دكتور للعامود الفقري

[برشلوني قطر]

السلام عليكم

ياجماعه الخير بغيت استفسر عن دكتور جيد ف مستشفى حمد يشخص حالتي ويكتب

لي تقرير عدل ومايخاف..

آخر مره رحت لدكتور هندي فالعياده الخارجيه وعطاني تقرير من كم كلمه ويرفع الضغط..

مع ان قالي عمليتك كبيره ومب سهله بس الظاهر يوم قلت له بقدم ع المكتب الطبي خااف..

انا عندي انزلاق فالفقره الاخيره من زمااان..ورحت حق كذا دكتور سواء فالدوحه او الخليج..

وبععض الدكاتره مع انهم استشاريين قالولي مانقدر انسويها واتحمل تسويها ف اي مكاان..

لازم تروح لشخص متخصص ودكتور متمكن ..

وآخر مره من سنه تقريبا رحت لدكتور زاير فالدوحه وقالي داام انك الحين تروح وتجي

والالم يجيلك مره كل كم شهر ماانصحك تسوي العمليه واخاف تصيدك مضاعفات:(

اما الحين الالم ذبحني يوميا ومااقدر امشي الا شي بسيط ويجيني الالم..

والمكتب الطبي ماياخذ تقارير الا من مستشفى حمد..وابي دكتور زين تنصحوني فيه..


واسمحولي ع الاطاله..

[Roooo7 Qtr]

اخوي روح مستشفى اسبيتار اخذ تقرير من عندهم وبعدها قدم ع مكتب الطبي
انا سويتها خذت تقرير من اسبيتار وقدمتها ع مكتب الطبي وهم تحملوا تكاليف العمليه والاقامه والادويه 85الف

[برشلوني قطر]

اخوي روح مستشفى اسبيتار اخذ تقرير من عندهم وبعدها قدم ع مكتب الطبي
انا سويتها خذت تقرير من اسبيتار وقدمتها ع مكتب الطبي وهم تحملوا تكاليف العمليه والاقامه والادويه 85الف


اخوي انت سويت العمليه ف اسبيتار ؟؟ وايش نوع العمليه ؟

وهل المكتب الطبي ياخذون ع تقارير اسبيتار ؟؟

لان انصحوني بدكتور ف امريكا ودكتور ف المانيا هم افضل دكاتره حق نفس حالتي

[Roooo7 Qtr]

انا سويتها في الركبه

لو مياخذون ع تقارير اسبيتار كان متكفلوا برسوم العمليه لانه يدرون بتكاترا لي عندهم الله بالخير
انت سال المكتب الطبي عند واحد قحطاني في الاستقبال قوله لو جبت لكم تقرير من اسبيتار تكفلون بعلاجي خارج البلاد


ليش متروح اسبيتار شوف ايش يقولون لك يمكن متحتاج عمليه .........صراحه مستشفى معليه كلام انت جرب مراح تخسر شي ....تدفع فتح ملف 300ريال

[AbdullA-Qtr]

السلام عليكم

ياجماعه الخير بغيت استفسر عن دكتور جيد ف مستشفى حمد يشخص حالتي ويكتب

لي تقرير عدل ومايخاف..

آخر مره رحت لدكتور هندي فالعياده الخارجيه وعطاني تقرير من كم كلمه ويرفع الضغط..

مع ان قالي عمليتك كبيره ومب سهله بس الظاهر يوم قلت له بقدم ع المكتب الطبي خااف..

انا عندي انزلاق فالفقره الاخيره من زمااان..ورحت حق كذا دكتور سواء فالدوحه او الخليج..

وبععض الدكاتره مع انهم استشاريين قالولي مانقدر انسويها واتحمل تسويها ف اي مكاان..

لازم تروح لشخص متخصص ودكتور متمكن ..

وآخر مره من سنه تقريبا رحت لدكتور زاير فالدوحه وقالي داام انك الحين تروح وتجي

والالم يجيلك مره كل كم شهر ماانصحك تسوي العمليه واخاف تصيدك مضاعفات:(

اما الحين الالم ذبحني يوميا ومااقدر امشي الا شي بسيط ويجيني الالم..

والمكتب الطبي ماياخذ تقارير الا من مستشفى حمد..وابي دكتور زين تنصحوني فيه..


واسمحولي ع الاطاله..



خارج من الشر ان شاء الله يابرشلوني ... ولا تهمل عمرك
اذا تبي دكتور ممتاز في بانكوك علمني
لانه الوالده اتعبت من العمود الفقري رحت اللمانيا قالو عمليه وبيسحبون فقرات .. رديت قطر ورحت بانكوك رحت صوب وشتاني قالو نفس المستشفى الاللماني وعقب وديتها مستشفى واي شوت بادارة اللمانيه سوو العمليه ب 15 دقيقه بالليزر وبدون سحب فقرات وابشرك ان الامور طيبه ...

[برشلوني قطر]

انا سويتها في الركبه

لو مياخذون ع تقارير اسبيتار كان متكفلوا برسوم العمليه لانه يدرون بتكاترا لي عندهم الله بالخير
انت سال المكتب الطبي عند واحد قحطاني في الاستقبال قوله لو جبت لكم تقرير من اسبيتار تكفلون بعلاجي خارج البلاد


ليش متروح اسبيتار شوف ايش يقولون لك يمكن متحتاج عمليه .........صراحه مستشفى معليه كلام انت جرب مراح تخسر شي ....تدفع فتح ملف 300ريال


بيض الله ويهك وماقصرت..وان شاءالله يمرهم..

بس انا مارحت لهم من البدايه لان الي اعرفه ان اكثر عملياتهم اصابة ملاعب..

ركبه _ انكل _ اربطه

بس بسأل اذا ف متخصص فالعامود الفقري..

اشكرك يالطيب وماتشوف شر

[بو راشد 1]

الاخ برشلوني

الله يشفيك وما تشوف شر

اذا عندك انزلاق غضروفي يمكن تحتاج دكتور اعصاب مب عظام.
ان كانت عندي نفس المشكله و رحت اسبتار قالوا احنا الظهر و الرقبه ما نعالج.
رحت المانيا قال لي الطبيب ما تحتاج العمليه في الوقت الحاضر و استمر على ادويه مستشفى حمد.
و بعد سنه ونص زادت حالتي و ايد، رحت لندن و عملت العمليه عند دكتور اعصاب و الحمدلله افتكيت. اذا تحتاج عنوان دكتور لندن سوف ارسله لك.

[برشلوني قطر]

خارج من الشر ان شاء الله يابرشلوني ... ولا تهمل عمرك
اذا تبي دكتور ممتاز في بانكوك علمني
لانه الوالده اتعبت من العمود الفقري رحت اللمانيا قالو عمليه وبيسحبون فقرات .. رديت قطر ورحت بانكوك رحت صوب وشتاني قالو نفس المستشفى الاللماني وعقب وديتها مستشفى واي شوت بادارة اللمانيه سوو العمليه ب 15 دقيقه بالليزر وبدون سحب فقرات وابشرك ان الامور طيبه ...

الشر مايجيك وتستاهل سلامة الوالده..

المشكله يخوي عمليتي ماتصير بالليزر..لان الفقره متحركه من مكانها وااايد ولازم

تثبيت وبراغي وسالفه..

الله المستعان..وجزاك الله خير اخوي

[برشلوني قطر]

الاخ برشلوني

الله يشفيك وما تشوف شر

اذا عندك انزلاق غضروفي يمكن تحتاج دكتور اعصاب مب عظام.
ان كانت عندي نفس المشكله و رحت اسبتار قالوا احنا الظهر و الرقبه ما نعالج.
رحت المانيا قال لي الطبيب ما تحتاج العمليه في الوقت الحاضر و استمر على ادويه مستشفى حمد.
و بعد سنه ونص زادت حالتي و ايد، رحت لندن و عملت العمليه عند دكتور اعصاب و الحمدلله افتكيت. اذا تحتاج عنوان دكتور لندن سوف ارسله لك.

الشر مايجيك يابوراشد..

عندي الله يسلمك انزلاق فالفقره..يعني الفقره الاخيره مب ف مكانها ويبيلها تثبيت..

وفي نفس الوقت قامت تضغط ع العصب..

والحمدلله ع سلامتك

[AbdullA-Qtr]

الشر مايجيك وتستاهل سلامة الوالده..

المشكله يخوي عمليتي ماتصير بالليزر..لان الفقره متحركه من مكانها وااايد ولازم

تثبيت وبراغي وسالفه..

الله المستعان..وجزاك الله خير اخوي


تستاهل خير فديت خشمك

اخوي برشلوني اقولك الفقرة الثالثه والسادسه متحركين ... وسوا العمليه بالمنظار اسف مب بالليزر ...

برشلوني رخصو العجوز في نفس اليوم بس تمت 4 اياما في الفندق متابعه لا اكثر ...


والله يفك عوقك ان شاء الله

[Um Sultan]

نفس حالتي بالضبط

رحت حمد وقالي الدكتور الهندي نفس الكلام عمليه وصعبه وماقدر اسويلج

عندي الفقره الخامسه زالقه من مكانها والم فضيع وماتحمله

رحت سبيتار ماعندهم دكتور للعمود الفقري قالوا لي روحي الاهلي نحول اللاعبين هناك

رجعت حمد قلت لدكتوري اكتب لي تقرير (د.علي رضا) ماكتب لي ولاشي قام يتهرب

مع اني سويت كل الاجراءات ودفعت للمستشفى رسوم كتابة تقرير سافرت ورجعت ومحد كتب لي شي ودكتوري مسافر

رحت مستشفى الخور عند دكتور قطري من الماس متخصص في العظام

شرحت له حالتي وكل شي قال ايش تبين جايه عندي خلاص تعالجتي روحي لدكتورج يكتب لج

قلت له مسافر وماكتب لي ابيك انت تمسك حالتي قالي هو مش مجنون يكتب لج تقرير ويقطع رزقه بنفسه

اذا كتب لج بيكتب ل 30 غيرج وهاي بيدل على انه مش زين وبيطلعونه من المستشفى

طيب هو قالي عمليه ومايقدر يسويها انا ايش ذنبي مايكتب لي تقرير ومن الاساس مش مجنونه اقط نفسي تحت يده

طلعت من الخور ودمعتي على خدي هاي دكتور قطري يعامل بنت بلاده بهل الاسلوب مالوم الهندي اذا ما كتب لي وتشرد مني

مع الايام جا دكتور زاير الماني مستشفى حمد للعمود الفقري رحت له قال دام تمشين وتتحركين لاتسوين العمليه صعبه وماعرف شنو ... عطاني علاج طبيعي طبعا العلاج دهور حالتي اكثر لان اللي سوه لي غلط

رحت جده من فتره عند دكتور اسمه باداغيش الصياد مختص في العمود الفقري

قالي لازم تسوين العمليه باسرع وقت وطريقتها ان يرجع الفقره الطالعه من مكانها ويثبتها بدعامة حديد ومسمار من فوق الفقرات ومن تحت وما تاخر لان بدت تاثر على اعصاب الرجل وتنمل ومرات ماحس فيها

كتب لي تقرير وكل شي وطرشته مكتب القنصليه القطريه في جده عشان يصادقون لي عليه

طبعا لا حياة لمن تنادي ردوا لي الكتاب نفس ماهو بدون توقيع او ختم يوم سالت ليش قالوا روحي صادقي الورقه من وزارة الصحه السعوديه وبعدين وزارة الخارجيه السعوديه وبعدين جيبي الكتاب نوقع لج عليه ..

اذا انا البنت يبوني اسوي هاي كله وادور من مكان لين مكان وماعرف وين مكانهم ليش حاطين مكتب في جده ؟؟ مجرد ديكور او عشان يخدم اهل قطر لما يكونون في السعوديه وبالتحديد جده ؟؟

بتلف وبتدور ومحد راح يسوي لك شي صار لي اكثر من سنه اعاني ....

خذ نفسك واذا عندك امكانيه روح المانيا او بانكوك على حسابك لان القطري صار حقه ضايع في العلاج على حساب الدوله ... الواسطه تقدر تطلع لك علاج بدون تقرير حتى ..


الله يعينك اخوي ..

[AL_MUTAEM]

تستاهل السلامه اخوي ..

انصحك بزيارة الدكتور مون بالمستشفى الاهلى متخصص بالعلاج بلا عمليات .. وايضا الدكتور مانويل توريسا جراح يمدحونه ايضا بالمستشفى الاهلي وانا قابلته قبل سنوات واصر على اجراء عمليه لي او الابره بين الفقرات او بالعلاج الطبيعي واللي عندي تقريبا نفس المشكله بس اخر ثلاث فقرات وربك المستعان .

[برشلوني قطر]

تستاهل خير فديت خشمك

اخوي برشلوني اقولك الفقرة الثالثه والسادسه متحركين ... وسوا العمليه بالمنظار اسف مب بالليزر ...

برشلوني رخصو العجوز في نفس اليوم بس تمت 4 اياما في الفندق متابعه لا اكثر ...


والله يفك عوقك ان شاء الله




يمكن نسبة تحرك الفقرات ببتعالج بالمنظار..

المهم عطني اخوي اسم الدكتور والمستشفى..وجزاك الله خير

[برشلوني قطر]

نفس حالتي بالضبط

رحت حمد وقالي الدكتور الهندي نفس الكلام عمليه وصعبه وماقدر اسويلج

عندي الفقره الخامسه زالقه من مكانها والم فضيع وماتحمله

رحت سبيتار ماعندهم دكتور للعمود الفقري قالوا لي روحي الاهلي نحول اللاعبين هناك

رجعت حمد قلت لدكتوري اكتب لي تقرير (د.علي رضا) ماكتب لي ولاشي قام يتهرب

مع اني سويت كل الاجراءات ودفعت للمستشفى رسوم كتابة تقرير سافرت ورجعت ومحد كتب لي شي ودكتوري مسافر

رحت مستشفى الخور عند دكتور قطري من الماس متخصص في العظام

شرحت له حالتي وكل شي قال ايش تبين جايه عندي خلاص تعالجتي روحي لدكتورج يكتب لج

قلت له مسافر وماكتب لي ابيك انت تمسك حالتي قالي هو مش مجنون يكتب لج تقرير ويقطع رزقه بنفسه

اذا كتب لج بيكتب ل 30 غيرج وهاي بيدل على انه مش زين وبيطلعونه من المستشفى

طيب هو قالي عمليه ومايقدر يسويها انا ايش ذنبي مايكتب لي تقرير ومن الاساس مش مجنونه اقط نفسي تحت يده

طلعت من الخور ودمعتي على خدي هاي دكتور قطري يعامل بنت بلاده بهل الاسلوب مالوم الهندي اذا ما كتب لي وتشرد مني

مع الايام جا دكتور زاير الماني مستشفى حمد للعمود الفقري رحت له قال دام تمشين وتتحركين لاتسوين العمليه صعبه وماعرف شنو ... عطاني علاج طبيعي طبعا العلاج دهور حالتي اكثر لان اللي سوه لي غلط

رحت جده من فتره عند دكتور اسمه باداغيش الصياد مختص في العمود الفقري

قالي لازم تسوين العمليه باسرع وقت وطريقتها ان يرجع الفقره الطالعه من مكانها ويثبتها بدعامة حديد ومسمار من فوق الفقرات ومن تحت وما تاخر لان بدت تاثر على اعصاب الرجل وتنمل ومرات ماحس فيها

كتب لي تقرير وكل شي وطرشته مكتب القنصليه القطريه في جده عشان يصادقون لي عليه

طبعا لا حياة لمن تنادي ردوا لي الكتاب نفس ماهو بدون توقيع او ختم يوم سالت ليش قالوا روحي صادقي الورقه من وزارة الصحه السعوديه وبعدين وزارة الخارجيه السعوديه وبعدين جيبي الكتاب نوقع لج عليه ..

اذا انا البنت يبوني اسوي هاي كله وادور من مكان لين مكان وماعرف وين مكانهم ليش حاطين مكتب في جده ؟؟ مجرد ديكور او عشان يخدم اهل قطر لما يكونون في السعوديه وبالتحديد جده ؟؟

بتلف وبتدور ومحد راح يسوي لك شي صار لي اكثر من سنه اعاني ....

خذ نفسك واذا عندك امكانيه روح المانيا او بانكوك على حسابك لان القطري صار حقه ضايع في العلاج على حساب الدوله ... الواسطه تقدر تطلع لك علاج بدون تقرير حتى ..


الله يعينك اخوي ..


تحطمت :weeping:

مثل ماقلتي يبيلك وااسطه...والله اختي فالصيف وديت ولدي المانيا علاج بس للاسف

مافحصت ع نفسي وماكنت فاضي وكان همي الولد..لاكن قدر الله وماشاء فعل..

وحتى اختي لو رحت ع احسابي الي اعرفه ان نفس ذي العمليات تكلف وايد وفي نفس

الوقت مادري ايش المده الي تاخذها من عمليه وعلاج طبيعي..

مشكله المكتب الطبي طريقتين تمشي فيها..

ياا ان عندك واسطه او انك تسوي عمليه ويلعبون فييك وبعدين يودونك ويكون مامنك فايده..


ومثل ماقلتي الحين من الالم قام يصيدني تنميل والم..

بسعى والباقي ع الله...لاكن اني اسويها اهني غاسل يدي تبين الصج..

بعد ماشفت الي صار حق بعض المعارف..:(

الله المستعان

[برشلوني قطر]

تستاهل السلامه اخوي ..

انصحك بزيارة الدكتور مون بالمستشفى الاهلى متخصص بالعلاج بلا عمليات .. وايضا الدكتور مانويل توريسا جراح يمدحونه ايضا بالمستشفى الاهلي وانا قابلته قبل سنوات واصر على اجراء عمليه لي او الابره بين الفقرات او بالعلاج الطبيعي واللي عندي تقريبا نفس المشكله بس اخر ثلاث فقرات وربك المستعان .

الله يسلمك اخوي..

انا رحت المستشفى الاهلي وعند دكتور هندي لاكن ماذكر اسمه..وتقريبا نفس الكلام..

بس قالي يبيلك تصوير مغناطيسي لان الصور الي عندي اقدمت وان شاءالله بروح اصور

من جديد

جزاك الله خير

[AL_MUTAEM]

الله يسلمك اخوي..

انا رحت المستشفى الاهلي وعند دكتور هندي لاكن ماذكر اسمه..وتقريبا نفس الكلام..

بس قالي يبيلك تصوير مغناطيسي لان الصور الي عندي اقدمت وان شاءالله بروح اصور

من جديد

جزاك الله خير


الدكتور مون كندي من اصل كوري وقدم استقالته قبل فتره ورجع قبل كم يوم ..

والدكتور مانويل بريطاني تخصص جراحه

[الخزرجي قطر]

الله يشفيكم جميعا ويشفي مرضى المسلمين
اجر وعافيه ان شاالله

[برشلوني قطر]

الدكتور مون كندي من اصل كوري وقدم استقالته قبل فتره ورجع قبل كم يوم ..

والدكتور مانويل بريطاني تخصص جراحه


اخوي امس رحت المستشفى الاهلي ودخلت عند دكتور بريطاني بس مب مختص

فالعامود الفقري...بس دخلت عليه علشان اصور تصوير مغناطيسي..

والدكتور البريطاني المختص فالعامود الفقري ماحصلت حجز عنده.:(..لاكن قالي

الممرض بعد ماتصور بحاول ادخلك عليه..

وربك يسهل الامور

[برشلوني قطر]

الله يشفيكم جميعا ويشفي مرضى المسلمين
اجر وعافيه ان شاالله

الشر مايجيك اخوي ..والله يعافيك..

شااكر لك مرورك

[AL_MUTAEM]

اخوي امس رحت المستشفى الاهلي ودخلت عند دكتور بريطاني بس مب مختص

فالعامود الفقري...بس دخلت عليه علشان اصور تصوير مغناطيسي..

والدكتور البريطاني المختص فالعامود الفقري ماحصلت حجز عنده.:(..لاكن قالي

الممرض بعد ماتصور بحاول ادخلك عليه..

وربك يسهل الامور


اخوي لا تصدق انه مافيه حجز .. اذا يقولك بحاول صدقني بتدخل عليه او اذ تحويل من الطوارئ او من الافضل تكلم الاخ عبدالواحد المولوي مدير المستشفى وتقدر تحصله بالمبنى المجاور للمستشفى .

اخوي نصيحه اذا مانفع العلاج الطبيعي جرب الابره واذا مانفعت جرب الجراحه .. والعلاج الطبيعي بالاهلي عند واحد اسمه فيصل اهو بحريني وكان المعالج لفريق الريان وراح المانيا كم سنه ورجع السنه الماضيه صح عنده زحمه بس بالواسطه تقدر تدخل .

وبالشفاء طال عمرك

[khaldoon]

سلامات ان شاء الله للجميع و ان شاء الله اجر و عافيه

اعرف ان الدكتور علاء قواس في عيادات حمد متخصص في العظام ...ما اعرف لو ينفع في مسألة العامود الفقري والا لا

هو طبيب مشهود له حتى ابنه متخصص مثله في العظام و عليه طلب

[برشلوني قطر]

اخوي لا تصدق انه مافيه حجز .. اذا يقولك بحاول صدقني بتدخل عليه او اذ تحويل من الطوارئ او من الافضل تكلم الاخ عبدالواحد المولوي مدير المستشفى وتقدر تحصله بالمبنى المجاور للمستشفى .

اخوي نصيحه اذا مانفع العلاج الطبيعي جرب الابره واذا مانفعت جرب الجراحه .. والعلاج الطبيعي بالاهلي عند واحد اسمه فيصل اهو بحريني وكان المعالج لفريق الريان وراح المانيا كم سنه ورجع السنه الماضيه صح عنده زحمه بس بالواسطه تقدر تدخل .

وبالشفاء طال عمرك


ان شاءالله بحاول اشوف بعد ماصور اليوم...وربك يسهل الامور..

اما مسألة العلاج الطبيعي اخوي ع كثر الدكاتره الي رحت لهم محد قالي..

حتى الدكتور الاخير الي رحت ف مستشفى حمد قالي علاج طبيعي قبل مايششوف

التصور ويوم شاف التصوير قالي روح خذ لك موعد ف الصحه المدرسيه وشوف دكتور

زاير..

بارك الله فيك المتيم...واشكر تواصلك يالغالي

[برشلوني قطر]

سلامات ان شاء الله للجميع و ان شاء الله اجر و عافيه

اعرف ان الدكتور علاء قواس في عيادات حمد متخصص في العظام ...ما اعرف لو ينفع في مسألة العامود الفقري والا لا

هو طبيب مشهود له حتى ابنه متخصص مثله في العظام و عليه طلب


اخوي انا ابي دكتور مختص فالعامود الفقري..ومنها يكتب تقرير بحالتي ومدى صعوبة

العمليه ومايخاف.. مب يكتب لي كلمتين..

يعطيك العافيه اخوي