اشرايكم في الاقتراح .. ما نبي زياده .. نبي شي ثاني ..!

[هدهد سليمان]

بسم الله والصلاة والسلام على رسول الله .. مساكم الله بالخير ورضا الوالدين .. اخواني واخواتي لا يخفا عليكم كثرت طلبات زيادة الراتب أو تسديد الديون وكل يوم والثاني شفنا نفس الموضوع يتكرر .. لكن هناك اقتراح افضل يرضي جميع الأطراف ان كان هناك اطراف او مستمع ..

الصراحه ما نبي زيادة وما نبي تسديد دين .. نبي الأسعار تنزل الى سابق عهدها على جميع المواد الغذائية عامة .. واسعار مواد البناء اما بدعمها من قبل الدوله بشكل اكبر وفعال .. او تفعيل حماية المستهلك .. لان الزيادة يا جماعه ما راح تفيد وبنرد على طير يللي واستغلال التجار لكل زياده اكبر مشكله ومحد يقدر يوقفهم .. إلا بتفعيل قوانين صارمه عليهم!!
او يشوفون لنا حل من هالحلول .. ما نبي نقارن نفسنا مع دول الجوار عندنا وعندهم خير .. المشكله لو الزيادة بسيطه بنقول مب مشكله .. لكن الفارق واضح وجلي .. حتى على مستوى اسعار السيارات سمعنا عن قوانين او ما يسمى بقوانين ردع التجار لكن ولد عمك اصمخ !

الناس تشتكي من الاسعار يا حكومتنا الفاضله .. لكن لا حياة لمن تنادي .. ما نقول من حق المواطن ومن حقه ومن حقه .. نقول ما نبي غير العدل هل يرضيكم ما يفعله التجار ! اسعار خياليه والزيادات عجيبه والفارق واضح يعني معقوله ما تشعرون بهالشي؟

تحركتوا عند زيادة سعر البيبسي على سبيل المثال ورد السعر وعقبها ارتفع سعره مره ثانيه !

طبعا البيبسي مجرد مثل وما يستاهل نضرب فيه المثل .. وهذا يدل على ان التجار لهم الكلمة الاولى والأخيره !


لو نستطيع التوحد في كلمة خلوها تخيس كان الحال غير الحال ..

هذا والله الموفق .. ونتمنى ان يجد هذا الاقتراح رضا الجميع .. وهو اولا واخيرا مجرد رأي يعبر عن صاحبه وليس بالضروره عن رأي المنتدى ..

واللي عنده نقاط او اقتراحات بناءه حياه الله ..

ودام عزك يا قطر ..

[R 7 A L]

من الى راح يفرض على التجار عدم الزيادة بالاسعار ؟
!!!

[PIX]

انسى اخوي العزيز الي راح راح وذيك الايام الطيبة راحت

واحنى عيال اليوم ولازم نعيش الواقع

هذه هي الاسعار ويجب ان نتعايش معها ونكيف نفسنا معاها

ومع الاسعار الجايه في المستقبل القريب والبعيد .

[قطر دزاين]

طلبت المستحيل
من مسكت وعيي وانا الحين 47 سنه ما سمعت ان في عقاب للتجار واحد ولا سمعت ان حمايه المستهلك قامت بدورها وما سمعت صار اجتماع بالتجار وما سمعت محل كبير للشخصيه معروفه تعرض او تسكر
وما سمعت عن اي محاسبه وما سمعت على الاقل ان هناك دراسة في الاسعار
وترى الاسعار للسلع الجايه بترتفع
زادو الراتب 20% زادات المواد 30%
الطاسه ضايعه دام التجار يسرح ويمرح دون محاسبه او رقيب

وصدقني بصير اللي راتبه فوق 20 الف ما يلحق

[أبو عبدالعزيز]

من الى راح يفرض على التجار عدم الزيادة بالاسعار ؟
!!!



أوك تقدر الحكومة عبر الوزارات المعنية أن تتدخل بكل سهولة
بالإمكان إلغاء القوانين اللي تعطي الوكلاء التجاريين كل تلك الامتيازات
وبالإمكان فتح السوق بشكل مطلق بما في ذلك الشركات والمؤسسات بالدول المجاورة لتمارس نشاطها
بالإمكان تشكيل جمعيات ذات نفع للمجتمع مش بقصد الأرباح وتعطى امتيازات من الحكومة لدعم القطاعات التي تعاني من استغلال التجار كقطاع المساكن والبناء...الخ
بالإمكان وبالإمكان وبالإمكان....الخ

لكن السؤال هل توجد إرادة لتحقيق كل ذلك؟

بيكون الجواب نعم في حالة واحدة فقط تنطبق على جميع الدول بلا استثناء.. وهي لو كان فيه فاصل حقيقي بين القطاع التجاري والقطاع الحكومي
بحيث ما يكون كبار التجار هم أيضا كبار المسؤولين أو الأقارب المباشرين لكبار المسؤولين

[مشتاقة لقطر]

الله كريم

[هدهد سليمان]

من الى راح يفرض على التجار عدم الزيادة بالاسعار ؟
!!!

الحكومه ! سن قوانين . . رفع الاحتكار .. فتح السوق الميدان يا حميدان .. !

[هدهد سليمان]

انسى اخوي العزيز الي راح راح وذيك الايام الطيبة راحت

واحنى عيال اليوم ولازم نعيش الواقع

هذه هي الاسعار ويجب ان نتعايش معها ونكيف نفسنا معاها

ومع الاسعار الجايه في المستقبل القريب والبعيد .

الدنيا بخير وانا اخوك .. لازال الخير موجود لكن مع التطور شبه مخفي :)

تفائلوا بالخير .. اهم شي الصوت يوصل ويمكن وصل .. لكن ننتظر تفعيل هالشي .. مسائك ورد ..

[R 7 A L]

الحكومه ! سن قوانين . . رفع الاحتكار .. فتح السوق الميدان يا حميدان .. !




التجار و الوكلاء هم أصحاب القرار في الحكومة


حتى لو فرضنا ان تتم مقاطعتهم وان نستورد البضائع من الدول المجاورة فلا تنسى ان القانون في الجمارك يمنع دخول بعض البضائع الى قطر

يعني ملزومين نشتري من عندهم

[هدهد سليمان]

التجار و الوكلاء هم أصحاب القرار في الحكومة


حتى لو فرضنا ان تتم مقاطعتهم وان نستورد البضائع من الدول المجاورة فلا تنسى ان القانون في الجمارك يمنع دخول بعض البضائع الى قطر

يعني ملزومين نشتري من عندهم

تقصد دول الجوار هي الي منعت .. لا تقفلها وانا اخوك .. في الف طريقه وطريقه اهم شي التكاتف على سلعه سلعه مب كله مره وحده :) .. ومبدأ خلوها تخيس فعاله ..

[النائب]

إقتراحك جيد ياصاحب لكن مستحيل تطبيقة او مجرد النظر إليه .

والسبب إن التجار هم المسؤولين والمسؤولين هم الاتجار فإذا كانت الحكومة جادة فهناك قانون إسمه تعارض مصالح ولا يمكن أن يصلح الحال دام إن صاحب القرار هو التاجر .

هل تعلم يااخي أن فيه أعضاء مجلس إدارات وفي نفس الوقت يديرون إدارات حكومية وماشين على شيلني وشيلك وإللي منهم يخجل على وجهه يكون السجل او المصلحه بإسم احد أقاربة سواء زوجه ابناء اخوة ابناء عم إلخ .

[R 7 A L]

إقتراحك جيد ياصاحب لكن مستحيل تطبيقة او مجرد النظر إليه .

والسبب إن التجار هم المسؤولين والمسؤولين هم الاتجار فإذا كانت الحكومة جادة فهناك قانون إسمه تعارض مصالح ولا يمكن أن يصلح الحال دام إن صاحب القرار هو التاجر .

هل تعلم يااخي أن فيه أعضاء مجلس إدارات وفي نفس الوقت يديرون إدارات حكومية وماشين على شيلني وشيلك وإللي منهم يخجل على وجهه يكون السجل او المصلحه بإسم احد أقاربة سواء زوجه ابناء اخوة ابناء عم إلخ .



هل تعلــــم اخي العزيز ان هؤلاء محاسبين أمام الله

هل تعلــــم ان مايقومون بة حرام



حسبي الله على من أستغل موقعة الوظيفي في شؤونة الخاصة

[هدهد سليمان]

طلبت المستحيل
من مسكت وعيي وانا الحين 47 سنه ما سمعت ان في عقاب للتجار واحد ولا سمعت ان حمايه المستهلك قامت بدورها وما سمعت صار اجتماع بالتجار وما سمعت محل كبير للشخصيه معروفه تعرض او تسكر
وما سمعت عن اي محاسبه وما سمعت على الاقل ان هناك دراسة في الاسعار
وترى الاسعار للسلع الجايه بترتفع
زادو الراتب 20% زادات المواد 30%
الطاسه ضايعه دام التجار يسرح ويمرح دون محاسبه او رقيب

وصدقني بصير اللي راتبه فوق 20 الف ما يلحق

ما في شي مستحيل في عهد بومشعل الله يحفظه .. والمسألة وقتيه بإذن الله ..

صدقت اللي راتبه فوق العشرين الحين ما يقدر :) .. لكن يبقى هناك بصيص امل ..

[النائب]

هل تعلــــم اخي العزيز ان هؤلاء محاسبين أمام الله

هل تعلــــم ان مايقومون بة حرام



حسبي الله على من أستغل موقعة الوظيفي في شؤونة الخاصة

اخي رحال اعتقد نحن في دولة مؤسسات فلا بد من ولي الأمر ان يعطي اوامره للحكومة المؤقرة بأن تتابع هذه الأمور وتعدل من مسارها الأعوج .

فلك الحديث عن النبي صلى الله وعليه وسلم «إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد» [رواه البخاري].

من هذا الحديث يفترض أن الحكومة لا تجلس تناظر فقط بل عليها أن تلاحق هؤلاء وتحاسبهم على ما إقترفوه في حق المواطنين والدولة حتى لا نهلك جميعا بسبب ضعاف النفوس .

[هدهد سليمان]

أوك تقدر الحكومة عبر الوزارات المعنية أن تتدخل بكل سهولة
بالإمكان إلغاء القوانين اللي تعطي الوكلاء التجاريين كل تلك الامتيازات
وبالإمكان فتح السوق بشكل مطلق بما في ذلك الشركات والمؤسسات بالدول المجاورة لتمارس نشاطها
بالإمكان تشكيل جمعيات ذات نفع للمجتمع مش بقصد الأرباح وتعطى امتيازات من الحكومة لدعم القطاعات التي تعاني من استغلال التجار كقطاع المساكن والبناء...الخ
بالإمكان وبالإمكان وبالإمكان....الخ

لكن السؤال هل توجد إرادة لتحقيق كل ذلك؟

بيكون الجواب نعم في حالة واحدة فقط تنطبق على جميع الدول بلا استثناء.. وهي لو كان فيه فاصل حقيقي بين القطاع التجاري والقطاع الحكومي
بحيث ما يكون كبار التجار هم أيضا كبار المسؤولين أو الأقارب المباشرين لكبار المسؤولين

سؤالك طيب .. واقتراحات طيبه .. جزاك الله خير .. لكن نأمل بتحقيق ذلك ..

[لطآم]

احس ان المواضيع اللي مثل
هذي وصلت لنوع من الأهانه
للمواطن القطري امام الكل وهذا
الشيء مانرضاه كل يوم والثاني نازل موضوع عن الديون
والزياده والأسعار صار الموضع طراره علنيه
والله عيب والله العظيم عيب اللي قاعد اشوفه
الله يسهل علينا وعلى اخوان المسلمين
ويفرج كربهم بأذن الله سبحانه
والله اني كل يوم اشوف المواضيع واسمع في برنامج
وطني الحبيب الشكاوي والمشاكل وانقهر
حرام اللي يصير ديون وغلا معيشه ورواتب يالله تسد
ومتقعادين متوهقين وامور كثيره جداً
لما اسمعها استغرب انها بقطر
لاحول ولا قوة الا بالله العلي العظيم
الله يفرجها ان شاءلله

[لافوشيا]

والله انا مؤيده للموضوع والفكره مقنعه

[قطرية فذة]

راح تقوم تجاره البيوت اكثر من تجاره السوق لان الناس هلكت

وراح يكون هنالك منافسين لتكسير الاسعار لانهم يبون يعيشون

راح تصير معارض لهذه الاشياء بين فتره وفتره والناس بتشتغل حتى من البيت

وراح تكون الثقه اكثر لما يكون من خلال بيت وبسعر اقل من المحل

الواقع يُحدث مافيه

وبيصير لانترنت سوق لمن لايملك متجر

وراح تظهر صفحات تخدم المحليين

وراح يكون هنالك جسور من التعاون في ان تحقق مصلحه من الاستفاده من التجاره

خاصه في مجال العالم الرقمي لانها حل لمن لاحل له من اقصر الطرق بأكثر الارباح


وقتها راح الناس تتعاون تقول للتاجر اللي مايخاف الله

لا

[R 7 A L]

راح تقوم تجاره البيوت اكثر من تجاره السوق لان الناس هلكت

وراح يكون هنالك منافسين لتكسير الاسعار لانهم يبون يعيشون

راح تصير معارض لهذه الاشياء بين فتره وفتره والناس بتشتغل حتى من البيت

وراح تكون الثقه اكثر لما يكون من خلال بيت وبسعر اقل من المحل

الواقع يُحدث مافيه

وبيصير لانترنت سوق لمن لايملك متجر

وراح تظهر صفحات تخدم المحليين

وراح يكون هنالك جسور من التعاون في ان تحقق مصلحه من الاستفاده من التجاره

خاصه في مجال العالم الرقمي لانها حل لمن لاحل له من اقصر الطرق بأكثر الارباح


وقتها راح الناس تتعاون تقول للتاجر اللي مايخاف الله

لا




تعتقدين القوانين بتسمح بالعمل في البيت
بيطلع لك قانون انة ممنوع عمل الاكلات في البيوت وبيعها وذلك من باب امني لحماية المستهلك فربما تكون الاكلات المعمولة في البيوت ومن غير مراقبة موظفين البلدية معرضة لتسمم .

[meme~qatar]

اوكي عادي
الحين صارت عندي 3 مطالب
1- تسديد الديون
2- زيادة الرواتب
3- تخفيض الاسعار


المواطنين يستاهلون

[قطرية فذة]

ان غدا لناظره لقريب من كثرة الزبد

هنالك رجل صاحت صرخة موته في تونس اقلعت امير من كرسيه من قسوه العيش صيحه صداها اثرت بسشعب مصر

صيحه حركت دول من واقع مرير وجع صارخ كنفس(ن) نادت وا معتصماه

لكن هذا المعتصم هو من يأن بداخل كل ذي منا على مانرى من ضنك الاسعار

سيهب يوماً ذلك الفارس في النفوس يوماً

فكم من فئة قليلة غلبت فئة كثيرة بإذن الله

فلكل وقت اذان

وان غداً لناظرة لقريب

[بوحارب]

^

كلام كبييييير فذه

هدهد اشكرك على الأقتراح بس بعد بدنا مصاري هههههههه


الله يكافينا شر طمع التجّار

[Dawn]

انا وصلت ولله الحمد لمرحلة الحل انا وزبوناتي ...

على الاقل اشوف نفسي جزء من الحل .. انا وغيري من تجار النت ( اللي ما يبالغون في زيادة فايدتهم )

عندي عضوية في ايباي وابيع عليها ... واشتري بنص او ربع سعر السوق من مواقع بيع الجمله ..

واللي يعرفوني مبسوطين ومرتاحين لاني ابيع السلع عليهم بسعر ارخص من السوق وبعد اخذ فايدتي يعني المكسب لي ولهم ...

الحمدلله يارب والله يوفقني في تجارتي .. هذا اللي سويته كمساهمة في الحل والله يشهد اني حاطه في نيتي اني اخدم الناس بتجارتي واخدم نفسي ...

وانتو بعد تقدرون تسوون مثلي او ممكن تستغلون سفراتكم للسياحه وجيبوا بضايع سعرها اقل من السوق .. وبيعوها على النت ... ما تسافرون السعوديه مثلا ؟؟ اشتروا اي شي تشوفون سعره حلو و حطوه للبيع في المواقع التجاريه ..

فيه مواقع قطريه تسمح لكم تعرضون للبيع مجانا لا تحتاجون ايميل رسمي ولا يطالبونكم ان تسوون عضوية تاجر علشان تبيعون الاشياء البسيطه .. وممكن افيدكم بأسماءها عالخاص ..

بس لا تزيدون الفايده وتصيرون مستغلين مثل التجار اللي عندهم محلات ذيك الساعه مافيه فايده .. ولا حد بياخذ منكم اصلا وبتخلون الناس تلجأ للاسواق مره ثانيه ..

هذا رايي والله يوفق الشعب القطري .. وان شاء الله الحل بيد الشعب لا تنطرون شي من المؤسسات الرسميه محد بينفعكم ،، لا تكونون سلبيين اهزموا هالتجار الجشعين وقاطعوهم وتعاملوا مع التجار اللي تشوفونهم عندهم مبدأ .. صدقوني كم شهر من هالنظام وبيضطرون ينزلون فايدتهم على السلع ..

انا مره شفت ساعه في باري غاليري قيمتها 4000 وقفت جدام الموظفه اللبنانيه قلت لها بكم هذي الساعه ؟ متوقعه ان حاطين 4000 على التكت وبينزلون يبلفيت خصم ..
الا تقول لي 4000 ... قعدت اطالعها شوي .. وسألت للتأكيد بكم ؟ وردت 4000 وهي عليها خصم !!!

قلت لها : انا خذتها من الموقع الخاص بالماركه ب 2700 هي نفسها نفسها .. قالت لي لا هذي فيها الماس ومدري شقامت تخربط وانا متأكده انها هي نفسها .. قلت لها : من حقكم تاخذون الفايده ومن حقج انتي تاخذين كومشن بس مب لدرجة ان ترفعون السعر للدبل .. ومن يومها ما طبيت المحل ماعدت اثق فيه وبديت تجارتي في قطر .. مع اني باديه شغلي في ايباي ابيع للزباين اللي اغلبهم امريكان او بريطانيين ... فقلت ليش ما نفع اهلي احسن ... وفعلا شوي شوي بديت القى طلبات من القطريات .. لا وبعد جاتني طلبات من الخليج ... سبحان الله كله على النيه .. والحمدلله الله لا يحوجنا للتجار الجشعين ..


بس المشكله السلع الغذائيه الحين اللي بيحط حل بعطيه جائزه ..

[هدهد سليمان]

الله كريم

بكل تأكيد .. جزاك الله خير للمشاركه الطيبه ..

[هدهد سليمان]

إقتراحك جيد ياصاحب لكن مستحيل تطبيقة او مجرد النظر إليه .

والسبب إن التجار هم المسؤولين والمسؤولين هم الاتجار فإذا كانت الحكومة جادة فهناك قانون إسمه تعارض مصالح ولا يمكن أن يصلح الحال دام إن صاحب القرار هو التاجر .

هل تعلم يااخي أن فيه أعضاء مجلس إدارات وفي نفس الوقت يديرون إدارات حكومية وماشين على شيلني وشيلك وإللي منهم يخجل على وجهه يكون السجل او المصلحه بإسم احد أقاربة سواء زوجه ابناء اخوة ابناء عم إلخ .

عنبر اخو بلال :) .. إن شاء الله كل شي يتغير .. جمعه مباركه عليكم جميعا ..

[القطو السمين]

ونعم الاقتراح والحكومة تقدر تحكم في التجار واذا ماقدرت تحكم في الاسعار هذا يعني الموظفين لايؤدون وظائفهم على اكمل وجهه مهوب يسوون اجتمماع معاهم في احد الفنادق ويسئلونهم اي بالله بيقولون الدنيا غلت بل على حماية المستهلك ان تضع تسعيرة على السلع مقارنة مع الدول الثانية احد المحلات في سوق واقف اسئله ليش اسعارك نار يقول لي عشان ايجار المحل قوية :eek5: ماكنه الايجارات لاتتعدى الف ريال كله كذب

[هدهد سليمان]

هل تعلــــم اخي العزيز ان هؤلاء محاسبين أمام الله

هل تعلــــم ان مايقومون بة حرام



حسبي الله على من أستغل موقعة الوظيفي في شؤونة الخاصة

ضيف هالحديث ((اللهم من وليَ من أمرِ أمتي شيئاً فشقَّ عليهم ،فاشقُق عليه،و من ولي من أمر أمتي شيئاً،فرفق بهم،فارفق به))

والنعمة زواله ..

[هدهد سليمان]

اخي رحال اعتقد نحن في دولة مؤسسات فلا بد من ولي الأمر ان يعطي اوامره للحكومة المؤقرة بأن تتابع هذه الأمور وتعدل من مسارها الأعوج .

فلك الحديث عن النبي صلى الله وعليه وسلم «إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد» [رواه البخاري].

من هذا الحديث يفترض أن الحكومة لا تجلس تناظر فقط بل عليها أن تلاحق هؤلاء وتحاسبهم على ما إقترفوه في حق المواطنين والدولة حتى لا نهلك جميعا بسبب ضعاف النفوس .

كلام طيب بارك الله فيك..

[هدهد سليمان]

احس ان المواضيع اللي مثل
هذي وصلت لنوع من الأهانه
للمواطن القطري امام الكل وهذا
الشيء مانرضاه كل يوم والثاني نازل موضوع عن الديون
والزياده والأسعار صار الموضع طراره علنيه
والله عيب والله العظيم عيب اللي قاعد اشوفه
الله يسهل علينا وعلى اخوان المسلمين
ويفرج كربهم بأذن الله سبحانه
والله اني كل يوم اشوف المواضيع واسمع في برنامج
وطني الحبيب الشكاوي والمشاكل وانقهر
حرام اللي يصير ديون وغلا معيشه ورواتب يالله تسد
ومتقعادين متوهقين وامور كثيره جداً
لما اسمعها استغرب انها بقطر
لاحول ولا قوة الا بالله العلي العظيم
الله يفرجها ان شاءلله

المسألة مب احراج ولا غيره .. هذا واقع وهذا حال الناس يمكن في نسبة ما عندها سالفه لكن هناك بالفعل من يحتاجون .. الكل يعرف ان المعاش ما يكفي والتجار مالهم اي حد للجشع وكل ما سمعوا عن زياده حتى لو ما انزلت زادوا !! زين لين متى؟ نبي تحرك من الحكومه قرارات تنفيذيه مب على ورق ويبتدى مفعوله عقب سنتين نفس سالفة العزاب على سبيل المثال قالوا ممنوع ومادري شنو آخر شي عقب سنه او سنتين عطوهم مهله !!

نبي قرارات تكون مدروسه ما تهظم حق المستهلك اولا والتاجر آخيرا! واتوقع مطلب بسيط من الممكن تنفيذه .. حياك الله يا لطآم ..

[هدهد سليمان]

والله انا مؤيده للموضوع والفكره مقنعه

بارك الله فيك اختي .. ونتمنى ان توصل النقطه حق ولي الأمر :)

[هدهد سليمان]

راح تقوم تجاره البيوت اكثر من تجاره السوق لان الناس هلكت

وراح يكون هنالك منافسين لتكسير الاسعار لانهم يبون يعيشون

راح تصير معارض لهذه الاشياء بين فتره وفتره والناس بتشتغل حتى من البيت

وراح تكون الثقه اكثر لما يكون من خلال بيت وبسعر اقل من المحل

الواقع يُحدث مافيه

وبيصير لانترنت سوق لمن لايملك متجر

وراح تظهر صفحات تخدم المحليين

وراح يكون هنالك جسور من التعاون في ان تحقق مصلحه من الاستفاده من التجاره

خاصه في مجال العالم الرقمي لانها حل لمن لاحل له من اقصر الطرق بأكثر الارباح


وقتها راح الناس تتعاون تقول للتاجر اللي مايخاف الله

لا


الله يسمع منك .. ياليت اقل شي شغل نظيف وعدل ومضمون من اي شي غير حلال وصناعه وطنيه وغير هالكلام التجاره طيبه وتفتح ابواب كثيره .. ان شاء الله نشوفه على ارض الواقع .. اسأل الله ان يأتي اليوم اللي كلنا نقول حق التاجر لا مب على كيفك!

[غير البشر]

اخوي هدهد
كلنا نتمنى لكن احس صعبه تنزل الاسعار
وخاصه مع استضافه كأس العالم
اهم شي نقول ان شاء الله تتوقف على جذي ماتكون اعلى :rolleyes2:

بالنسبه لحمله خلوها تخيس ماعتقد انها مجديه :(

جربو في تويوتا وغيرها يبغونها اتصدي وماصدت الا صار ظغط عليها هههههههههههههههههههه والحجز كان 10.000 ريال :secret:
الله المستعان

[هدهد سليمان]

تعتقدين القوانين بتسمح بالعمل في البيت
بيطلع لك قانون انة ممنوع عمل الاكلات في البيوت وبيعها وذلك من باب امني لحماية المستهلك فربما تكون الاكلات المعمولة في البيوت ومن غير مراقبة موظفين البلدية معرضة لتسمم .

الله يهديك كلها تقفيل :) .. لا في اعتقد وما في مشكله اعتقد اني شفت بمعرض صنع في قطر صناعات يدويه منزلية وكان شي طيب ..واذكر الأخت هي بنفسها تصنع الاجبان والبهارات وعندها الله اعلم محل بسوق واقف .. ومنها نناشد الجهات المعنيه بتخصيص محلات للحريم اللي يصنعون ببيوتهم .. نساندهم من صوب وتجاره مربحه من صوب .. ومب مشكله ياخذون عينات حماية المستهلك !!

[qatari555]

لا زيادة الرواتب ابرك

[هدهد سليمان]

اوكي عادي
الحين صارت عندي 3 مطالب
1- تسديد الديون
2- زيادة الرواتب
3- تخفيض الاسعار


المواطنين يستاهلون

الله كريم !

[مهل]

السلام عليكم

السموحه قريت بشكل سريع و مختصر ...

اعتقد اذا فهمت صح ان القتراح جدا ممتاز و اصفه بالاقتراح الذكي او الاقتراح الخبيث خبث محمود :nice:
وفعلا هي نفس النتيجه تقريبا و بالعكس افضل لان الدوله اذا زادت فهي زادت عشانك انت يالمواطن و للاسف تروح في بطون التجار الجشعين وو تبي تلحق السالفه تعرف من الي يزيد على من ماتدري ،، زادو السالفع الفلانيه قالولك البترول و المخل الفلاني زاد قال لك الاجار زاد و المفتاح عند العروس و العروس مادري وين راحت :rolleyes2:

[ام السعف]

انا ابي كل شي ....> ارفع سقف طلباتك كي تحصل على الحد الأدنى،،

ولحد يقول ما نبي ...> اللهم اني بلغت http://www.pic4ever.com/images/www_MyEmoticons_com__fishing.gif

[هدهد سليمان]

ان غدا لناظره لقريب من كثرة الزبد

هنالك رجل صاحت صرخة موته في تونس اقلعت امير من كرسيه من قسوه العيش صيحه صداها اثرت بسشعب مصر

صيحه حركت دول من واقع مرير وجع صارخ كنفس(ن) نادت وا معتصماه

لكن هذا المعتصم هو من يأن بداخل كل ذي منا على مانرى من ضنك الاسعار

سيهب يوماً ذلك الفارس في النفوس يوماً

فكم من فئة قليلة غلبت فئة كثيرة بإذن الله

فلكل وقت اذان

وان غداً لناظرة لقريب

يعطيك العافيه .. :)

[هدهد سليمان]

^

كلام كبييييير فذه

هدهد اشكرك على الأقتراح بس بعد بدنا مصاري هههههههه


الله يكافينا شر طمع التجّار

بدك مصاري .. مصاري لما يصروك يا مصرور ( شالسالفه :) )

والله يكفينا شر طمع التجار على ما قلت .. والوكاد انه لزوم نبلغ الشيخ بالسالفه :victory:

[هدهد سليمان]

انا وصلت ولله الحمد لمرحلة الحل انا وزبوناتي ...

على الاقل اشوف نفسي جزء من الحل .. انا وغيري من تجار النت ( اللي ما يبالغون في زيادة فايدتهم )

عندي عضوية في ايباي وابيع عليها ... واشتري بنص او ربع سعر السوق من مواقع بيع الجمله ..

واللي يعرفوني مبسوطين ومرتاحين لاني ابيع السلع عليهم بسعر ارخص من السوق وبعد اخذ فايدتي يعني المكسب لي ولهم ...

الحمدلله يارب والله يوفقني في تجارتي .. هذا اللي سويته كمساهمة في الحل والله يشهد اني حاطه في نيتي اني اخدم الناس بتجارتي واخدم نفسي ...

وانتو بعد تقدرون تسوون مثلي او ممكن تستغلون سفراتكم للسياحه وجيبوا بضايع سعرها اقل من السوق .. وبيعوها على النت ... ما تسافرون السعوديه مثلا ؟؟ اشتروا اي شي تشوفون سعره حلو و حطوه للبيع في المواقع التجاريه ..

فيه مواقع قطريه تسمح لكم تعرضون للبيع مجانا لا تحتاجون ايميل رسمي ولا يطالبونكم ان تسوون عضوية تاجر علشان تبيعون الاشياء البسيطه .. وممكن افيدكم بأسماءها عالخاص ..

بس لا تزيدون الفايده وتصيرون مستغلين مثل التجار اللي عندهم محلات ذيك الساعه مافيه فايده .. ولا حد بياخذ منكم اصلا وبتخلون الناس تلجأ للاسواق مره ثانيه ..

هذا رايي والله يوفق الشعب القطري .. وان شاء الله الحل بيد الشعب لا تنطرون شي من المؤسسات الرسميه محد بينفعكم ،، لا تكونون سلبيين اهزموا هالتجار الجشعين وقاطعوهم وتعاملوا مع التجار اللي تشوفونهم عندهم مبدأ .. صدقوني كم شهر من هالنظام وبيضطرون ينزلون فايدتهم على السلع ..

انا مره شفت ساعه في باري غاليري قيمتها 4000 وقفت جدام الموظفه اللبنانيه قلت لها بكم هذي الساعه ؟ متوقعه ان حاطين 4000 على التكت وبينزلون يبلفيت خصم ..
الا تقول لي 4000 ... قعدت اطالعها شوي .. وسألت للتأكيد بكم ؟ وردت 4000 وهي عليها خصم !!!

قلت لها : انا خذتها من الموقع الخاص بالماركه ب 2700 هي نفسها نفسها .. قالت لي لا هذي فيها الماس ومدري شقامت تخربط وانا متأكده انها هي نفسها .. قلت لها : من حقكم تاخذون الفايده ومن حقج انتي تاخذين كومشن بس مب لدرجة ان ترفعون السعر للدبل .. ومن يومها ما طبيت المحل ماعدت اثق فيه وبديت تجارتي في قطر .. مع اني باديه شغلي في ايباي ابيع للزباين اللي اغلبهم امريكان او بريطانيين ... فقلت ليش ما نفع اهلي احسن ... وفعلا شوي شوي بديت القى طلبات من القطريات .. لا وبعد جاتني طلبات من الخليج ... سبحان الله كله على النيه .. والحمدلله الله لا يحوجنا للتجار الجشعين ..


بس المشكله السلع الغذائيه الحين اللي بيحط حل بعطيه جائزه ..

رد طيب وحلول ما شاء الله طيبه ولو كل شخص سوى نفس الشي كان خاست بضاعة التجار .. وياليت تفيديني على الخاص بخصوص المواقع فضلا لا امرا ..


بخصوص ما تفضلتي به من الاغذية .. ناخذ على سبيل المثال الزرع .. الدوله ما تدعم المزارعين اختي والزرع يبيله فلوس وجهد كبير حتى تنتج بشكل صحيح ونقدر نغطي ولو 70% من السوق .. حتى تجارة الحلال اتوقع من مده سوو لقاء مع احد التجار من المهانده واقترح اقتراح طيب ان الدوله او مواشي تشتر منهم وتبيع .. فكره طيبه ليش لا .. يعني عندنا حلول واغلب هالحلول بيد الدوله فقط .. الدعم وتسنين قوانين ..

نسأل الله التوفيق للجميع ..

[الوعد2016]

على الحكومه اسقاط الديون وخاصه ان اكثر الفوايد البنكيه بسبب المصرف المركزي لانه سمح للبنوك بذالك فاذا المصرف مهتم في خلط البنوك التقليديه مع الاسلاميه فعليه الاهتمام بحال المواطن فهو افضل والاصلاح بداية على نظام القروض والفوائد البنكيه المتغيره وكان البنوك لا تعترف بالمصرف المركزي وسياساته وللاسف قروض من تحت لتحت تصير واخرها الخليجي قرض بدون تحويل وبدون ضمان واقل مبلغ 100 الف والحد الاقصى مفتوح الى 1500000 الف ريال

[فيزيائية]

راح تقوم تجاره البيوت اكثر من تجاره السوق لان الناس هلكت

وراح يكون هنالك منافسين لتكسير الاسعار لانهم يبون يعيشون

راح تصير معارض لهذه الاشياء بين فتره وفتره والناس بتشتغل حتى من البيت

وراح تكون الثقه اكثر لما يكون من خلال بيت وبسعر اقل من المحل

الواقع يُحدث مافيه

وبيصير لانترنت سوق لمن لايملك متجر

وراح تظهر صفحات تخدم المحليين

وراح يكون هنالك جسور من التعاون في ان تحقق مصلحه من الاستفاده من التجاره

خاصه في مجال العالم الرقمي لانها حل لمن لاحل له من اقصر الطرق بأكثر الارباح


وقتها راح الناس تتعاون تقول للتاجر اللي مايخاف الله

لا


تجارة البيوت اصبحت للاسف اغلى علينا من تجارة المحلات...بدون ايجار ورواتب عمال و...و....

[الطيبة كلها]

والله اقتراح حلو وايد ياريت يطبق

[مونديال]

ماقول غير مطولك ياليل

[هارودز]

مشكوره على اقتراحكم لكن مافي فايده للاسف

[هارودز]

كل يغني على ليلى

[ضي البدر]

اقتراحك جداّ ذكي وياريت يطبق ولو جزء بسيط منه كبداية مثلاً..

وجشع التجار ماله نهاية بل على العكس هل من مزيد هل من مزيد..

ومايحسوون بالنار وغلا الأسعار..:anger1:

وبخصوص فقط ارتفاع الأسعار على المواد الغذائية ومواد البناء,, لااااااا في بعد الله يسلمكم ماهو أدهى وأعظم وخذو بالكم يامعشر الرجال وحطو خطوووط حمراء تحته وترى صدقوووني هو الي يفلسكم ويحرق فلوسكم وماتحسووون فيها الا وهي غلاء الصالونات النسائية وهذي الي صج اتهد جيب الرجال انتبه ثم انتبه..

والله العظيم قلة أدب ومهزلة وضحك عالعالم والله يأخواني وخواتي بس من شهر واحد تغيرت الأسعار في نفس الصالون ولين تسأل يردووون بكل وقاحة,,
(( هيك أسعارنا ومن الوكالة أو الشركة!! ازا بديك حبيبتيء تفضلي وازا مابديك فيكي اتروحي صالون تاني))
وكل مكان اتروحه اتلاقي أسعاره أخس من الي قبله.. إلى متى هذا الحال؟؟؟!!
شنو احنا نقعد انكل ونصرف على عيالنا والا نصرف حق كرووووش التجار!!:anger1:

ومشكور اخوي هدهد على اقتراحك البناء وأشكر أختي فذة على كلامها الطيب وأقولج ردودج عجيبة :nice:..

[هدهد سليمان]

ونعم الاقتراح والحكومة تقدر تحكم في التجار واذا ماقدرت تحكم في الاسعار هذا يعني الموظفين لايؤدون وظائفهم على اكمل وجهه مهوب يسوون اجتمماع معاهم في احد الفنادق ويسئلونهم اي بالله بيقولون الدنيا غلت بل على حماية المستهلك ان تضع تسعيرة على السلع مقارنة مع الدول الثانية احد المحلات في سوق واقف اسئله ليش اسعارك نار يقول لي عشان ايجار المحل قوية :eek5: ماكنه الايجارات لاتتعدى الف ريال كله كذب

من ناحية انهم ما يأدون واجبهم على اكمل وجه هذا شي مفروغ منه .. الدليل حماية المستهلك في سبات عميق .. كنهم مب عايشين في الدوحه . . واذا يبغون يردون يقولون السوق عرض وطلب .. الله يرحم والدينكم اشدخل السوق عرض وطلب في اشياء من المسلمات مب عرض وطلب !! يعني تمخض الفيل فولد فأرا .. وهذا يدل على ان حماية المستهلك مع التاجر ان ما كانوا هم التاجر نفسه !!

[هدهد سليمان]

اخوي هدهد
كلنا نتمنى لكن احس صعبه تنزل الاسعار
وخاصه مع استضافه كأس العالم
اهم شي نقول ان شاء الله تتوقف على جذي ماتكون اعلى :rolleyes2:

بالنسبه لحمله خلوها تخيس ماعتقد انها مجديه :(

جربو في تويوتا وغيرها يبغونها اتصدي وماصدت الا صار ظغط عليها هههههههههههههههههههه والحجز كان 10.000 ريال :secret:
الله المستعان

ما في شي صعب يالغالي .. مثل ما طلعت بتنزل .. ومن الحين لين الاستضافة يخلق الله مالا تعلمون .. اما بخصوص التويوتا عاد ربعنا ما تدري فيهم ! انت قول لهم شي هم على طول عكسه :eek5:

اسعدني تواجدك وردك اخوي الفاضل غير البشر ..

[هدهد سليمان]

لا زيادة الرواتب ابرك

زين زادوا الرواتب عقبها زادت اسعار المواد الغذائية بشكل عام .. زادت اسعار السيارات .. زادت اسعار مواد البناء .. زاد الدوبي زاد الحلاق زاد وزاد .. شالحل برايك .. الزياده راح يكون لها معنى في رأيك !!

[الكاسر99]

بسم الله والصلاة والسلام على رسول الله .. مساكم الله بالخير ورضا الوالدين .. اخواني واخواتي لا يخفا عليكم كثرت طلبات زيادة الراتب أو تسديد الديون وكل يوم والثاني شفنا نفس الموضوع يتكرر .. لكن هناك اقتراح افضل يرضي جميع الأطراف ان كان هناك اطراف او مستمع ..

الصراحه ما نبي زيادة وما نبي تسديد دين .. نبي الأسعار تنزل الى سابق عهدها على جميع المواد الغذائية عامة .. واسعار مواد البناء اما بدعمها من قبل الدوله بشكل اكبر وفعال .. او تفعيل حماية المستهلك .. لان الزيادة يا جماعه ما راح تفيد وبنرد على طير يللي واستغلال التجار لكل زياده اكبر مشكله ومحد يقدر يوقفهم .. إلا بتفعيل قوانين صارمه عليهم!!
او يشوفون لنا حل من هالحلول .. ما نبي نقارن نفسنا مع دول الجوار عندنا وعندهم خير .. المشكله لو الزيادة بسيطه بنقول مب مشكله .. لكن الفارق واضح وجلي .. حتى على مستوى اسعار السيارات سمعنا عن قوانين او ما يسمى بقوانين ردع التجار لكن ولد عمك اصمخ !

الناس تشتكي من الاسعار يا حكومتنا الفاضله .. لكن لا حياة لمن تنادي .. ما نقول من حق المواطن ومن حقه ومن حقه .. نقول ما نبي غير العدل هل يرضيكم ما يفعله التجار ! اسعار خياليه والزيادات عجيبه والفارق واضح يعني معقوله ما تشعرون بهالشي؟

تحركتوا عند زيادة سعر البيبسي على سبيل المثال ورد السعر وعقبها ارتفع سعره مره ثانيه !

طبعا البيبسي مجرد مثل وما يستاهل نضرب فيه المثل .. وهذا يدل على ان التجار لهم الكلمة الاولى والأخيره !


لو نستطيع التوحد في كلمة خلوها تخيس كان الحال غير الحال ..

هذا والله الموفق .. ونتمنى ان يجد هذا الاقتراح رضا الجميع .. وهو اولا واخيرا مجرد رأي يعبر عن صاحبه وليس بالضروره عن رأي المنتدى ..

واللي عنده نقاط او اقتراحات بناءه حياه الله ..

ودام عزك يا قطر ..

جزاك الله كل خير أخوي على الموضوع المهم والأقتراح الأكثر من رائع

لكن من اللي بيفرض على التجار تمسكهم بالسعر إذا إدارة حماية المستهلك نايمن في العسل

ولا همهم المواطن


مثل : مغاسل السيارات في الغرافه غسيل السيارة عندهم ب 25 ريال

وفي العزيزية إحدى المغاسل من 25 إلى 30 ريال والسبب مكتوب على لوحة داخل المحل


أنه إبتداً من يوم الجمعه 11/2/2011 تم رفع قيمة الغسيل إلى 30 ريال والسبب :

لأرتفاع أسعار التجار (( يعني إذا سرق تاجر آخر أنا بسوي مثله )) أنا ما أتكلم عن زيادة
خمس 5 ريالات أنا أتكلم عن السرقه وعدم مراقبة الأسعار من إدارة حماية المستهلك

وهذه الإدارة فقط مسمى لا غير

[نوفا91]

اذا ارجعت الاسعار مثل قبل يا هدهد بنوديك سفره حول العالم على حساب الشباب المنتدى :)

[هدهد سليمان]

السلام عليكم

السموحه قريت بشكل سريع و مختصر ...

اعتقد اذا فهمت صح ان القتراح جدا ممتاز و اصفه بالاقتراح الذكي او الاقتراح الخبيث خبث محمود :nice:
وفعلا هي نفس النتيجه تقريبا و بالعكس افضل لان الدوله اذا زادت فهي زادت عشانك انت يالمواطن و للاسف تروح في بطون التجار الجشعين وو تبي تلحق السالفه تعرف من الي يزيد على من ماتدري ،، زادو السالفع الفلانيه قالولك البترول و المخل الفلاني زاد قال لك الاجار زاد و المفتاح عند العروس و العروس مادري وين راحت :rolleyes2:

مير الله ان كلامك صحيح :)

اللهم ابعدنا عن الاقتراحات الخبيثه المحموده .. الكل مستفيد هذا اولا .. ثانيا اذا زادوا التجار على الدوله هني بتعلمهم السنع وخصوصا ان كل الامور راح تكون في يد الدوله .. اهم شي يكونون من الاشخاص الذين يتقون الله .. بالقطري الفصيح ما في شي تحت الطاوله :victory:

الله المستعان ..

[هدهد سليمان]

انا ابي كل شي ....> ارفع سقف طلباتك كي تحصل على الحد الأدنى،،

ولحد يقول ما نبي ...> اللهم اني بلغت http://www.pic4ever.com/images/www_myemoticons_com__fishing.gif

ما شاء الله عليك .. مفروض نطلق عليك مسمى سفيرة النوايا الحسنه :) .. يعطيك العافيه

[هدهد سليمان]

على الحكومه اسقاط الديون وخاصه ان اكثر الفوايد البنكيه بسبب المصرف المركزي لانه سمح للبنوك بذالك فاذا المصرف مهتم في خلط البنوك التقليديه مع الاسلاميه فعليه الاهتمام بحال المواطن فهو افضل والاصلاح بداية على نظام القروض والفوائد البنكيه المتغيره وكان البنوك لا تعترف بالمصرف المركزي وسياساته وللاسف قروض من تحت لتحت تصير واخرها الخليجي قرض بدون تحويل وبدون ضمان واقل مبلغ 100 الف والحد الاقصى مفتوح الى 1500000 الف ريال

محد طقه على يده وقال روح افتح حساب في بنك ربوي وتسلف منهم !
وان كانت السلفه قديمه يحول الى احد البنوك الاسلاميه ويبري ذمته .. وبيحصل بركه في ماله ويشوف بعينه ان القسط ينزل مب سنتين وانت تسدد واخر شي توك ما خلصت من الفوائد .. لكن إن شاءت الدولة تسدد ممكن يسددون الفوائد مع انها مب ملزومه ..!
ادري يمكن هالكلام ما يعجب البعض لكن نتحدث بواقعيه اكثر والصح والغلط ..

واقتراح آخر بعمل لجنة خاصة بالقروض البنكيه تكون متواجده بكل بنك بالدوله وعمل بحث حالة لكل مواطن ويتأكدون من ان القرض فعلا ذهب الى شيء يستحق مب لهو ولعب !

[بو راشد 1]

من الى راح يفرض على التجار عدم الزيادة بالاسعار ؟
!!!


ملاك العقارات، لما ينزلون الايجارات

[هدهد سليمان]

تجارة البيوت اصبحت للاسف اغلى علينا من تجارة المحلات...بدون ايجار ورواتب عمال و...و....

شلون اختي ! ليتك وضحتي اكثر وسبب ذلك .. جزاك الله خير ..

[هدهد سليمان]

والله اقتراح حلو وايد ياريت يطبق

الله كريم اختي يا ليت .. بارك الله فيك

[هدهد سليمان]

ماقول غير مطولك ياليل

ما بعد الليل الا الفجر :)

[غيم الجنوب]

شكلنا احنا اللي بنخيس
ههههههههههههههه

[ام السعف]

ما شاء الله عليك .. مفروض نطلق عليك مسمى سفيرة النوايا الحسنه :) .. يعطيك العافيه

وفيه بيزات هالمنصب :shy: