متى اخر مرة جلست فيها مع اختك؟

[شيخ القبيلة]

السلام عليكم ورحمة الله وبركاته


متى اخر مره جلست مع اختك سألتها عن اخبارها
مايحدث معها في المدرسه أو في الجامعة أو مع العائله
هل تعاني من مشكله
هل وهل وهل

اسئله كثيره قد تجد اجابتها ولكن عندما تكون جالساً مع اختك

ولكن .....

هل سألت نفسك .. ماهي ردت فعلها لو جربت ودعوتها أو أعطيتها جزء من وقتك
مالاثر الذي سيتركه في قلبها .. ؟
فجميعنا يعلم أن الأخت تحب أن يكون لها أخ ترى منه الإهتمام والعطف والحنان

فماذا لو افرحت قلب اختك بدعوة الى مطعم أو جلست وتجاذبت معها أطراف الحديث ، فأنت تحكي لها قصة وهي تحكي لك ...

يمكن تقول ..
مشغول
ماني فاضي لها
والله لو كان واحد من الشباب عزمك على كوفي شوب رحت له ترررررركض

اما اختك منت فاضي

اذا ماكنت فاضي لها مثل ماتقول .. فمن الذي سيفضى لها؟؟

أتريدها ان تبحث عن رجل اخر غيرك.. ؟؟؟

ولو بحثت ستجد !!!

نعم ستجد تلك الذئاب التي ستعطيها مالم تجده عندك

فلتحاولوا جميعا أن تعطوا أخواتكم شيئاً من وقتكم

فهن يستحـقـون ذلك أم لا ؟

وأنتن يا بنات ماذا سيكون إحساسكن عندما تجدن لفتة إهتمام كهذه من إخوانكن؟

أتمنى التفاعل والبحث عن أسباب ونشوف ردودكم

دمتم يارب

تحيااااتي !

[bo_s3ood]

الحمدلله رب العالمين مب مقصر معاهم

تسلم على الطرح

[كازانوفا]

ياريت يكون في سؤال باستمرار من الاخ لاخته
والله وعن تجربه شخصيه احساس بطمئنينه لا توصف

اشكرك علىالموضوع الرااائع

[MAZEN37]

خليها على الله

[شيخ القبيلة]

الحمدلله رب العالمين مب مقصر معاهم

تسلم على الطرح

بارك الله فيك

[bos3eed]

ترى الحريم يعورون الراس, ام العيال ومجبور فيها اشحقه ابلش عمري مع الباقي!!!

[شيخ القبيلة]

ترى الحريم يعورون الراس, ام العيال ومجبور فيها اشحقه ابلش عمري مع الباقي!!!

:omg::(

[قطرية فذة]

لاخليت من اخواني جعلهم الجنه يارب

وجودهم نعمه احساس بداخلك حولك جنود
قلبهم عليك رجال تحصلهم

الله يخليك لهلك ويخليكم لهلكم

[خوي الدرب]

أختي فديت أختي
أختي تراوح بين عيني وقلبي
حتى أني إذا أستفزيتها تعطيني كفّ ويحق لها ذلك فهي شقيقة الروح
حفظها الله في الدنيا وأكرمها في الآخرة
فمنذا الرجل الذي لا يعطف على أخته
الأخ بالنسبة للأخت شيء كبير كبير في نظرها
فمن لم يكن لأخته كذا فلا خير فيه

[marqap75]

العرب يقولون وانا اخو فلانه وذلك لنظرتهم الكبيره لها واعتزازهم بشرف اختهم وعزتها وطهارتها وهي البؤبؤة من العين وقرة القلب حفظ الله لنا اخواتنا

موضوع جميل مشكور على الطرح

[غايه الطواش]

لو كل بنت اسمعت من اخوها كلام مدخ وثناء ولقت الدلال ...
كان ماشفنا بنات انحرفوا لما اسمعوا كلام معسول من الشباب ..
بعض الاخوان يستحون يقولون لخواتهم حبيبتي وفديتج او مدحها اذا لبست لبس حلو او اذا تعدلت ماتلقى غير التظنز والمعاير والكلام الحلو غايب ...
البنت مشاعر لو سمعت الكلام العاطفي من الاب او لاخ مراح تحتاج ان تسمعه مع واحد غريب يمكن انه يلعب عليها ...راح يكون عندنا تشبع في الكلام العاطفي ..الكلام و الرومانسيه المفقوده داخل البيت تخلي البنت تلجا الى ان تسمعها خارج المنزل
احتياجات البنت موكلها مصاريف ودني وجيب لي وسوا لي ودهم مطعم او عشهم الكلام له الاثر الكبير الواحد اذا شايف اخته متمكيه او لابسه فستان ع الموضه قالها شهالصبع والا شهاللبس واذا لبسته زوجته هات يالمديح ...والاخت الفقيره كلمه حللوه ماتسمع
واحيان بعض الشباب يبخلون بالهدايا والكلام الزين لخواتهم وماشاء الله سيل من العبارات الرومانسيه لصاحباتهم
انا اعتقد ان انحراف البنت من بيتهم شبعوا البنات كلام حلو وعاطفي من البنات احسن من انهم يسمعونه من غريب برا البيت ...

[لافوشيا]

ترى الحريم يعورون الراس, ام العيال ومجبور فيها اشحقه ابلش عمري مع الباقي!!!

ههههههههههههههههههههههههههههههههههه قسم بالله فطست من الضحك

[احب قطر]

يامغلا الخوات وعيالهم ... مااقدر مايمر علي اسبوع من دون مااسيير عليهم وحده وحده..

[مدرسة]

موضوع متميز

علاقة البنت بأخوها تمر بمراحل كثيرة ( منها مرحلة المعاير و الطنازة !! ) :nice:

لكن الزمن الحين تغير...و البنت في مرحلة نموها و احساسها بأنوثتها تحتاج تسمع الكلمة الحلوة و تحتاج علاقة سوية بالجنس الآخر
شبابنا بعضهم علاقته معدومة بأهله و تلقاه لا تزوج يحوف مرته حوووووف ....!!

يعني مرته أنثى و لها مشاعر و اخته قوطي نيدو بدون مشاعر ! :anger1:

و هنا مربط الفرس باعتقادي..الشاب لا ينظر لأخته على انها أنثى! ....البنت اللي في الشارع لابسة و كاشخة هذي منتهى الأنوثة..الممثلات و المذيعات كلهم حنان...و أخته واحد من الشباب!

بما اني مدرسة و هذا وباء يؤثر باستمرار على تفكيري و حكمي على الأشياء ...أجد أن الطالبة اللي واثقة من نفسها و شخصيتها مستقرة و ترفض الانخراط في علاقات مشبوهة مع شباب او حتى بنات....تكون لاقية الثقة و الحب و الحنان اللي تحتاجه في البيت و ما تحتاج تدوره برا...

اللي الجماعة في البيت سافهينها تكون فريسة سهلة لغيرها من البنات في المدرسة قبل ان تكون لقمة ساائغة لمعدومي الضمير إلا من رحم ربي

اخوي سند لي و ظهر وقت الشدايد....صح ...لكن مجرد انه يجيني يتكلم معاي او يعزمني لو على جباتي و جبن...هالشي عندي بالدنيا.... :shy:

الله يحفظ اخواني و يخليهم لي آآآآميييييييين

[qatar-uae]

يو الاربعاء كنت موديها وياي الامارات (كشته)

[boamir]

الحمد لله كل يووم
الله يخليهم لي

[شيخ القبيلة]

يو الاربعاء كنت موديها وياي الامارات (كشته)

:thumbup1::thumbup1::thumbup1:

[al3grab]

للاسف ماعدي خوات وهذا مااغتقده يعني مستحيل اكون خال للاسف لاكن الحمدلله

[رآعي آلفتك]

يعطيك العافية اخوي عالموضوع

[قمر الكواري]

لازم يعورون الراس


مافي احلى من عوار الراس


مساكين البنات

[بو خليفه 123]

البارحه ماخذ روضه و خالد للدكان عشان نضبط العلاقات مع أمهم (أختي)
ناوي ادخل مشروع معاها

:shy:

[نورالهدى]

الله يرحمه أخوي الوحيد:weeping:
أولادي ماعندهم خال
والله يخليلي خواتي نور عيوني:shy:
أحبهم كلهم:)
الله يحفظهم ويسترنا جميعا فوق الارض وتحت الارض ويوم العرض

[barod]

موضوع مميز .. فعلا بعضنا مقصر مع خواته وهم يستاهلون الاهتمام والكلام الجميل بدلا من الغريب

[نتفـه]

واللي ما يدري عنهم ؟؟؟؟؟؟؟؟؟؟؟؟؟؟؟؟؟؟؟؟؟؟؟
خلها على رب العالمين بس ,,

[intesar]

الحمد لله

[القحطاني505]

دائمًا استمع لهم وأسولف معهم وأسألهم عن كل اختبار وكل مادة

وإن شاء الله ما أكون مقصرّ معهم

[الطلياني]

الصراحة احلى موضوع يمرعلي ( الله يجزاه خير صاحب الموضوع )
انا احب خواتي وايد وايد بس احس اني مقصر شوي
بس انشاء الله من يوم ورايح بهتم فيهم اكثر .

[twilight]

فديت أخواني الله يحفظهم ويخليهم لي

عرفتهم أكثر بعد ما توفى الوالد الغالي(الله يرحمه)

قبل ماكان في قلبي وحياتي غير الوالد

لكن الحين صرت أقرب لأخواني أكثر

أحس إن هم بعد محتاجين لي مثل ما أنا محتاجه لهم بالضبط

[vtc-4800]

الحمد لله ماني مقصر
تسلم على التذكير

[vtc-4800]

العرب يقولون وانا اخو فلانه وذلك لنظرتهم الكبيره لها واعتزازهم بشرف اختهم وعزتها وطهارتها وهي البؤبؤة من العين وقرة القلب حفظ الله لنا اخواتنا

موضوع جميل مشكور على الطرح
الله يرحم أخو هدلة :weeping:

[pure]

الاخوان حق التطنز والمعاير عند ويهك ههههههههه

بس يالله ننطر مرحلة الشباب نجوف شيطلع منهم ,,

[ام السعف]

حلو الاخو يقعد مع اخته يسولف وياها ،، يحضنها حضن اخوي حنون
يلمس راسها يطلعها مشاويرها،، يعزمها على مطعم او كوفي شوب او طلعة مكتبة،،

البنت بتحس بالراحة وبحب اخوانها ،، طب في عمر المراهقة ،،
وبالكشل هذا البنت بتحس ان هناك اخوان يحبونها ويخافون عليها ،،
مب اخوان مهملين او متسلطين لمجرد انهم ذكور ،،

في موقف جميييل جدا جدا جدا

الأخ كان مصطحب اخته معاه في حدى المكتبات الكبيرة في قطر ،، قبل لا يدخل
المكتبة مسكها من يدها ،، ووشبك اصابعه باصابعها ،،، والبنت مبسوطة باخوها
الي مفتخر فيها وهي طفلة مراهقة ،، مشى معاها فترة وعقب تم معاها يشوفها
اشتبي واشماتبي ،،،

[شموخ العز]

حلو الاخو يقعد مع اخته يسولف وياها ،، يحضنها حضن اخوي حنون
يلمس راسها يطلعها مشاويرها،، يعزمها على مطعم او كوفي شوب او طلعة مكتبة،،

البنت بتحس بالراحة وبحب اخوانها ،، طب في عمر المراهقة ،،
وبالكشل هذا البنت بتحس ان هناك اخوان يحبونها ويخافون عليها ،،
مب اخوان مهملين او متسلطين لمجرد انهم ذكور ،،

في موقف جميييل جدا جدا جدا

الأخ كان مصطحب اخته معاه في حدى المكتبات الكبيرة في قطر ،، قبل لا يدخل
المكتبة مسكها من يدها ،، ووشبك اصابعه باصابعها ،،، والبنت مبسوطة باخوها
الي مفتخر فيها وهي طفلة مراهقة ،، مشى معاها فترة وعقب تم معاها يشوفها
اشتبي واشماتبي ،،،



حلو كلامج يام السعف


بس يحضنها ........ تصرف مايجوز بين الاخوه ....... صعب شوي


يعطيك العافيه صاحب الموضوع

[منتهى الحكمة]

جزاك الله خير ياصاحب الموضوع ... هل يعلم الأخ لمن ترك أخته في هذه الأيام بالذات ولم يهتم بها ؟؟؟؟
ومن سيملأ مكانه في حياتها ؟؟ والجواب أنه ممكن يكون أي رجل يواجهها في حياتها اليومية ويرعاها ويهتم بها .. وحتى لو حصل شيء لها فهو آخر من يعلم . بالعربي يبتعد عشان مايحب عوار الراس والمشاكل .

[غــــروب]

ترى الموضوع مب مجال تطنز!! وخطير
بالفعل لمن جلسنا مع حدا الطالبات للبحث في أسباب (أخطاءها) المتكرره تخيلوا وش قالت!!
قالت: أنا في البيت محد يهتم فيني..وحتى أمي مااحضنتني!

وهالجيل ماشالله ماخلا مسلسل ماتابعه يعني عندهم فراغ عاطفي والله المستعان

[شيخ القبيلة]

ترى الموضوع مب مجال تطنز!! وخطير
بالفعل لمن جلسنا مع حدا الطالبات للبحث في أسباب (أخطاءها) المتكرره تخيلوا وش قالت!!
قالت: أنا في البيت محد يهتم فيني..وحتى أمي مااحضنتني!

وهالجيل ماشالله ماخلا مسلسل ماتابعه يعني عندهم فراغ عاطفي والله المستعان

الله المستعان وشكرا على المرور العطر

[شيخ القبيلة]

جزاك الله خير ياصاحب الموضوع ... هل يعلم الأخ لمن ترك أخته في هذه الأيام بالذات ولم يهتم بها ؟؟؟؟
ومن سيملأ مكانه في حياتها ؟؟ والجواب أنه ممكن يكون أي رجل يواجهها في حياتها اليومية ويرعاها ويهتم بها .. وحتى لو حصل شيء لها فهو آخر من يعلم . بالعربي يبتعد عشان مايحب عوار الراس والمشاكل .

ويجزاكم الخير وشكرا على المرور الطيب

[chillis]

فديت اخواني يعلهم الجنه ما يقصرون ودوم على قلب واحد

[شيخ القبيلة]

فديت اخواني يعلهم الجنه ما يقصرون ودوم على قلب واحد

الله يخليهم لج .......... وشكرا على المرور

[غايه الطواش]

حلو كلامج يام السعف


بس يحضنها ........ تصرف مايجوز بين الاخوه ....... صعب شوي

يعطيك العافيه صاحب الموضوع

مايجوز مره وحده اخوي :omg:
بالعكس اسعد جدا لما اخواني
يحضنوني...حضن حب وحنان وشوق
خاصه لما نكون مشافنا بعد من فترة
بسبب سفر ..او ظروف او لما اكون طالعه من عمليه او مستشفى المه يكون لها طعم غير ....
واحيان مايكون لها سبب
يعني انا داشه البيت وهو طالع يلمني ويبوسني
الحنان من الاخوان غير ...
احيان لما اسافر مع اخواني والله يظنون واحد من خواني زوجي
يشيل الاكياس عني يفتح لي باب السياره لما نعبر الشارع يمسك يدي
يختار معاي ثيابي واختار معاهم ثيابهم والله
والدلال من الاخوان له طعم ثاني

[مضاربه]

انا ماذكر اني سمعت كلمه حنونه من اخواني الا كله تسطر واهانات من من يومي صغيره لين كبرت المشكله معاملتهم البناتهم غير بالمره سبحان الله امراضهم النفسيه ماتطلع الا علي انا

[شيخ القبيلة]

انا ماذكر اني سمعت كلمه حنونه من اخواني الا كله تسطر واهانات من من يومي صغيره لين كبرت المشكله معاملتهم البناتهم غير بالمره سبحان الله امراضهم النفسيه ماتطلع الا علي انا

الله يعينج ويعوضج خييييييييييير:(

[ام السعف]

حلو كلامج يام السعف


بس يحضنها ........ تصرف مايجوز بين الاخوه ....... صعب شوي


يعطيك العافيه صاحب الموضوع

مب يحضنها ويه بويه :shy:
يحضنها على جنب يلمها صوبه ،، يقربها منه ،، بصراحة
اخوي الكبير يا ما سواها ويانا وخاصة لما ننحط في مواقف
نكون محتاجين حنان ،، وعندي ولدي الكبير حبيبي دايما يلم اخته بالطريقة هذي،، حتى يلمس راسها ويرتب لها شعرها ويمسح يده على راسها :shy:( وحشني )
الله لا يغير عليهم يارب ( اللهم آمين )،،

اللحين على كبري،، لما اشوف اخوي يطيب لي خاطري بلمة اخوية ما تتصورين
الدفعة المعنوية اللي تتولد في قلبي ،، وما بالج بنات بحاجة الى دفعات عاطفية اخوية كبيرة ،

بس ارجع واقول مب حضن مياعة و مصاخة ،، :shy:

[أم هشام]

والله يجزيت خيرا يا صاحب الموضوع (شيخ القبيلة)
كلامك صح
ويا ريت كل الاخوان والعائلة يكونو قلب واحد على بعض كان ما بتلجأ بعض البنات للذئاب البشرية اللي بضحكوا عليهم بكم كلمة حلوة

[ام السعف]

مايجوز مره وحده اخوي :omg:
بالعكس اسعد جدا لما اخواني
يحضنوني...حضن حب وحنان وشوق
خاصه لما نكون مشافنا بعد من فترة
بسبب سفر ..او ظروف او لما اكون طالعه من عمليه او مستشفى المه يكون لها طعم غير ....
واحيان مايكون لها سبب
يعني انا داشه البيت وهو طالع يلمني ويبوسني
الحنان من الاخوان غير ...
احيان لما اسافر مع اخواني والله يظنون واحد من خواني زوجي
يشيل الاكياس عني يفتح لي باب السياره لما نعبر الشارع يمسك يدي
يختار معاي ثيابي واختار معاهم ثيابهم والله
والدلال من الاخوان له طعم ثاني

والله كل يوم جمعة الم اخوي الكبير واملغ عليه واردد عليه احبك يالغالي لين يقول لي افففف
افففففففففففففففف،، بسج بس لوعتي جبدي :shy:،، وامي تهاوشه وابوي يعصب عليه
يقول لهم ما عليكم منها هذي عيارة اكيد تبي سلف :shy:

بالفعل اخوي اللي اصغر من الكبير،، مرات لما يدخل واسلم عليه بحب وحنان
والسلام يكون فيه نوع من الاحتضان اشوف ويهه ينور واحس بالسعادة
تشع من عيونه ،،( الله يخليهم لنا يارب ولا يفرقنا يااااااااارب يا كريم )

حب الأخوان ما يغيره الزمن ،، الطعم هو نفسه الطعم ما ينقص على الرغم
من اكتمال عنفوانه ،، على عكس انواع الحب الثانية :shy:

[شموخ العز]

مب يحضنها ويه بويه :shy:
يحضنها على جنب يلمها صوبه ،، يقربها منه ،، بصراحة
اخوي الكبير يا ما سواها ويانا وخاصة لما ننحط في مواقف
نكون محتاجين حنان ،، وعندي ولدي الكبير حبيبي دايما يلم اخته بالطريقة هذي،، حتى يلمس راسها ويرتب لها شعرها ويمسح يده على راسها :shy:( وحشني )
الله لا يغير عليهم يارب ( اللهم آمين )،،

اللحين على كبري،، لما اشوف اخوي يطيب لي خاطري بلمة اخوية ما تتصورين
الدفعة المعنوية اللي تتولد في قلبي ،، وما بالج بنات بحاجة الى دفعات عاطفية اخوية كبيرة ،

بس ارجع واقول مب حضن مياعة و مصاخة ،، :shy:


كل وحده فينا لها حدود في مشاعرها تجاه اخوانها


انا ماقدر حتى المس ايدهم بالسلام ...... اقشعر


يقولون الي جذيه تكون مندفعه مع زوجها ....... تعوض النقص ! :shy:

[شموخ العز]

مايجوز مره وحده اخوي :omg:
بالعكس اسعد جدا لما اخواني
يحضنوني...حضن حب وحنان وشوق
خاصه لما نكون مشافنا بعد من فترة
بسبب سفر ..او ظروف او لما اكون طالعه من عمليه او مستشفى المه يكون لها طعم غير ....
واحيان مايكون لها سبب
يعني انا داشه البيت وهو طالع يلمني ويبوسني
الحنان من الاخوان غير ...
احيان لما اسافر مع اخواني والله يظنون واحد من خواني زوجي
يشيل الاكياس عني يفتح لي باب السياره لما نعبر الشارع يمسك يدي
يختار معاي ثيابي واختار معاهم ثيابهم والله
والدلال من الاخوان له طعم ثاني


ماشالله انتي غطيتي على ام السعف ...... يلمني ويبوسني ويختار ثيابي ...... شخليتي حق

الزوج ؟!

[ام السعف]

كل وحده فينا لها حدود في مشاعرها تجاه اخوانها


انا ماقدر حتى المس ايدهم بالسلام ...... اقشعر


يقولون الي جذيه تكون مندفعه مع زوجها ....... تعوض النقص ! :shy:

هاهاها
معقولة ؟تنحسب جذيه :shy:

طبعا ارفض مثل هالكلام ،، جملة وتفصيلا ،، ماله علاقة ابدا وخاصة اني
عارفة طبيعة علاقتي الزوجية ،، قد يكون مثل هالكلام ينطبق على ناس ثانين
لكن بالنسبة لي لا،،

الم ابوي ،، الم عمي ،، الم خالي ،، الم اخواني الم عيالي الشباب
ما عندي مشاكل،، اللم يكون اخوي او امومي او تقديري ،، لكن مب لدرجة
لم والاستمرار في الاحضان لدرجة تحريك المشاعر نفس لما يصير
ما بين الزوج وزوجته :eek5:

لذلك : هناك خلل في مفهوم الاحضان الأخوية ،، وهناك حاجة الى اعادة برمجة
المفهوم هذا بحيث نبعد فكرة السلام على الأخو يقشعر منه البدن ،، وحضن الأخ
لأخته بطريقة اخوية تثير الغرائز :telephone:

[ام السعف]

ماشالله انتي غطيتي على ام السعف ...... يلمني ويبوسني ويختار ثيابي ...... شخليتي حق

الزوج ؟!

:omg::eek5::omg:

لا توسعين مفهوم يبوسها ويلمها ،، :(

[غايه الطواش]

ماشالله انتي غطيتي على ام السعف ...... يلمني ويبوسني ويختار ثيابي ...... شخليتي حق

الزوج ؟!

اختي حلو لما الاخ يشارك اخته في كل شي
شفيها يعني ...
يعني انتي مثلا لو رحتي بيت ابوج الاثنين والا الخميس ماتبوسين اخوانج ماتسلمين عليهم ...اذا سافرتي والا اذا سافروا مده طويله ماتلمينهم .؟؟؟
اذا رحتي السوق معاهم ماتخذين رايهم اذا محتاره بين شيئين ؟؟؟
وبخصوص ان كل شي لازم يكون للزوج ؟؟؟
اذا البنت ماجا نصيبها شتسوي يعني..؟؟
واذا كانت مراهقه ؟؟ صديقيني قتره المراهقه افضل ان الاخ يكوون قريب جدا من اخته ...وهذا لمصلحتها

[ام السعف]

اختي حلو لما الاخ يشارك اخته في كل شي
شفيها يعني ...
يعني انتي مثلا لو رحتي بيت ابوج الاثنين والا الخميس ماتبوسين اخوانج ماتسلمين عليهم ...اذا سافرتي والا اذا سافروا مده طويله ماتلمينهم .؟؟؟
اذا رحتي السوق معاهم ماتخذين رايهم اذا محتاره بين شيئين ؟؟؟
وبخصوص ان كل شي لازم يكون للزوج ؟؟؟
اذا البنت ماجا نصيبها شتسوي يعني..؟؟
واذا كانت مراهقه ؟؟ صديقيني قتره المراهقه افضل ان الاخ يكوون قريب جدا من اخته ...وهذا لمصلحتها

اتفق معاج،، احنا بشكل عام ما تعلمنا هالشي الا لما كبرنا ،، ويوم كبروا
اخواننا صاروا اكثر حنان وحب وعطف علينا ،، لأنهم صاروا مسؤولين
عن بنات وعرفوا قدر الحب والعطف على البنت ،،

[غايه الطواش]

قولون الي جذيه تكون مندفعه مع زوجها ....... تعوض النقص

هذا انت قلتي نقص !!
انا اقول لو الاخ يسد هالنقص ابرك من غريب يسده لاخته
واذا اختي تفكيرج عاقل وراجح
في مراهقات كثير ينجرفون ورا مشاعرهم ..عشان يسدون ثغره النقص العاطفي ...واهتمام الرجل...من جيه اطالب كل اب وكل اخ يهتم عاطفيا باخته

[Bin Hood]

الاخوان حق التطنز والمعاير عند ويهك ههههههههه

بس يالله ننطر مرحلة الشباب نجوف شيطلع منهم ,,

ههههههههههههه

الصراحة اصبتي

[ام السعف]

هذا انت قلتي نقص !!
انا اقول لو الاخ يسد هالنقص ابرك من غريب يسده لاخته
واذا اختي تفكيرج عاقل وراجح
في مراهقات كثير ينجرفون ورا مشاعرهم ..عشان يسدون ثغره النقص العاطفي ...واهتمام الرجل...من جيه اطالب كل اب وكل اخ يهتم عاطفيا باخته

هي قالت اول شي : "يقولون الي جذيه تكون مندفعه مع زوجها"
كلمة مندفعة ابدا ما توافق ما قالته بعدين : " تعوض النقص !"

اعتقد هناك خلل في المفهوم ،، الاندفاع للزوج و وجود نقص من تجاهه ما بيعوضه احتضان الأخ ،،لأن لو حسبناها بالطريقة هذي العلاقة بتكون شاذة والعياذ بالله ،،

احنا نقول : البنت يلمها اخوها صوبه يحسسها بالأمان بحبه لها،، مب يمارس
شذوذه عليها :(...> المفهوم هذا بحاجة الى اعادة برمجة من قلب :(

[ROSE]

الله لايغير عليهم اخواني فديتهم لو ماتصلت لهم يتصلون فيني يتطمنون علي

غير علاقتهم معاي علاقتهم مع عيالي لو ماكلموهم يوم يشتاقون لبعض وكلنا مع بعض

على الواتس اب والمسنجر وضحك وسوالف وغشمره

الحين ولدي هني جاي فترة اجازه كل واحد يبي يسوي له شي يحبه ويتسابقون من اللي يسوي قبل


وربي مااابالغ ،، الحمدلله العلاقة طيبه وحلوه ويكفيني انهم يحبون عيالي مثل مايحبوني ونتعامل

كاخوان واصدقاء ونضحك ونسولف ونتعافر حتى مع نسوانهم


نسوان اخواني مثل خواتنا مانعدهم نسوان اخوان

[غايه الطواش]

هي قالت اول شي : "يقولون الي جذيه تكون مندفعه مع زوجها"
كلمة مندفعة ابدا ما توافق ما قالته بعدين : " تعوض النقص !"

اعتقد هناك خلل في المفهوم ،، الاندفاع للزوج و وجود نقص من تجاهه ما بيعوضه احتضان الأخ ،،لأن لو حسبناها بالطريقة هذي العلاقة بتكون شاذة والعياذ بالله ،،

احنا نقول : البنت يلمها اخوها صوبه يحسسها بالأمان بحبه لها،، مب يمارس
شذوذه عليها :(...> المفهوم هذا بحاجة الى اعادة برمجة من قلب :(


ههههههههههههه
طولي بالج اختي ام السعف

[ام السعف]

ههههههههههههه
طولي بالج اختي ام السعف

خلاص بطول بالي ....> بس بجد المفهوم هذا محتاج اعادة برمجة :(

[غايه الطواش]

خلاص بطول بالي ....> بس بجد المفهوم هذا محتاج اعادة برمجة :(

اختي الــ society
له مفاهيمه الي ترسخت في العقول وتوارثتها الاجيال ...ومنها هالموضوع الي عيب الاخ يقول كلام حلو لاخته او حتى يقولها احبج ..او يحضنها ...ويعتبرونه نقص من الرجوله ومنقود ..وان هالكلام حصر للزوجه بس ...واظهار اي مظهر من مظاهر العاطفه يعتبر شذوذ وعيب
شوفي الجيل القديم يستحي يجاهر بعواطفه تجاه اخته او بنته لكن تعالي للجيل الجديد مفرفش ماشاء الله عليهم وماعندهم اي اشكاليه

[امـ حمد]

موضوع جميل تشكر عليه اخوي

المفروض كل اخ يسأل عن أخته ويعطيها إهتمام

ويكون لها نعم الأخ والصديق

[ام السعف]

اختي الــ society
له مفاهيمه الي ترسخت في العقول وتوارثتها الاجيال ...ومنها هالموضوع الي عيب الاخ يقول كلام حلو لاخته او حتى يقولها احبج ..او يحضنها ...ويعتبرونه نقص من الرجوله ومنقود ..وان هالكلام حصر للزوجه بس ...واظهار اي مظهر من مظاهر العاطفه يعتبر شذوذ وعيب
شوفي الجيل القديم يستحي يجاهر بعواطفه تجاه اخته او بنته لكن تعالي للجيل الجديد مفرفش ماشاء الله عليهم وماعندهم اي اشكاليه

شوفي بالنسبة لا افراط ولا تفريط ،، كل شي بحدود ،، يعني ما نقول الصبي كل
ما دخل البيت يركض يلم اخته او يحضنها او ،،، او ،،،

احنا نقول ،، يكون قريب منها ،، لو غلط عليها وهو اكبر منها ممكن يعتذر منها
ويلمها ،، ممكن لو مازحها مزحة ما اقبلتها يراضيها بملة اخوية ويبوسها على راسها
ما قلنا تعال بوسها على خدها والزق بوزك عليه ،،
بوسها على جبهتا ،، قول لها ان شاءالله ما طلبت شي طلباتج اوامر،،
مر عليها اسأل عنها ،، قول لها وينج اليوم ؟

فرحانة تضحك قول لها فرحيننا معاج ،، كلمها افتح مواضيع معاها العب معاها
تناقش وياها في اي شي ممكن تعرفه ،، بادلها المسجات ،،

عارفة يا غاية : امور كثيرة ما عرفناها ،، وبالنسبة لي يمكن جافة وايد العيال من يوصولن 8 سنين خلاص هذا ريال فكانت علاقتي مع عيالي الشباب ويمكن البنت بعد ان خلاص كبروا ما يحتاج لم وحضن ،، لما تعرضت لموقف مع ولدي الكبير ،، اضطريت
المه واحضنه يوم كان عمره 14 وحسيت اشلون تحسس من لمتي ،، عرفت ان هناك خلل في التربية والبرمجة ،، فصرت استغل اي فرصة المه ،، اليوم ،، احصله اول واحد على راسي
لو افتقد قعدتي الصبح ،، ولا يملني ويحضني ،، ويحضن اخوانه كلهم من كبيرهم لصغيرهم ،،

رديت من اول وجديد اربي نفسي على امور علشان يكتسبونها العيال ،، مع ان ابوهم
مب مقصر عليهم ،، لكن تلقين دور الأم اكبر واكبر واكبر فمن جذيه ،،
اقول الحب والحنان في البيت يولد حب وحنان وعطاء واندفاع للحياة بكل حب وصفاء ،،