انتي ماعليج كلام ... ولكن امج ...!!!!

[لاجئ عاطفي]

لانها جميله ومثقفه وموظفه ومواطنه يتهافت عليها الخطاب من الجهات الاربعه الا انه في الاخير لا يحدث زواج .. العيب ليس في الفتاة ولكن فقط لان والدتها ( هنديه ، او مصريه ، او سورية ، او مغربيه ، وما الى ذلك ) على الرغم من حصول الام على جنسية الزوج بحكم الزواج .. هذه الظاهره فعلا بدأت تنتشر فهناك بعض الاسر يرفض ان يقترن ابنهم بفتاة امها ليست مواطنه ( اصليه ) وكأن هذا الامر يعد عيبا او جرما او عارا يهرب منه الجميع والسؤال هنا لماذا ؟ لماذا ترفض بعض الاسر الاقتران بفتاة لابنهم امها اجنبيه ؟ او العكس هناك من يرفض الشاب رغم انه مواطن ومن قبيله معروفه ومرموقه ومع ذلك عندما يتقدم لخطبة فتاة من نفس جنسيته يقابل بالرفض بسبب والدته الغير مواظنه في الاصل ...
اترك لكم التعليق ..

[الأصيلة]

لا بالعكس إذا سمعت الأم طيبة ما أحد يعاف بنتها
والكثير ممن تزوج بزوجه أمها غير قطرية
لكن لما تقعد معاها ماتفرق عن القطرية شيء في أطباعها
وعاداتها وتقاليدها...
وخاصة المصريات بالذات تلقاهم بسرعة يتعايشون ويصيرون قطريات
لولا لكنة اللهجة شوي...

[ريم الشمال]

يقول مثل عندنا أهل قطر ( الشاة تتعلق من رجولها مو من يديها )

ريم الشمال

[قطر دزاين]

انا اشوف في قطر والحمد لله قليله ها الفئه

يمكن بنت الهنديه تطلع احن عليه من بنت بلاده

لا تقاس الامو بهذا الشكل عند الانسان العاقل

اما اللي يبحث عن الحسب على شان ان ولد فلان خذ بنت فلان فهاذي مشكله الصراحة

[لاجل QT]

يمكن قلة قليلة او معدومة اللى يفكرون بمثل هالتفكير ..الاهم هو اخلاق الام وتربيتها لعيالها وليس جنسيتها...بس انا ماسمعت ان ولد ذو اخلاق وتربية واصل وتعليم انرفض على شان امة غير قطرية

[Dawn]

اممم علشان خوالها .. يعني مافي داعي اتكلم

بس الكل حر يختار سواء بنت مواطنه والا بنت هنديه او مصريه كلن وذوقه يعني .

انا مثلا عندي عادي الام خليجيه بس ابعد من الخليج لألألألألأ

لان سنعهم غير عنا .. يعني عادي تقعد مع عيال خوالها وعيال خالاتها وهالسوالف .. بعدين خوالها اممم .. لا مب شي كلش ... وكل واحد حر باختياره الزواج مب غصب يعني

[شموخ العز]

الافضل اذا كان البنت امها هنديه مثلآ يتزوجها واحد امه نفس الجنسيه


الي يتزوج من زوجه امها اجنبيه عنده الجراءه يتحمل كلام الناس وغير اشكال عياله بتطلع على الام بالذات


الهنديه فشي صعب الا للقادر عليه

[حسن]

ماعتقد التفكير موجود عندنا

[بوخالد911]

قبل لا تضمها أسأل عن أمها

[حليتان*]

!!

تفكيـــــــــــر سلبي جداً .

[ahad]

اعرف وحده خطبها واحد كامل الاوصاف ياخلي

ورفضت وبشدة عشان امه مصريه.. حرام كسر خاطري والله

[ام الحناين]

لا بالعكس إذا سمعت الأم طيبة ما أحد يعاف بنتها
والكثير ممن تزوج بزوجه أمها غير قطرية
لكن لما تقعد معاها ماتفرق عن القطرية شيء في أطباعها
وعاداتها وتقاليدها...
وخاصة المصريات بالذات تلقاهم بسرعة يتعايشون ويصيرون قطريات
لولا لكنة اللهجة شوي...

وااااااااايد تركزين على المصريين

من قالج يصيرون قطريات الله يسلمج اللهجة ما يتعلمونها ابد

[الـقـاسـي]

والله ياخوي اتوقع هالشي يرجع للشخص نفسه يعني انا مثلا لو رفضت اتزوج وحده امها مصريه ولا سوريه ولا بحرينيه مثلا بطلع متعصب وماعندي سالفه لا يبه ماله علاقه انا افظل ان اللي ارتبط فيها تكون قطريه وامها قطريه او اماراتيه او سعوديه لتقارب العادات والتقاليد بينا وطبعا لازم تكون قبيليه ..

وفي النهايه كل شخص حر باختياره في هالنقطه لانها حياته لاتنسى التاثير من ناحيه الخوال ..

[chillis]

انا اشوف عادي مافيها شياذا كانت البنت كامله ومابها عيوب والكامل الله سبحانه

[Doha Sun]

ماعتقد ان الموضوع فيه مشكلة عندي ربع امهاتهم من جنسيات اللي نذكرت وماخذين احسن الرجاجيل في البلاد والله يتمم عليهم ..
بس اللي يبي التعقيد يحط العقدة في المنشار ..

[تركي محمد]

لانها جميله ومثقفه وموظفه ومواطنه يتهافت عليها الخطاب من الجهات الاربعه الا انه في الاخير لا يحدث زواج .. العيب ليس في الفتاة ولكن فقط لان والدتها ( هنديه ، او مصريه ، او سورية ، او مغربيه ، وما الى ذلك ) على الرغم من حصول الام على جنسية الزوج بحكم الزواج .. هذه الظاهره فعلا بدأت تنتشر فهناك بعض الاسر يرفض ان يقترن ابنهم بفتاة امها ليست مواطنه ( اصليه ) وكأن هذا الامر يعد عيبا او جرما او عارا يهرب منه الجميع والسؤال هنا لماذا ؟ لماذا ترفض بعض الاسر الاقتران بفتاة لابنهم امها اجنبيه ؟ او العكس هناك من يرفض الشاب رغم انه مواطن ومن قبيله معروفه ومرموقه ومع ذلك عندما يتقدم لخطبة فتاة من نفس جنسيته يقابل بالرفض بسبب والدته الغير مواظنه في الاصل ...
اترك لكم التعليق ..

ماتلاحظ ان الموضوع في شوية تناقض !
مرة تبغي تشيل العنصرية ومرة تحطها

موضوعك الاساسي هو انك تبي تشيل هالفارق مابين المواطن بطنه قطري و ظهره قطري و اللي ظهره قطري و بطنه غير قطري .

و بنفس الموضوع تقول ان الرجل من قبيلة معروفة و مرموقة (( ركز على معروفة ومرموقة ))

يعني اذا كان مب قبيلي او عائلة معروفة و مرموقه فهذا ماعندنا مشكلة فيه !

نرجع لموضوعنا الاساسي

اللي انا اعرفه و اللي ياخذونه الكثير من البيوت القطرية ،، هو انهم يسالون عن ام البنت او ام الولد وطبعا من البديهي اذا كانت هالبنت مواطنه فمن السهل انك تسال عنها

اما اذا كانت هندية او مصرية او مغربية الخ الخ .... مع احترامي لكل هذه الجنسيات

كيف بتسال عنها !! اعتقد انها صعبه

بتقول الولد بيتزوج البنت الام شدخلها !

وبقولك ... في فرق العادات و التقاليد وخلنا نبتعد عن الخليجيات قليلا لان العادات والتقاليد تقريبا متشابهه بنسبة كبيرة جدا

فاذا كانت من دول عربية اخرى فالعادات مختلفة تماما ومحد ينكر هالشئ

الا في حالة واحدة

ان هذه الأم تكون ذات دين ،، و هذا الشئ تعرفة من بنتها

اعتقد المعلومة اوضحت

واسف على الاطالة

[ام السعف]

لانها جميله ومثقفه وموظفه ومواطنه يتهافت عليها الخطاب من الجهات الاربعه الا انه في الاخير لا يحدث زواج .. العيب ليس في الفتاة ولكن فقط لان والدتها ( هنديه ، او مصريه ، او سورية ، او مغربيه ، وما الى ذلك ) على الرغم من حصول الام على جنسية الزوج بحكم الزواج .. هذه الظاهره فعلا بدأت تنتشر فهناك بعض الاسر يرفض ان يقترن ابنهم بفتاة امها ليست مواطنه ( اصليه ) وكأن هذا الامر يعد عيبا او جرما او عارا يهرب منه الجميع والسؤال هنا لماذا ؟ لماذا ترفض بعض الاسر الاقتران بفتاة لابنهم امها اجنبيه ؟ او العكس هناك من يرفض الشاب رغم انه مواطن ومن قبيله معروفه ومرموقه ومع ذلك عندما يتقدم لخطبة فتاة من نفس جنسيته يقابل بالرفض بسبب والدته الغير مواظنه في الاصل ...
اترك لكم التعليق ..

امممم،، معقولة للحين في ناس جذيه ؟
ما عندهم سالفة مع احترامي لهم ،،

[بو خليفه 123]

فيه ناس ينظرون لها من منظور آخر وهي عدم رغبتهم بابتعاد ابنائهم عن الخوال والعمام و على ان يكونوا بمثابة "عزوه" لهم و هذا شيء نفتخر فيه نحن العرب والقبائل ..


أنا شخصياً الخال له مكانه و أهميه بتواجده حتى لو لم يكن على اتصال على الاقل يكون قطري .



و لكن هذا لا يعني انه من وجهة نظري اني معارض بالزواج من بنت أمها غير قطريه اذا كانت البنت المناسبه لشخصي ... والله يوفق راسين بالحلال .

[ضي البدر]

الزواج قسمة ونصيب ومحد يدري وين نصيبة والقلب ومايحب وكلن يختار الي يريحه ..

في الآونه الأخيرة أنا اشوف الكثير من هالزيجاااات اتم وعلى أكمل وجه ومافي أي تعاااارض الا مجموعة محدووودة لا أكثر وفي مجتمعنا الحين هذة الزيجه مرحب بها كثيراً..

وطبعاً يتم هذا كله بعد دراسه ودراااايه كامله بالي راح يصير في المستقبل يعني لازم يحط ويلتزم بحدوود أهل كلا الطرفين وخاصة من جهة البنت وأهلها وتبعات هذا الزواج ويتحمل ويكووون قد الإختيار وان شاء الله يتمم على خير..

والله يهني سعيد بسعيدة :shy:.. وكليليلوووووش !!:D

[BonBons]

انا اعرف العكس
وحده من صديقاتي امه مي قطريه بس من زمان بقطر وتتطبعت باهل قطر وحتى كلامها صار قطري بحت
بس لما جاو يخطبون له امه هي اللي مارضت تاخذ له اي وحده وتقول ابي بنت اصل وفصل لولدي
وتمت تخطب له ويرفضونه تقريبا خطبت 30 وحده ورفضوة مع ان الريال ماعليه كلام والكل يشهد له
وغيره وغيره
على قولتهم اختار خوال حق عيالك
استغفر الله لا فرق بين عربي وعجمي الا بالتقوى

[M!$s ĀŁ!eN]

اممم علشان خوالها .. يعني مافي داعي اتكلم

بس الكل حر يختار سواء بنت مواطنه والا بنت هنديه او مصريه كلن وذوقه يعني .

انا مثلا عندي عادي الام خليجيه بس ابعد من الخليج لألألألألأ

لان سنعهم غير عنا .. يعني عادي تقعد مع عيال خوالها وعيال خالاتها وهالسوالف .. بعدين خوالها اممم .. لا مب شي كلش ... وكل واحد حر باختياره الزواج مب غصب يعني

انا اعارض الاخ والكل اللي اهينه بعد
شنو ترا احنا قطريات من بنات قطر
شنو مانسينا عادتنا وتقاليدنا ابدااا
اولا احنا مسلمات وقطريات .. شنو نقعد مع عيال خالنا ..
عيب عندنا مثل ماهو عيب عندكم يا عيال القطريات
اسمحولي التخلف اللي انتو فيه ..
والله بنات الهنديه ترا تربيه واخلاق ..
على الاقل انعرف نلبس الحجاب ونقرا القران اكثر عمم بنات القطريه اللي الحجاب مااتعرف
حتي الفه الشيله ماتعرفها عدل
عدال .. لاحد يغلط علينا ترا احنا بنات هذا البلد ولنا اللي لكل ..

انا امي هنديه .. ابوي الله يرحمه قطري ..
وربتني الهنديه .. احس من غيري ..
اهي اللي علمتني وكبرتني ودرستني مع ان لغتها مو العربيه ..
ارفضت تروح بلادها عساني انا خواتي تربينا وتكبرنا ..
محد همني ولا فزع لي ..
امي الهنديه اهي اللي تعبت عشاني مو مستعده انياتتخلي عنها
عشان اتزوج واحد ما يتشرف باصل امي ..
التخلف اللي انتو عاايشنه ..

:anger3::anger3::anger2::anger2::anger2:

[مدرسة]

لا تلوم الناس ...

صج عند كثير من الناس ما تفرق ..

بس ترا فيه وجهة نظر في الموضوع من ناحية خوال العيال .. :secret:

و الأمر في النهاية شخصي بحت .

[لافوشيا]

تفكير خااااطئ بحت....
أولا: لان الفتره الي حنا فيها ملاحظه ان في بنات وشباب طافهم القطار وراح من زمان الا وهو الزواج وطبعا مافي وقت لتدلع والتشرط والحين لان العمر يمر بسرعه مب نفس قبل
وثانيا والاهم: مافي فرق بينا احنا الناس انا من وجهه نظري العلاقات الانسانيه اهم من اي شئ ثاني والحياه اختيار شلون انت ولا انتي بتعيشينها ومحد اختار امه شلون بتكون جنسيتها ولا شكلها ولا طريقتها ....الخ
كلنا عيال ادم مافي فرق بينا ابدا

وشكرا

[قطرية فذة]

اعراف بين الناس

تختلف من اسره لين اسره

ماهم كثير قليل من يدقق

وبحكم تحسسوا لنسبكم فإن العرق دساس كلن له نظرته الخاصة بهذا الاتجاه

والله يجمع كل سعيد بسعيده

[ولد العديد]

ولد عمتي بياخذ وحده امها هنديه بس عندها جنسيه لانها ماخذه قطري بس اخوه رافض واخته الحين هو بياخذها غصب عنهم المشكله اخوه قاله ما تعيش معانا وطارده من البيت

[ام السعف]

انا اعارض الاخ والكل اللي اهينه بعد
شنو ترا احنا قطريات من بنات قطر
شنو مانسينا عادتنا وتقاليدنا ابدااا
اولا احنا مسلمات وقطريات .. شنو نقعد مع عيال خالنا ..
عيب عندنا مثل ماهو عيب عندكم يا عيال القطريات
اسمحولي التخلف اللي انتو فيه ..
والله بنات الهنديه ترا تربيه واخلاق ..
على الاقل انعرف نلبس الحجاب ونقرا القران اكثر عمم بنات القطريه اللي الحجاب مااتعرف
حتي الفه الشيله ماتعرفها عدل
عدال .. لاحد يغلط علينا ترا احنا بنات هذا البلد ولنا اللي لكل ..
انا امي هنديه .. ابوي الله يرحمه قطري ..
وربتني الهنديه .. احس من غيري ..
اهي اللي علمتني وكبرتني ودرستني مع ان لغتها مو العربيه ..
ارفضت تروح بلادها عساني انا خواتي تربينا وتكبرنا ..
محد همني ولا فزع لي ..
امي الهنديه اهي اللي تعبت عشاني مو مستعده انياتتخلي عنها
عشان اتزوج واحد ما يتشرف باصل امي ..
التخلف اللي انتو عاايشنه ..

:anger3::anger3::anger2::anger2::anger2:

اللي اشوفه لحد يغلط على الثاني علشان يقول انه هو الأحسن،،

لو سمحتوا يعني ،، ولحد يتكلم على بنات الناس سواء كانت امهم هندية
او بتانية او افغانية او قطرية او سورية او مصرية ،،

واحترموا مشاعر بعض ،،
خلاص وانتهى :(

[علي رشيد]

تفكير سلبي و لكنــه موجود للأســف !!

[intesar]

ليش العقد صح الزواج حرية ..
بس انتوا بتناسبون الخوال ولا البنت .. حتى يمكن الخوال مو موجودين هني .. وين المشكلة البنت لما ينادونها يقولون فلانة بنت فلان يعني جوازها على أبوها يعني بالعربي الفصيح قطرية .. وفي الاخير كلنا سواسية وعيال أبو واحد.. سواء امها هندية ولا مصرية ولا إيرانية .. المهم الاخلاق .. يعني البنت تعنس علشان هذي تفكيركم .. تركوا عنكم التفكير السطحي والعنصرية..

[الـقـاسـي]

انا اعارض الاخ والكل اللي اهينه بعد
شنو ترا احنا قطريات من بنات قطر
شنو مانسينا عادتنا وتقاليدنا ابدااا
اولا احنا مسلمات وقطريات .. شنو نقعد مع عيال خالنا ..
عيب عندنا مثل ماهو عيب عندكم يا عيال القطريات
اسمحولي التخلف اللي انتو فيه ..
والله بنات الهنديه ترا تربيه واخلاق ..
على الاقل انعرف نلبس الحجاب ونقرا القران اكثر عمم بنات القطريه اللي الحجاب مااتعرف
حتي الفه الشيله ماتعرفها عدل
عدال .. لاحد يغلط علينا ترا احنا بنات هذا البلد ولنا اللي لكل ..

انا امي هنديه .. ابوي الله يرحمه قطري ..
وربتني الهنديه .. احس من غيري ..
اهي اللي علمتني وكبرتني ودرستني مع ان لغتها مو العربيه ..
ارفضت تروح بلادها عساني انا خواتي تربينا وتكبرنا ..
محد همني ولا فزع لي ..
امي الهنديه اهي اللي تعبت عشاني مو مستعده انياتتخلي عنها
عشان اتزوج واحد ما يتشرف باصل امي ..
التخلف اللي انتو عاايشنه ..

:anger3::anger3::anger2::anger2::anger2:

انزين ليش معصبه ترى الموضوع اخذ وعطا وقاعدين يتناقشون ليش تقولين بنات الهنديه احسن من بنات القطريه انتي قاعده تتكلمين بعنصريه ..

يعني اللي بيقرى هالرد بيحس انه اللي امهاتهم قطريات مايعرفون يتحجبون بس اللي امهم هنديات اهما اللي يعرفون يتحجبون ..

ترى مافي احد قال شي غلط كلن يقول وجهة نظرة ورأيه انا عن نفسي مستحيل اتزوج وحده امها غريبه مهما كانت الجنسيه باستثناء بعض الدول الخليجيه مب انهم احسن او غير لا بالعكس بس لقناعه فيني

[sh50]

اهم شى عندي المرأه الصالحه القطريه
اما الام فكله واحد اهم شي اخلاقها ودينها
ولا يدخل الجنه من في قلبه ذره من كبر

[Dawn]

ليش تحورون الموضوع وتصورون الشغله على انها كبر

الحين اللي مهتم بعاداته اللي مرتكزه بشكل كبير على الدين قلتوا عنه متكبر؟؟

المرأه في دول غريبه عنا بالعادات والتقاليد تسوي اشياء احنا نشوفها غير لائقه بينما في دولهم عادي ...

في دول غير الخليج عادي المرأه تدخن - ترقص في المناسبات العائليه امام الرجال لا والرجال بعد عادي يربط الخصر ويهز وسطه - ممكن المره حتى ما تكون محجبه - او ما تصلي الا اذا صار عمرها 40 سنه - تقعد مع اهلها غير المحارم من الرجال بلا حجاب ولا شي بحجة انهم زي الاخوات ..... واحنا غير غير عنهم من ناحية دينيه قبل حتى العادات والتقاليد

الحين بتقولون لي ان المراه لو تروجت قطري وجابت عيال منه بتمسح كل حياتها وخبراتها وطباعها بالمحايه ؟؟؟ والا بتمررها من خلال عيالها وبناتها .... بالذات ان الاباء في بعض العوائل غير متابعين لتربية ابنائهم وقاطين على المره مسؤوليات التربيه ... وغافل ولا يدري عن عياله وبناته

مسأله الرفض مب شغله كبر بل تطبيق لمبدأ ( تخيروا لنطفكم فإن العرق دساس ) ...

واللي هاجمتني اتقي الله انا قلت في نهاية كلامي ان الكل حر والشغله مب غصب :( وماقلت شي غلط اصلا عشان تعصبين :(

[لافوشيا]

ليش تحورون الموضوع وتصورون الشغله على انها كبر

الحين اللي مهتم بعاداته اللي مرتكزه بشكل كبير على الدين قلتوا عنه متكبر؟؟

المرأه في دول غريبه عنا بالعادات والتقاليد تسوي اشياء احنا نشوفها غير لائقه بينما في دولهم عادي ...

في دول غير الخليج عادي المرأه تدخن - ترقص في المناسبات العائليه امام الرجال لا والرجال بعد عادي يربط الخصر ويهز وسطه - ممكن المره حتى ما تكون محجبه - او ما تصلي الا اذا صار عمرها 40 سنه - تقعد مع اهلها غير المحارم من الرجال بلا حجاب ولا شي بحجة انهم زي الاخوات ..... واحنا غير غير عنهم من ناحية دينيه قبل حتى العادات والتقاليد

الحين بتقولون لي ان المراه لو تروجت قطري وجابت عيال منه بتمسح كل حياتها وخبراتها وطباعها بالمحايه ؟؟؟ والا بتمررها من خلال عيالها وبناتها .... بالذات ان الاباء في بعض العوائل غير متابعين لتربية ابنائهم وقاطين على المره مسؤوليات التربيه ... وغافل ولا يدري عن عياله وبناته

مسأله الرفض مب شغله كبر بل تطبيق لمبدأ ( تخيروا لنطفكم فإن العرق دساس ) ...

واللي هاجمتني اتقي الله انا قلت في نهاية كلامي ان الكل حر والشغله مب غصب :( وماقلت شي غلط اصلا عشان تعصبين :(

انت كده فالسليم و100%

[طماطه]

بصراحه اشوف هالمبدأ منقرض تقريبا .. لان فيه نوع من التخلف ..

لان اغلب البنات الي امهاتهم غير قطريات وغير خليجيات من صديقاتي تزوجوا رياييل امهاتهم قطريات ومن احسن القبايل والمناصب في قطر ..

ومن الي اشوفه فهالزمن الامهات القطريات بهالجيل يفكرون في روحهم وفي طلعاتهم للاعراس وزياراتها وتهمل البيت وبناتها .. غير عن امهاتنا قبل .. عشان جي انا احترم كل الاحترام للفئه الي امهاتهم غير قطريات ..