الغرافة وفي اسوء حالاته .. يثبت علو كعبه على الفرق القطرية !!

[£عبدالعزيز£]

السلام عليكم ورحمة الله وبركاته

http://a4.sphotos.ak.fbcdn.net/hphotos-ak-ash4/183768_194418337242884_100000241560922_659571_4213 814_n.jpg

ماله داعي نخوض في تفاصيل كثيرة قد تكون مجرد تعبئة للموضوع

اعتقد ان الموضوع واضح من عنوانه .. وهو ان الغرافة حتى وهو يمر

باسوء مستوى له من سنوات .. الا انه ولله الحمد قدر يفوز على العربي

اللي يعتبر في قمة مستواه هالموسم (على قولة جمهورهم)

فهذا الشيء ان دل فهو يدل على شخصية البطل اللي يلعب بها الغرافة

بالرغم من ان الفريق تغير حاله بشكل كبير رغم الفوز

..

نعم احنا فزنا اليوم ونقول لهم ما قصرتوا

بس بعد ما نبي نكون نفس جماهير بعض الاندية الفاشلة اللي لو فازوا في مباراة او مباراتين

يوصلون فريقهم السما .. بكل صراحة من طلع كليمرسون ما شفنا مهاجم صريح للغرافة

يونس يضطر دايما انه يرجع ورى عشان يستلم الكورة لانها ما توصله

وعقب يتوهق فيها لانه مافي حد داخل .. وغالبا يحاول انه يعدي او يحصل على ركنية او خطا

فاعتقد هالمشكلة كبيرة جدا ولازم يلاقون لها حل !!

والحل بوجهة نظري هو اشراك فهيد الشمري كمهاجم ثاني في جميع المباريات

واليوم ما شاء الله عليه اثبت انه قد هالشي

..

اخيرا وليس اخرا

لقطة اليوم .. او بالاصح لقطة امس

(هدف جونينهو العالمي) :telephone:

http://www.************/watch?v=lA-MFBMPVDU

..

وفالنهاية مبروك للغرافة وهاردلك للعربي

[سهم عتيج]

الغرافة يعجبني فيه هو الروح العالية للاغبيه حتى وهم في أسوأ حالاتهم..

شخصيا أعتبر ادارة الغرافة تلغب دورا كبيرا في بث روح الاصرار للاعبين..

مبروك الفوز وهاردلك للعربي الذي قاتل كثيرا أيضا ولم يحالفه التوفيق..

[Exclusiveperfumes]

مبرووك للغرافه صراحه حرااام فهيد مب بالمنتخب صراحه لاعب يستاهل والله
واحلى مافي المباراه هدف جونينهو واسوأ شي سوء تغطيه حامد شامي في الهدف الاول .
بس ماقصر بو شامي يتم عندي افضل ظهير ايسر في الدوري القطري .

[£عبدالعزيز£]

الغرافة يعجبني فيه هو الروح العالية للاغبيه حتى وهم في أسوأ حالاتهم..

شخصيا أعتبر ادارة الغرافة تلغب دورا كبيرا في بث روح الاصرار للاعبين..

مبروك الفوز وهاردلك للعربي الذي قاتل كثيرا أيضا ولم يحالفه التوفيق..

ما ننسى دور الادارة في بث الحماس للاعبين خصوصا عقب الخسارة

سواءا من لخويا او من الهلال او غيرهم

ومدربنا كايو جونيور رغم نقص خبرته الا انه يحمس اللاعبين بشكل غير طبيعي

وما انسى اللقطة اللي انحطت في شاشة الملعب يوم مباراتنا مع الهلال

لما قام يضرب قلبه بيده ويقول للعيبة العبوا من قلب

..

وايضا جونينهو اللي يلعب بلا تكبر نفس بعض اللاعبين العالميين اللي يجون قطر

ويشجع ويحمس اللعيبة

..

وعندك فهيد وسعد بعد يحمسون اللعيبة

..

يعني كل هالعوامل لما تتوفر في اي فريق اكيد بيتحمس




مبرووك للغرافه صراحه حرااام فهيد مب بالمنتخب صراحه لاعب يستاهل والله
واحلى مافي المباراه هدف جونينهو واسوأ شي سوء تغطيه حامد شامي في الهدف الاول .
بس ماقصر بو شامي يتم عندي افضل ظهير ايسر في الدوري القطري .

فهيد للاسف مظلوم من قبل القائمين على المنتخب الفاشل

وعموما هو مستواه اكبر من المشاركة مع هالمنتخب الفاشل

اما عن حامد لا تلومه .. والغلط اللي صار كان بسبب عدم اعتياده على الخطة الجديدة

[Qatarianes]

في مثل هالمباريات وعند اقترابنا من نهاية الدوري ينعرف من البطل ومن الفالصو

[بوحارب]

^

فالصوا هههههههههه

والله ابدعتم يالغرفاوية :)

[عاشق الشهادة]

ماطار طير و ارتفع الا كما طار وقع
فيه نادي بالعالم يعتمد على لاعب واحد ؟؟
الغرافة ضاع من بعد خرووج اللاعب كيلمرسون :( من الفريق :weeping:
وانا علقت على اللاعب امارا ديانية بعد مباراة العربي والغرافة انه مغلب واشربته الادارة الغرفاوية المؤقرة

[Dana]

ماطار طير و ارتفع الا كما طار وقع
فيه نادي بالعالم يعتمد على لاعب واحد
مافي احسن من هالكلام
بس اخوي عبدالعزيز اليوم الغرافه في اسوا حالاته بعد:)
اربعه صفر كبيرهـــــــــــــــــــــــــــــــــــــــــــــ ــــــــــــــــــ

[البرونزي]

اللهم لا شماته
الوعد اخر الدوري يافريق
انس. جروج كواسيه. ماركو اميرال. العساس. جونينهو. يونس محمود

[غير البشر]

هههههههههههههههههه
الفريق في اسوء حالاته او الحكم اختارو :tease:

[مالي ومال الناس]

, , , ,

ههههههههههههههه اليوم مستوى الغرافه احس درجه ثانيه :tease:

شدوا حيلكم وخلوا منكم الاعتماد على واحد او اثنين :victory:

اليوم مباراة قويه بين العربي والسد لاتنسونها :nice:

[£عبدالعزيز£]

لو غاب القطو .. العب يا فار :telephone:

[فتى دخان]

اصراحه الخبر اول ماجاني على البيبي ماصدقته

قلت خلني ادش المنتدى واشوف شسالفه

اربعه شالي صار في الغرافه

اما بنسبه لاماراديانيه انا ارتحت يوم خذيتوه واتمنى انه مايرجع

لمستواه وانكم تاكلونها نفس ماكلتوا الريان وخذيتوا منه قاسم

ومصطفى عبدي الي ادارتنا للاسف كانت تتعامل بالكلام ماتعاملت

معكم بالاوراق وهذا خطا كبير من ادارة الريان

اما بنسبه لخسارتكم اصراحه ماشفت المباراه لكن مازلت عند ترشيحاتي

للغرافه واعتقد الغرافه بيرجع رجعه قويه بعد هالمباراه لكن للاسف

انكم مابعد لعبتوا مع السد والريان لاتنسون هالفريقين

[سهم المراقيب]

ولله الغرافة فريق مرعب lol

[بوحارب]

معوضين يا عشّاق الفهود

مب لازم كل يوم فوز فوز فوز

يوم لك ويوم عليك

والوعد قدّام

والشماته مب زينة ياللي تتشمتون ترى الله بيبلاكم في افرقتكم عقب :)