكم الله بالخير

الموضوع هو عنوان السؤال

واتمنى اللي بيجاوب او اللي بتجاوب ان الجواب يكون بصراحة

وعسى الله يفك ديون جميع المسلمين ويفرج عنهم

اخوكم
حبر سري

[بلوتنيوم]

علشان اشتري سيارة
والف حول العالم في 80 يوم :)

[بلوتنيوم]

^^^
ماعليه اعتذر على ردي الظريف اعلاه
بس سؤال
وش الهدف من هذا السؤال
محاكمة المتسلفين
والا علشان تثبت وجهه نظر من
المؤيدين والا المعارضين :)

[بو خليفه 123]

بتقدم في وجه المدفع و بكون أول المشاركين .


الحمدالله رب العالمين ماتسلفت لاجل اقتناء سياره معيّنه او لاجل السفر الى بلد معيّن او لحب المظاهر لأجل التجمل للغير ..

اضطريت اخذ القرض الشخصي لتشطيبات بيت العمر والتي تقريباً راح تكلفني مليون و 900 ألف غير قرض كبار الموظفين و ذلك لعدم تغطية مبلغ قرض الدوله بالكامل .

مبلغ قرض الدوله انفقته كاملاً على بناء العظم واعمال البلاستر والبعض من الكهرباء والتمديدات و غير ذلك راح استكمله من قرضي الشخصي .


لمدة 7 سنوات ادفع شهرياً 12 ألف


و لله الحمد موفر وسائل الراحه لأسرتي بقدر المستطاع رغم ذلك ..



تقبل تحياتي

[موضي قطر]

بصراحة انا ماعلي دين بس قلبي مع المديونين اللي خذوها للضرورة الملحة ومايمنع انه تسدد حتى للي خذوها للفشخره لأنهم في الغالب خذوها وهم صغار في السن اشتغلوا وسنهم صغير بس تحسفوا قد شعر روسهم والحين عندهم عوايل " مب لازم عايلة كاملة تتعاقب " ويكون فيه شروط بعدم العودة للإستدانة مرة اخرى والدولة تقدر تلزمهم " كدولة بقوة قانون تشرعه بهالخصوص " .

حبيت اقولك وبكل صراحة الله يعينك على " الموضوع " :(

[موضي قطر]

^^^
ماعليه اعتذر على ردي الظريف اعلاه
بس سؤال
وش الهدف من هذا السؤال
محاكمة المتسلفين
والا علشان تثبت وجهه نظر من
المؤيدين والا المعارضين :)


:eek5:
محاكمة :(

[mnaf]

600,000 للبيت طبعا غير القرض بس المشكله على 28 سنه والدفع اقساط 7000 ريال من 5 سنوات
والقرض كل ماله يزيد حسبى الله ونعم الوكيل على البنوك الربويه

[gulfnet]

30% من الديون لناس فعلا محتاجه

70% من الناس زبو ، وتقليد الغير ، وليش هذا عنده وانا ما عندي ،

وللأسف حتى لو تسلف من بنك لأي غرض سواء ضروريات او كماليات

كثير من الناس لا يحسنون التصرف بالمال الذي لديهم

[المرسى الأخير]

اخذت قرض اول مرة لتمويل البيت

وبعد فتره توفر لي مبلغ لسداد القرض والحمدلله :nice:

ومن فترة قريبة اخذت قرض لشراء ارض

وهدفي الان توفير المبلغ لسداد الدين الي علي :victory:


بس حبيت اطرح نقطه للنقاش

شرايكم بالناس الي يتسلفون من بنوك اسلاميه كل فتره ومايهمهم ان دينهم قاعد يكبر والحجه ان في اسوأ الظروف في حالة وفاة المتدين التأمين الاسلامي راح يسدد عن الورثه الدين الي عليه !!

[بو الجوري]

:(

حالياً :.. غير الـ مليون ونص اللي لـ بنك التنميه :..:(

عليّ 340 ألف قرض شخصي من البنك :..:(
عشان أكمل البنيان والتشطيب :..:(
و متسلف من الوالده 250 ألف :shy::.. عشان البيت بعد :..:(

يعني أنا مديون بـ 2.100.000 ( مليونين و100 ألف ) عشان بيت العمر :..:secret:

و الله يصبرنا ويفرجها علينا :.. ويزيد راتبنا :..:(

للعلم ماعندي دخل ثاني غير الراتب اللي تحت الـ 20 ألف :..:(





:telephone:
المهم متى بتسدد لي ديوني :.. بعد سؤالك هذا :..:)

[Only Me]

علي مليون وشوي
المشكله لعبت فيهم حق السفر وعشان اشرتي سياره بس اكثر سلفياتي للسفر ونسيت ابني بيت العمر

[qatari911]

انا ماخذ 300000 ريال تمويل من البنك
واقساطي 5000
وسبب الدين لتسديد دين اخوي لان فيها حكم بالسجن وقيمة الدين 200000
و100000 للأمي فيديت التراب الي تمشي عليه
وهذا انا اسدد ادين
وكاااااف خيري وشري
واتمنى من كل قلبي تتسدد ديونكم كلكم
ان شاء الله
في حفظ الرحمن

[مرتبش]

ماعليه مابي اغضب اي حد
بس
مثلا السلفة لبناء بيت ماتعتبر مثل شراء سيارة ؟
اشوفها نفس الشي
الناس تبالغ في السيارات وايضا تبالغ في البيوت
اللي ميزانيته 100 ويشتري سيارة ب 200 نفس اللي يبني بيت ب 3 ملايين وميزانيته مليون ومئتين

السلف في النهاية سلف.وتلف .للاسف

[البرونزي]

علي مليون تقريبا
وماخذها حق الوالد كانت عليه ديون وسددتها عنه
الديانه مايصبرون لكن البنك يصبر
الله يفرجها ولنا الجنه ان شاء الله

[بو خليفه 123]

اخوي مرتبش انت شكلك ماخضت تجربة بناء بيت العمر

هل دخلت سوق الاثاث والتشطيبات ؟

هل قارنت اسعار السوق مع الدول الاخرى ؟ مثل الجبس و الابواب والاثاث و الخ الخ ؟


أنا عارف جوابك قبل لا تكتبه .. بتقول لي روح الصين ارخص لك ..


طيب ..


المواد الصينيه كم شهر بتعيش معاي مقابل المنتجات الاصليه؟ اضافةً الى تكاليف التذاكر والاقامه و الكونتينر والمترجم الخ الخ .

[بو الجوري]

ماعليه مابي اغضب اي حد
بس
مثلا السلفة لبناء بيت ماتعتبر مثل شراء سيارة ؟
اشوفها نفس الشي
الناس تبالغ في السيارات وايضا تبالغ في البيوت
اللي ميزانيته 100 ويشتري سيارة ب 200 نفس اللي يبني بيت ب 3 ملايين وميزانيته مليون ومئتين

السلف في النهاية سلف.وتلف .للاسف


أختلف معاك أخوي :..:)

بيت العمر مايكفيه مليون و ميتين :..
لأني ما راح أقدر أبني بيت ثاني وأنا عارف ضروفي :..
وبكره عيالي بيكبرون وبيحتاجون بيت كبير :..
لين ما يشتغلون ذيك الحزه كيفهم :..

لكن السياره غير :.. مدام ماقدر على اللكزس باخذ جي إكس و الإثنين نفس الحجم :..

بيت العمر أتسلف عشان ما راح أقدر على غيره ويكون لعيالي :..

لكن السياره على قولتك هذي كماليات :..

فمافي وجه مقارنه بين الإثنين :.. إلا إذا اللي يتسلف عشان يبني فيلا عوده أكبر من إحتياجه :..

[مريومة]

يمكن العبرة من الموضوع

توضيح ان ظروف الناس مب كلها مثل بعض

ومب شرط ان يكون الشخص من اسرة نموذجية

يعني الاب والام موجودين وهم قايمين بشؤوون العيال

شكلي بكتب قصة حياتي :secret:

تسلفت اول مرة لسيارة

وثاني مرة لعلاج

وثالث مرة لتأثيث بيت


بس الحمدالله ماعلي دين حاليا .. لاني كنت احيانا اربط الحزام :omen2:

والله يفرج على الجميع :)

[مونديال]

للبيت ... والسياره

[الأصيلة]

فعلا لاحظت إن بعض البيوت يبنيها أصحابها
فوق طاقتهم المادية
لأنها كبيرة جدا وأكبر من عدد أفراد الأسرة
ما أدري عن البعض ...
لكن اللي حولي أشوفهم على هذا الحال
دورين وبيسمنت وغرف من غير عدد
طوب أردني فخم ..مصعد...
ملاحق وحديقة ...
وقرض بنك التنمية فقط للعظم...
والباقي ديون تقص الظهر
وعدد أفراد الأسرة 6 فقط
أعتقد السبب تقليد وتفاخر ومايصير غيري أحسن مني

[الغلا كله لك]

مهما دفع الواحد في بيت العمر مب خسارنه بالأخير هو بيتي محد بيسكن فيه مهما خسرت فيه


علي سلفيتي سياره هانت باقي 60 الف

[خليفـة]

1.200.000 ريال سلفة بنك التنمية
ويشهد الله اني ما بغيت اخذها .. بس لما شفت العالم من حولي الكل يتكلم عنها ومنتظرها .. قلت يالله .. بدخل عليهم بيت جاهز وباخذها كاش .

ولولا اني اسمع اشاعات كل فترة ان من الممكن ان تسقط الدولة سلفيات المواطنين .. كان سددتها من زمان وريحت بالي .

الحمدلله على كل حال .. والله يفك كربة كل مديون ومهموم .

[الدمعه]

انا الحمدلله ماعلي دين لاني مااشتغل ..

بس على زوجي وامي واختي واخوي ديون ..

ولاواحد فيهم ماثر فيه قصد السياره اللي ماثر اكبر من جيه ..

اللي زواج واللي ترميم بيت واللي علاج ..

اعتبر قصدالسياره ولاشي جنب الاقصاد الثانيه ..

وبس هذا اللي عندنا ..

ولو يخيروني دين من ابيه يندفع باختار دين امي الله يطول بعمرها ..

[الحالمه بالجنان]

علي مليون تقريبا
وماخذها حق الوالد كانت عليه ديون وسددتها عنه
الديانه مايصبرون لكن البنك يصبر
الله يفرجها ولنا الجنه ان شاء الله



لك الجنه من اوسع ابوابها باذن الله



معليش الرد استوقفني حبر سري ........ لاتعصب


بالنسبه لي ماعندي ديون <<<<< عيل ليش داخله ! :)

[khaldoon]

اخوي حبر سري قلنا انت الاول و بعدين انا بقول بعدك

[ام السعف]

معقولة؟

نوصل ان كل واحد يكتب قصته وليش تسلف ؟
:((
طبعا الكلام مب موجه للأخ حبر سري ،،
بس احس بألم في هاللحظة من هالسؤال :(

المديون يقولون له ليش استدنت ،، المدحوب فلوس ما يسئلونه
من وين لك كل هالفلوس :((

[بو الجوري]

معقولة؟

نوصل ان كل واحد يكتب قصته وليش تسلف ؟
:((
طبعا الكلام مب موجه للأخ حبر سري ،،
بس احس بألم في هاللحظة من هالسؤال :(

المديون يقولون له ليش استدنت ،، المدحوب فلوس ما يسئلونه
من وين لك كل هالفلوس :((

:( :.. :(

[qqaattaarr]

الحمدلله لين الحين ماتسلفت وانشاء الله ماراح اتسلف

[لاجل QT]

محكمة:court:
فتحت الجلسة:)

لان كنت محتاجة القرض الشخصي لمواجهة اعباء الحياة:weeping:

ولان اضطريت اشتري سيارة عن طريق البنك بعد لاجل المواصلات :weeping:

يعنى كلهم كان مفروضين علي فرض:eek5::weeping:

محكمة:court:

سكرت الجلسة:)

[Max Speed]

انا اشوف السلفية عشان خاطر بيت العمر مو خسارة لان البيت بيطول طول عمرك وبعده لاهلك وعيالك بس الواحد برده ما يظلم نفسه وما يبني شي لن يستفيد منه مثل بعض الناس اللي تبني قصور وهما لا يتجاوزون سته افراد اذا كان مقتدر ما عليه ان شاء الله يبني جزيرة المهم ما يتسلف

اما السيارة فيكون القرض الخاص بها مما يسمح لك ان تسدده باقل فترة ممكنة
ولو مستطيع تشتري من دخلك الكاش بيكون احسن مو شرط تركب بورش او لكزس
تكفي كامري او جي اكس

نجي لحالتي قعد احكي واتفسلف عن الديون وانا مديون ههههههههه من الناحيتين
بس الحمد الله قربت اخلصهم ان شاء الله
قرض من اختي وامي فديتهم من اجل شراء ارض لبناء بيت العمر في بلدي مصر
سيارة بالاقساط وباقي 6 اشهر وخلصها ان شاء الله

وان شاء الله هيكون اخر قرض في حياتي لاني وعيت الدرس من القروض

اللهم سدد ديون المسلمين والمسلمات وفرج همهم امين يارب العالمين

[فراغ]

الحمد لله ما علي ديون كبيرة بس علي مئتين ألف (200000) لكني قطري وساكن في بيت أجار وسيارتي بكم عراوي وعمري خمس وأربعين سنه
أعتقد أنني لن أملك بيت في بلدي
البيت في الجنه أن شاء الله

[ام السعف]

الحمد لله ما علي ديون كبيرة بس علي مئتين ألف (200000) لكني قطري وساكن في بيت أجار وسيارتي بكم عراوي وعمري خمس وأربعين سنه
أعتقد أنني لن أملك بيت في بلدي
البيت في الجنه أن شاء الله

الله يبارك لك في اللي عندك ويفكك دينك ،، جميعا اللهم امين

[الصريحه]

ماعلي دين والحمد لله
لكن زوجي نعم
قرض لبيت العمر وتو الناس ماخلصنا
واقساط سيارتين
بس الهدف من السؤال؟؟؟؟؟؟؟؟؟؟؟؟؟؟؟؟؟؟؟

[لافوشيا]

:(

حالياً :.. غير الـ مليون ونص اللي لـ بنك التنميه :..:(

عليّ 340 ألف قرض شخصي من البنك :..:(
عشان أكمل البنيان والتشطيب :..:(
و متسلف من الوالده 250 ألف :shy::.. عشان البيت بعد :..:(

يعني أنا مديون بـ 2.100.000 ( مليونين و100 ألف ) عشان بيت العمر :..:secret:

و الله يصبرنا ويفرجها علينا :.. ويزيد راتبنا :..:(

للعلم ماعندي دخل ثاني غير الراتب اللي تحت الـ 20 ألف :..:(





:telephone:
المهم متى بتسدد لي ديوني :.. بعد سؤالك هذا :..:)

أنا لو علي 2 مليون و 100 الف كان انتحرت من زماااااااان
الله يعينك انت يجيك نوم؟؟؟

[سواعد111]

أخذت القرض أول مرة لشراء الأرض وبعد ما قرب القرض على الانتهاء أضطررت للاقتراض مرة أخرى من أجل إكمال بناء بيت العمر والحين أضغط على نفسي لما تمر الفترة والحمدلله باخلص إن كنا من الأحياء عام 2015 يعني قبل كأس العالم بـ 7 سنوات يا من سيعيش لذلك الوقت العلم عند الله سبحانه وهو العالم بالحال..... المشكلة اضطراري لاستخدام الفيزا أحيانا لظروف اضطرارية....

[موضي قطر]

الحمد لله ما علي ديون كبيرة بس علي مئتين ألف (200000) لكني قطري وساكن في بيت أجار وسيارتي بكم عراوي وعمري خمس وأربعين سنه
أعتقد أنني لن أملك بيت في بلديالبيت في الجنه أن شاء الله



ردك ذو شجون :(


الله يفتح عليك ويسر أمورك إن شاء الله بقدرته

[khaldoon]

أنا لو علي 2 مليون و 100 الف كان انتحرت من زماااااااان
الله يعينك انت يجيك نوم؟؟؟


لا حول ولا قوة الا بالله


هالكلام هذا بيفيد اخونا بو جوري...الله يكون في عونه و حرام تخليه ييأس هالشكل ...الله يسد عنه ان شاء الله

[فيزيائية]

اللهم اكفنا بحلالك عن حرامك
واغننا بفضلك عمن سواك

الله يقضي دينكم

[بوحارب]

علي نص مليون تقريبا :)

والحمدلله راحت على بيت العمر

والحين بسحب ربع مليون عشان اشتري موتر العمر

مطلوووووب لكزس 2008 :nice:


1.200.000 ريال سلفة بنك التنمية
ويشهد الله اني ما بغيت اخذها .. بس لما شفت العالم من حولي الكل يتكلم عنها ومنتظرها .. قلت يالله .. بدخل عليهم بيت جاهز وباخذها كاش .

ولولا اني اسمع اشاعات كل فترة ان من الممكن ان تسقط الدولة سلفيات المواطنين .. كان سددتها من زمان وريحت بالي .

الحمدلله على كل حال .. والله يفك كربة كل مديون ومهموم .

اذا بتسدد اللي عليك ولا عليك سدد اللي علي انت تعرف رقم حسابي وهو في نفس الفرع مالك :(

وانت كريم وانه استاهل :shy:

وتسلم على العشا امس ماقصرت

الله يعطيك العافية حبر سري على الطرح:)

[a7med0_0]

قبل البنيان ولا شي علي
الحين قاعد ابني وراح وراح يتشطب تشطيب حلو وراح احتاج فوق قرض بنك التنميه
مبلغ 250 الف بالكثير
والامور طيبه والحمد لله بس ماتمنى الاسعار ترتفع بشكل غير معقول

[ملاك]

انا حاليا علي ما يقارب 320000 الف
واقترضت 3 مرات
اول مره الوالد احتاج مبلغ وخذيت له
وثاني مره عشان الاسهم وخسرت فيها ههههههههههههه
واخر مره من شهر عشان اخذ لي سياره لأول مره وهي كامري يعني مب مرسدس ولا بي ام على قدي

[تحداني]

شباب اليوم الله يحفظهم قليل من يستطيع ان يكون مستقبله بدون سلفيات وإديون
ومعظمها اما للزواج .. او لبيت العمر .. وهم مضطرين
وما أعتقد في إنسان عاقل ومو مضطر يروح يتسلف عشان لحظه وناسه وتنتهي


الحياه صارت متعبه
والإلتزامات الضروريه مو قادرين الناس يلحقون عليها
ومو كل واحد عايش بالدنيا وورث ملايين من أهله .. أو أبوه إمعيشه إبعز
في شباب قاعدين يتحملون مسؤوليه خواتهم وابهاتهم واعمامهم بعد


الله يكون في العون


جملك الله برضى الرحمن

[الخط الساخن]

علي 330 الف
زواج وسيارة

[سما الوطن]

تقريبا 700 الف لبيت العمر
من الاهل ..من اكثر من شخص... هناك خطه للسداد عبر السنوات القادمه باذن الله
الله يقدرني عليها

[الأصيلة]

ياليت القادرين من كل عائلة
يضعون مبلغ من المال للتيسير على المعسرين من الأهل والأقارب
ممن يثق فيهم...
بقرضهم المبلغ ثم إرجاعه وهكذا
كم سينال من الأجر العظيم بهذا القرض...
بدل القروض الربوية
أنا أعرف ناس مسيونها والله...

[غير البشر]

الموضوع عن سبب تسديد الديون
والحساد يفتحون موضوع ثاني عشان مانخربط :rolleyes2:

[سما الوطن]

الموضوع عن سبب تسديد الديون
والحساد يفتحون موضوع ثاني عشان مانخربط :rolleyes2:

ياليت نرتقي بالنقاش والحوار والاختلاف

تقديري لك

[غير البشر]

ياليت نرتقي بالنقاش والحوار والاختلاف

تقديري لك

اختي اي حوار تتكلمين عنه
الموضوع عن سبب الديون
وبعض الردود في هالموضوع ومواضيع ثانيه تشمت في الاعضاء
تدرين ان في كذا عائله مهدده للهدم بسبب الديون يعني مايفكرون فيها
وكم رب عائله مسجون واعياله يحنون عليه
وكم من دائن ضايق من الدين وبعض الاعضاء يزيده هم وغم

احترامي وتقديري لج اختي

[ام السعف]

اختي اي حوار تتكلمين عنه
الموضوع عن سبب الديون
وبعض الردود في هالموضوع ومواضيع ثانيه تشمت في الاعضاء
تدرين ان في كذا عائله مهدده للهدم بسبب الديون يعني مايفكرون فيها
وكم رب عائله مسجون واعياله يحنون عليه
وكم من دائن ضايق من الدين وبعض الاعضاء يزيده هم وغم

احترامي وتقديري لج اختي

اشعاد خلهم يتهددون بالهدم ,, وخل اطفالهم يعيشون حياة صعبة لأن اباؤهم
ما كانوا مقدرين مصيبة الديون ،، خل الانسان يتأمل خيرا في اسقاط ديونه
وهناك اخرين يقولون لا،، لا تسقط ديونه لأن في اسقاط ديونه ظلم للي ما تدين
وصك على عمره ،، خل عياله يضيعون وحياته نهايتها تكون مشاكل ومصاعب
و متاهات لأن اخوه الإنسان يحاسبه على اخطاءه بدل ما ياخذ بيده :(

خلهم ،، خلهم،، خلهم ،، في الأخير مثل هذه المحن درس للكل ،، مب للمديون بس،،
للمديون وللميسور ماديا ،، للعصامي وللمببر ،، ولا عزاء للي يتخلى عن اخوه
المسلم ولو بطلب ازالة الهم والغم عن قلبه :(

[toomi9]

علي ٣٧ ريال
متسلفتهم من اخوي عشان اعبي رصيد
كانوا ٥٠ وكل يوم اسدد ريال لاني ماشتغل
والحمدالله اموري مستتبه وثابته
مع انه كل يوم يعايرني ويهددني بيشتكي علي عند امي بس اكسر خاطره ويصبر علي
واذا ميزانيتي اسمحت اعطيه ريالين فاليوم
االله يفرجها علي وعلى جميع المتدينين يااررب
ويصير دينهم 0 ريال
قولوا آمين

[حبر سري]

اشكر كل من شارك ، والله يعين كل من كان مديون ويفك ضيقته

[حبر سري]

علي ٣٧ ريال
متسلفتهم من اخوي عشان اعبي رصيد
كانوا ٥٠ وكل يوم اسدد ريال لاني ماشتغل
والحمدالله اموري مستتبه وثابته
مع انه كل يوم يعايرني ويهددني بيشتكي علي عند امي بس اكسر خاطره ويصبر علي
واذا ميزانيتي اسمحت اعطيه ريالين فاليوم
االله يفرجها علي وعلى جميع المتدينين يااررب
ويصير دينهم 0 ريال
قولوا آمين

اذا شفتي نفسج استضقتي قولي له يسوي لج اعادة جدولة:nice:

تدفعين نص مثلا كل يوم :)

[الانامل]

من اجل شراء ارض لبناء بيت العمر
الله يفك ضيقة كل مديون

[لابس بشت]

لسببين
اول شي لمشروع ايام الطفره لكنه فشل
وثاني شي للزواج
و الله كريم

[هارودز]

البيت يكلف ياجماعة والله يكلف اللي يفكر يبني يفكر للمستقبل
والله هم البناء و هم المقاول

[ام السعف]

علي ٣٧ ريال
متسلفتهم من اخوي عشان اعبي رصيد
كانوا ٥٠ وكل يوم اسدد ريال لاني ماشتغل
والحمدالله اموري مستتبه وثابته
مع انه كل يوم يعايرني ويهددني بيشتكي علي عند امي بس اكسر خاطره ويصبر علي
واذا ميزانيتي اسمحت اعطيه ريالين فاليوم
االله يفرجها علي وعلى جميع المتدينين يااررب
ويصير دينهم 0 ريال
قولوا آمين

:secret::secret::secret:

[الجوكر90]

السلام عليكم
ماعلي ديون بس وم كنت صغير خذت
بس كل الي يشتغلون فبيتنا عليهم ديون
في ديون مواتر وفي ديون عشان تجاره

ابوي ماعليه غير المواتر
بيتنا اليديد بناه من تجارته
اخوي دين موتر
هلي سلفيه تجاره ومواتر

والله يعينكم ياهل قطر
وبالتوفيق ان شاء الله

[toomi9]

اذا شفتي نفسج استضقتي قولي له يسوي لج اعادة جدولة:nice:

تدفعين نص مثلا كل يوم :)

ان شاء الله
ومشكور عالموضوع :nice:
خليتوني افض فض لكم واطلع الي فقلبي :shy:
والله يفرجها عـ الجميع

[بن غنيّم]

الحمدلله رب العالمين مافي اي دين تعلمت ما ادفع الا كاش كان علي دين 900 الف والله قدرني وسديته واذا بغيت قرض ادخل جمعيه مع الربع واالاهل

[قطر دزاين]

انا اخذت 80 الف ريال فقط
بقدره قادر طلع 290 سالت ليش قالو مجدول مره واحده علما اني ما خذيت شي من الجدوله نزلت القصد فقط

هذي البنوك الربويه حسبي الله عليهم

[ahad]

عادي خردة اتسلف مرات عشان المطعم من خواتي ههههههههههههههه

[مـراحـب]

اللهم اكفنا بحلالك عن حرامك
واغننا بفضلك عمن سواك

[غابت الشمس~]

بصراحه موضوعك حلو

وعبره لمن لايعتبر




بالنسبه لي للحين ماتسلفت أخااااااااااااف من القروض مع انه عندي احتياجات مو لي .. لأمي وأهلي
واتمنى انه يكون عندي دخل ثاني غير راتبي المتدني - الحمد الله - واشتري فيه اللي ابيه بدون قروووووض
اللي عنده مشروع راس ماله بسيط يقولي ):