صديقتي عندها مبلغ بسيط وتبي تستفيد منه اشلون ؟

[ملاك]

مرحبا..

صديقتي عندها مبلغ 100 ألف ريال وحابه انها تستثمر هالمبلغ مع العلم انها مديونه وعليها قرض بس جهة عملها نزلوا لها مبلغ كبير بأثر رجعي وحابه انها تستثمر هالمبلغ وبطريقه مضمونه.

انا اقترحت عليها تفتح حساب توفير في بنك اسلامي وتحط المبلغ وديعه لمدة 6 شهور..

ابي مشورتكم وتجاربكم ولا خلا ولا عدم ان شالله :)

[فارس الكلمة]

هذه الأيام الشركات تقوم بتوزيع أرباحها .. فرصة ربما لشراء بعض

الأسهم ذات العائد الجيد .. و الله أعلم ..

ما رأيك لو تسدد دينها من هذا المبلغ لكان أفضل لها ..

[الكلاسيكي]

اختي الفاضلة
السوق حاليا اعطى إشارة خروج
والتصحيح تزامن مع ما يجرى من احداث في المملكة البحرينية
الشقيقة التي نأمل ان تسودها اجواء الاستقرار والهدوء

في فرص مضاربة يومية
لبعض الأسهم
أكيد انك تابعتي
السلام
المواشي
المخازن
قطر وعمان

اذا كانت عند زميلتك خبر فانصيحها بالدخول
واذا لم تتحصل على اي اخبار انصيحها بالاتعاد

[ولد الخال]

تسديد الدين أفضل استثمار

[قطري1]

نصيحة لوجة الله

الابتعاد عن الاسهم ...

حتى لو رجع السوق وواصل ارتفاعاته ...

....

[رياني qtr]

خليها تبتدي مشروع صغير اذا المبلغ بسيط يعني تشتري بضاعه نسائية بالجملة من دبي وتبيعها عن طريق المنتدى وتاخذ عضوية تاجره واتوقع بتضاعف راس المال في اقل من 6 شهور اهم شي تختار النوعية المطلوبة الي عليها الطلب وتراعي الله في تجارتها ومع كل ربح تزكي

[بوجبر]

اذا ماعندج خبرة في البورصة سددي الدين احسن

اذا احنا عندنا صولات وجولات انتدبس احيانا:(

[جعران]

نصيحة بعد توزيع الارباح تدخلين السوق وشراء المصرف بعد خمس جلسات

واستقرار سعرهوالشراء علي ثلاث دفعات
وبالتوفيق

[عليه العوض]

انصحها تشتري اسهم في مصرف الريان اذا نزل السهم اقل من 21

[.. الكاش ..]

انا انصح تشتري فالمصرف الاسلامي عقب توزيع الارباح وتصبر لين السنه الجايه

[كبشينو]

عندي لها مشروع حلو بخليها تشاركني لاني مسافر الصين وبجيب بضاعه مضمونه انها تمش اذا حابه راسليني ع الخاص وبقولج التفاصيل