دعوة للجميع بعدم التهاون على هذا الوضع

[الشرقية]

يا شباب انتبهوا غدا من مكاتب الواساطة يكفينا خسارة كل يوم نقول هذا السبب وهذا السبب وانا اعتقد رغم وجود الاسباب الاخرى الا ان السبب الرئيسي في الى يحصل في سوق قطر واخذ يعكس صورة سئ عن السوق هم الاجانب العاملون في مكاتب الواساطة وطمعهم في اخذ النسبة من المستثمرين حتى يتم التنفيذ بأسرع وقت والا تطنيش حتى في الرد على الهاتف على الرغم من انه ليس مشغول يعني مافيى احد على الخط مع الوسيط بس مايرد !!!!!!!!!


وانا كنت في قطر الاسبوع الاراح وبقيت اربعة ايام وشفت بنفسي استهتار العاملون في المكاتب من الاجانب كيف الناس تدخل معهم في جدال حول عدم ادخال اقول ادخال ياناس اوامر البيع او الشراء

يعني يأخذ منك طلب البيع او الشراء ويقولك خلاص انتهئ ... لكن عندما تأتي نهاية السوق وتسأل عمال ثاني يشيك لك يقول انه لم يتم اداخال امر لك اصلا !!!!!!!



انا ادعو جميع المشاركين في هذا المتدى وازوار وامل من المشرفين ايجاد طريقة لتقديم شكوى جماعية الى دارة السوق ضد مكاتب الواساطة دون استثناء لان كل واحد ويشتكي من مكتب .


وهذا هو الحل الوحيد لا انقاذ السوق وصغار من استهتار الاجانب من عدم وجود عقبات عليهم اذا ثبت عدم قيامه بأدخال الاوامر بيع او شراء .




وتمنا من الجميع المشاركة في الاراء والحلول لمصلحة الجميع ..

[سهم قطري]

ولاتنسون ان موظفي شركات الوساطه بعد يبيعون ويشترون يعني قاعد يلعب حق نفسه وحق غيره،،،تسلم يالشرقية

[الوجبه]

ليش ما يصير بروكر اكتروني ,,يعني تدخل الطلب على جهاز معين او في رقم معين على صوت الشخص

ينهي المعامله او على كود معين ,,بدون بشر

[المراقب]

تعبنا مع شركات الوساطة تلك، ولا ندري ما الحل،،،،،

[jokar_502]

السلام عليكم ورحمه الله وبركاته

يا اخوان هذا روتين يومي بنسبه لهم يعني بتعطيه نسبه مشاك ما تعطيه طنشك ويالله وهذه هي الحال

بس انا مع اخوي الوجبه لو يسوون ابروكر اكتروني يكون احسن وبعد يسوون قسم مراقبه السوق من

ناحيه التلفون او تقديم اوامر الشراء او البيع علشان الوسطاء ما يتلاعبون ويقدمون طلبات الي معطينهم

نسب وباقي المستثمرين تطنيش انا ابصراحه شفت في سوق ابوظبي نظام المراقبه على التلفون بس

يعني اذا اتصلت وطلبت امر بيع او شراء وما تنفذ يحاسبون الوسيط وهو الي يتحمل الخساره . بس شاقول

غير ما يخدم بخيل . والله كريم يا اخوان .


تحياتي : .................................................. ..........................................

[شهبندرالتجار]

السلام عليكم
صراحة "لغلاغه هلبروكريه" :anger2: مشين على مثل " اديه ميه تديك طراوه "
وانا ايؤيد اخوي الوجبه لو يسوون ابروكر اكتروني ، مع اني مش عارف طريقته اشلون بتكون بالضبط ، بس اعتقدأنه بيكون حل جيد .

[الفيصلي]

يااخي يريحونا ويخلون التداول عن طريق النت وايد ابرك
لكن من يسمع ولد عمك اصمخ

[السهم الاخضر]

ليش ما يصير بروكر اكتروني ,,يعني تدخل الطلب على جهاز معين او في رقم معين على صوت الشخص

ينهي المعامله او على كود معين ,,بدون بشر
والله أخاف انه حتى البروكر الالكتروني بيكون تحت يدهم

[مضارب]

ا
عتقد بانه يكفينا بكاء على اللبن المسكوب ---- ويجب على كل من يرى اي تجاوز من الوسطاء التقدم بشكوى فوريه الى اداره السوق

[البرنس]

الله يجزاك خير يالي في بالي و يطول في عمرك !

اقولة يا فلان اشتر لي في .... ، 10 ثواني و المسج جاي ، بيع شركة ..... يا فلان ، 12 ثانيه و المسج جاي ..

عندة خدمة"vip" من المجموعة و البروكر معاه على الخط .. :) :)

[قطر]

البرنس يابختك والله :)


اشكرك الشرقيه على طرح هذا الموضوع...

في اعتقادي ان ادارة السوق لن تحرك ساكنا الان ..

وحجج البروكرية معروفه ... ليش مادخلت الاوردر .. يقولك دخلته لكن في قبلك اوردرات ..

يااخي انا شايف اوردري وهو ينضاف بعدد الاسهم بالضبط مع الرفريش ...

ايقولك لا ... مب على الدور يمكن يوم جا دورك كان اوردر الشركات الثانيه...
على باله ايقص علي والله...


لكن ادارة السوق اعتقد فرحانه للي ايصير هذا ايشجع الناس على التعامل مع دلالة الجديده...

وهم الكسبانيين ...

ملاحظة: قلت التعامل مع دلالة ... وليس الاكتتاب .. لان الاكتتاب حرموه...

وشكرا لكم

[إنتعاش]

اخي قطر اتفق معاك تماما

والحال في انفراج بإذن الله

[علي]

اخوي الشرقه انا طرحت الموضوع قبل فتره لكن اخواني المراقبن القوه الله ايهداهم على اساس انه فيه تجريح لكن هذي حقيقه

[ابوعلي]

السلام عليكم ورحمة الله وبركاته

يا اخوان انا عطيت المجموعه امر بيع اسهم السلام عدد 3300 سهم وجاني الرد من عندهم على الجوال ( اسهم غير متوفره ) مع اني طلبت كشف حساب والاسهم موجوده بالكشف اني شاريهم بس مابعتهم ؟؟؟؟؟ مجرد سؤال للمجموعه وين ابحث عنهم

[علي]

لا تستغرب اخوي ابو علي انا اتعامل مع الاهلي او جاتني رساله من المجموعه انهم شرولي نقل بحري

عجبي

[عبد الوهاب]

انا مع كل الاخوان الى تكلموا عن الوسطاء ، ويا جماعة جدامي في احد مكاتب الوساطة والناس زحمة فيه واحد من الموظفين في نفس الشركة راح حق الموظف الى على الكونتر واعطاه ورقة فيها رقم شيك وقال للموظف يرسلة له بسرعة فوق في المكتب والناس متراعصين ومتكدسين عند الكونتر علشان ايخلصون شغلهم ويستلمون شيكاتهم، وبعد انتظار اكثر من 40 دقيقة قال الموظف : سوري السستم علق كل واحد ياخذ اقراضة وييجي العصر) ![b]