من 0 الى 100 خلال 206 يوم* ...؟؟!

[بلوتنيوم]

"لمن يطل من الخارج
اذا كنت موظف
خش برجلك اليمين"
.
.
.
.

http://www12.0zz0.com/2011/02/13/09/850669743.jpg

الكثير يشتكي من التقييم
وطريقة التقييم
وربط الترقية بالتقييم
وكيفية التقييم
ودخول العنصر العاطفي وتغلبه على العنصر الرقمي
في تعبئة التقييم


مثال :
فلان وعلان متخرجين في نفس السنة واشتغلوا بنفس اليوم
وعلى نفس الدرجة
وبنفس المسمى
ونفس طبيعة العمل
لكن دوم فلان ياخذ امتياز وعلان جيد جدا ؟؟!
ماذا فعل فلان ليحصل على الامتياز ؟؟!
كيف نستيطع ان تكون فلان ؟؟!



موضوعنا هنا هو نقاش في عناصر التقييم السنوي
كيف يمكن للموظف
تجميع نقاط على العناصر الموجودة من
تحمل المسئولية(18 نقطة) - القدرة على تنمية المعلومات والمهارات(18 نقطة) - القدرة على المبادرة والابتكار(10 نقاط) - جودة العمل(24 نقطة) - علاقات العمل(10 نقاط) - الانضباط(20 نقطة) ؟؟!
كيف تصل ايها الموظف الى مرحلة تقول لرئيسك المباشر او مدير ادارتك
نعم انا استحق ان اقيم بممتاز ؟؟!


في الانتظار ؟؟!








*ايام السنة (365) يوم - اجازات نهاية الاسبوع(96) يوم - (45) يوم اجازة سنوية - (7) ايام اجازة عارضة - (10) اجازة الاعياد - (1) يوم اجازة العيد الوطني = 206 ايام دوام بمعدل سبع ساعات يوميا = 1442 ساعة دوام :eek5:

[بو خليفه 123]

أنا اشتغل في قطاع مختلف تماماً والاهداف تختاف كلياً عن تقاييمكم ..

حبيت اسجل حضور .. و اسماء اللي يقول هالسنه ماراح اشتغل عشان ارسلهم للريّس :nice:

[بلوتنيوم]

أنا اشتغل في قطاع مختلف تماماً والاهداف تختاف كلياً عن تقاييمكم ..

حبيت اسجل حضور .. و اسماء اللي يقول هالسنه ماراح اشتغل عشان ارسلهم للريّس :nice:

للاسف كل النماذج الى عندي حكومية سوءا اشرافية او ادارية او فنية
بس حطينا الادارية علشانها تهم الشريحة الاوسع من الاعضاء

وش رايك تحط تقييم قطاعكم خلنا نشوف الفرق
والا تعتبرونها من الاسرار؟؟! :omen2:

[بلوتنيوم]

http://thethunderdragon.co.uk/blog/wp-content/uploads/top-secret-file.jpg

طريقة الملف السري

فلان عنده ملف كل ما يوكل اليه من مهام يسجل فيه
بحيث انه يستطيع في نهاية السنة
ان يرفع تقرير يوضح فيه المهام التي قام بها والانجازات التي استطاع تحقيقها
والوقت الذي استغرقه القيام بهذه المهام وبهذا يستطيع تغطية عنصر جودة العمل
(24) نقطة

محد يقدر يكذب المستندات والاوراق:secret:

[مدرسة]

احنا بعد تقييمنا غير شويتين

نحنوو المعلمات في اجازة و الا كان جبت لكم النموذج موجود على مكتبي او اعتبره حاضر في جميع اعمالي داخل و خارج الصف

طبعا من أسرار النجاح القدييييييمة هو ان تعمل أكثر مما يدفع لك لتعمله...ما أدري إذا ترجمتها صوح والا
( you must work more than what you've paid to do )

لاحظت ان الناس دايما يقولون احنا مو مشتغلين لأن فلان ما يشتغل ووصل! مع ان فلان هذا موجود في كل ادارة من استوت الدنيا و له نموذج في كل مكان ...نرجع و نقول فلان ما هو الا شخص، ما يجوز نترك اعمالنا اللي مسائلين عنها امام رب العالمين علشان هو ما يشتغل، و ليش لما نشوف واحد يشتغل ووصل ما نحطه قدوه و نعتبر ان ادائه خيالي و ذاابح نفسه عالفاضي!

ارفع أدائك باتخاذ خطوات عملية ( وليس أحلام ) لتطبيق الخانات الموجودة بالتقييم على مدار السنه مع ضرورة التقييم الذاتي المستمر لما وصل إليه...ما يصير تشتغل بالبركة!

طبعاً التوثيق سمة الإنسان الناجح...كل عمل تعمله وثقه ...على الأقل هكذا تجري الأمور عندنا.... ملفات المعلمة الناجحة أحيانا تلقينها أكبر من البوم عرسها!! متروووس صور و توثيقات

و دمتم سالمين

[بلوتنيوم]

احنا بعد تقييمنا غير شويتين

نحنوو المعلمات في اجازة و الا كان جبت لكم النموذج موجود على مكتبي او اعتبره حاضر في جميع اعمالي داخل و خارج الصف

طبعا من أسرار النجاح القدييييييمة هو ان تعمل أكثر مما يدفع لك لتعمله...ما أدري إذا ترجمتها صوح والا
( you must work more than what you've paid to do )

لاحظت ان الناس دايما يقولون احنا مو مشتغلين لأن فلان ما يشتغل ووصل! مع ان فلان هذا موجود في كل ادارة من استوت الدنيا و له نموذج في كل مكان ...نرجع و نقول فلان ما هو الا شخص، ما يجوز نترك اعمالنا اللي مسائلين عنها امام رب العالمين علشان هو ما يشتغل، و ليش لما نشوف واحد يشتغل ووصل ما نحطه قدوه و نعتبر ان ادائه خيالي و ذاابح نفسه عالفاضي!

ارفع أدائك باتخاذ خطوات عملية ( وليس أحلام ) لتطبيق الخانات الموجودة بالتقييم على مدار السنه مع ضرورة التقييم الذاتي المستمر لما وصل إليه...ما يصير تشتغل بالبركة!

طبعاً التوثيق سمة الإنسان الناجح...كل عمل تعمله وثقه ...على الأقل هكذا تجري الأمور عندنا.... ملفات المعلمة الناجحة أحيانا تلقينها أكبر من البوم عرسها!! متروووس صور و توثيقات

و دمتم سالمين


كلام سليم وجميل
وهو المطلوب واقعا :)

بس ما ننكر انه الاحباط احيانا يتسلل للموظف او الموظفة
لما يشوف الهرم بالمقلوب
والتقييم بالشقلوب
ويقل ادائه ويكون اسهل شيء يسويه
الانسحاب او التطنيش
بدل المواجهة بالارقام والوثائق والانتاجية
طبعا بدون توثيق صعب تاخذ من المسئول حق او باطل
واحيانا رفع الاداء هو الى يكون فارق بالتقييم
وخصوصا لو تساوى الموظفين في الانتاجية

شكرا على مشاركتك يامدرسة :nice:

[موضي قطر]

كلام سليم وجميل
وهو المطلوب واقعا :)

بس ما ننكر انه الاحباط احيانا يتسلل للموظف او الموظفة
لما يشوف الهرم بالمقلوب
والتقييم بالشقلوب
ويقل ادائه ويكون اسهل شيء يسويه
الانسحاب او التطنيش
بدل المواجهة بالارقام والوثائق والانتاجية
طبعا بدون توثيق صعب تاخذ من المسئول حق او باطل
واحيانا رفع الاداء هو الى يكون فارق بالتقييم
وخصوصا لو تساوى الموظفين في الانتاجية شكرا على مشاركتك يامدرسة :nice:


:weeping:

[بلوتنيوم]

:weeping:

يعني عنده 3 موظفين
شيسوي مطلوب منه واحد امتياز وواحد جيد جدا وواحد جيد
اكيد بيشوف اي عنصر جديد للتقييم
اذا طبعا عجز نموذج التقييم من انه يطلع له فروقات كبيرة :secret:

[موضي قطر]

يعني عنده 3 موظفين
شيسوي مطلوب منه واحد امتياز وواحد جيد جدا وواحد جيد
اكيد بيشوف اي عنصر جديد للتقييم
اذا طبعا عجز نموذج التقييم من انه يطلع له فروقات كبيرة :secret:



بلوتو



.

.

.

.

.

.

.

.

.

.

.

.

.





http://up.3ros.net/get-2-2011-m7idlgo6.gif (http://up.3ros.net)

[OTOsan]

بسنا امتياز يامدير ..بسنا امتياز !!


والله يابلوتونيوم ..انا ارثي للمدراء الصراحه .. المسألة فيها امانة يجب ان تعطى لمن يستحقها ، والمشكله ان هناك عوائق لايصالها الى مستحقها احيانا !!

احس كل ماجا وقت التقييم ..المدير (بو ذمه وضمير) يتلعوز اكثر من الموظفين !

[نورالهدى]

انا بعيده عن العمل
http://up.3ros.net/get-2-2011-m7idlgo6.gif

[بلوتنيوم]

بلوتو



.

.

.

.

.

.

.

.

.

.

.

.

.





http://up.3ros.net/get-2-2011-m7idlgo6.gif (http://up.3ros.net)

الله المستعان
عطوها فاين من (رامز) العشر علب ب 3 ريال
والله اعلم بالجودة :omen2:

[بلوتنيوم]

بسنا امتياز يامدير ..بسنا امتياز !!


والله يابلوتونيوم ..انا ارثي للمدراء الصراحه .. المسألة فيها امانة يجب ان تعطى لمن يستحقها ، والمشكله ان هناك عوائق لايصالها الى مستحقها احيانا !!

احس كل ماجا وقت التقييم ..المدير (بو ذمه وضمير) يتلعوز اكثر من الموظفين !

انت جيت (شهئة) يا اوتوسان
خلنا نكون واقعيين
في اي مكان يمكن قياس مستوى الانتاجية بشكل دقيق
(ابوضمير) ماراح يتلعوز وموظفينه ماراح يعترضون على التقييم
لانه في اساس
اما في اغلب الاماكن التقييم يخضع (للمزاج) و (الاسماء) و (النفاق) وغيرها
من العوامل
الى عمرها ما تعبر عن الانتاجية

نقول حق (ابوضمير) الله يعينك ولو انت متلعوز
مافي احسن من التقاعد :tease:

[بلوتنيوم]

انا بعيده عن العمل
http://up.3ros.net/get-2-2011-m7idlgo6.gif

تفرغ والا تقاعد والا استقالة والا انهاء خدمات والا والا والا

عطوها بعد فاين (رامز)
وهيا بنا نبكي :weeping:

[بلوتنيوم]

http://emj.icbdr.com/artieimages/dt/ar5b8f66rrpgj20zrqdt.gif

طريقة التملق والنفاق (تحذير : الطريقة غير شرعية مطلقا)

لازم تضحك على كل لفتة او نكته يقولها مديرك علشان تثبت له انه دمه خفيف
لازم تبين حماسك مش للعمل ولكن لمديرك
وحاول تقضى دوامك في الممرات ولا تنسى تشيل بيدك اوراق او ملفات علشان تثبت
تواجدك وتثبت ان تواجدك للعمل :)

[قلم رصاص]

يعني شنو نسوي الحين,
انا عندي موظفين قطرين واجانب
قلت خلني اعطي الاجانب جيد
والقطرين جيد جداً عشان تنفعهم,

مع ان الاجانب عندي هم الى يشتغلون والقطرين الصراحه لا

بس قلت الاجانب ما تجيهم زياده يعني التقيم ما بيأثر على راتبهم مثل لقطري,

مادري الي سويته صح والا غلط :(

[موضي قطر]

يعني شنو نسوي الحين,
انا عندي موظفين قطرين واجانب
قلت خلني اعطي الاجانب جيد
والقطرين جيد جداً عشان تنفعهم,

مع ان الاجانب عندي هم الى يشتغلون والقطرين الصراحه لا
بس قلت الاجانب ما تجيهم زياده يعني التقيم ما بيأثر على راتبهم مثل لقطري,

مادري الي سويته صح والا غلط :(



:eek5::secret::(



اخترتها لرضاك واختار فيهم <<<< الايقونات اعلاه

[OTOsan]

بلوتونيوم ...

خذ هالموضوع من قديمي المغبر اضافة لنصايحك ههههههههههههه




كيـف تـصبــح موظــفــاً .. شــغـــولا ً !!

--------------------------------------------------------------------------------



من واقع خبرتي المتواضعه التي لم تتجاوز الست سنوات في العمل الحكومي ،، اردت ان اجمع لكم بعض ما اكتسبته خلالها .. فربما ان كنت موظفا ينظر اليك الناس انك موظف (( لاتعمل )) او بالاحرى (( غير مجتهد )) حتى وان كنت قد افنيت صحتك وشبابك في اخلاصك لعملك ، فربما اكتسبت بعض من هذه النصائح الساخره كي تستفيد منها ويطلق عليك اسم (( الموظف الشغول )) او (( الموظف المجتهد )) حتى وان كنت لاتعمل ولاتفقه بشئ .
وكما هي عادتنا في مؤسسة لونلي للاصدارات الثقافيه .. فنحن نبدي ترحيبنا باي اضافة للموضوع بالنقد ---> مب فلوس يعني ، ونعني بذلك النقد البناء الذي يضيف الى الموضوع .. ولا اقولك شي حتى لو عندك نقد هدام فتفضل اهدم .. فشعارنا هنا في المؤسسة (( القارئ على حق دائما )) ،،



1 – يقال ان (( اهم الاشياء اعلاها )) .. ومن هذا المنطلق حافظ دائما على علاقتك برؤسائك في العمل .. وان استطعت ان تتملق .. فتملق .. وان كنت ذا قدرة على المجاملة .. فحاول قدر استطاعتك ابراز مواهبك فيها .. فلاباس من كلمة (( والله نعم الراي رايك طويل العمر )) او (( احنا دايما نستفيد من نصايحك بوفلان )) ،،
اياني واياك من كلمة (( والله انا اشوف ان احنا ... )) لان مب انت اللي تشوف .. مديرك هو اللي يشوف ..



2 – تعلم بعض الجمل التي قد تفيدك في البند السابق مثل (( طويل العمر )) (( حضرة المدير )) (( استاذي الفاضل )) ومن هالسوالف ،، حتى لو رايت عكس ماتقول .. فخلك طبيعي وكووول لاخر درجه .. ولاحظ ان المجاملات علم قائم بذاته .. ومشكلته غير قابل للتعليم بل يكتسب بالتعامل ..



3 – كثف دخولك على مكتب المدير .. بسالفه ومن غير سالفه .. حتى لوعندك خطا بسيط في كتاب او معامله دش عليه واساله .. وحاول تطول عنده .. في هالنقطه راح تكسب من جهتين .. اول شي تحسس المدير انك تشتغل وحريص .. وثاني شي توهم الموظفين ربعك ان علاقتك بالمدير قويه وانه يرحب فيك في أي وقت وبالتالي يعملون لك الف حساب .. حتى لو زفك ونت داخل مكتبه عادي .. لا من درا ولا من شاف !!



4 – لاتطلع من الشغل الا ومعاك الجريده بيدك .. لانك لو حطيتها في المكتب ( بعدما قريتها ) ونت طالع من الشغل بيحشون فيك الموظفين وبيقولون " شوف .. حط الجريده لانه قراها في المكتب .. صج انه مايشتغل " لكن لوشافوك كل يوم طالع بجريدتك بيقولون " ماشاء الله عليه مايضيع وقت الدوام بجرايد وخرابيط " ، وبالمره تستفيد عشان تفرشها للاكل كخخخخخ




5 – احرص حرصا تاما على وضع القلم في جيبك .. ويفضل القلم ابو نص ريال .. لانه لو قلم كشخه معناها ما استفدت شي بيقولون حطه عشان يتمظهر فيه .. بس لو قلم بونص بيقولون " شوف الحرص .. مايبي يضيع لحظه من وقت الدوام عشان يدور قلم " ..




6 – المستندات .. وما ادراك ما المستندات .. لما تروح من ادارة لادارة او من قسم لقسم او من طابق لطابق احرص على حمل كتب بيدك .. ويفضل الكتب الكبيرة .. أي شي فيه ورق حاول تشيله معاك حتى لو انها اوراق قديمة .. واذا شلت معاك مجله اجنبيه بيكون احلى .. بس الاحلى والاحلى يكون معاك شنطة دبلوماسيه وين ماتروح ودها معاك ---> بتصير جنك مندوب جوازات ، بس ماعليك هالسوالف هي اللي تلفت الانتباه ، تخلي الموظفين يتسائلون شاللي داخلها .. اكيد قرارات مهمه .. كتب كونفيدنشال .. بريزنتيشنات مفيده .. خلهم يفكرون ان شنطتك هي عمود ادارتهم الفقري ..




7 – هالنقطه سوف تنقل احساس وشعور انك (( شغول )) الى خارج مقر عملك .. بتقول لي اشلون .. باقولك
"" التلفون "" .. لما ترد على حد متصل من برا .. سو نفسك كنت تناقش شي وهو قاطعك .. عادي درب نفسك وامسك قدامك ورقة وابدا نقاش بينك وبين نفسك ولما يتصل عطه اربع او خمس كلمات كانك كنت تتناقش وبعدين قول " الو مرحبا " .. ولما انت تتصل .. اول مايبدا يرن سو نفس الحركه ولما يرد الطرف الاخر قول ثلاث كلمات بس ---> يعني لاتطول .. وبعدين قول .. مرحبتين بس دقيقه .. وقول خمس كلمات وبعدين تكلم باللي تبيه .. يعني كللش وقتك مب لك وماتبي تضيع منه ثانيه وحده كخخخخخخخخ




8 – لو ماعندك شغل اصلا تسلى بنثر الاوراق على مكتبك بس بشكل منظم .. يعني حط ورقتين على صوب فوق بعض .. اربع اوراق بالصوب الثاني .. واقعد غير مكانهم مره اورقه هني ومره هناك .. لا تقعد وتحط رجل على رجل .. سو أي شي يوحي انك تشتغل ..



9 - بالنسبة للشاي والتيبويز اثناء الدوام.. احرص على انهم يشيلون الاكواب من مكتبك اول باول .. لاتخلي شي .. ونبههم لهالنقطه .. كل ماتخلص الشاي يشيلون الكوب .. خلصت النسكافيه نفس الشي .. خلصت الكبتشينو نفس الشي ..
والماي بعد يشيلون الغلاصات لاتكود الغلاصات عندك.. لو انك شارب ثلاثين لتر ماي وعشر لترات نسكافيه وخمس لترات شاي ---> من زود الفضاوه ، لاتحسس حد انك شربت شي كلش .. خل الموظفين يقولون ( مسكين والله من زود الشغل مالقى وقت يشرب له شي فيه )




10 – لما يجي حد مهم من برا ادارتكم .. دور لك موظف زميل ويفضل من الجنسيه الانجليزيه وسولف معاه باي جزء من العمل بصوت هادي بس ينسمع .. عشان تكسب نقطتين : منها يقول ماشاء الله يعرف انجليزي هالموظف .. وبنفس الوقت تحسسه انك شغول وملم ---> مب ممل ..




11 – حاول تتليقف في شؤون الموظفين الاخرين بالمساعده .. أي حد عنده مشكله ساعده فيها قدر الامكان .. تعرف ولا ماتعرف قط ويهك عشان تحسسهم انك خبير بكل شي ، لوحليتها بيقول مشكور ولو ماحليتها بيقول هذا هو حاول .. حتى لو خبصت عليه كل شي مب مشكله .. ماراح يشتكي لانه هو اللي جنى على نفسه يوم وافق انك تساعده ..




12 – حاول تسوي جو عندكم في الشغل وخفف دمك قدر الامكان حتى لو انه ثقيل.. بحيث لو غبت الكل يلاحظ غيابك .. مب تقعد ماتكلم حد ولو غبت محد سال عنك حتى .. وهالشي من ضمن الدروس الرئيسيه التي تتعلق بالعمل بغض النظر عن دخولها في صميم العمل زاااتووو ..




13 – انترنت .. بورصه .. جرايد .. شاي .. كل هذي الاشياء المسيئة لوقت الموظف حاول انك تسويها بالخش قدر الامكان ..




14 – اذا شفت حد جاي صوبك يبي يستفسر او يسال شل سماعة التلفون بحركة سريعة وخاطفة وسو نفسك تسولف في الشغل .. عشان لما تصكر تحسسه انك تكرمت عليه وعطيته من وقتك الثمين ----> هين يالثمين ،،




15 – الله الله بغرفة الاجتماعات .. حاول انك ماتنساها وتعطيها بعد من وقتك .. اجتمع مع أي حد ، لو جاك حد من ربعك يسلم عليه خذه هالغرفة وخذ معاك دفتر وقلم لزوم المظهر .. لما حد بيشوفكم من برا بيقول .. اجتماع مهم .. سولفوا عن البنات والمغازل والمجمعات ولاتخاف من شي .. الاوراق والقلم بيتولون عملية التغطية Covering Mission





المهم ..تعبت ونا اكتب فقلت اختم الموضوع ،،
كانت هذي احدث دراسات مؤسسة لونلي للاصدارات الثقافية .. ونحن نرحب باي اضافة الى الموضوع ..
وكل عام ونتو بخير





حقوق الطبع محفوظة ،،
كيف تصبح موظف شغول
مستــر لونلــي – منتدى الاسهم القطرية
الطبعة الاولى
2006
مسجل برقم 28456 في ادارة الثقافه والفنون والتراث والبيئة والاسكان والعمل .. الخ الخ

[الكــاســــر]

بلوتونيوم ...

خذ هالموضوع من قديمي المغبر اضافة لنصايحك ههههههههههههه




كيـف تـصبــح موظــفــاً .. شــغـــولا ً !!

--------------------------------------------------------------------------------

حقوق الطبع محفوظة ،،
كيف تصبح موظف شغول
مستــر لونلــي – منتدى الاسهم القطرية
الطبعة الاولى
2006
مسجل برقم 28456 في ادارة الثقافه والفنون والتراث والبيئة والاسكان والعمل .. الخ الخ

من أروع ما قرأت ََ!!

[تغلبية]

يعني شنو نسوي الحين,
انا عندي موظفين قطرين واجانب
قلت خلني اعطي الاجانب جيد
والقطرين جيد جداً عشان تنفعهم,

مع ان الاجانب عندي هم الى يشتغلون والقطرين الصراحه لا

بس قلت الاجانب ما تجيهم زياده يعني التقيم ما بيأثر على راتبهم مثل لقطري,

مادري الي سويته صح والا غلط :(

:(

حرام ..

خلك مع الحق .. بغض النظر عن الجنسية
حط نفسك مكان الاجنبي الشغول .... وش بيكون شعورك لو ماقيموك بالعدل !!
الاجنبي انسان وموظف .. حاله حال القطري .. محتاج التعزيز والاشادة اذا انجز
وبعدين انت كمسؤول ياخي بامكانك تخلي هالتقييم اداة تحفيز للموظف القطري ..
اللي خذ السنة جيد او جيد جيداً .. بامكانك تقوله نقاط ضعفه في بنود التقييم
على ان يقويها السنة الجاية ويسعى انه ياخذ تقييم اعلى وانت مستفيد من انتاجيته.


فيه قاعدة تقول " حافظ على موظفينك " والمحافظة ممكن تكون بالتقييم العادل
بالنسبة لغير القطريين .. اذا تركوا المكان .. اتهقى القطريين بيسدون مكانهم ؟!؟


اتقوا الله في انفسكم يا مدراء ويا مسؤولين ولا تميلوا كل الميل

[بنت^البحرين1]

خلوا روحكم رياضيه ..
أول ماتوظفت، وأصلا ما أعرف شسالفة التقييم ولحد قالي عنها اسمع تقييم تقييم بس مادري شنو يعني وآخرتها

حط لي مقبول(مرضي) !!
بصراحة ما أنكر صدمتي لما شفت التقدير.. حسيت نفسي كني راسبه فالمدرسة :( وتميت ساكته متكدره ومبوزه طول اليوم ما تكلمت وحاربت المدير طول الاسبوع خخخخخخخخخخخخخخخخخخخ


موضي لاتصيحين جدام احد .. انا رحت انخشيت صحت وعقب رجعت المكتب بكل شموخ عشان ماكسر نفسي جدام حد ههههههههههههه