حـزب (الصلعـآن) .. حيـآكم يا معشـر بني أصلـع ...

[ممنوع اللمس]

انا عندي مشكله
مشكلتي اهي بداية الصلـع...والكارثـه
انا عندي شعر خفيف في مقدمة الرأس مع فراغات...
طبعا كل شي سويت والله وتعبت
قالو لي كريمات حطيت كريمات مافي فايده
حطيت ديزل تيزاب كلوريكس ديتول حطيت راسي فالغساله هم مافي فايده الشعر ما يبي يطلع :(
وكل يوم ينقص
انا شعري في جسمي طبيعي بس غزارة فالانتاج وسوء في التوزيع على قولة احد الاخوان :(


يآليت اللي عنده طريقه حل يفيدني بس لحد يقولي زراعه لان مستحيل ...
لو في حل او حد مجرب يقولي ينقذني والله تعقدت نفسيتي
يا معشر بني اصلع..اليوم قد اينعت رؤوس وقد حان قطافها :weeping:

[دانـة قطـر]

ما دام ما تبي تزرع مالك إلا الحنا والخروع :(
ترى حتى البنات قاموا يشتكون من تساقط الشعر والفراغات
ترى نوع الشامبو له دور كبير ما عاد نعرف وش نستعمل من الشامبوهات :(

[ممنوع اللمس]

تسلمين دانه عالرد بس والله تعبت كل شي سويت
صار لي يومين مع هالثوم قلت يمكن ينفع

[جنوب الدوحه]

والله من خلال تجربتي في الحياه اعتقد الصلع ماله علاج لن تكون الوراثه السبب الرئيسي :) ..


فاذا حاب ما عليك الى تذكره صوب ديار بندر عباس .. وزراعه شعر من افضل ما يكون ..:) مع السعر الممتاز والجوده العاليه .. ستكانه شاي نعناع قند فوق الطلب .. :)


وتقبل مروري ..

[ممنوع اللمس]

ولكم جنوب قطر
بس انا مو وراثي اللي فيني :(

[Dawn]

مشكله تساقط الشعر للبنات والذكور قد يكون سببها سوء التغذيه ..

قبل البدء بالبحث عن خلطات وكريمات وزيوت يجب عمل فحص شامل للدم ...

اذا طلع فيه نقص بالفيتامينات والحديد بالذات يجب اخذ كورس علاجي مدة شهرين على الاقل ..
بخلال شهرين سيكون الجسم اخذ كفايته من العنصر الناقص ويبدأ يظهر اثره على فروة الشعر فستجد شعيرات صغيره بدأت بالظهور .. والفراغات تختفي ...

اقول هالكلام عن تجربه حيث كنت اعاني من نقص الحديد مما اثر على كثافة شعري ومع حبوب الحديد واكل السبانخ والشمندر والبقدونس يوميا صار ما شاء الله كثيف وصحي وبدأ الشعر بالظهور مره اخرى بعد شهرين ..

خلال هذه الفتره يجب البعد عن المنبهات : الشاي - القهوه - الكرك - البيبسي .. او تجنب شربها قبل او بعد الاكل بساعتين ...

[الجسراوي]

شوووف الحل الوحيد انك تطنش وبس

بس انا بعطيك حل حلوووووو افتح قناة المجد وشوف الشريط الاعلاني وبتحصل مبتغاك وصدقني بتدعي لي لو حصلت العلاج وشكله مثل بيض الصعو والله يعينك ....

بسالك ياطويل العمر ماتلاحظ صورة سمو الامير الله يحفظه

شوف ايده ليش مصكر عليها وضاغط بالقو وو سموه ربي يحفظه

[دانـة قطـر]

تسلمين دانه عالرد بس والله تعبت كل شي سويت
صار لي يومين مع هالثوم قلت يمكن ينفع


انزين خلني أرفع معنوياتك شوي
ترى الصلعه على الرجل وقار <<<:secret:

[ممنوع اللمس]

امحق وقار بذمتي

[جمال اليافعي]

نزلت ماليزيا شهر طلع لي شعر رجعت الدوحة طاح الشعر , يا انه تغذية او ماي الدوحة مخربطين النسب فية

[ابو محمد7]

اييييييييييه ضربت عالوتر

هذا حال الكثير من شباب قطر مايوصل 30 الا الصلعه تمكنت منه ولو قليلا

الله يسامح الغترة اعتقد لها دور لانها تكتم الهواء

الغترة تستر شوي مشكلتي العب رياضة بشكل شبه يومي ودايما بلبس رياضة وتدري احيانا وانت رايح او راجع توقف مكان تخلص شغلة والحالة مش ولابد

مالك الا حل واحد تحليقة الاسد = 0

خلك كله مقرع مكينة وشوف شلون يضبط معاك الوضع او لا

بانتظار الحلول

[شيط ويط]

في حل يقوله لي واحد من الربع .. يقول احلق ع الزيرو وشف لك (بقرة) تلحس راسك :)

عاد ودي انا اجرب الطريقة .. لكن حجي (خميس) يقولون .. عقب اكتتاب اسهم ناقلات باع البقر والعجول اللي عنده

[ANONYMOUS]

هو اكيد في حل غير الزراعه.. خل نسمع تجارب الاعضاء الموقرين

شوف اهم شي عندك شعر على جمب..

والباقي بتغطيه الغتره لاتحاتي

:p

[شيط ويط]

هو اكيد في حل غير الزراعه.. خل نسمع تجارب الاعضاء الموقرين

شوف اهم شي عندك شعر على جمب..

والباقي بتغطيه الغتره لاتحاتي

:p

البلا لا صيفت في لندن والا باريس :weeping:

[مدرسة]

اذا مو وراثي أشوة

فيه أمل

ترا من أسباب تساقط الشعر الأساسية و اللي يغفلونها الناس هي فقر الدم

الواحد يشوف نفسه طويل و عريض و ما يتوقع يكون فيه فقر دم ...بس شدخل!

جربت حبوب الحديد لما تساقط شعري قبل 9 سنوات تقريبا و صار شعري شزينه و طبببعا ما كنت ادري ان عندي فقر دم وقتها

و بعد عليك بحبوب ( زيت كبد السمك ) خاصة زيت كبد سمك القد --> هذا اذا ما كنت تستعمل الأسبرين ولا عندك سكر

لأن هالحبوب روعة للشعر و الأظافر و البشرة بشكل عام

و قس على ذلك فيتامينات الشعر و البشرة ترا وااايد حلوة

العلاج يبدأ من الداخل ما عليك من اللي يقولون لك زيوت و حالة أهمممم شي من الداخل

استشر الطبيب قبل تناول أي دواء

دُمْتَ للهِ أقرب

[ANONYMOUS]

البلا لا صيفت في لندن والا باريس :weeping:



شيوديك لندل

الصين حلوه ياريس :p

[{راشد}]

مالك الا الزراعه اذا مجبور ,

ويوجد دكاتر يزرعون في سوريا وسعارهم مناسبه,

[ziad1971]

اسمع عندك هذه الحلول

الحل الأول : تحلق عالزيرو وتربي ذقن لأنها صارت موديل وشوف المباريات يشلون افضل اللعيبه حالقين عالصفر
والصلع ما هو عيب ولا مرض اللي تخاف منه

الحل الثاني : تتصور صورة وتعطيها لمصمم على الفوتوشوب يحطك شعر واطبع منها ١٠٠٠ نسخه وكل ما حد يكلمك اعطيه الصورة <<<<<<<

والحل الثالث : حاول ما تشوف نفسك بالمرأه وتخيل نفسك بشعر <<<<<

والحل الرابع وهو المعتمد : روح على لبنان سمعت انه في عيادة لزرع الشعر بس شرط يكون الشعر المتبقي غزير


انا هيك ما قصرت لانه للحين ما حد كشف علاج للصلع اكثر من هذه الحلول ووفر فلوسك وخلي ثقتك بنفسك اكثر

اخوك ولا حبة شعره براسه وعايش الحمد لله واشرب مي واروح عالسوق واسوق السيارة واكلم اصحابي

والحمد لله ما اروح على صالون موفر فلوسي

وكمان كل واحد يشوفك يقولك (عمره مباركه او حج مبروك) شو تبي افضل من هالشيء

وفي المستقبل حزب الصلعان راح يجتمعون عشان يفرون للناس الطاقة الشمسية هههههههههه

[قطر love]

جرب شامبوو جونسون للاطفال ( لادموع بعد اليوم )

والله جد لحد يحسب اني اتغشمر لانه الشامبوو بدون مواد كيميائيه او مواد مضره

ف الشامبوو مايضر بالراس او الشعر بالعكس يحل مشكله تساقط الشعر جرب شهر كامل بدون شامبوو ثاني ودعواتك

لو حد مجرب هد ان شولدرز نعناع حط منه شويه على راسك وخله قريب الدقيقه والله تحس بشي حار على راسك وتحس الراس يحترق هذا الي يخلي فروه الراس رقيقه وتخلي تساقط الشهر يزيد

اسال مجرب على الاقل يكون عندك شعر احسن من الصلع :victory:

[حيهور]

ياخوي انا مستخدم شامبو والحمدالله ماعندي المشكلة الي تعانيها

الله يخلي الماي يكفي ويوفي

[نــــظــــره]

مالك الا (الاثمد)

قال رسول الله صلى الله عليه وسلم قال:

" إنّ مِنْ خَيْرِ أَكْحَالِكُمُ الاِثْمِدَ إنّهُ يَجُلُو الْبَصَرَ وَيُنْبِتُ الشّعَرَ

[بلوتنيوم]

واجه الواقع وابتسم
تقريبا دخلت منطقة منتصف العمر
ما راح تظل شباب طول العمر :)

[eXpert*]

أبعد عن الماي لما تغسل شعرك خصوصاً الرشاش اللي فوق معلق :)
شوف الحلاليق وصالونات الحريم كيف يغسلون فروة الراس الماي يكون ضغطه خفيف ومب مباشرة للراس انما بشكل مائل تقريباً علشان ما يضر الفروة .

جرب وادعي لي :)

[قدها وقدود]

انا قريت موضوع اخر ماتوصل اليه اطباء الشعر من عشر سنوات ان الصلعه لها حل

وبدون عمليات جراحيه ونسبة نجاحها 100 في 100 عن طريق تنشيط هرمون المسؤول عن

فروة الرأس.

وقبل كم يوم قريت اخر ماتوصل اليه اطباء الشعر ان انبات الشعر ليس مستحيل وعن طريق دواء خاص والنتيجه مضمونه وممتازه .

(((انصحك انك تستعمل شامبو الاطفااال)))

وبعدين عمليه زراعه الشعر عمليه بسيطه ونتايجها ممتازة

يعني العلم كل يوم يتطور ويتطور . وخلك مبتسم

[darkmoon]

مآي آلدوحه فيه شي فيه موآد كيميآئيه

[المجدم]

فوائد الصلع :
1. قلة الذهاب للحلاقين
2. عدم النظر كثيرا في المراة
3. لا تغار عليك زوجتك.
4. علامة من علامات الذكاء
5. عدم استخدام المشط (توفير)
6. اذا كنت ممثل تصلح لك ادوار الوزير والضابط ورئيس العصابة
7. قلة استخدام الشامبو والصابون

[المجدم]

مالك الا (الاثمد)

قال رسول الله صلى الله عليه وسلم قال:

" إنّ مِنْ خَيْرِ أَكْحَالِكُمُ الاِثْمِدَ إنّهُ يَجُلُو الْبَصَرَ وَيُنْبِتُ الشّعَرَ

صدق رسول الله صلى الله عليه وسلم وعلى أصحابه الطاهرين
ما هو الأثمد
ومن اين يمكن شراءه

[نــــظــــره]

صدق رسول الله صلى الله عليه وسلم وعلى أصحابه الطاهرين
ما هو الأثمد
ومن اين يمكن شراءه


الإثمد كحل الرسول صلى الله عليه وسلم كان يستخدمه واوصى باستخدامه لفوائده الكثيره
اجدادنا كانو يسخدمونه وبكثره وماشاء الله بعمرهم مااشتكو من صلع ولا من ضعف في النظر
بس لازم يكون اصلي لان في مغشوش ويضر مايفيد
اسأل عنه في سوق واقف
انا وصيت عليه بس لحد احين ماجاني ابي استخدمه لعيوني للمستقبل اذا الله مد بعمرنا

[Bin Hood]

الحال من بعضه اخووي

انا بعد نفس الشي

[OTOsan]

انا دخلت للتعاطف فقط .. والدعوة لك بنمو الشعر الغزير ان شاء الله :(

[السعدي999]

علاجك عندي علاجك عندي

[][ iMedia ][]

ممممممممممم ..
والله خذها مني .. اذا التساقط سببه " وراثي " اغسل ايدك ..
لا تخسر حالك .. حتى لو حطيت الجمره الخبيثه ما راح يطلع !

الحل الوحيد والمضمون باذن الله
انك تزرع شعر .. صح انه مكلف .. بس النتيجه مضمونه باذن الله
وما بعرف ليش انت مستصعب الموضوع !!
ترى الموضوع جدا سهل .. اعتبرها تغيير جو
واضرب عصفورين بحجر . .
:)

[بوحارب]

واحد من ربعي سوى عملية في ايران والشعر نبت في شعره ما شاء الله عليه بشكل سريع

[Bin Hood]

[ imedia ][;6937911']ممممممممممم ..
والله خذها مني .. اذا التساقط سببه " وراثي " اغسل ايدك ..
لا تخسر حالك .. حتى لو حطيت الجمره الخبيثه ما راح يطلع !

الحل الوحيد والمضمون باذن الله
انك تزرع شعر .. صح انه مكلف .. بس النتيجه مضمونه باذن الله
وما بعرف ليش انت مستصعب الموضوع !!
ترى الموضوع جدا سهل .. اعتبرها تغيير جو
واضرب عصفورين بحجر . .
:)

اخوي ممكن تفاصيل اكثر

اي دولة ؟ المستشفى ؟ التكلفة ؟ مدة العملية ؟ الاثار الجانبية ؟ وغيرها

بس لا تقول لي روووووووح ايراااان

وجزاك الله خير

[][ iMedia ][]

اخوي ممكن تفاصيل اكثر

اي دولة ؟ المستشفى ؟ التكلفة ؟ مدة العملية ؟ الاثار الجانبية ؟ وغيرها

بس لا تقول لي روووووووح ايراااان

وجزاك الله خير


هلا حبيبي ..
والله يالغالي في عدة دول .. منها لبنان اذا ما خانتني الذاكره
لكني باعتقادي لبنان مكلفه ضعف ايران ..

على العموم .. هذه تجربه واحد من الاعضاء
اقراها وشوف الموضوع .. واهم شي الاستخاره
وانا اللي فهمته من بعض الشباب ان الموضوع " سهالات "
يعني تمسي اقرع .. وتصبح وانت تدور على سشوار :nice:

http://qatarshares.com/vb/showthread.php?t=319414&highlight=%CA%CC%D1%C8%C9+%D2%D1%C7%DA%C9+%C7%E1%D 4%DA%D1

تحياتي لك . .
:)

[عليه العوض]

خليك اصلع افضل لك والصلعه ما فيها عيب الصلع للرجال الشعر ما فيه خير

[بـن عدوان]

من يعرف تفاصيل المستشفى اللي سوى فيها اخونا بلاك جاكيت العملية ؟

[غلا الريان]

من صجكم تسوون زراعه ولا في ايران وسووريا بعد !!

اخوي جرب الميزو ثيربي
لو تقدر تروح عند سعاد لطفي في دبي
بس لازم كل شهر وبعدين يقل مثلا كل ٣ شهور
الميزو ثيرابي لازم تستمر عليه اقل شي ٦ شهور
هــ العلاج لكثافه الشعر وبعد في علاج بالليزر يقلل نسبه التساقط
وبتعطيك بعد فيتامينات "حبوب" للشعر والاظافر والبشره ..احسن لك من الزراعه
ولا شوف لك اي دكتور هني بس يكون ثقه وناصح !!
بس الصراحه ماعتقد فيه d :

[chillis]

حلات الرجل بصلعته اجمل واحلى :secret:

[ابو مشعل]

من صجكم تسوون زراعه ولا في ايران وسووريا بعد !!

اخوي جرب الميزو ثيربي
لو تقدر تروح عند سعاد لطفي في دبي
بس لازم كل شهر وبعدين يقل مثلا كل ٣ شهور
الميزو ثيرابي لازم تستمر عليه اقل شي ٦ شهور
هــ العلاج لكثافه الشعر وبعد في علاج بالليزر يقلل نسبه التساقط
وبتعطيك بعد فيتامينات "حبوب" للشعر والاظافر والبشره ..احسن لك من الزراعه
ولا شوف لك اي دكتور هني بس يكون ثقه وناصح !!
بس الصراحه ماعتقد فيه d :

الميزوثيربي فترته طويله
انتي قلتيها 6 شهور !
ومب شرط ينجح وايد ناس جربوه وما فادهم
على الاقل الزراعة مضمونة وما تفرق ايران ولا دبي
في كل الاحول الشخص بيروح المطار وبيطلع من ديرته :)

[بوسيف الهاجري]

اسمع عندك هذه الحلول

الحل الأول : تحلق عالزيرو وتربي ذقن لأنها صارت موديل وشوف المباريات يشلون افضل اللعيبه حالقين عالصفر
والصلع ما هو عيب ولا مرض اللي تخاف منه

الحل الثاني : تتصور صورة وتعطيها لمصمم على الفوتوشوب يحطك شعر واطبع منها ١٠٠٠ نسخه وكل ما حد يكلمك اعطيه الصورة <<<<<<<

والحل الثالث : حاول ما تشوف نفسك بالمرأه وتخيل نفسك بشعر <<<<<

والحل الرابع وهو المعتمد : روح على لبنان سمعت انه في عيادة لزرع الشعر بس شرط يكون الشعر المتبقي غزير


انا هيك ما قصرت لانه للحين ما حد كشف علاج للصلع اكثر من هذه الحلول ووفر فلوسك وخلي ثقتك بنفسك اكثر

اخوك ولا حبة شعره براسه وعايش الحمد لله واشرب مي واروح عالسوق واسوق السيارة واكلم اصحابي

والحمد لله ما اروح على صالون موفر فلوسي

وكمان كل واحد يشوفك يقولك (عمره مباركه او حج مبروك) شو تبي افضل من هالشيء

وفي المستقبل حزب الصلعان راح يجتمعون عشان يفرون للناس الطاقة الشمسية هههههههههه

:eek2::eek2::eek2:

مالك حل

[rawad]

كل الشباب الي كانو بالدوحة عندهم مشكلة ومعاناه تساقط الشعر
حتى انا شعري بدي يتساقط
نصيحة اخوي المياة الي تستحم فيها الها دور كبير حاول تستخدم مياه الشرب المعقمة ولو لمرة واحدة
ومن فترة كنت بقرأ دراسة عن موضوع تساقط الشعر
السبب الرئيسي وراثي مية بالمية
بس في اسباب ثانوية كتير ولو انت اتجنبتها تساعدك على تأخير ظهور الصلع
مثل نوعيه المياه الي تستخدمها بالاستحمام
التغذية الجيدة واخد الفيتامينات وخاصة فيتامين أ a
ظاهرة مهمة وخاصة بدول الخليج
والي هي تغطية الرأس الي تسمونها ( الغتره ) وهي اهم سبب والدراسة كانت حولها بالتحديد
حاول انك تعرض راسك لقليل من اشعة الشمس وما تكون الغترة ضاغطة بقوه على الشعر

هي المعلومات الي اتذكرها

والمعذرة على الاطالة

[BURBERRY]

استخدم دووووم شامبو بيبي جونسون الاصفر و بتشوف التساقط يخف

http://www.couponmamacita.com/wp-content/uploads/2011/01/johnson-baby-shampoo.jpg

فيه بخاخ يخفف التساقط لكن يسبب ماي في العين مانصحك فيه

[لاجل QT]

اهم شي الروح:)

تأقلم مع الوضع وحب نفسك كما انت:nice:

[Bin Hood]

[ imedia ][;6937966']
هلا حبيبي ..
والله يالغالي في عدة دول .. منها لبنان اذا ما خانتني الذاكره
لكني باعتقادي لبنان مكلفه ضعف ايران ..

على العموم .. هذه تجربه واحد من الاعضاء
اقراها وشوف الموضوع .. واهم شي الاستخاره
وانا اللي فهمته من بعض الشباب ان الموضوع " سهالات "
يعني تمسي اقرع .. وتصبح وانت تدور على سشوار :nice:

http://qatarshares.com/vb/showthread.php?t=319414&highlight=%ca%cc%d1%c8%c9+%d2%d1%c7%da%c9+%c7%e1%d 4%da%d1

تحياتي لك . .
:)


مشكور اخوي على الشرح الوافي

[غزلان]

عليك بالتغذيه بقدونس شمندر وان شاء الله بتستفيد ولا خلك على القحفيه لاتقطها خير شر

[نمـر]

أنا أعاني مثلك شعري خفيف من فوق وأتوقع عقب سنتين بالكثير با صير كشف لكن الحل عليك بالغتره اذا كنت لابس ثوب والكاب اذا كنت لابس بدله هذا الحل

[هام السحاب]

تسبح بماي ايفيان

[almaf1a]

واجه الواقع وابتسم
تقريبا دخلت منطقة منتصف العمر
ما راح تظل شباب طول العمر :)

كلام سليم :nice:

[حزينه]

لازم نعرف كم عمرك عشان نقدر نعطيك الحل

وحط في بالك الرجال شعورهم تطيح من يوصل عمرهم 30 والبعض 26 هذا الشي طبيعي على حسب الدكتور العراقي الشاطر الي طلع على قناة قطر

واعتقد عنده عيادة خاصه في الدوحه ويسوي زراعه وفي شي غير الزراعه بس ماذكر والله


بالتوفيق

[برنس قطر]

نصيحه وعن تجربه
عياده دكتور فهد عبدالله فيها دكتور اسمه سليمان مصري الجنسيه
عنده طريقه مبتكره وممتازه عن تجربه يطلع يعني يطلع شعر

[متسلف وفي الاخير]

للعلم ماي الدوحه هو الماء الوحيد في العالم الذي يحتوي على اكبر كميه من الكلور وماء البحر

هل تعرف ماهو الكلور انه معقم البرك السباحيه الذي يسبب الحساسيه للبعض والسرطان وتساقط الشعر

بسرعه فائقه جدا جدا ومشكله خطيره جدا للاسف اصبح الصلعان في قطر هم الاكثر في الخليج


لدرجه اللي اعمارهم من العشرين الى ثلاثين قرعان وصلعان والله حاله

[MAZEN37]

الاهتمام جميل بس مو لحد الهوس والفوبيا عند بعض الناس
شفيها يعني اصلع او مشيب او عمره كبير استغرب من بعض الناس الي همهم بالدنيا هالمواضيع
اعتقد الانسان لازم يحب نفسه ويحترمها كما هي وبالوقت الي هو فيه ويعيش بالرضى والرضى سعاده
وبالنسبه لليقول انحرج لما اسافر او البس رياضه من الناس اقوله الانسان احترامه مب بالشكل
بل بالتعامل والاخلاق والي مايحترمني علشاني اصلع موضوع خاص بتفكيره المريض.

[بوسيف الهاجري]

:nice:
تسبح بماي ايفيان

[قهوجي]

الله يعينك مافي غير حل واحد انك السنين الجايه تحلق علي الصفر
امده معينه ليرجع قوه بصيله الشعر ومو لازم علي الصفر تحلق ممكن علي الواحد انا نفسي نفسك
خليك محلق علي درجه واحد وماحيتساقط لفتره معينه لمده سنه او سنتين او ثلاثه

[غلا الريان]

الميزوثيربي فترته طويله
انتي قلتيها 6 شهور !
ومب شرط ينجح وايد ناس جربوه وما فادهم
على الاقل الزراعة مضمونة وما تفرق ايران ولا دبي
في كل الاحول الشخص بيروح المطار وبيطلع من ديرته :)

هالعلاج فعال ونسبه نمو الشعر من 50 الى 100 ٪
وهالكلام مش من عندي هذا كلام الدكتوره
وانا ماذكرت دبي من فراغ .. انا ذكرتها لوجود دكتوره معروفه و ممتازه
بالعكس اخوي يفرق دبي و لا ايران .. لانه الشخص اذا بيتعنى اكييد بيتعنى لدكتور يستاهل وسائل عنه

:)

[بوعمير]

انا عندي مشكله
مشكلتي اهي بداية الصلـع...

يآليت اللي عنده طريقه حل يفيدني...
:weeping:

ماعندي لك غير دعوه صادقة:

اللهم أجعل رأس (ممنوع من اللمس) مدحوب شعر، ومهب أي شعر إلا شعر اسود كحل نعيم.
اللهم أجعل (ممنوع من اللمس) ممن يشار لهم بالبنان في حسن الشعر.
اللهم أجعل بين كل شعره وشعرة (شعرة).

آمين.

[الماليه]

يااخي انسى الموضوع ولي يبيك على ذال الحال حياه الله والي مايبيك مايشوف شر
بعدين هشكل احسن يااخي على الاقل بانوراما وشوف كم سعر البنوراما وشلون الطلب عليه وانت جاي وكاله
شتبي بعد

ترى انا مش بعيد عنك

[غايه الطواش]

توه ولد القذافي طالع في التلفزيون اصلع اقرع

تقبل الواقع
عيش اصلع ترى الوجود جميلا ...:)
شوف تجربه الاخ بلاك جاكيت اعتقد وان شاء الله تستفيد