استفسار : رايح اليمن فهل من نصيحة

[البدع]

رايح اليمن هذا الاسبوع

ممكن اسمع نصائحكم

افضل المناطق ؟

اكثرها أمانا

[الــهــاجـري]

بسم الله الرحمن الرحيم
اول شي الامان فيه ما عليك من الكلام فيه شي بسييييط مو واجد
2-لا تاخذ موتر جديد معك خذلك شي عادي ما يتعدى 35 الف
3-في منطقه اسمها (أب) هاذي والله جنة ولكن في الدنيا وفي الشمال محلها وفي وحده ثانيه مو متاكد هل جوها زين او لا اسمها المهره على حدود عمان ولكن ترى وقتك غلط اذا تبي تتمشا اذا تبي تتمشا تمشى شهر 7 او 8 قبل رمضان في الصيف عندنا والجو عندهم دلع مطر وبراد والارض كلها خضرا
والتمشيه ترا ما تكلف عليك شي اذا انت وعائلتك تبي تقعد سبوعين تكفيك 6 الاف الا اذا تبي دلع يعني كل شي 5 نجوم 10 الاف تكفي وزود
وترى عيب الناس ما عرفوها والله
وبالتوفييييييييييييق.

[الــهــاجـري]

نصيحه لا تستعجل وقتك غلط للتمشه!!!!!!!!

[R 7 A L]

سياحة ؟

[عضو قديم]

في صنعاء عليك بفندق موفينبيك مقابل السفارة القطرية
والمدن عليك بمنطقة أب بس نصيحة خل عنك الثوب والغتره وخللك على الجينز والتي شيرت

[خشوف]

الحين لا انصحك تروح امس حاطين ان الشعب متظاهر يبغون يشيلون الرئيس

[نوفا91]

يمدحون سوقطره ..

[الحجاجي]

مرحبا أخوي البدع ...

الله يوفقك في سفرتك ..

بس هالوقت الجـو .. بارد نوعاً ما هناك ..

كم ناوي تقعـد هناك ..
ووين ناوي تنزل العاصمـة صنعاء أم عـدن ..

بتسافر بسيارة ولا طيارة ..


وحياك الله

[البدع]

نصيحه لا تستعجل وقتك غلط للتمشه!!!!!!!!

تسلم اخوي

مشكور على النصيحة

بس مجبور اروح

راح أحط اب في اللستة

[البدع]

سياحة ؟

تقريبا

ناوي ازور اهم المناطق عندهم لمدة 10 ايام




في صنعاء عليك بفندق موفينبيك مقابل السفارة القطرية
والمدن عليك بمنطقة أب بس نصيحة خل عنك الثوب والغتره وخللك على الجينز والتي شيرت

زرت هذا الفندق

الصراحة صنعاء ماعجبني شيء فيها غير اكلهم ... ولهذا انا حاط عيني على اب ... ومشكور على نصيحة الثوب ... بتقيد فيها




الحين لا انصحك تروح امس حاطين ان الشعب متظاهر يبغون يشيلون الرئيس

بعطيك معلومة

الانتفاضة الثالثة في (العراق) ... وراح تشوف بنفسك في اقل من شهر

ثم ال(اليمن)

ثم موريتانيا

ثم السعودية

راي شخصي والله اعلم


يمدحون سوقطره ..

ببحث عنها

نسلم اخوي


مرحبا أخوي البدع ...

الله يوفقك في سفرتك ..

بس هالوقت الجـو .. بارد نوعاً ما هناك ..

كم ناوي تقعـد هناك ..
ووين ناوي تنزل العاصمـة صنعاء أم عـدن ..

بتسافر بسيارة ولا طيارة ..


وحياك الله

بزور اغلب المناطق باستثناء صنعاء لاني زرتها من قبل وماعجبني فيها شيء ... حتى مافيها سينما

ابحث عن افضل المناطق والي اهلها طيبيين

[الحجاجي]

البدع

الله يوفقك يا صديقي ..

بالتالي ..

خذ لك طيران إلى عـدن ..
وأسكن في أحـد الفنادق الجديدة هناك مثل القصر / الفنادق اللي افتتحت مع خليجي 20
وفيه كذا شيء تقدر تسويه في عــدن ..
زور التالي :
عدن مول .
وروح الساحل الذهبي
المكلا
ساحل ابين

بعدها خذ لك سيارة إلى محافظة تعز ..
واسكن في فندق تعز ستي اعتقد ( سابقاً السوفتيل )
أو اذا تبي مكان مرتفع اسكن في فندق جبل صبر
يرتفع الفندق ما يقارب 8000 م فوق سطح البحر ..

وزور وادي الضباب

وبعدها خذ لك سيارة إلى محافظة أب
وفي اب تزور :-
شلالات المشنه
جبل ربي
حديقة مشور
جبل بعدان
حصن حب
وتروح تزور جبلة متحف الملكة اروى

وبعدها ترجع العاصمة
وترجع الدوحة بالسلامه

[MoneyMaker]

تروح وترجع بالسلامه

سافرت اليمن اكثر من مره,وكانت كلها زيارات لناس نعرفهم

شعب اهل فراسة,,راح تتعلم في سفرتك الكثير من هالشعب.حاول تزور المساجد القديمه ودار المخطوطات والمتحف الحربي.

واهم شي تحضر عرس او تحكيم بين قبيلتين او شخصين عند احد الشيوخ بتحس نفسك في عصر قريش,, روح الارياف اليمنيه وتقدر تشتري كلاشنكوف ولا قناص للرمايه وقت الفراغ وعقب تبيعه.

اليمن كبيره جدا وكل منطقه تختلف عن الثانيه في اللهجه والعادات ولكنهم مجتمعين في صفة الكرم والجود وشهادتي فيهم مجروحه.

لبس الثوب مع الجنبيه هو اللباس الرسمي في المناطق الشماليه.
ولاتفوت مجالس القات بعد الساعه 2 ولكن لاتتناوله.

واهم شي الله لايهينك نبي تقرير مفصل.

[adel777]

انصحك تتواصل مع الحجاجي ... العلوم كلها عنده