لو رجع الزمن فيك.....؟؟ [الأرشيف] - منتديات شبكة الأسهم القطرية

مشاهدة النسخة كاملة : لو رجع الزمن فيك.....؟؟

لافوشيا

11-02-2011, 09:29 PM

سؤال صريح ومريح جدا جدا

لو يرجع فيك الزمن الي الوراء ... وش تتمنى تسوي؟؟؟
يعني شي سويته وندمت عليه أو شي تمنيته يتغير فيك من ناحيه العمل او الحياه الشخصيه او تجربه حياتيه......؟؟؟؟

يالا عاد نبغى اجابات صريحه المساحه مفتوووووووووحه

شاهيناز

11-02-2011, 09:54 PM

في قاموس حياتي مافي شي اسمه ندم

لو عاد في الزمن للوراء مابيتغير شي لاني مقتنعه وراضيه بكل شي مريت فيه

اجابتي بكل صراحه

مهرة

11-02-2011, 10:19 PM

تُشكَرين عآلموضوع آختي ..

لكن عندي مدآخله بسيطه وهي إن آلرسول عليه آلصلآة وآلسلآم قآل : «المؤمن القوي خير وأحب إلى الله من المؤمن الضعيف وفي كل خير، احرص على ما ينفعك واستعن بالله ولا تعجزنْ، فإن أصابك شيء فلا تقل لو أني فعلت كذا كان كذا وكذا ولكن قل: قدر الله وما شاء فعل، فإن (لو) تفتح عمل الشيطان» رواه مسلم.
أي تفتح عليك الحزن والجزع , وذلك يضر ولا ينفع بل اعلم أن ما أصابك لم يكن ليخطئك , وما أخطأك لم يكن ليصيبك , كما قال تعالى : { ما أصاب من مصيبة إلا بإذن الله ومن يؤمن بالله يهد قلبه } , قالوا : هو الرجل تصيبه المصيبة فيعلم أنها من عند الله فيرضى ويسلم.

يعني كل مآيصير لج/ك مقدّر ومكتووب عند آلله سبحآنه وتعآلى .. ولآ بيدج/ك تغير/ين شي ..

أنا آدري إن آلموضوع طُرِح بهدف آلتسلية وآلترويح عن آلنفس لكن آلدين آلنصيحه ...~ .

لاجل QT

12-02-2011, 12:13 PM

امممممم لو رجع بي الزمن لورا ... اكيد باعيد النظر في امور معينة

اما بالنسبة لشخصيتى وامور حياتى فانا مقتنعة فيها ومستحيل اغيرها..

لن شخصيتى بلا فخر او غرور.. افتخر فيها

بس اهم شي انى لم افقد شي كبير او يؤثر على حياتى او اندم علية ندم كبير ..كلها اشياء صغيرة وتعوض باذن الله

اهم شي العيال بخير:)

ويسلمو على الموضوع الرائع:nice:

خالد1

12-02-2011, 07:55 PM

لو يرجع الزمن كان ماتزوجت

منارة الدوحة

12-02-2011, 08:08 PM

ندمت ندم كبير اني خذت قرض من بنك الدوحة حسبي الله عليهم

لافوشيا

12-02-2011, 10:22 PM

لو يرجع الزمن كان ماتزوجت

أووووووف قويه بس أشكرك على صراحتك أخوي

حليتان*

12-02-2011, 10:26 PM

اممممممم امممممممم اممممممم اممممممم ماعرف

ليحين ما حسيت بهالشعور !! <<<او يمكن حسيت بس ماثبته !!

المهم ...الله كريم

لافوشيا

12-02-2011, 10:31 PM

لو يرجع فيني الزمن كنت ماغيرت مكان شغلى والله ندمت اشد الندم

بوحارب

12-02-2011, 11:43 PM

مممممممم يمكن ماعرف

Mshari

13-02-2011, 12:21 AM

الحمدلله الامور تمام التمام

مستر بن

13-02-2011, 01:33 AM

لوو يرجع الزمن ,,

بصلي ركعتين لــ الله

أمير المحبه

13-02-2011, 01:52 AM

لوو يرجع الزمن ,,

بصلي ركعتين لــ الله

صل الحين انت فيها اخوي :yes:

أمير المحبه

13-02-2011, 01:54 AM

لو يرجع الزمن ورا جان ماعقت صفقه

خاسره مع واحد الله لايسامحه دنيا ولا

اخره

جوابي بكل صراحه

نوفا91

13-02-2011, 08:59 AM

بااااااااااااال وش بقول وش بخلي ..خلينا ساكتين بسس

مخطط قطري

13-02-2011, 09:02 AM

اممممم لو يرجع فيني الزمن كان شريت بعض الاراضي بس الحمدالله على كل حال

ضي البدر

13-02-2011, 09:18 AM

في فرص وايد فوتها وندمت عليها بس مو وايد,, وأتمنى في المستقبل أستفيد من كل فرصة تتاح لي..

ثانكس لافووو..:nice:

مريومة

13-02-2011, 10:59 AM

اذا فرضنا رجع الزمن

اسوي عملية تجميل على طول بعد الحادث

ضاعت احلى سنين عمري مشوهة :weeping:

والحين

لا فائدة من البكاء على اللبن المسكوب

بو خليفه 123

13-02-2011, 11:40 AM

اذا فرضنا رجع الزمن

اسوي عملية تجميل على طول بعد الحادث

ضاعت احلى سنين عمري مشوهة :weeping:

والحين

لا فائدة من البكاء على اللبن المسكوب

الحمدالله رب العالمين الذي انعم عليك بالصحه

والجمال ان شاء الله جمال القلب والاخلاق

اما الاخ الي قال كان ماتزوجت هاهاهاها ضحكتني بصراحه حسيتها طالعه من قلبك

برنس قطر

13-02-2011, 12:09 PM

ا ها اها ها~~~
ياليت يرد لي راح يااااااليت ياااليت

قطرية فذة

13-02-2011, 12:11 PM

( لو ) تفتح باب شيطان دامها كذا سكرت بابه

الحياه الله رزقنا اياها لجل نعيشها جدام ولولا الاخطاء ماتعلمنا ولا فهمنا

اللهم لك الحمد على كل شيئ انت كتبته

قمر الكواري

13-02-2011, 12:42 PM

لو رجع الزماااااااااااااااان

ابي اكون طفله بس عقب ابي اكون عصفوره في الجنه

missperfect

13-02-2011, 01:01 PM

تذكرت هالاغنيه:(

جبتها على الجرح وكنك مادريـت
وأنت قاصد ماهي على النية صدفت

..........

هذا حظي من على الدنيـا وعيـت
كل ماضوي شمعة في دربي انطفت

بوصلووح

13-02-2011, 01:24 PM

اممم
مب متحسف وايد على الي راح
بس يمكن لو يرد الزمن بوفر أكثر
بشتري كل الاسهم من الاكتتاب
الاااه لو عندي المصرف و الدولي من أيام الاكتتاب :ok: ههه
على العموم ماقدر اسوي اشياء وايد لو رد الزمن , انا الحين في العقد الثاني من عمري
يعني حتى لو رجع الزمن بكون صغير و مافي ميزانية و مافي اشياء اقدر اسويها خخ .

قطر love

13-02-2011, 02:19 PM

:)

يوم يرجع بقولج لاني ماقدر اقول وكثر ما اقول مابغير شي

:)

لافوشيا

13-02-2011, 10:26 PM

لو يرجع فيني الزمن كان مابعت ذهبي ولا سلفت احد فلوس مع الاسف مايخافون ربهم وانا كنت طيبه واااايد بس ماقول الا حسبي الله ونعم الوكيل
يارب عوضني خير
والحمدلله
:weeping:

حليتان*

13-02-2011, 10:29 PM

لامار

14-02-2011, 12:19 AM

؛

جمــيـل أن نـحـلـم بـ [ شــيء ] . .ونـتـمـنــاهـ . .

بـ الــرغـم من عـلـمـنـا . . بـ أن هـذا الــشـيء . .

لــن يـتـحــقـق يـومـاً مـا . .

مـهـمـا قـلـنــا و مـهـمــا عـمـلـنــا . . ومـهـمــا حــلــمــنــا . .!

وعـلى الــرغــم من ذلكـ . . إلا أنـنـي ســ أتـمــنى . .

أن أعــــود بـ الــزمــن ثــلاث ســنــوات مـضــت . من حـيــاتـي . .

وأتـراجــع عـن خــطــوهـ خـطــوتـهـا . .

لـ جـهــلي بـ عـواقـبـهـا . . . . . . . . !!

فـقــط لا أريــد أكــثر من ذلكـ . .

عـزيـزتـي / لافــوشـيــا

شـكـراً لكـِ عـلى هـذا الـمـوضــوع

دمــتـي بـ خــير

لامــــــار

؛

ParadEyes

14-02-2011, 12:39 AM

ابي يرجع لعمري وانا 5 سنين..

الوفـى طبعي

14-02-2011, 12:43 AM

الله كريم

العضو العتيج

14-02-2011, 01:01 AM

بحظر حفلة حق ام كلثوم:(

%حورية قطر%

15-02-2011, 10:01 PM

خلي اللي في القلب في القلب ...
الله المستعان ان شاء الله ...

لافوشيا

15-02-2011, 10:38 PM

بحظر حفلة حق ام كلثوم:(

وانا بحظر حق رابح صقر

ولا اقول خليني اكمل رقادي احسن
:shy:

ParadEyes

15-02-2011, 11:13 PM

بحظر حفلة حق ام كلثوم:(

انا بحضر لـ محمد عبدالوهاب و فريد الاطرش :nice:

لافوشيا

15-02-2011, 11:45 PM

مممممممم يمكن ماعرف

لا بتجاوب السؤال الزامي
الحين الحين بتجاوب والا مافي كرك وجائزه نقديه

العضو العتيج

16-02-2011, 07:09 AM

وانا بحظر حق رابح صقر

ولا اقول خليني اكمل رقادي احسن
:shy:

اذا كان السؤال في سنه 2045 بيكون الجواب مناسب ههههه ماتحتاجين آله زمن عشان تحظرين له

انا بحضر لـ محمد عبدالوهاب و فريد الاطرش

تمام مب بعيد عن بعض يانروحشي سوى يا مانروحشي