مبروك عليك ... عرس أمّك

[خوي الدرب]

أنت أكبر أخوتك ؛ أنهيت التوجيهية وموظف حكومي .

والدك توفى منذ عامين أو ثلاثة ..

في أحد الأيام جاءك خالك وقال يا فلان :

أبو فلان جاء وطلب يد والدتك للزواج ؛ وهي ليس عندها مانع

وحبت وأنا كذلك حبيت أن نستأنس بموافقتك على زواجها من ابو فلان .


السؤال : ماذا سيكون ردك المنتظر في هذا الموقف ؟

[غايه الطواش]

من حقها ....بكره بيتزوج وبيطلع في بيت بروحه وبيلهى مع زوجته وعياله

احيان احنا نكون انانيين ....نفكر بان سعاده الوالدين معانا ولنا وبس وكان مالهم حق في حياه زوجيه سعيده .....ممكن يكون زوج الام هو نعم الاب
وممكن تكون زوجه الاب نعم الام ...
من حقهم يكون لهم ونيس ...مش معناته ان المره تزوجت وعيالها كبروا مالها حق انها تتزوج والمفروض خلاص تقعد ويه عيالها وفشيله تعرس وووو
اهم شي قراراها يكون صادر عن قناعه شخصيه ...

[لافوشيا]

أنا أوافق لانها لازم تعيش حياتها مهما كانت صغيره او كبيره يحق لها تختار وتقرر دام هي مرتاحه لموضوع الزواج

[شموخ العز]

حق من حقوقها الاساسيه


الرجال اذا مرضت زوجته على طول يتزوج لو كان في الستين


المرأه احوج للزواج من الرجل



صعب المرأه الي كانت على ذمة رجال تصبر على الوحده ........ وايد صعب

[لافوشيا]

حق من حقوقها الاساسيه


الرجال اذا مرضت زوجته على طول يتزوج لو كان في الستين


المرأه احوج للزواج من الرجل



صعب المرأه الي كانت على ذمة رجال تصبر على الوحده ........ وايد صعب

والله كلام صحيح 100%

[مدرسة]

رغم مرارة الموقف :weeping:

الا انه الحلال الذي احله رب العالمين

[عابر سبيل]

موضوع نوعي..اشكرك على الطرح اخوي/ خوي الدرب..

في نظري..ان المسألة
ستكون مفيدة بشكل متكامل
حتى لوناقشنا
زواج الاب (الارمل)..
لان..بعض الابناء..لا يعجبه و يعترض على فكرة
زواج والده/ابوها ..
بعد وفاة الام؟؟


فما ادري..هل الاعتراض هو بسبب عادة الناس..
او بسبب عمر الام...او شخصية الرجل المتقدم او او او..
الاعتراض واحد...لكني اعتقد ان اسباب الاعتراض
تكون منطلقاتها مختلفة..

[الأصيلة]

المعروف في مجتمعنا عندما يكبر الأولاد
لايرضون بأن ترتبط الأم برجل آخر بعد والدهم..
باختلاف أيام زمان عندما كانت المرأة تحتاج لرجل يعيلها ويعيل أبنائها...
لكن الآن أجد الأرملة تضحي براحته ورغبتها في رجل يؤنسها بآخر عمرها...
في سبيل إرضاء الأولاد
لأنهم بالطبع أولى من الزوج ...مهما كانت أهميته بالنسبه للأرملة..
اما لو كان العكس فالأولاد يرحبون كثيرا بزواج والدهم بعد والدتهم ويخطبون له...
ومن أبدى الموافقة هنا في زواج الأم ...
اعتقد عندما يكون في الموقف نفسه فسيتغير رأيه بالتأكيد...

[STAR]

اتوقع ردود الاعضاء كتالي..

العضوات:‏ نعم اوافق..فهذا حق من حقوقها وحلااااال..

الاعضاء:‏ لا اوافق..نظرة المجتمع ‏..اصدقائي ماذا سيقولون..‏!!!‏

[Mshari]

صعبه ياخي نفسيا صعب تقبل هالامور

[qatar213]

أنت أكبر أخوتك ؛ أنهيت التوجيهية وموظف حكومي .

والدك توفى منذ عامين أو ثلاثة ..

في أحد الأيام جاءك خالك وقال يا فلان :

أبو فلان جاء وطلب يد والدتك للزواج ؛ وهي ليس عندها مانع

وحبت وأنا كذلك حبيت أن نستأنس بموافقتك على زواجها من ابو فلان .


السؤال : ماذا سيكون ردك المنتظر في هذا الموقف ؟




ما دري من شفت العنوان تذكرت هل المقطع


http://www.myarabvideos.com/view_video.php?viewkey=116f3b292a982238f83d


,

[al-sadd]

الغريب ان البعض يقول اي بيسمح لها
ولاكن الغريب ان وقت الجد اتحدى يقول احد منهم اي موافق
شخصيا مستحيل ارضى اي انسان ياخذ مكان الوالد (بعد عمرٍ طويل)

[khaleeji]

اذا كفو بفكر :)

[بنت^البحرين1]

بل

لك طولة العمر يا ابوي يا عزي ودلالي .. طبعا مستحيل ولا وألف لا حد ياخذ مكانه .. ذي شي مستحيل يصير والله لا يقوله ان شاءالله

[الطيبة كلها]

والله صعب وايد مع انا نعرف صعوبه الوحده خاصه اذا عيالها كبار وتزوجوا

[بوخالد911]

متااابع

[ام عبدالعزيز]

صراااحه انا اووويد ان الريال ان ماتت مرته يتزوج والمره ان توفا ريلها تتزوج

وحتى لو مطلقه من حقها تعيش حياتها اعيالها بتربيهم..ومصيرهم يكبرون ووويتزوجون..



وسلامتكم

[حليتان*]

اتوقع ردود الاعضاء كتالي..

العضوات:‏ نعم اوافق..فهذا حق من حقوقها وحلااااال..

الاعضاء:‏ لا اوافق..نظرة المجتمع ‏..اصدقائي ماذا سيقولون..‏!!!‏

نعم ...ذي الحاصل





المشكله ماهي نظرت ربعي ...ربعي اذا انهم يتبعوون اخبار هلي ذوول مب ربع


المشكله الخبر لما تسمعه تحس بسوواده قدامك ....شلون امي تاخذ غير ابوي!!


وكلام المنتدى 100% غير الواقع

[حليتان*]

ما دري من شفت العنوان تذكرت هل المقطع


http://www.myarabvideos.com/view_video.php?viewkey=116f3b292a982238f83d


,

ههههه ياااااااحسسسسسسسسسسسين

مع اني ماشفت المقطع لكن حاس انك حاط حسين بن عااقول :tease: لما رجع من البصره

[غلا الريان]

متابعه

في انتظار اراء اللي يسوون ازعاج في مواضيع التعدد
ويحطون الف دليل وحجة وعذر وهم وقت الصج مايتجرآوون اصلا
لسان ع الفاضي
واكييييييد واكيييييد بيقولون
شـــــــــــــــدخل التعدد فــ الموضوع

:victory:

[بعيد النظر]

على حسب عمر الأم + عمر أولادها !
وبعد ما ننسى بوفلان المتقدم ..
كفو ولا شسالفته ..

[ROSE]

ههههههه مادري ليش لما قريت العنوان ضحكت ،، تخيلت موقف عيالي فديتهم

انا للحين عيالي مش متقبلين فكرة اني اتزوج ،، فخلاص شلت الفكره من راسي عشانهم

مع ان صار لي فتره طويله مطلقة

[ام الحناين]

ما ادري

انا عن نفسي ما ارضاها

وليش ما اشوف حياتي حول عيالي وعيال عيالي

احسها احلى حياة بإذن الله

عاد اروح اتزوج من عقب ريلي

[ام الحناين]

ههههههه مادري ليش لما قريت العنوان ضحكت ،، تخيلت موقف عيالي فديتهم

انا للحين عيالي مش متقبلين فكرة اني اتزوج ،، فخلاص شلت الفكره من راسي عشانهم

مع ان صار لي فتره طويله مطلقة

الله يحفظج لهم ويحفظهم لج دوووووووووووم بإذن الله

بيكونون سند لج ان شاء الله

عشانهم ما تزوجتي راح اشوفين النتائج الايجابية
الله يوفقج

[نمـر]

اذا الوالده موافقه بالعكس بافرح وباوافق والله يسهل دربها مادام هذا الشي بيسعدها ما عندي مانع

[chillis]

اوافق وهذا حق من حقوقها مهما كان باجر عيالها بيتزوجون وبتم بروحها

[Doha Sun]

الله يبارك لها ..

[STAR]

للاسف اغلب الرجال الشرقيين انانيين...

تخلف...



يعني الابو عادي يتزوج والام لا...‏!!‏


انا احس لوبيدهم بيدفنون امهم مع ابوهم...

مثل ماتسوي بعض الديانات فالهند...‏!!‏

[STAR]

مع احتراماتي لصاحب الموضوع احس الموضوع ماله داعي..

احس فيه اهانة للمرأة وتسلط عليها...


اذا ولدي صج يحبني راح يتمنى لي الخير والسعادة

مب يفتشل من زواجي..‏!!!!


تخلف..تخلف..تخلف...

[بنت الطائي]

مع احتراماتي لصاحب الموضوع احس الموضوع ماله داعي..

احس فيه اهانة للمرأة وتسلط عليها...


اذا ولدي صج يحبني راح يتمنى لي الخير والسعادة

مب يفتشل من زواجي..‏!!!!


تخلف..تخلف..تخلف...

من قلب قلتيها !!!!!!!!!!!! الله يحفظج
بس صج ما اتخيل نفسي في الكوشة وولدي عندي
اسمحيلي

[ROSE]

الله يحفظج لهم ويحفظهم لج دوووووووووووم بإذن الله

بيكونون سند لج ان شاء الله

عشانهم ما تزوجتي راح اشوفين النتائج الايجابية
الله يوفقج

الله يجزيج الخير يااارب

ان شاء الله وهالشي واضح من الحين من خلال حبهم لي واحترامهم

وتقديرهم

[**هـتــــــان**]

الحمد لله ان الله حكم في هالامور من زمان ونزل كل شي بتفصيل ولا جان سالفتنا سالفه ... نعترف انه ممكن يكون صعب على البعض خصوصا من وضعوا بمثل هالمواقف .. لكن بكل الاحوال من حقها دينا وشرعا ..خصوصا لو ازيلت كل الاسباب المؤدية للرفض من والى ( اقصد اللي تخص اي زواج مب زواج الام فقط ) وياريت يكونوا بعض الاعضاء واقعين

[do7awi]

الام ادرى .. هي امي مب انا ابوها!

السالفة مب مسألة توافق والا ما توافق .. الاذن ما يكون عند الولد
لكن التقبل من الابناء مهم.

و ما اعتقد احد ينكر ان صعب تقبل هالشي .. كنك بلعت فيل مرة وحدة!

انا يمكن احاول اتفهم .. لكن ما بحضر العرس و ببقى بعيد عن الموضوع لين ما تبدا الامور تصير طبيعية

[R.S.C]

صعبه والله وصعبه جدا بعد

[intesar]

أكيد أوافق .. بكرة الكل يلتهي البنات في بيت عرسانهم والأولاد مع حريمهم .. والوحدة شينة حيل ليش الأنانية
وخلي الحياة حلوة

[الألماسي]

الكوشه على من . .!

[الأصيلة]

الام ادرى .. هي امي مب انا ابوها!

السالفة مب مسألة توافق والا ما توافق .. الاذن ما يكون عند الولد
لكن التقبل من الابناء مهم.

و ما اعتقد احد ينكر ان صعب تقبل هالشي .. كنك بلعت فيل مرة وحدة!

انا يمكن احاول اتفهم .. لكن ما بحضر العرس و ببقى بعيد عن الموضوع لين ما تبدا الامور تصير طبيعية

المأذون الشرعي كما عرفت إن لازم ياخذ موافقة الولد إذا بالغ..
عند زواج أمه...
بالعكس ولدي هو له الحق في القبول والرفض...

[الأصيلة]

صعبه والله وصعبه جدا بعد


كلام واقعي بعيد عن المثالية..

[قطرية فذة]

عليهم بالعافيه الام ولا الاب

الحياه تمشي مشيها

[ضوى]

الله يرحم امي وابوي ، ويسكنهم الجنة يارب ، ويجمع بينهم في الأخرة مثل ماجمع بينهم في الدنيا امييييييييييييين

مقدر افتي في الموضوع لاني ماعشت هالموقف ، ومحد يقدر يجاوبك بمصداقية الا اللي عاش هالتجربة بكل تفاصيلها

[بلوتنيوم]

الكوشه على من . .!

:secret::secret::secret:

[بنت صقار]

شرعاً مباح..عرفاً مكروه..
ستار..
الموضوع غير..لو نظرتي بنظرة الولد..وغيرته على امه يدش عليها واحد غير ابوه..وخاصه اذا كان هذا الولدشاب مهب جاهل !!
يفكر بكرة..امه يمكن يغلط في حقها زوجها؟؟ولا بتنضرب ولا بتنهان؟؟هل موقفه راح يكون نفس موقفه من نفس الموقف لو كان ابوه الفاعل؟؟
ولا بيطيح تبقس في عريس الغفله؟؟
رأيي الشخصي:اذا استطاعت المراه..ان تمتنع عن الزواج..وعيالها كبار..أجرها على الله..وموقف قوي جداً.
وان رغبت بالزواج..لازم..تحط في بالها كرامه ونفسيه عيالها..اللي هم اهم من عريس الغفله بمليون مرة..
رأي شخصي..

[هتـان قطر]

كل عائلة لها ظروفها الخاصة المختلفة عن بقية العوائل الاخرى

ولكن من خلال وجهة نظري اشوف ان الام اذا كبروا عيالها

وما عليها قاصر من مسكن ومصرف...!!!

شاللي حادها تتزوج..؟؟ تصبر وتربي عيالها وتشوف عيالهم وعيال عيالهم بعد :)

لان الوحدة لما تكبر تبي تتفرغ لنفسها وتحاول تتقرب من ربها اكثر واكثر

من خلال اعمال خيرية او اجتماعية وتساهم بشي ينفعها وينفع اللي حولها

وش لها بزوج جديد والتزامات والا وين رحتي..؟؟ وين جيتي..؟

واحتمال ما يكون هالزوج حليو ويكون سبب في التفريق بينها وبين عيالها

صحيح الوحدة تفكر في سعادتها .. ولكن ما تكون على حساب غيرها

وخصوصا ان عيالها محتاجينها اكثر بعد موت الاب او طلاقها منه




بالنسبة لي.. ابوي الله يرحمه مات وامي كبير ة في السن ..وما اتخيل

انها بتتزوج في يوم من الايام..:(


اما انا ولزوجي طولة العمر.. مستحيل يكون احد غيره في حياتي

اتمنى نكون مع بعض فوق الارض وفي جنات الفردوس بإذن الله

[الرويـس]

بقول له (ارحل)
:unsure:

حووول

[هتـان قطر]

بقول له (ارحل)
:unsure:

حووول


قصدك زوج امك ... والا حس..:secret:

[الرويـس]

^
طبعا انا اقصد اللي راح يتقدم سواء حس او غيره
:unsure:

وبخليه ( يسقط ) في اختبار السؤال عنه

<قاعد اسمع قرع ارجل بس مش عارف احدد وين :unsure:

[حيهور]

عادي موب حرام تتزوج والله يوفقها