مدرسة الخليج الأنجليزية وعدم الأمتثال لقرارات المجلس الأعلى للتعليم !

[بنت الأجوادQ]

الصراحة انا مستغربة من هالمدرسة أللي في وادي وقرارات الوزارة في وادي ..عندي ولدين واحد في الأكاديمية والثاني في مدرسة الخليج واليوم وصل لي تعميم من الأكاديمية أن الأسبوع الجاي أجازة لكل مدارس الدولة العامة والخاصة فاتصلت فيهم أستفسر وقالوا لي أن تعميم لكل المدارس الخاصة أنهم يلتزمون بالقرار... وتفاجأت بولدي اللي في مدرسة الخليج يقول لي أنهم بس معطينه يومين الأاربعاء والخميس بس وأتصلت بالوزارة استفسر قالوا لي لازم أجازة أسبوع... المدرسة رافضة القرار وصــــاحب المدرسة رجل أعمال معروف ودايما قراراتهم عكس الوزارة .. وين نشتكي ؟؟ تعبنـــــــــــا من هالمدرسة وكل ماكلمناهم قالوا لنا كيفنا... الوزيـــــــــر يمشي قرارة على كل المدارس الا هالمدرسة ودي اعرف ليش خايف منهم وليش ما يسمعون كلامه مثل كل المدارس !!!

[بنت الأجوادQ]

ودي حد يعطيني رقم اتصل واشتكي عليهم والله قهــــــــــــــــــــــــــــــر !

[ابن سينا]

تحطون عيالكم في هل المدارس وعارفين بقوانينهم وبعد ذلك تشتكون منهم ومن قراراتهم افضل طريقه انقليهم مدارس حكومية

[Dawn]

هذي المدرسه مستواها فاشل جدا

[الـقـاسـي]

يعني راعي المدرسه اقوى من الحكومة

[abu abdulla]

وقبل الامتحان طلبوا من الاهالي دفع رسوم الامتحان 5500 هذا غير رسوم المدرسه اللي كل فصل حوالي 13000 وغير رسوم الكتب

[abu abdulla]

للتوضيح الرسوم على الطلاب y11

[حنيــن]

حتى الكامبرج
عطوهم 3 أيام بس مب أسبوع

[حنيــن]

ودي حد يعطيني رقم اتصل واشتكي عليهم والله قهــــــــــــــــــــــــــــــر !



أرقام ممكن يكون لها علاقة بالشكوى على المدارس الخاصة
مديرة مكتب المدارس الخاصة وهي المسؤولة المباشرة عن هالمدارس 44560686
مدير مركز المعلومات وهو اللي المفروض يستقبل الشكاوي 44941441
اللي يستقبل الشكاوي بمكتب الوزير 44941004

[ماجد78]

هذي المدرسه مستواها فاشل جدا

زين خبرتونا كنت بسجل ولدي السنة القادمة فيها

[Chanel]

والله أنا بنتي ماشاء الله تبارك الرحمن في مدرسة الخليج وتأسيس اللغه الانجليزيه شيء عجيب عندهم

[الطيبة كلها]

والله كانك تتكلمين عن الشويفات العلل امس بس اعلنوا الاجازة لان ادبوهم مجلس التعليم اذا ما نفذوا القرار بحولونهم لجنه التاديب

[قطرية مثقفة]

أنه وصلني مسج من مدرسة الخليج الإنجليزية اليوم يؤكد إن الإجازة أسبوع ،،،،،
لا تزعلين أخيراً عطوهم إجازة :nice::nice:

[Cooki]

اختي انا عيالي في الخليج .. وعطوهم الاسبوع الجاي كله اجازه ..

مادري ليش انتي غير ..

وللامااانه المدرسه مستواها ماراح اقول ممتاز بس جيد جداً..

هي عيبها الوحيد رسومها اللي كل مالها فالطاااالع ..

تحيااااتي للجميع

[clouds]

بووووو الخليج عاد في كل شي غير
بدايه المدرسه قبل المدارس واجازتهم دايما مش مع المدارس
عكس الناس

[بنت الأجوادQ]

اليوم عطوهم أجازة عقب ما أشتكينا عليهم لأن أمس كلمتهم قالوا بس يومين
هالمدرسة قراراتها غير المدارس كلها تفتح قبل كل المدارس وكل أجازة من الوزارة ترفع ضغطنا لين نشتكي ويعطون عيالنا... وغير رسوم الدراسة اللي أعلى رسوم في قطر
قرار الوزارة ان لازم يعتمدون على الكوبونات وهم رافضين... صاحبها رجل اعمال معروف واسطته كبيرة في الدولة ولا مفتكر في قرارات الوزير انا ما ادري ليش الوزارة ما تشوف هالمدرسة وبعض المدارس الأجنبية ناس وناس

[قطرية مثقفة]

اليوم عطوهم أجازة عقب ما أشتكينا عليهم لأن أمس كلمتهم قالوا بس يومين
هالمدرسة قراراتها غير المدارس كلها تفتح قبل كل المدارس وكل أجازة من الوزارة ترفع ضغطنا لين نشتكي ويعطون عيالنا... وغير رسوم الدراسة اللي أعلى رسوم في قطر
قرار الوزارة ان لازم يعتمدون على الكوبونات وهم رافضين... صاحبها رجل اعمال معروف واسطته كبيرة في الدولة ولا مفتكر في قرارات الوزير انا ما ادري ليش الوزارة ما تشوف هالمدرسة وبعض المدارس الأجنبية ناس وناس

بصراحة مع احترامي لرايج بس الخليج مدرسة مستواها ممتاز للمراحل المبكرة وجيدجداً للمراحل الأخرى ،،،، وأحلى مافيها إن كل الطلبة من عيال قطر فالواحد بصراحة يرتاح من ناحية تمسك العيال بالتقاليد،،،، صدقيني في مدارس خاصة فيها بلاوي ،،،،، وصاحبها الشيخ فيصل مايقصر ماشاء الله عليه كفاية استقباله للطلاب بمزرعته وتشجيعه لهم ،،،،وفي النهاية اللي مو عاجبه ممكن ايغير المدرسة لأنه مش اجباري يحط عياله في مكان أهو مو مرتاح منه ،،،،،

[black@white]

بصراحة مع احترامي لرايج بس الخليج مدرسة مستواها ممتاز للمراحل المبكرة وجيدجداً للمراحل الأخرى ،،،، وأحلى مافيها إن كل الطلبة من عيال قطر فالواحد بصراحة يرتاح من ناحية تمسك العيال بالتقاليد،،،، صدقيني في مدارس خاصة فيها بلاوي ،،،،، وصاحبها الشيخ فيصل مايقصر ماشاء الله عليه كفاية استقباله للطلاب بمزرعته وتشجيعه لهم ،،،،وفي النهاية اللي مو عاجبه ممكن ايغير المدرسة لأنه مش اجباري يحط عياله في مكان أهو مو مرتاح منه ،،،،،

بالفعل المدرسه ممتازه في المراحل المبكره ولكن بعد ذلك يبدا مستواها ينخفض لا قول جيد جدا بل جيد وهذا يعتمد على مستوى المدرسين بالمدرسه وسياسه تغير المدرس في الفصل الواحد بحيث يتششتت الطالب هذا ما يحدث سنويا يبدا المدرس بتدريس الطلاب واذا ما اعجبه الوضع ووجد راتبا افضل يترك المدرسه والطلاب ويتم احضار مدرس اخر لا نعرف ما هي مؤهلاته ويبدا مع الطلاب من جديد و هناك مدرسه بدات مع الطلاب وتركت المدرسه لانها حامل ولا تستطيع ان تكمل الى اخر السنه لاجل الbaby بالاضافه الى المعامله التي يعامل بها الطلاب من بعض المدرسين والالفاظ الغير تربويه التي يستخدمونها معه.
والمرحله الثانويه كذلك مستواها جيد ولكن الشي الحلو بالمدرسه الثانويه تنوع التخصصات يعني ممكن الحصول على IBاو ال ASفهنا فتح المجال للطالب للتخصص واختيار ما يريد
المدرسه ليست سيئه ولكن الرسوم مبالغ فيها في مقابل ما يقدمونه للطلبه

الادراه مفتوحه امام الجميع والمديره الاداريه ما تقصر مع اولياء الامور لحل المشكلات

اما مسأله اللي عاجبه واللي مش عاجبه لربما المدرسه قريبه من مكان السكن او ان ابناءهم نشأوا في نفس المدرسه والمدرسه تجمع بين البنات والبنين والمراحل الثلاث فيكون الخيار الافضل لأولياء الامور في وضع ابناءهم في مكان واحد

[الأصيلة]

كان الإقبال على مدارس الخليج أكثر
لكن الان أصبحت مدارس أكاديمية المها هي الأفضل
بسبب الهوية الإسلامية المصبوغة بها...
وطبعا 90% طلباها وطالباتها قطريين
بالإضافة إلى المدرسين الأجانب كلهم مسلمين...

[Dawn]

انا بنفسي سامعه مدرسه توصف الطلاب بالمتوحشين المتخلفين القرود ... وشفت مدرسه طارده بنت صغيرونه في الاول وما فهمت من البنت شالسبب .. وكانت واقفه مدة ساعه تقريبا برا الصف في الصيف والمدرسه مفتوحه ..

شنو هالمستوى المنحط ؟؟ ،، يبه عنهم ما تعلموا انجليزي .. بس عالاقل يعاملون الطلاب بأدب مب يكسرون نفسيتهم وهم صغار يعلمونهم على الذل من صغرهم .. هذا غير التمييز العنصري اللي بين المدرسين الاجانب والمدرسين العرب ..

مدرسه متخلفه صراحه ..

[بورصجية]

انا اولادي في المدرسة ومستواهم الحمد لله ممتاز
والمدرسة بعتتت لنا رسايل امبارح بس تاكد على انو الاجازة اسبوع موش 3 ايام بس