استفسار:عالم فيراري ممكن تجاوبوني

[العداله]

احد عنده فكره عالم فيراري اللي في أبوظبي يصلح للأطفال اقل من 6 سنوات ولا ما يناسبهم ممكن اللي عنده فكره يجاوبني

[الراهب]

السلام عليكم
في العاب لكل الاعمار بس هناك ياخذون على الطول
عند كل بوابة لعبة بتحصل قياس طول
يعني اذا ولدك طويّل يمشي حاله
والمواعيد من الساعه 12 الظهر الى 7 او 8 المسا

[العداله]

يعطيك العافيه اخوي المشكله عندي أطفال صغار سنتين واربع وست علشان كذا كنت اسأل

[blueZircon]

انا زرتها قبل شهرين والالعاب اللي فيها معدوده , بس للاسسف ماشفت العاب تنفع لاطفال بهالعمر اللي ذكرتهم . الالعاب اللي تناسبهم يمكن اربع او خمس , وتستاهل الزياره الصراحه لانه يوجد بها مطاعم ومعروضات والعاب للكبار ومحلات تبيع منتجات فراري

[قطر دزاين]

انا رحته صراحة وكان في بالي انه شي خيال

وطلع عادي

[بـنـت ڪرز]

ماعندي فكره d:

[(رمز المحبه)]

سمعت عنها كثير بس لحد الحين ما رحت .. اتمنى تفيدون صاحب الموضوع اكثر واحنا بعد نستفيد من الناس اللي راحوو هناك لانه ناوين نروح

[مشتاقة لقطر]

امس اختي راحت مع ولدها وبنتها وزوجها 780 درهم غيرالمشتريات

تقول المكان فاضي نوعا ما .. يعني ما يستاهل الواحد ياخذ كرت في اي بي ..

تقول المكان مافيه ازعاج العاب نفس الملاهي .. المعتادة ..

اكبر لعبة قطار الموت على ما ظن ..

يعني بشكل عام حلوة بس مب واااااو

[Fahad Alqahtani]

انا رحته صراحة وكان في بالي انه شي خيال

وطلع عادي

نفس اكوا بارك ؟

[Qtr.Girl]

انا زرتها من شهرين ماكانت كل الالعاب مفتووحه تقريبا باقي 3 العاب او لعبتين ما افتحوهم


واكثر الالعاب اللي عندهم نفس ال 3 دي كانك بسينماا والمركبه اللي انت فيها تتحرك شوي


وفيه قطار موت سررريع وااااايد


وبالنسبه للاطفال مسوين نفس اممم مكان مسوّر وفيه نفس سيايير الفراري الصغار احسه يصلح حق اللي عمرهم سنتين والمكان كانه شارع حلو للاطفال


وفيه مطاعم ومتاجر فراري بشكل عام حلو لتغير جوو وانا توقعته احلا من جذي على التغطيه اللي سوووها

[yalla]

انا رحت مع اطفال
اذا الهدف من الزيارة انه اطفالك يلعبون و اعمارهم مثل ما قلت 2 و 4
ابو السنتين لعبه و احده فقط و سخيف( سيارت تدور)
و ممكن تركب معاة في سيارة صغيره تمشي بروحها تشوف مجسمات لمدن ايطاليه
الاربع سنوات 3 العاب و ممكن يدخل معك سينما ثلا ثية الابعاد
الزحمة لاتوصف و خصوصا بعد الظهرممكن تشتري تذاكر vip
و قتها لا تضطر توقف على دور طويل
للاطفال افضل خذهم على كيدزانيا , عالم اكثر من رائع

[mrs.spoon]

انا رحته بعد، فيه لعبتين وثلاث للي عمرهم سنتين واربع والباقي يأخذونهم ع الطول ، فيه قطار الموت وبعض الألعاب والسيارات بس مثل ماقالوا ع الضخامه اللي سووها اتوقعته بيسكت دزني لاند بس الصراحه اتفه لعبه في ديزني يمكن تعادل أفخم لعبه في فراري
مافي مقارنه الصراحه.

[Emarati]

^^

ديزني غير وعالم فيراري غير !
عالم فيراري متخصص بس لهالشركة ولسياراتها وحتى الالعاب
كلها في هالمجال يعني المقارنة مادري على أي اساس لوول

[barod]

انا زرتها مع الاولاد الصراحه مستواها عادي والالعتاب عاديه والي يزورها مره ما يزورها مره ثانيه واسعارها غاليه نوعا ما

[شاهين]

نصيحه رووووح
والله راح تستمع أنت واليهال
بس لاتروح أيام الجمعه والسبت تكوت مزدحمه
وفيها العاب للصغار والكبار
توكل ورووح
اللبس بنطلون وقميص وكاب
لايفوتك قطاار الموت خيااالي والله

[التيما]

انا رحتها وعجبتني واااايد وفيها العاب حق اليهال في سن اعيالك غير كذا فيها كذا سينما تشوفها بعربة تصلح بعد حق اليهال والكبار انا سمعت من كثيرين انها مو شي بس رايي انها رووعه وتستحق الزيارة صراحة

[الفهد1]

زرتها العاب عادية اغلبها العاب سينمائيةولا انصحك بزيارتها العاب الدوحة افضل منها

[clouds]

ابد مانصح فيها فاضيه وغاليه على الفاضي