إستسفار عن طلب رخصة قيادة وتسمى بالكتشة.

[رجل الجزيرة]

إخواني الكرام

السلام عليكم ورحمة الله وبركاته


عندي ولدي كمل 18 سنة من شهر وحبيت أسأل علشان أطلع له رخصة قيادة( تحت التعليم) الكتشة:

1 - ويش شروطها؟

2- وكم مدتها؟

3 - وكم سعرها؟

وجزاكم الله خير وربي يرحم والديكم.

[فاضي عمل]

الله يخليه لك ان شاءالله
تروح مرور مدينة خليفه تأخذ طلب لاستخراج رخصه تحت التعليم اللي هي الكجه ويوقع عليها الضابط
بعدين تروح للسودانيين اللي فالكبآين تسوي له تآمين اعتقد بـ 275 ريآل ( ملآحظه آلتآمين لا يشمل الحادث لا قدر الله اياً كآن لو ولدك غلطآن او غلطانين عليه وهو آللي يسوق فآلحآلتين الغلط على ولدك )
وبعدين تروح لمكان تجديد اللياسن والاستماره وتدفع مبلغ 100 - 150 تقريباُ وانتهى الموضوع
مدة الكجه 3 شهور يعني يعني ياخذها على طول بفتره بسيطه لو ان متعلم السوآقه يقدم على ترآي ليسن
آلله يخليه لك ويهديه ويجعله من الذريه الصالحه
والسموحه لو به قصور ^^

[رجل الجزيرة]

الله يخليه لك ان شاءالله
تروح مرور مدينة خليفه تأخذ طلب لاستخراج رخصه تحت التعليم اللي هي الكجه ويوقع عليها الضابط
بعدين تروح للسودانيين اللي فالكبآين تسوي له تآمين اعتقد بـ 275 ريآل ( ملآحظه آلتآمين لا يشمل الحادث لا قدر الله اياً كآن لو ولدك غلطآن او غلطانين عليه وهو آللي يسوق فآلحآلتين الغلط على ولدك )
وبعدين تروح لمكان تجديد اللياسن والاستماره وتدفع مبلغ 100 - 150 تقريباُ وانتهى الموضوع
مدة الكجه 3 شهور يعني يعني ياخذها على طول بفتره بسيطه لو ان متعلم السوآقه يقدم على ترآي ليسن
آلله يخليه لك ويهديه ويجعله من الذريه الصالحه
والسموحه لو به قصور ^^

جزاك الله وربي يرحم والديك على الرد وجزاك الله خير على الدعوة الطيبة، بس فيه سؤال ويش فايدة التأمين دام إلى إنه في كلتا الحالتين غلطان فغيت رأيكم ولا عليكم أمر وجزاكم الله خير.

[استغفرالله]

وهل يعطون الليسن او الكتشة للي اقل من 18

[al-sadd]

الحمدلله الرجال رد على اسألتك =)
وان شاءالله تتيسر اموركم


جزاك الله وربي يرحم والديك على الرد وجزاك الله خير على الدعوة الطيبة، بس فيه سؤال ويش فايدة التأمين دام إلى إنه في كلتا الحالتين غلطان فغيت رأيكم ولا عليكم أمر وجزاكم الله خير.

الشيخ صراحه الى الان ماعرفت الفايده منه
لانه مايغطي ولا شي ! مهما كان كبير او صغير
ليش ياخذون 275 مادري !
ولاكن يمكن فيه اسباب ثانيه والله اعلم



وهل يعطون الليسن او الكتشة للي اقل من 18

الكتشه للي اعمارهم 17 وما فوق


بتوفيق للجميع

[sendarala]

موفقين ان شاء الله

الله يحفظ عيالكم من كل مكروه

[sahari]

السلام عليكم

اذا كمل 18 سنه اذا يعرف يسوق ياخذ موعد فحص واذا نجح يستلم الرخصه على طول بدون كجه ووجع راس

وبالتوفيق

[رجل الجزيرة]

جزاكم الله خير جميعا.

[القحطاني505]

الكتشة فيما أعرف تكون لمن كان تحت سن الـ 18

أما من كان فوق الـ 18 فبإمكانه أخذ موعد اختبار الحصول على الليسن

[الـقـاسـي]

الله يخلي لك ولدك ويصلحة ويفرحك فيه .. خذ له ليسن على طول اذا 18 بس انتبه ترى انت المسؤول ماتطلع له ليسن لين يكون يعرف يسوق عدل وانت بنفسك علمه مب تخليه يروح مدرسه يتعلم

[vtc_4.8]

ليش كجه ؟ الكجه حق الي ماكمل 18 سنه

ولدك يقدر ياخذ الليسن على طول

والكجه مامنها فايدة لازم واحد يكون جنبه وعنده ليسن

[رجل الجزيرة]

الله يخلي لك ولدك ويصلحة ويفرحك فيه .. خذ له ليسن على طول اذا 18 بس انتبه ترى انت المسؤول ماتطلع له ليسن لين يكون يعرف يسوق عدل وانت بنفسك علمه مب تخليه يروح مدرسه يتعلم

الله يصلحك ويسعدك يا رب العالمين وجزاك الله خير وربي يرحم والديك.

[رجل الجزيرة]

ليش كجه ؟ الكجه حق الي ماكمل 18 سنه

ولدك يقدر ياخذ الليسن على طول

والكجه مامنها فايدة لازم واحد يكون جنبه وعنده ليسن

الولد طال عمرك يسوق سواقةٍ زينة والحين هو في الثانوية وأبغيه إذا كمل الثانوية بإذن الله تعالى بطلع له الليسن وفي نفس الوقت أبغيه يدخل الدوحة معي أو مع عمامة.