بخصوص أسعار الباصات في جامعة قطر [الأرشيف] - منتديات شبكة الأسهم القطرية

مشاهدة النسخة كاملة : بخصوص أسعار الباصات في جامعة قطر

في سبيل الله

13-02-2011, 10:01 PM

بسمـ الله الرحمن الرحيم

سؤال يطرح نفسه ؟! لماذا تم رفع الأسعار في جامعة قطر لمن اراد ان يسجل في الباص من 200 الى 1000 ريال ؟؟؟؟؟؟؟؟؟؟؟؟؟ ولمدة فصل واحد فقط !

يعني العوايل اللي عندهم 3 بنات يدفعون 3000 ريال للباص < جامعة اكسفور مثلا ؟

يعني مب كفاية حرمتونا من الدراسة في الجامعة بسبب امتحانات الايلس وسنتين تأسيسي
والحين جايين ترفعون علينا الاسعار في كل شي ؟؟

ماهذا النصب يا جامعة قطر ؟؟ وأين المسؤولين عن هذا ؟؟

بنـت الغالـي

13-02-2011, 10:03 PM

لا حول ولا قوة الا بالله ..
حسبي الله ونعم الوكيل

الله يكون بعون الجميع

][ iMedia ][

13-02-2011, 10:04 PM

بكل صــراحه " مهـزله "
:)

فارس قطر

13-02-2011, 10:10 PM

سؤال

من المستفيد من باصات الجامعة علما ان 90% من القطريين يوفرون الموصلات

لابنائهم

اما ذوى الدخل المحدود فهم يحصلون على مساعدات مالية وستثنائات من الجامعة.

في سبيل الله

13-02-2011, 10:17 PM

سؤال

من المستفيد من باصات الجامعة علما ان 90% من القطريين يوفرون الموصلات

لابنائهم

اما ذوى الدخل المحدود فهم يحصلون على مساعدات مالية وستثنائات من الجامعة.

من قالك ان 90 % من القطريين يوفرون المواصلات لابنائهم ؟ لو كان كلامك صحيح لما وجدت هذا الموضوع يطرح هنا اخي الكريم هل استمعت الى الشكاوي في برنامج وطني الحبيب ؟؟

sendarala

13-02-2011, 10:23 PM

لا حول ولا قوة الا بالله

لهذه الدرجة قطر صارت مادية للقطرييين

abdo222

13-02-2011, 10:31 PM

بااال شدعوه !!!! الله يعينكم وش هال الطمع حق جامعه قطر الله يعينكم على الجامعه ،،

ANONYMOUS

13-02-2011, 10:33 PM

السؤال اللي يطرح نفسه

كم كانت الرسوم..

STAR

13-02-2011, 10:36 PM

سؤال

من المستفيد من باصات الجامعة علما ان 90% من القطريين يوفرون الموصلات

لابنائهم

اما ذوى الدخل المحدود فهم يحصلون على مساعدات مالية وستثنائات من الجامعة.

انا وصديقاتي من رواد ركوب الباصات من
ايام المدرسة لين الجامعة..وللعلم جميعنا قطريات..

مب شرط جميعنا من الدخل المحدود..احيانا نصادف
ظروف لا تسمح لاسرتنا اصطحابنا للجامعة..

الله يرحم ايام ماكانت الباصات ببلاااااااش..

في سبيل الله

13-02-2011, 10:46 PM

السؤال اللي يطرح نفسه

كم كانت الرسوم..

200 ريال

تباشير الفجر

13-02-2011, 10:54 PM

حسبي الله ونعم الوكيل جامعة قطر استوت جامعه ماديه 100%
الظاهر يبون يمشون رواتب الموظفين وهالسسوايق المفهيين على حساب الطالبات
حرام والله حرام كلللش مافي احساس كل شي نار في الجامعه الكتب والاكل ورسوم الباص باجر انا اتوقع حتى الكورسات في الجامعه بياخذون عليها رسوم الله يعينا بس ونتخرج ونفتك من المهزله وربي بنات الباص كاسرين خاطري الي على قد حالهم وماعندهم هالمبلغ وحده من البنات تحلف تقول والله لو البيت قريب بروح وبجي مشي لهدرجه وصلنا

حسبي الله ونعم الوكيل
حسبي الله ونعم الوكيل

ANONYMOUS

13-02-2011, 10:59 PM

200 ريال

اش هالارتفاع الجنوني .. لتر البترول رفعوه 20 درهم مش 30 ريال :eek5:

زين ليش مايخلون القطريين مجانا او مثل ماهي

علا قولة الاخ اللي فوق طالما فقط 10 في الميه قطريين والباقي اجانب

STAR

13-02-2011, 11:02 PM

بخصوص اللي سأل عن الرسوم

كانت مجانية لين2007‏ اعتقد
وبعدها فرضوا رسوم بقيمة ‏100‏ للسنة الكاملة‏(فصلين‏)‏
وبعدها بكورس غيروا..صار ‏100‏ ريال لكل فصل..
وبعدها بكورس قالوا ‏500‏ لكل سنة..

بس بصراحة انصدمت احين لما دريت صار ‏
1000‏ ريال لكل فصل‏!‏2000‏ لسنة‏!‏‏!‏

وهم قطر

13-02-2011, 11:03 PM

الله المستعان

الله يرحم حال المدارس الحكوميه والباصات المجانيه سابقا

متسلف وفي الاخير

13-02-2011, 11:40 PM

للعلم هذه القرارات تصدر عن طريق المجلس الاعلى للتعليم والقصد من ورا رفع اسعار كل شي في جامعه قطر هو الربح اولا وثاني شي يبون يكرهون الطلاب في جامعه قطر حتى يتجهون الى الجامعات الاخرى الخلط واللي بفلوس طبعا والتي تعود بالارباح الكبيرة على وزاره التربيه والتعليم التي للاسف اصبحت تتاجر بالتعليم ورسالته الساميه على مر العصور والاجانب بشكل غير مباشر واللبيب بالاشارة يفهم

نوفا91

14-02-2011, 12:56 AM

انا قلت لكم من قبل جامعه قهر هذي انا بحرقها ..:(

airbus

14-02-2011, 01:07 AM

سبب الزيادة لان سعر الديزيل سعره زاد

مجرد احساس

14-02-2011, 02:13 AM

السبب انه تغير المسؤول عن الباصات من شخص الى شخص اخر ...............
وهو.. الشخص الجديد ... قام بتغيير واقتراح تغيير الاسعار والي يستخدمون الباص يعرفون هل الموضوع عدل ..
ان من رأي انكم تبعثون رسالة الي رئيس الجامعة وتطلبون مقابلتها ويكون العدد مناسب ممن تضرر من رفع الاسعار وسبب لهم تكلفة اضافية تري ماتقصر ولو فهمت الموضوع عدل بتأخذ تصرف ايجابي والكثير من البنات الي كلموها تساعدت معاهم في كذا موضوع خاصة المواضيع الي ماتدخل في النظام التعليمي لانه في قرارات

هام السحاب

14-02-2011, 02:28 AM

من 200 لي 1000
ليش ليكون باصاتهم بورش

حليتان*

14-02-2011, 02:35 AM

ووووووووووول ..يبـــا ذي جامعه والله :(

حراام عليهم :(

ماقول غير ..((فوق اصعدي فوق اصعدي))

ahad

14-02-2011, 03:03 AM

بااااااااااااااااااااااااااااااااااااااااااااااااا اااال

شدعوه 1000 ,,,,,,,,,,

عسى ماشر

القحطاني505

14-02-2011, 03:15 AM

انا درست في جامعة قطر وأعرفها زين

جامعة شغلها الشاغل استنزاف الجيوب والتطفيش والتطنيش

ومن فضل الله علي انني لم أكمل الدراسة فيها

حـ ن ـيـ ن

14-02-2011, 03:52 AM

متى صارت بفلوس

ام الحناين

14-02-2011, 07:06 AM

بالمناسبة ..................

ترى حتى موظفينهم متلعوزين

الاداريين والموظفين العاديين ممنوع يوزعون عليهم غراش ما ي صحة اللي يبي يجيب من بيته

المسائيل الكبار عادي يوزعون عليهم ببلاش

شيط ويط

14-02-2011, 07:16 AM

2000 ريال في السنه .. اذا فرضنا الباص 26 راكب

اذا المجموع = 52000 ريال في السنه

مع العلم الباص إذا ما كان ملك للجامعة فإنه يتأجر كأقصى حد بـ 15 ألف ريال

الله يعين الطالبات ويعين أسرهم

بنت الطائي

14-02-2011, 07:18 AM

يمكن عدد الباصات يتجاوز ال30 باص

اشكر حياتهم

QaTaR.ArT =)

14-02-2011, 07:31 AM

المصييييييييبة ان ما فيه مكان للشكوى !!!!

يعنى نروح حق من ؟؟

abdo222

14-02-2011, 08:48 AM

جامعه قطر مب للشكوى ،، لو سوولهم قسم استقبال شكاوي بيندمون من كثر الشكاوي ،، فلو عند الواحد شكوى يا يكتب في المنتدى "وتذهب الشكوى مع الريح" يا وطني الحبيب صباح الخير ،،

Doha Sun

14-02-2011, 09:09 AM

نهبه عيني عينك

مجنون الفتك

14-02-2011, 09:36 AM

1000 طالبه في السنة = 1.000000 مليون

في أربع سنوات = 4 مليون مدخول ممتاز للأمام يا جامعة قطر

mohd89

14-02-2011, 09:49 AM

بكل بساطه !!
اللي ما عنده مشكله بنته تسوق يطلع لها ليسن وياخذ لها سياره صغيره
حق الجامعه
ما بتكلفها 1000 ريال بترول في الفصل

غايه الطواش

14-02-2011, 10:20 AM

يخصخصون الجامعه وخلاص

alsafira

14-02-2011, 10:39 AM

اولا انا حبيت ارد على هالموضوع لانه من جد مضايقني
انا الحمد لله تخرجت من الجامعة من قبل مايصدر هذا القانون ،ولكن كلمة حق تقال
هل الطالب الجامعي قادر على توفير رسوم باص الجامعة ؟
خلينا نتكلم عن القطري خاصة ، نحن نعرف ان الجامعة تعطي مساعدات اجتماعية (بشروط تعجيزية للطلبة ) وبالطبع لايستفيد منهاااا الافئة جدا قليلة .
طيب بخصوص الطالب اللي مايشتغل ولا حتى لدية دخل خاص فيه ..والله العظيم حرام الابو ولا الاهل يلحقون على ايش ولا ايش الاب يصرف على طلبة المدارس ومستلزماتهم ولا على الطالب الجامعي والمصاريف اللي متخلص والله انا كنت في الجامعة وكانت 500 ريال مصروف ماتكفي (من الكافتيريات الغالية ولا شراء الملازم )
سمعنا بناتنا الطلبة يشتكووون في وطني الحبيب صباح الخير لكن لم يكن هنااااك اي تفاعل
الى متى انتهاز الطالبة الجامعية ..انا اول مرة اشوف جامعة تاخذ رسوم باص من مواطنينهاااا
الحمد لله ميزانية الجامعة مش بحاجة 500 و1000 ريال واذا كانت هذي الفلوس راح تكون للجمعيات الخيرية ..فانا من وجهة نظري ان الطالبة القطرية احق من الجمعيات الخيرية
الى متى نظل نسكت على قوانين الجامعة التى فيهااا اجحاف لحق القطري والقطرية ..
والله والله اني اتكلم من قهري ولا الطالب الاجنبي يعطونه رعاية واعفاء ونحن اهل البلد ..
لابد ان نتكاتف جميعا من اجل ابنائنا وبناتنا الجامعيين .

N7eEeS

14-02-2011, 10:55 AM

سبحان الله وامس مفتتحين المبنى الجديد لجامعة جورج تاون الذي كلف الدول ملايين الملايين!!
وملايين اخرى تهدر على الحفلات الهابطه والرياضه وغيرها الكثير الكثير!!
الهذه الدرجة الحسد يملاء قلوب المسؤولين على المواطن القطري!!
وين مايطقها عويه الله يفرجها عليكم .

ولد العديد

14-02-2011, 11:05 AM