المساعد الشخصي الرقمي

مشاهدة النسخة كاملة : اثاث بيت كامل من الصين



أم شيوخ
13-02-2011, 11:40 AM
اخواني لو سمحتوا ابغى اعرف الي راح الصين وخذ اثاث كواليتي ممتاز حق الصالات والمجالس وغرف النوم الرئيسيه والاطفال
واذا بعد خذ العاب للحديقه حق الاطفال كم كلفه لو سمحتوا ابي اعرف ضروري قبل لانروح
وشكرا مقدما

أم شيوخ
13-02-2011, 11:45 AM
كم التكلفه يعني!!!!!!

شموخ دائم
13-02-2011, 03:40 PM
,


,


مرحبا


بالنسبه للاثاث من الصين والمعارض موجوده في مدينه
( كوانزو ) والمصانع ومجمعات الاثاث موجوده في مدينه ( شوندا) تبعد عن كوانزوا ساعة او ساعة ونصف
واشهر هذه المجمعات (لونغ انترناشيونل مول )
وبهذا المجمع يوجد محل مشهور seewellgallery لكنه مو رخيص الجوده عاليه عنده


الاثاث يعتمد على ميزانيتك وانا انصحكم تعملون جدول لاثاث البيت

نفرض على سبيل المثال ان ميزانيتي لفرش البيت هي 200 الف
واعمل حسابي على المصاريف الثانيه من تذاكر وسكن وشحن
ومواصلات ومكتب ترجمه هذي المصاريف نحط لها ميزانيه مختلفه

نعمل جدول لكل اثاث البيت على سبيل المثال

الدور الارضي
المبلغ 100 الف


الصاله 20 الف
الصاله الثانيه 20 الف
مجلس 20 الف
مطعم 20 الف
مطبخ 20 الف


الدور الثاني

المبلغ 100 الف

الصاله 20 الف
غرفه النوم الرئيسي 30 الف
غرفه اطفال ( 10 الاف )
غرفه اطفال 2 ( 10 الاف )
غرفه اطفال 3 ( 10 الاف )
ممرات البيت 20 الف


( 20 الف شحن وجمرك وتخليص معامله ) من الصين الى الدوحه
10 الاف مصاريف ترجمه وتنقلات وتخزين
10 الاف سكن
10 الاف تذاكر ( شخصين )



وهكذا نلتزم بالميزانيه ونعرف كم بنصرف
على حسب الميزانيه الي احنا حاطينها للاثاث
نقدر نفرش البيت ب 200 الف ونقدر نفرش البيت ب 500 الف
يوجد غرفه النوم ب 10 الاف ويوجد غرفه النوم ب 50 الف
الي يحدد السعر هو ( امكانياتنا )


اتمنى تتفقون مع مكتب مشهور ومعروف هناك يجيكم الفندق
ويطلع معاكم من الصباح الى العصر للترجمه ولشحن الاغراض وتغليفها
لان هناك طريقه الشراء تدفعون حجز 10%
وبعدها المكتب يجمع البضاعه من كل المحلات ويسدد لهم باقي المبلغ وياخذ كل الاوراق المطلوبه والمستندات الى المخازن الخاصه فيه
ويقوم بتغليفها وشحنها الى قطر وتستغرق هذه العمليه اسبوعين او 3 اسابيع
والمكتب هذا ياخذ 5% من قيمه الاثاث او المشتريات

نصيحه اخيره
اخذوا معاكم دفتر وسجلوا فيه اسم كل محل دخلتوه ونوع بضاعته وشنو عجبكم فيه
ودبسوا البزنز كرد ماله بالصفحه وكم دفعتوا له حجز لان هناك الواحد يتخربط من كثره دخول المحلات واتمنى ما تستعجلون بالشراء
خلوا اول 3 ايام تشوفون الاثاث وبعدها تشترون لان كل سوق له بضاعه
ولو موديلات وحتى ما تندمون لو شريتوا من محل وبعدها عجبكم شي بمحل ثاني

اتمنى لك رحله سعيده

,

,


اخوك



شموخ دائم

qatarlands
14-02-2011, 09:07 AM
اخوي شموخ دائم كفيت وفيت

أم شيوخ
16-02-2011, 10:09 AM
شكرا اخوي شموخ ماعليك قصور