أسعار قطع غيار تويوتا بين قطر والأمارات . . .ولماذا كل هذا الفرق؟؟

[سوق واقف]

السلام عليكم ورحمة الله وبركاته


الصراحة حبيت أبين لكم الفرق في أسعار قطع غيار تويوتا بينا وبين الإمارات .....

ومن الوكــــــــــــــــــــالة الرئيسية وليس محل لأني لا أثق سوى بالوكالات الأصلية فقط


شريت أكسل كامل للجهة اليمنى للسيارة لكزس صالون 350es موديل 2008

سعر الدوحه 3600 ريال

سعر الإمارات 1350 ريال

معلومة قالي كان سعره 3600 بس عشان موديل 2008 نزل سعره الى 1350 ريال

أليس من المفروض تنزل أسعارها حتى عندنا . . ..

والحين نستقبل آرائكم . . . .

صورة الفاتورة

http://img103.herosh.com/2011/02/13/890343754.jpg (http://www.herosh.com)

[غايه الطواش]

مالنا راي اخوي سوق واقف .....
انت في قطر ....
وهذه هي العيشه هنيه كل شي نار

[حيهور]

الغالي يرخصلك يالغالي

بس عبدالغني عاوز كده

[ابو محمد7]

اعتقد الكلام سليم

انا سألت عن لوحة العدادات حق مكسيما 2004 في الدوحة الوكالة ب حوالي 4000

وجاب لي ياها احد الاخوان من الامارات وكالة ب 2000 وشوي

[jeep-srt8]

غرييييييبة !!!!!!!!!!!! مو هذ اتويوتا الي يمدحونه القطع متوفرة ورخيصة ؟؟؟؟؟؟

[abdulla4u]

مشكلتنا نفتر على الوكيل ... انا مع اي وكيل يرفع اسعاره اذا مافي رقابه من حمايه المستهلك ولا شاطرين بس على البيبسي وتغير الاغطيه ... بكره بيصدرون قرار انه مافي علب زجاجيه كله بلاسيتك وعقب يقولون كله كراتين او نايلون .......... بالعسل ياحمايه المستهلك ......

[hamoor4ever]

اخوي لاتنسى انك صاحب اعلى دخل بالعالم هههههه

[][ iMedia ][]

اخوي لاتنسى انك صاحب اعلى دخل بالعالم هههههه

ولا تنسى ان نك نيمك يدل على هالشئ ايضاً
:tease:
هههههههههههههه

[الصريحه]

مافيه رقابه وحمايه للمستهلكين
فيه حمايه للتجار الجشعين

[بـ فيصل ـو]

اللي يحمي المستهلك هم مجموعه هوامير .. فبذمتكم تريدون هامور يحميكم من هامور!!!؟
فالقانون قانونهم .. وكل شي بيدهم..
فإذا كانت قطع الغيار تجي من اليابان للامارات.. فنحن تجينا من جبل علوي اللي بالمريخ..

[رجل الجزيرة]

سيارتي إنقلبت وسألت عن القطع الغيار هنا فقالوا لي ب 45000 وبواسطة وحب خشوم خلوها تقريبا ب 40000 فرحت الإمارات وشريتهم ب 25000 هاه ويش رأيكم؟

[سوق واقف]

نتمنى أن تتدخل حماية المستهلك وأن تنزل أسعار قطع غيار السيارات

[سوق واقف]

غرييييييبة !!!!!!!!!!!! مو هذ اتويوتا الي يمدحونه القطع متوفرة ورخيصة ؟؟؟؟؟؟

من قال متوفره صارلي شهر أدور أكسل في الوكالة وكل يوم بكره وبعده . . . . رحت الأمارات الحمد الله وخذت الي في خاطري

[ديمه]

انتوا شتقولون يا أخوان مو معقولة الامارات ارخص لان الرواتب زادوها عندهم مرات ومرات وبناء عليه طارت الاسعار عندهم ودايم يوم انقارن الرواتب وزيادتها عندهم يقولون بس اسعارهم نار وزادت مع زيادة الرواتب وصارت رواتبهم ما تكفيهم فشلون اتقولون اسعارهم أقل منا :rolleyes2:

ممكن احد يترجم لي :con2:

لان احنا يوم رحنا الامارات لقيت الجوالات بعد أرخص من اللي عندنا والملابس والاحذية وانتوا بكرامة

[عبـد الله]

انا شريت قير موتري موديل 2001 حصلته في الدوحه بدون كلش وصحن كلش


قير برووحه 13 الف ولقيته في الامارات 9500 مع قير ومع كلش وصحن في الوكاله


وفي قطر كلش وصحن وقير 15 الف وشريته من الامارات ووفرت على نفسي

5500 وخليته تنفعني ولا ابشرك الشحن خذ علي 350 بس يعني طلعت 5150

[qatari 111]

الله المستعان

[cavok]

مالنا الا نروح الاحساء واللة المستعان ---------

[shop4uae]

وبعد اقول لاخوان القطرين لو تبون قطع غيار للسيارات نيسان او تويوتا في محلات بعد ارخص من الوكاله وقطع غيار اصليه 100%
وعندنا ارخص لان ماشي احتكار لقطع غيار السيارات يعني ممكن لاي تاجر يستورد من اي دوله

[Hassan111]

في كاله من وكالات السيارات في الدوحه يبون ايصلحون مكينة السياره ب ١٨٠٠٠ ريال وديناها كراج محترم في الصناعيه او صلحناها ب (القطع + شغل يده)٤٢٠٠ والقطع جناها من الامارات. قال حماية مستهلك قال.

[الجسراوي]

المشكله ان التجار عندنا كل واحد فيهم هم وكيل ومافي غيره وهو يلعب برقاب الناس والمصيبه الاكبر ان هالتاجر هو عضو في ..... وفي ........ وفي .......... وفي ........... مثل السوبرمان شغال

بالله عليكم من بيحاسبه ...؟؟؟؟؟؟؟؟؟؟؟؟؟؟؟؟؟؟؟؟؟؟؟

خلوها على الله ...

هو بس حسني واحد موجود موجود في االدول العربيه هع

[R.S.C]

أحب أزيدكم من فترة بسيطة شرينا قير كامل لنيسان فتك موديل 2009 بـ 6500 ريال من ابوظبي
وسعره في قطر حوالي الــ 11 الف ريال وفالكم طيب

[سوق واقف]

نتمنى أن يتم مخاطبة هذه الشركات وأن يتم تنزيل الأسعار على الأقل على الموديلات الي راحت عليها سنهأو سنتين

[مستـريــح البـــال]

يا جماعة الخير، ياليت بس ان اسعارهم غاليه..

المشكله لما الوكيل ماعنده قطع غيار، وسيارتك لازم تنطر لين يتكرم سعادة الوكيل ويفكر ان في عملاء خذوا سيارات من عنده، ويتعطف عليهم ويجيب لهم قطع الغيار اللي المستهلكين راح يدفعون فيها اكثر من قيمتها الفعليه في الاسواق المجاوره ..

ولو صلحتها برع الوكاله، انقزوا وقالوا لييييييييش بيطيح الضمان ..

في ذمتكم اي ضمان؟ واي سيرفس؟ واي وكيل؟ وأي حماية المستهلك؟

الضامن هو الله ..

ما عندي غير حسبي الله ونعم الوكيل..

[بوحارب]

حسبي الله ونعم الوكيل على شركة التويوتا

نصب في وضح النهار!!!

[فارس الكلمة]

لا تنسى إضافة تكاليف السفر و الإقامة و المعيشة و المشقة ..؟

هذا على حساب من .. من يتحمل معاناة هذا المواطن ..؟

[ذهب]

ولا شي عندنا عليه رقابه تعبنا

[Hassan111]

الصراحه انا من الناس الي تجيب قطع الغيار من الدول المجاوره و الانترنت. و احصل السعر تقريبا النص.

[كاشف الغطاء]

اذا سعر البترول وزادوه عليكم تبونهم ينزلون سعر قطع الغيار ؟
والله امركم عجيب !

[قطري رزه]

ياجماعه الاحتكار هل هو حرام ؟

[قطري رزه]

وهل الوكيل نفس المحتكر .؟

[هارون الرشيد]

صدقت القول

[الكاسر99]

أنا أتصلت بإدارة حماية المستهلك ورد علي موظف من الجنسية المصرية وقلت له ليش في

فرق كبير بالأسعار

وعطيته مثال : قلت له سعر التاير البالون من نوع سيام قبل سنة كان ب 650 ريال والآن

أصبح سعره 850

ريال وفي الإمارات الآن سعره 650 درهم إماراتي

وقلت له وين دور إدارة حماية المستهلك في اللي يصير رد علي وقال لي أن إدارة حماية

المستهلك

ليست مسؤوله إلا عن البضائع الإستهلاكية الغذائية

وقال لي لا تقارن أسعار دولة بدوله آخرى

قارن لي سعر محل في قطر بسعر محل آخر رديت عليه وقلت له كلن يسرق من صوب لأن


مافي رقابة من جهتكم


وأخر شي أنقهرت من رده وقلت له ماعندكم أي دور في الدولة

[KSK Logistic]

ياجماعه بعد الحسي متوفر فيها قطع الغيار بسعر مناسب .

[captin]

في جميع دول العالم

يوجد ما يسمى بحماية المستهلك

عندنا في قطر

يوجد حماية ودعم التاجر لإستنزاف جيب المستهلك

ما في فايده لا تتنظرون أحد يحميكم من التجار

[KSK Logistic]

ياجماعة الخير ايجار المحل في قطر من 10000 وانت رايح الاحساء 1500 وانت نازل فكيف المقارنة, التاجر يدفع ايجارات خيالية السكن غالي لازم فية فرق في السعر

[BoFahed]

انا شريت قير موتري موديل 2001 حصلته في الدوحه بدون كلش وصحن كلش


قير برووحه 13 الف ولقيته في الامارات 9500 مع قير ومع كلش وصحن في الوكاله


وفي قطر كلش وصحن وقير 1و5 الف وشريته من الامارات ووفرت على نفسي

5500 وخليته تنفعني ولا ابشرك الشحن خذ علي 350 بس يعني طلعت 5150

اخوي ولاتهون ممكن اعرف اي شركة شحنت فيها علشان تكون الفايدة للجميع وياليت الشباب يفيدونا شلون نطلب قطع من الامارات او السعودية بدون ما نروح هناك

[S350]

الاسعار مبالغ فيها بشكل كبير

[طائر النورس]

عن نفسي ما أشتري القطع إلا من السعودية

[المرسى الأخير]

السلام عليكم

جبت قطع غيار حق لكزس ار اكس من الامارات تقريبا كلفتني اقل من 5000 مع قطع اضافيه انا زدتها من عندي مثل فلتر الهواء وفلتر المكيف
في الدوحه قال لى 11500


وبعد في سفرتي الاخير لابوظبي

جبت خطوط حق الكروزر 2010
ودعاميه في اكس ار

الدعاميه لقيتها في الدوحه مع الخصم 2900 وسعرها في الامارات ب 1200

الخطوط قالوا لى 3000 وحصلتها في الامارات ب 1150

الفواتير موجوده عندي

اذا حمايه المستهلك واقفه ضد المستهلك وين بتحصل الاسعار نازله

اشكركم على طرح الموضوع