مواطن بنى له بيتا ... ولكن ... !!!

[الملا]

http://uaesm.maktoob.com/up/uploads/ad883e1a13.jpg

اذكر لكم قصة مواطن بنى له بيتا واحسن بناءه واضاف له من الكماليات الشيء الكثير ، وجلس يبنى هذا البيت الجميل لمدة أربع سنوات تقريبا ، كيف لا وهذا بيت العمر وليس من الخسارة ان اصرف عليه دون بخل

وعند اقتراب وقت التشطيب فرح اهل المنطقة ان يحل عليهم جار جديد هو صاحب البيت وعائلته

انتهى تشطيب الفيلا وانتظر اهل الحارة جارهم الجديد على اهل من الجمر ..

الا ان المفاجأة الغير متوقعه كانت


ان الفيلا تم تأجيرها لعمال شركة في وسط بيوت عائلات


هذه قصة حقيقة ليس من نسج الخيال

[al3grab]

صدمه كلنا حاسين فيها لاننا نعاني من نفس المشكله

[استغفرالله]

يقدر يشتكي في البلدية ويطلعونهم

[غايه الطواش]

مادري ليش حسستني انك قاصد وا حد ساكن في ام لخبا !!

لان نفس الحاله احسن بيت وتشطيب وفي الاخير عمال شركه اسكنوا البيت

[الملا]

مادري ليش حسستني انك قاصد وا حد ساكن في ام لخبا !!

لان نفس الحاله احسن بيت وتشطيب وفي الاخير عمال شركه اسكنوا البيت

انا اقصد منطقة ثانية ..

بيت تشطيب سوبر ديلوكس

والحين العمال حاطين جلاد اخضر على احمر على أزرق ع الدرايش

واذا تقوم صلاة الفجر تلقى عدد غير طبيعي من العمال طالعين من البيت اشلون ساكنين في البيت ماعرف

[الـقـاسـي]

بيت العمر اتعب عليه واشطبه وفي الاخير عمال والله ما اااجره لو يعطوني شنو يكفي تعبي عليه مايتقدر بفلووس

[فيزيائية]

لايكون جارنا اللي بيته لازق في بيتنا

....اللهم نعوذ بك من جار السوء...

[غير عنهم]

هذا مرفوض العزاب لامكان لهم بين العائلات

[ام السعف]

اوبيه طلع هالقطري سالفته في كل فريج ،،

الحمدلله للحين مب صوبنا ،،

[مهل]

اخر خبر عندي عن هالموضوع انه شهر ٧ الجاي هو اخر موعد و من بعده سيتم تطبيق قانون سكن العزاب ؟ هل فيه اخبار جديده او تم تعديل القانون ؟؟

[الوعد2016]

بالعافيه عليه وعلى عمال الشركه
والعتب على البلديه والجهات المختصه من الواجب صرف ارض لكل شركه موقته اذا استمرت الشركه كان بها وليس لبيعها كما يفعل هوامير الصناعيه اراضي بالف الى10الف متر مربع لشركه وهميه او تستفيد الف متر والباقي حوطه فاضيه او حجوزه ومجهزه على ورق
واذا اجر على شركه فاضل ما ياجر على اجنبي في الاسكان ويقوم الاجنبي بالتاجير من الباطن او يسكن عوايل من جماعته بالمجان كما يحدث الان

[الوعد2016]

اخر خبر عندي عن هالموضوع انه شهر ٧ الجاي هو اخر موعد و من بعده سيتم تطبيق قانون سكن العزاب ؟ هل فيه اخبار جديده او تم تعديل القانون ؟؟
ان شاء الله ما يطبق الا اذا صرفوا اراضي لشركات لاقامة سكن ومخازن وورش لهم
والحسد من ناس ماعندهم الا بيت ويحسد الجار اجر بمبلغ وقدره
عن نفسي ابي سكن عمال لكل صاحب شركه يبي سكن ويدفع مصاريف ومبالغ عاليه وغيره يبيع اراض بالمجان انا الا احسد ولكن الحق والمنطق يقول كذا

[الطيبة كلها]

عادي فريجنا معظم الفلل ماجرينها شركه للبترول ما ادري الغاز وفريج بيت ابوي كنتاكي ماجرين احدى الفلل لعمالهم خلط بلط يعني حريم على ريايل

[الوعد2016]

عادي فريجنا معظم الفلل ماجرينها شركه للبترول ما ادري الغاز وفريج بيت ابوي كنتاكي ماجرين احدى الفلل لعمالهم خلط بلط يعني حريم على ريايل

يعني عوايل

[بطل الفريج]

يعني عوايل

عمال خلط بلط في كل الشركات يا الوعد
اذا مكاتب الخدم بعد نفس الشئ يعني اذا
الواحد رجع الخدامة الي المكتب مايبيها
شسوون فيها احطونها في فندق يعني...
او اذا واحد عندة شركة العمال من الجنسين
شيسوي ياخذ بيتين لهم خسارة صح يا الوعد
وين وزارة العمل عنهم بس

[Abdulla86]

مادري ليش حسستني انك قاصد وا حد ساكن في ام لخبا !!

لان نفس الحاله احسن بيت وتشطيب وفي الاخير عمال شركه اسكنوا البيت
تقصدين البيت البرتقالي :anger1::anger1::anger1::anger1:

[الموضوعي]

في ازالة قادمة لمعيذر الجنوبي لتوسعة اسباير من ناحية الغرب

[دحل المسفر]

الوعد شهر ٧

[هدهد سليمان]

اتمنى تفعيل القرار على ما قلتوا شهر 7

[بدون]

هذي السالفة في معظم المناطق في قطر

[بوخالد911]

الفلوس تعمي النفوووس

[wadha-qa]

ع الاقل كان ممكن ياجر على عائله قطريه مب احسن له من هالعمال بيخربون بيته بيحولونه لخرابه وبعدها بيطلعون

[بوحارب]

اخبر يوم عرضت الفيلا اللي عندي للأيجار جاتني شركة وعطتني 21000:(

بس رفضت وأجرتها على عائلة قطرية ب 15000

على الأقل ما اخلي جيراني ينزعجون ويسبوني ويدعون ليل ونهار

واللي جيرانه سكن عمال اكيد حاس بالمصيبة :)

اشرايكم فيني قنوع صح :shy:

[بوالفاروق]

يا ريال زهقونا .. صارو يزاحمونا على مواقف
السيارات ولا قدام بيتنا ..

قاموا الجيران ووالعزاب صارو مكانهم وفي اغلب فرجان الدوحة يالطيب

الله يعين

[بودحوم]

يا ريال زهقونا .. صارو يزاحمونا على مواقف
السيارات ولا قدام بيتنا ..

قاموا الجيران ووالعزاب صارو مكانهم وفي اغلب فرجان الدوحة يالطيب

الله يعين


عليك بقواطي صبغ الرش . على القزاز اللي قدام ودريشة السايق

( إذا كان من العزوب )

هذي طريقتي في اللي يوقف قدام بيتي .

والنتيجة مافيه موقف فاضي إلا قدام بيتي

[الصريحه]

متى القانون يتطبق؟؟؟؟؟؟

[نوفا91]

بيته وبكيفه حتى يحرقه لكن يأجره على عمال وسط فريج وكله عوايل ..!!