من يدلني على علاج لمرض رشح العين { اعتلال الشبكيه الوسطى }

[{راشد}]

السلام عليكم ورحمة الله وبركاتة,

اواخواني واخواتي,
من يدلني على علاج لمرض رشح العين { اعتلال الشبكيه الوسطى },

لان العين اليسار عندي فيها هالمرض من 15 يوم تقريبا وضعف النظر فاجأه ,
وعملت فحص في عيادة الدوحه وعيادة فهد القحطاني,

وكلهم اجمعوا عندي رشح او مصل تحت الشبكه ,
ووصوني بالراحه وسوف يذهب من نفسه ,

وهذي صوره مثل حالتي,

http://www.rvscny.com/csr-oct.jpg

المهم انا حاليا خايف من العمى او يضعف نظري ولا يعود,

هل حد مرت عليه حاله مشابهه او لها علاج ؟

والله يبعد عنكم كل مكروه

[مستوى الدعم]

أخي ..لا أملك لك إلا الدعاء

شفاك الله وعافاك..

أسأل الله العظيم رب العرش العظيم أن يشفيك..

اللهم رب الناس أذهب البأس واشف .. أنت الشافي لا شفاء إلا شفاؤك ..لا يغادر سقماً..

أخي أحسن الظن بالله.. وعليك بقيام الليل والاستغفار والصدقة..

ولن يردك ربي خائباً..

[{راشد}]

أخي ..لا أملك لك إلا الدعاء

شفاك الله وعافاك..

أسأل الله العظيم رب العرش العظيم أن يشفيك..

اللهم رب الناس أذهب البأس واشف .. أنت الشافي لا شفاء إلا شفاؤك ..لا يغادر سقماً..

أخي أحسن الظن بالله.. وعليك بقيام الليل والاستغفار والصدقة..

ولن يردك ربي خائباً..

ولك بالمثل

شكرا لك عزيزي,

[roudam]

الله يشفيك ويشفي جميع مرضى المسلمين

يمكن كلام الدكتور صح يبيبلك راحه واهم شي النفسيه ولاتوسوس وتوكل على الله

والله يشفيك

[{راشد}]

الله يشفيك ويشفي جميع مرضى المسلمين

يمكن كلام الدكتور صح يبيبلك راحه واهم شي النفسيه ولاتوسوس وتوكل على الله

والله يشفيك

ومن قال يارب,
اما عن النفسيه من الي الحين ماعنده حاله :)

[بو خليفه 123]

ماعليك شر اخوي بو سنيده

لا تستبق الاحداث و تفاول على عمرك بالعمى ترا ماهوب خوش فال ..

انصحك بأجراء فحوصات اخرى مع عيادات ثانيه غير د. القحطاني لتأكديت التحاليل و اذا اجمعوا على السبب الوحيد فلا بد انك تقدم على اجازه سنويه و تقعد تشاهدنا بالمنتدى كل يوم عشان ترتاح عينك .


خطاك السو ان شاء الله ..


تقبل تحياتي

[{راشد}]

ماعليك شر اخوي بو سنيده

لا تستبق الاحداث و تفاول على عمرك بالعمى ترا ماهوب خوش فال ..

انصحك بأجراء فحوصات اخرى مع عيادات ثانيه غير د. القحطاني لتأكديت التحاليل و اذا اجمعوا على السبب الوحيد فلا بد انك تقدم على اجازه سنويه و تقعد تشاهدنا بالمنتدى كل يوم عشان ترتاح عينك .


خطاك السو ان شاء الله ..


تقبل تحياتي

الشر مايجيك يا بوخليفه,
وعساك سالم يارب,

اما موضوع الفحص فقد فحصت عند القحطاني وعيادة الدوحه وصورت العين نفس الصوره الي فوق,

لكن مشكلتي اني انسان دائم التفكير والحركه,

تقديري

[{راشد}]

up




up

[khalid Qtr]

أخوي اذا اكثر من دكتور شخصك وقالك ما فيك الا الخير خل عنك الوساوس

أنا ولله الحمد من 2006 الى 2010 أجريت 4 عمليات جراحية في عيني اليمنى ، وقبل سنة ونص عيني اليسرى

ضربها فيروس في مركز القرنية أدى ألى ضبابية في العين وقعدت في المستشفى 5 أيام

والله ولا مرة فكرت بطريقة تفكيرك ، توكل على الله وان شاء الله ما فيك الا العافية

[سكرمر]

ماتشوف شـر اخوي


بس اتبع تعليمات الدكتور بالراحه


تحياتي لك

[(رمز المحبه)]

الرشح فالعين .. هل هو انه العين تدمع على طوول ؟؟ لانه عندي واحد من الربع دايم عينه تدمع ولا يدري وش السبب ؟ يا ليت تفيدني وش رشح العين بالضبط ؟

[n00r]

الله يشفيك ..


ارتاح مثل ماقالوا لك الدكاتره .. وبتصير طيب


خطآآك الشر

[ام خليفة]

ابوي يعاني من هالمرض طبعا بسبب السكر ، وحاليا يعالج عند دكتور اشرف في مستشفى مغربي

يصير عنده رشح كثيف على مركز الابصار وتضعف الرؤيه عنده

والعلاج الوحيد حق الرشح هو حقن العين بابره ( افاستيك + كرتزون ) وان شاءالله من ثاني يوم تبتدي الرؤيه توضح عند لمريض تدريجيا وبعد اسبوع الحمدلله تصفى عنده تماما ,,

لكن من عيوب هاي الابره ان مفعولها من 3 شهور الى 6 شهور يعني ممكن يرجع الرشح بعدها وتحتاج ابره مره ثانيه


ماتشوف شر ان شاءالله

[{راشد}]

أخوي اذا اكثر من دكتور شخصك وقالك ما فيك الا الخير خل عنك الوساوس

أنا ولله الحمد من 2006 الى 2010 أجريت 4 عمليات جراحية في عيني اليمنى ، وقبل سنة ونص عيني اليسرى

ضربها فيروس في مركز القرنية أدى ألى ضبابية في العين وقعدت في المستشفى 5 أيام

والله ولا مرة فكرت بطريقة تفكيرك ، توكل على الله وان شاء الله ما فيك الا العافية

الوساوس تجي غصب اذا المشكله في العين وانا اخوك,
لكن ماقلتي هل شفيت عينك ؟
وعساك ماتشوف شر يالغالي

[{راشد}]

ماتشوف شـر اخوي


بس اتبع تعليمات الدكتور بالراحه


تحياتي لك

ومن قال يارب,
وان شاءالله احاول ارتاح,
تقديري

[{راشد}]

الرشح فالعين .. هل هو انه العين تدمع على طوول ؟؟ لانه عندي واحد من الربع دايم عينه تدمع ولا يدري وش السبب ؟ يا ليت تفيدني وش رشح العين بالضبط ؟

الرشح داخل عدسة العين وليس خارجي,
مصل او ماء يعزل الرؤيه ويعمل ضبابيه عليها ,

[{راشد}]

الله يشفيك ..


ارتاح مثل ماقالوا لك الدكاتره .. وبتصير طيب


خطآآك الشر

ومن قال يارب,
تقديري لك

[{راشد}]

ابوي يعاني من هالمرض طبعا بسبب السكر ، وحاليا يعالج عند دكتور اشرف في مستشفى مغربي

يصير عنده رشح كثيف على مركز الابصار وتضعف الرؤيه عنده

والعلاج الوحيد حق الرشح هو حقن العين بابره ( افاستيك + كرتزون ) وان شاءالله من ثاني يوم تبتدي الرؤيه توضح عند لمريض تدريجيا وبعد اسبوع الحمدلله تصفى عنده تماما ,,

لكن من عيوب هاي الابره ان مفعولها من 3 شهور الى 6 شهور يعني ممكن يرجع الرشح بعدها وتحتاج ابره مره ثانيه


ماتشوف شر ان شاءالله

اشر مايجيج يالغاليه,
لكن وين مكان مغربي ؟
ارجوا لا يكون مغربي السعوديه ؟

[قوي العزايم]

اشر مايجيج يالغاليه,
لكن وين مكان مغربي ؟
ارجوا لا يكون مغربي السعوديه ؟



ما تشوف شر يا أخ راشد

وماجور إن شاء الله

مغربي للعيون هو بجانب المستشفى الأهلي إلي مقابل مجمع تاون سنتر

وأنت رايح إلي دوار التلفزيون بإتجاه الشمال بتلقاه على يمينك

هذي خريطة وعنوان مستشفى مغربي للعيون إلي بالدوحة

http://www.google.com.qa/maps/vt/data=LtgX-e3f8ctI3U5dJtbt7EJ1ZfRneYme,D0nPGcYPmEbB34uFT_b9bB RoG5O3gp6yJDff_2q5V8lwaCeTAqiB-8z8PyGp1Wajh8whBM31HG66hkmqwDe1HXUf99mlskLRX5lm7-PHGIz_phQZvw

العنوان: شارع أحمد بن علي – وادي السيل
رقم الهاتف: 44884000
رقم الفاكس: 44870259

[{راشد}]

ما تشوف شر يا أخ راشد

وماجور إن شاء الله

مغربي للعيون هو بجانب المستشفى الأهلي إلي مقابل مجمع تاون سنتر

وأنت رايح إلي دوار التلفزيون بإتجاه الشمال بتلقاه على يمينك

هذي خريطة وعنوان مستشفى مغربي للعيون إلي بالدوحة

http://www.google.com.qa/maps/vt/data=ltgx-e3f8cti3u5djtbt7ej1zfrneyme,d0npgcypmebb34uft_b9bb rog5o3gp6yjdff_2q5v8lwacetaqib-8z8pygp1wajh8whbm31hg66hkmqwde1hxuf99mlsklrx5lm7-phgiz_phqzvw

العنوان: شارع أحمد بن علي – وادي السيل
رقم الهاتف: 44884000
رقم الفاكس: 44870259


اشر ما يجيك يالسنافي,
وبيض الله وجهك لا عدمناك
:)

[maskalrose]

الافضل مستشفي باراكير للعيون في برشلونة

http://www.co-barraquer.es/cast/index.htm

ادخل موقعهم وراسلهم وبتلقي الاجابة

والله يشفيك ويشفي امي وكل مريض

[{راشد}]

الافضل مستشفي باراكير للعيون في برشلونة

http://www.co-barraquer.es/cast/index.htm

ادخل موقعهم وراسلهم وبتلقي الاجابة

والله يشفيك ويشفي امي وكل مريض

الله يشفي امج ياكريم,
وهذا شرح اختصاصاتهم بالعربي
http://www.co-barraquer.es/pdf/folleto_arab.pdf

تقديري

[استغفرالله]

الله يشفيك

[{راشد}]

الله يشفيك

جزاك الله عني خيرا

[ام خليفة]

ماعتقد في داعي تسافر اسبانيا عشان رشح الشبكيه
انا يوم كنت في المانيا سالت البروفيسور عن علاج الرشح وقال لي العلاج واحد في كل الدول وهو الابر
والدكتور اشرف علاجه وايد زين وانا انصحك فيه
حاول تروح له قبل الاثنين لان هو كل اثنين يسوي عمليات في المستشفى الاهلي ، وهاي الابره يعطيك اياها بعد في غرفه العمليات ، لان غرفه العمليات تكون معقمه ..
و يتم تخدير العين بواسطه قطرات وبعدها حقن العين بالادويه ، الابره صغيره وماراح تحس فيها وبعد ساعه ان شاءالله تطلع من المستشفى ..

اجر وعافيه ان شاءالله :)

[{راشد}]

ماعتقد في داعي تسافر اسبانيا عشان رشح الشبكيه
انا يوم كنت في المانيا سالت البروفيسور عن علاج الرشح وقال لي العلاج واحد في كل الدول وهو الابر
والدكتور اشرف علاجه وايد زين وانا انصحك فيه
حاول تروح له قبل الاثنين لان هو كل اثنين يسوي عمليات في المستشفى الاهلي ، وهاي الابره يعطيك اياها بعد في غرفه العمليات ، لان غرفه العمليات تكون معقمه ..
و يتم تخدير العين بواسطه قطرات وبعدها حقن العين بالادويه ، الابره صغيره وماراح تحس فيها وبعد ساعه ان شاءالله تطلع من المستشفى ..

اجر وعافيه ان شاءالله :)

شكرا لج يا ام خليفه عالتفاعل الطيب والله يكتب اجرج بأذنه,
لكن ماقلتي متى يضبط النظر بعد الابره وكم تكلف العمليه وهل لها مضاعفات ؟

تقديري :)

[ام خليفة]

صباح الخير :)

اخوي الابره مفعولها سريع ، خلال اسبوع بيضبط النظر عندك وانت بتحس بتحسن ان شاءالله من ثاني يوم

تكلفه الابره 6000 ريال للعين الوحده

مالها مضاعفات ان شاءالله

[{راشد}]

صباح الخير :)

اخوي الابره مفعولها سريع ، خلال اسبوع بيضبط النظر عندك وانت بتحس بتحسن ان شاءالله من ثاني يوم

تكلفه الابره 6000 ريال للعين الوحده

مالها مضاعفات ان شاءالله

صباح النور والسرور,
شكرا لج عالتواصل الرائع والمعلومه الطيبه,
:victory:

[khalid Qtr]

الوساوس تجي غصب اذا المشكله في العين وانا اخوك,
لكن ماقلتي هل شفيت عينك ؟
وعساك ماتشوف شر يالغالي

الحمدلله أموري طيبة حاليا ولكن احتمال ان عصب العين متاثر بشكل محدود بسبب العمليات لكن علاجه بسيط بإذن الله

ما تشوف شر اخوي وانصح اي شخص ما يتهاون بموضوع العين ، اي ألم لازم يراجع دكتور العيون