هل تؤيد اقامة دورى نجوم المدارس الثانوية لاكتشاف المواهب الكروية من البنين والبنات ؟ [الأرشيف]

مشاهدة النسخة كاملة : هل تؤيد اقامة دورى نجوم المدارس الثانوية لاكتشاف المواهب الكروية من البنين والبنات ؟

حبر سري

13-02-2011, 08:53 AM

هل تؤيد اقامة دورى نجوم المدارس الثانوية لاكتشاف المواهب الكروية من البنين والبنات ؟

للامانة : السؤال مطروح في جريدة الوطن القطرية اليوم.

حبر سري

الأصيلة

13-02-2011, 08:56 AM

لاوالله ما أويد مثل هذا الدوري بالنسبة للبنات
لأن الإكتشاف يجر إلى إشتراك بالمنتخب
ومن ثم يضيع مستقبل ها البنت بالذات
لأنها تتولع بالرياضة ويصبح همها الأول
وتنسى حياتها الطبيعية ..
للشباب ممكن لكن البنات لا..!!!

al-buainain

13-02-2011, 09:20 AM

بالنسبة لي للشباب فقط اما البنات لا لان له تثأير سلبي في المستقبل على البنت وخاصة الحياة الزوجية وتربية الابناء

اقتراح ايسون دوري حق الفرجان برعاية احدى الجهات الحكومية بالاضافة لدوري المدارس لاكتشاف المواهب الكروية يعني زيادة الخير خيرين

تحياتي لك

الألماسي

13-02-2011, 09:27 AM

خلنا نتفق ان الأساس هم " المـدارس " و لكن ماذا بعد . .!

الأنديّه عندنا ما يهمهم غير الفوز " المسلوق " بغض النظر عن المنتخب اللي أصبح 80% مجنسين . .

فيه امور اساسيّه في منظومه كره القدم لازم " تلغى " عشان تاخذ قرارات معينه كدوري مدارس او حتى " دوري فرجان " . .

الأساس " غلط " في " غلط " . . فما ينفع نبني عليه في الوقت الحالي . .

:)

البعد الخامس

13-02-2011, 09:30 AM

لا حول ولا قوة الا بالله

الشعب يريد أسقاط الكوره

ضي البدر

13-02-2011, 09:35 AM

ايه نعم أشجع وأويد مثل هالبرامج المفيدة والي تساعد على اكتشاف المواهب الوطنية في مختلف أنواع المجالات الرياضية والتربوية لكلا الجنسين ليش لا..

والله بتبني فيهم الروح المعنوية العالية والشخصية الواثقة وتنمي العقل والجسد وطبعاً تملي وقت فرااااااغهم وهذا الأهم..

أتمنى فعلا يقووومون بهالشي!! وأنا أعرف انه مجرد أمنية..

وثانكس لناقل الموضوع..

بن جعران

13-02-2011, 09:43 AM

سكرمر

13-02-2011, 09:50 AM

أويد انهم يهتمون فى شلون يساعدون الطالب فى التركيز فى مدرسته

AbdullA-Qtr

13-02-2011, 09:58 AM

أويد انهم يهتمون فى شلون يساعدون الطالب فى التركيز فى مدرسته

:nice:

غايه الطواش

13-02-2011, 12:36 PM

ليش لأ الشباب الكوره والرياضه وبعض المواهب الثانيه
والبنات التصميم والمكياج والطبخ والاعمال اليدويه واقامه مسابقات بينهم

مدرسة

13-02-2011, 12:56 PM

نعم انا مع هالموضوع للشباب فقط :nice:

اما بناتنا الله يصلحهم...خلهم في دراستهم أبرك لهم، الدوري ماراح يكون الا طُعم ! أولاً ( من واقع تجربة ) اللي يجابلون الرياضة ما يفلحون في الدراسة و يكون كل همهم التدريب و رايحة مع الباص المدرسة الفلانية و جاية هلكانة من التدريب و الحصص ضايعة عليها.
طبعاً دايماً يقولون لهم ان المدرسات بيعوضونكم عن الحصص لكن هالموضوع مو واقعي ( كم درس بتعوض و مب مجبورة تعطي الدرس مرتين )

و اهم شي، خذ نظرة سريعة على اللي يسمونهم بنات الرياضة! و نعم البيئة :secret: ....وين تحط بنتك او اختك في وسطهم؟؟؟؟ ما اعممم بالتأكيد بس للأسف هذا اللي حاصل!

بعد ذلك البنت بتاخذ ريلها على الروحة و الجية و التدريب و عقب الثانوي بتقولك المنتخب..و دخلنا في الاختلاط و الحالة !!

انا اقول خل يلعبون رياضة في حصة الرياضة...و اللي تبي زود تروح ال جيم ...و اذا في دوري في المدرسة بين الصفوف يعني لا باس.......

و بس :nice::nice:

ابن قطر

13-02-2011, 02:18 PM

اخوي الكريم حبر سري

اذا رجعنا حق بداية الثمانينات صدقني فريق التربية كان اقوى من بعض الاندية

مثل نادي الشمال والاتحاد عند بدايته واقصد بالغرافه حاليا

وفريق التربية كان يتشكل من احسن اللاعبين بالمرحله الثانوية وكان في دوري مدارس صدقني الجمهور

الي كان يحضره بمدرسة الدوحه الثانوية خلال العصر كان اكثر من جماهير بعض مباريات دورينا

موضوع امل ان نسمع فيه الاراء

وشكرا اخوي حبر سري

العقل المدمر

13-02-2011, 08:13 PM

انا مع
المفروض يطلعون لنا لاعبين من البلاد ويهتمون فيهم ويطورونهم
وبالنسبه للبنات ما يمنع بعد انهم يلعبون مع بعض ويستانسون دام مافيها اختلاط
اما مشاركتهم فالمنتخبات اكيد لا

بوخالد911

14-02-2011, 12:51 AM

للرجال نعم

للنساء لا

الأستاذ

14-02-2011, 01:35 AM

أرى أن السؤال كان يجب طرحه كالتالي :

هل تؤيد عمل مسابقات في التدبير المنزلي والعناية بالاطفال وكيفية انشاء اسرة سعيدة للشباب في المرحلة الثانوية ؟

وعمل مسابقات رياضية في كرة القدم واختراق الضاحية والمصارعة الحرة للبنات في المرحلة الثانوية ؟
أنتوا تبغونها هالشكل .. ولكن بصورة غير مباشرة ..
وإلاّ أحنّا من وعينا عالدنيا ومسابقات القدم بين الشباب في المدارس من ايام خالد بن الوليد والخليج العربي ؟
الجديد يها .. الشابات ..

SOQATAR

14-02-2011, 02:05 AM

إن العبوا البنات بقطر فوالله ان الدنياء اختربت وضاعت قطر

اولا إذا قلنا البنات بيلعبون كيف بيكون لبسهم ؟

ثانياً : وإذا وحده جاتها الدوره وش تسوي ؟؟؟؟

ثالثاً أذا وحده حامل وش تسوي ؟ ولا تحرم نفسها من الحمل ؟؟

رابعاً إذا زوجها قال مافيه لعب وش تسوي تعصي زوجها وتخبرون بيوت ؟

خامساً: إذا الانحراف في البنات للآسف موجود وبكثره تزيدون الطين بله

سادساً إذا لعب البنات اللي هم اصلا اهل الكوره واصبح لهم رب ولا لهم هدف في الحياه وفي الاخير لعبهم فاشل واشكالهم غلط وهم مثل الحيوانات مالهم قيمه ولا غيره ماهي نظرتكم في بنات المسلمين من امه محمد عاريات في الملاعب ...

والله الامر يفشل واللي طرح الشي في الجريده واللي تناقش في هذا المجال كم كبير وصغير وموافق على هذا الامر فهو انسان لا دين ولا غيره ولا أصل

ولا حول ولا قوه الا بالله