مكنسة كيربي اللي تقضي علي البق والاتربة للبيع

[ورود بيضاء]

عندي مكنسة كيربي الجديدة للبيع طبعا هاي المكنسة تنظف البيت كله وفيها معدات لكل ركن من اركان البيت حتي الله يكرمكم الحمامات والبلاط والباركية يتلمع ويرجع جديد حتي السجاد والستائر والفراش تغسله والله يرجع كانه جديد حتي انها فيها قطعة تسوي مساج للراس والجسم والله انها تخلص البيت من ريحة الغبار واللي عندهم ربو بيرتاحون وايد معاها لانها تقضي علي الغبار مية بالمية انا اشتريتها من قبل اسبوعين بس للاسف بمر بظروف سيئة الله لايحط مسلم فيها ومضطرة اني ابيعها وهي عليها ضمان 3 سنوات وانا اشتريتها ب12900 ريال بحكم اني عندي ربو والله اني ارتحت وايد معها بس الله كريم وببيعها ب10000 ريال وطبعا اللي بيشتريها بيتغير العقد وبينحط اسم المالك الجديد وبيجيك المندوب لغاية الباب وبوريك شلون تشتغل وبيعلم الخدامة عليها حتي بوريك الاوساخ اللي في البيت واللي في السرير اللي ماتشيلها المكانس العادية ولاتري بالعين المجردة .

[محمد505]

بالتوفيق ان شاء الله

[ورود بيضاء]

يسلمو علي المرور يعطيك العافية

[تاله]

الله يوفقج في بيعتها

[ورود بيضاء]

تسلمي ياقلبي علي المرور

[فارس قطر]

اذا نفس النوع هذا ونظيفة بشتريها منج بالف ريال

http://www8.0zz0.com/2010/06/12/04/995883295.jpg

[rayyani12]

الله يوفقج يا اختي .. وبخصوص المكنسه ترى عجيبه عندنا وحده ويجي المندوب وويعلم الدريول وفيها حول ال 114 مهمه يعني تسيوي اكثر من 114 شي .. وبخصوص السومه اللي فوق شدعوووه ياخي .. قال تعالى : يَا قَوْمِ اعْبُدُوا اللَّهَ مَا لَكُم مِّنْ إلَهٍ غَيْرُهُ قَدْ جَاءَتْكُم بَيِّنَةٌ مِّن رَّبِّكُمْ فَأَوْفُوا الكَيْلَ والْمِيزَانَ ولا تَبْخَسُوا النَّاسَ أَشْيَاءَهُمْ ولا تُفْسِدُوا فِي الأَرْضِ بَعْدَ إصْلاحِهَا ذَلِكُمْ خَيْرٌ لَّكُمْ إن كُنتُم مُّؤْمِنِينَ [ [ الأعراف : 85]..شاريتها ب 12900 وانت تقول ب 1000 .. الله يهديك بس

[ورود بيضاء]

يسلمو ياريانية علي الرد والمرور وعلي فكرة يافارس قطر اهون علي اكسرها وارميها ولا ابيعك اياها بالف ريال يعني انت داخل الموضوع تتمسخر الله يسامحك بس

[قطري vip]

الله يعينج
اختي ويفك ضيقتج ان شاء الله

[ورود بيضاء]

يسلمو قطري vip علي الرد والمرور

ويفك ضيقة كل مسلم