المساعد الشخصي الرقمي

مشاهدة النسخة كاملة : إستفسار عن سيارة فلكس فورد 2009 Flex ford


الغريبة
16-02-2011, 04:11 PM
السلام عليكم إخواني بغيت أسأل عن هذه السيارة لانة ابغي أشتريها حد مجربها ولا سمع عنها
مشكورين مقدما
بوسيف الهاجري
16-02-2011, 05:25 PM
ما انصحك بها السيارات عليك با السيارات اليابانيه
سعرها فيها
راعي الدتسن
16-02-2011, 05:32 PM
الياباني وبس..
الغريبة
16-02-2011, 10:13 PM
ما انصحك بها السيارات عليك با السيارات اليابانيه
سعرها فيها
مشكور أخوي بوسيف بس انا اتكلم بنحاية العيوب ومميزات انا ما راح استخدم الا للمشاوير والدوام وبعدين انا ما يهمني اذا سعرها طاح لان بعد 3 او 4 سنوات بغيرها ومش مهم عندي سعرها في ذاك الوقت لانها بصراحة فخمة وواسعة وعائلية
الغريبة
16-02-2011, 10:17 PM
الياباني وبس..
مشكلة الياباني ما فيه وسائل الراحة والفخامة اللي في الامريكي بس هل عندك عيوب هذه السيارة خصوصا انها امريكية والحين الامريكي منتشر في دوحة بكثرة وبعدين انا ماراح استخدمها بعنف
بوسيف الهاجري
17-02-2011, 08:35 AM
مشكور أخوي بوسيف بس انا اتكلم بنحاية العيوب ومميزات انا ما راح استخدم الا للمشاوير والدوام وبعدين انا ما يهمني اذا سعرها طاح لان بعد 3 او 4 سنوات بغيرها ومش مهم عندي سعرها في ذاك الوقت لانها بصراحة فخمة وواسعة وعائلية

الوكيل تعبان والخدمه تعبان وقطع الغيار غاليه وغير متوفره
بونو
17-02-2011, 10:47 AM
FORD ... اختصار ل .... Found On Road Dead ! >>>> اللي مايبي فلوسه اختي .... ياخذ فورد في الدوحه .... علشان فلتر سخيف .... ممكن سيارتك توقف شهر في البيت .... هذا والعلم عند اللــــــــــــه
مستثمر 999
17-02-2011, 11:03 AM
اخوي توكل على الله ولا تفكر في شي

لو السياره ما فيها ما شرتها كروه وكرفتها كرف اليهد وباعوها باسعار خياليه وهي سكراب من الاهمال
mazag
17-02-2011, 11:12 AM
السياره عاديه ودامك ماتفكرين تبيعين الا بعد فتره اخذيها واصلا اول 3 سنوات على الضمان
الغريبة
17-02-2011, 01:53 PM
مشكورين اخواي على النصائحكم المثمرة بس شوفوا المواصفاتها وبعدين احكموا
كشفت مؤخرا ً شركة فورد العريقة عن...

فورد فليكس 2009 ford flex
بالحجم الكامل لتنظم الى فورد إيدج من فئة suv و شقيقاتها

و تعتبر فورد فليكس والتي تتسع لسبعة ركاب بكل راحة و بتصميم لافت

والتي ظهرت في معرض نيويورك العالمي للسيارات سنة 2007

من سيارات فورد الحديثة والتي تم بناؤها على قواعد فورد

لتنظم إلى أسطول فورد الشهير..

اما عن محرك السيارة فهي ذات محرك بستة إسطوانات ذات سعة 3.5 لتر

مزدوج الكفاءة يعطي 260 حصان مع عزم دوران جيد و إقتصاد في الوقود

و هي ذات خيارات و خصائص عديدة في الداخل منها الثلاجة و نظام الملاحة

و مقاعد جلد مع وجود سقف بانورامي وعدة الوان جذابة كما يتميز بوجهية

نيكلية شبابية وجميلة وخلفية كلاسيكية مع سقف أبيض من الخارج...
سيارة بنظام تحكم صوتي من مايكروسوفت
ويتم عرض هذا النظام في سيارة فورد فلكس 2009 الجديدة، وهي السيارة الرسمية لـ”أسبوع جيتكس للتكنولوجيا”.

ويتيح نظام “سينك” إمكانية مزامنة وتشغيل أنواع الهواتف النقالة ومشغلات الوسائط الرقمية والتحكم بها شفهياً أو عن طريق عجلة القيادة
أو مفاتيح التحكم بالراديو. وصُمّم هذا النظام، الذي يتم تركيبه في المصنع،
بحيث يغير الطريقة التقليدية في تشغيل الهواتف النقالة ومشغلات الوسائط الرقمية المتحركة بأسلوب يتناسب مع احتياجات ومتطلبات العصر.



ايجابيات السيارة:-تصميم رائع جدا
-مواصفات تقنيه ممتازة
-مريحة جدا لجميع الركاب
-رحبه جدا من الداخل و تتسع للكثير من الامتعه
-مصابيح أماميه زنون و كشافات ضباب قويه
-المرايا الجانبية توفر لك رؤية رائعة و أكثر من اللازم
-لا وجود للضوضاء في المقصورة

بالرغم من هذي الايجابيات ما تخلو أي سيارة فالعالم من العيوبمن العيوب في هذي السيارة :
-عدم توفرها بشاشه مع توفر نظام ملاحه
-عدم توفر كاميرا خلفيه بالرغم من وجودها في الكتالوج
- السعر مقبول نوعا ما لكنه غير منافس . . (145 ألف درهم)


للتعرف أكثر على مواصفات هذي السيارة الرائع زوروا هذا الموقع
بونو
17-02-2011, 03:58 PM
اختي ... ب 145 الف بتحصلين احسن يوكن دينالي مواصفاته احسن من اللي ذكرتيها.... واسمحيلي اقولج لاتصدقين كلام الجرايد لنهم لو امدحوا العجوز... بتتزوج! كلام تسويق وجرايد ,,,, ياباني او امريكي محترم مثل الجمس او التاهو زين ترى وسعره يمسك شوي.... اسألي مجرب ولا تسألين طبيب... خدمة الفورد عندنا تعبانه جدا جدا .... والراي رايج
بوسيف الهاجري
17-02-2011, 04:48 PM
معليه بس اذا بدفع 145 الف بدفعها في سياره تستاهل
ب 145 بتاخذ
برادو v6
لكزسrx 330
نيسان ارمادا او باثفندر
اكاديا
تاهوlt
bmx-x3

احط فلوسي في سياره تستاهل
الراايق
18-02-2011, 02:19 AM
انصحك بـــ GMC

فخامة وعائلية و مريحة في الاستخدام ...

في كذا نوع من gmc

عندك التاهو أو اليوكن أو أكـــاديـــا >> فخمة وحلوووه الاكادياااا ..


ولا تستعجلين اخذي وقتك في البحث عن السيارة لين تلقين اللي يعجبك .
الزجاجي
18-02-2011, 09:38 AM
الفورد ممتاز بس عيبه الوحيد الوكيل التعبان !!
وقت الصيانه غصب طيب تروح الصناعيه
بونو
18-02-2011, 10:59 AM
انصحك بـــ gmc

فخامة وعائلية و مريحة في الاستخدام ...

في كذا نوع من gmc

عندك التاهو أو اليوكن أو أكـــاديـــا >> فخمة وحلوووه الاكادياااا ..


ولا تستعجلين اخذي وقتك في البحث عن السيارة لين تلقين اللي يعجبك .

اصبت الهدف اخوي الرايق .... بس ابعد عن الاكاديا لان واحد من الربع عنده وحده وفيهاعيب مصنعي في كمبيوتر القير وتبهدلك عقب ال 100 الف كم.... والوأله اعترفت لرفيقي بعد ماتبهدلوا وماعرفوا يصحونها.... *ومشكورييييين
الغريبة
19-02-2011, 12:31 AM
مشكورين اخواني كلكم شكلي بغير رأي فيها طالما الوكيل تعبان اما بخصوص 145 الف في عرض 110 الف في قطر
عندي ثلاث خيارات
1. 2011 Lexus RX 350 stander
2. برادو 2011 ستة سلندر
3. انفينتي fx35 2008
أتمنى تتكرمون بنصائحكم الكريمة
v_h3
19-02-2011, 01:12 AM
انفينتي fx35 2008
بوسيف الهاجري
19-02-2011, 07:55 AM
لكزسrx350
المخفي
19-02-2011, 03:55 PM
برادو 2011 ستة سلندر مرغوبة في السوق