ماهو الحياء الوظيفي؟؟؟؟ ( كما وصلني )!!!!

[بـــــــنت النوخـّــــذه]

:nice:
مساكم \ صبحكم الله بالخير يا اهل الطيب

بعيدا" عن المواضيع السياسيه عشان لحد يحذف الموضوع ^_^

مقاله وصلتني على :telephone:SMS ولفتت نظري وعجبتني مع تحفظي على نقطه واحده اتركها لكم في النهاية:)

اتركم مع المقاله :nice:

http://i3.makcdn.com/userFiles/m/a/ma-belle-vie/images/akhlaq0086.jpg
للكاتبه فتحيه البلوشي

الحياء الوظيفي 00تاريخ النشر : الاربعاء 16-2-2011

وقفت من بعيد أتأمل جرأة موظفة الاستقبال التي كانت تلبس زميلها (عقاله ):eek5:
لمره واثنتين :omg: بينما هو مشغول بخدمة العملاء 00وبغطيه الحرج من تصرفاتها ومن سقوط عقاله <<<<شهالعقال الي كل اشوي طاح>>> عفوا هذي الجمله من عندي خارج المقال نستكمل:omen2:

فيبتسم مرتبكا" ويطلب منها ترك (العقال) وهي مصممة على أن تلبسه إياه بيدها :eek5:

تصرف تتباين حوله الآراء , رأيته انا نوعا" من (انعدام الحياء ) ورأته صاحبتة أنه (عادي) بينما كان الشاب يود التملص من الاحراج دون ان (يتخذ اي ردة فعل) يغضب الفتاه:rolleyes2:
بعض من الفتيات العاملات اصبحن يفتقدن لما يسمى ب ( الحياء الوظيفي ) مابين الموظفه وزميلها وهو الخط الذي تلتزم فيه الموظفة بحياء العربيات وتبتعد فيه عن السلوك المثير للتساؤلات000

بالطبع هذه ليست دعوه للتكشير والتعامل العتيف مع الزملاء الرجال:discuss: لكنها دعوه لوضع (حدود من الأدب ) و (( الحياء )) في اماكن العمل 00
بعض الموظفات المواطنات يتبخترن في اماكن العمل بكامل زينتهن وتكاد لاتدري أهي موظفه أم عارضه ام عروس ؟؟؟:looking:

عباءتها مزركشه مليئه بالاحجار اللامعه:p:p وشعرها مصبوغ ووجهها ممتلئ بكل انواع المكياج:pilot: بينما المفروض ان تتصف ملابسها مكان العمل بالرصانه والهدوء :thumbup1:

منهن من تتعامل مع الرجال الموجودين في مكان العمل بأريحه تامه وتميل عليه لتريه شيئا على الكمبيوتر:shy: وترسل له ايميلات (بناتيه قد تكون خاصه ومحرجه:( ) تلقي عليه النكات وتسر له الاشاعات وتضبفه على (البلاك بيري ) وتعزمه على (الريوق ):rolleyes2:

كثيرات - للاسف يضربن بآداب اماكن العمل عرض الحائط 00فيبالغن في التعامل مع الزملاء مما يجعلهن صيدا سهلا لضعاف النفوس :omen2: واضحوكة لناقلي الوشايات00

تندفع بعض الموظفات وتحت بند (الحاجه الى النجاح ) إلى زيادة التعامل مع الموظفين الرجال حاصة اذا كان هذا الشخص هو الرئيس في العمل 00فتراها تتعامل معه بصوره تشبه تعامل السكرتيره او ربما (الزوجه ):eek5:
تلاحقه بنظراتها وتعليقاتها واتصالاتها وحتى مسجاتها بينما يعاني الرجل غالبا" هذا الموقف فلا يود احراج الموظفه ولا يعرفون كيف ايقافها 00000

انتهى المقال00

رأيي الشخص : اتفق مع الكاتبه 100% الا بنقطه واحده وهي الاخيره بمقالها ان الرجل ينحرج من ايقافها !!! لماذا ينحرج هل الرجل اذا فرض احترامه منذ البدايه واقوف المهزله هل احراج للفتاه ولا واجب وفرض000اعتقد في هذا الجانب الاثنان مشتركان ب (انعدام الحياء الوظيفي )000:nice:


سؤال : مارأيكم بفكره عمل دورات تحت مسمى الحياء الوظيفي ؟؟؟:nice:

الموضوع مفتوح للمناقشه وحياكم الله

سلام (ن) عليكم

[بوخالد911]

س بريء : هالمقالة وش طوووولها

اوصلتج بمسج؟

[بـــــــنت النوخـّــــذه]

س بريء : هالمقالة وش طوووولها

اوصلتج بمسج؟

برودكاست

شفت اهميه البرودكاست بكتابه مقالات مفيده ونشرها00بس عموما انا مكبره الخط اهنيه فطلعت طويله المقاله

[بنت^البحرين1]

الموضوع جميل جدا ومهم وشدني بصراحة

بنت النوخذه.. فالدوام كان معانا وحده مطيحه الميانة مع موظف.. ينحرج من تصرفاتها وفي نفس الوقت مب عارف شلون يوقفها عند حدها .. مره من المرات الظاهر الأخت نست عمرها كلش .. واحنا قاعدين متجمعين عند مكتب وحده من الموظفات دخل وسلم وطلب أوراق من الموظفة اللي متجمعين عندها وعلى ماتطلع له الورقة .. احنا ساكتين فقامت وحدة من الموظفات تسولف معاه وطلبت منه رقم محل (مايحضرني محل شنو) قالها في مخباي وعفسه بدوره بعدين .. البنت ماتعطلت كلش دزته على جتفه ودخلت يدها في مخباه !!! بصراحة كانت صدمة لنا وهو ويهه قلب ألوان اسودت فيه الدنيا .. بس الحمدلله انه ارتعد مره ثانية وصرخ فيها " احترمي نفسج " بحده .. عاد الرقيقة ماتحملت الموقف وطلعت على طول من المكتب وراحت تصيح !!
ومن يومها وهي ماتتكلم ويا حد حتى احنا يالموظفات .. وحاربتنا كلنا فالادارة وصارت المرأة الصامته( من بداية الدوام للنهاية)


الخلاصة في بنات سخيفات صراحة على بالها انا بنت يعني خلاص كل شي مسموح لي لاني بنت .. يعني باطول لساني واقل ادبي لكن لحد يقولي شي تراني بنت .. اصرخ واسب بس محد يرد علي تراني بنت ..

زين يوم انج بنت احترمي نفسج لانج بنت واحشمي عمرج عشان العالم تحشمج..


اشتطيت شويونه معليه ..

بنت النوخذه موضوعج 10/ 10

عساج عالقوة

[فارس الكلمة]

موضوع مهم يدل على التناقض الاجتماعي و الديني من قبل البعض ..

تذكرت احدهم هنا في المنتدى عندما دخل الرجل على أب احدى الموظفات

في مجلسه .. و قال له ناد بنتك تجلس معانا .. هي تجلس معانا في المكتب .. الخ.

[مشتاقة لقطر]

جبيتها صح ...
موضوع يبيله وقفه ..
انا كنت بالطواري بالامارات بمستشفى
وعلى الاستقبال مواطنات حق البطاقة وتعطي ورقة ..

المهم خلصنا وسوينا الضغط والحرارة لبنتنا

طلع موظف من وراهم ..

ووقف بين الكرسيين ؟؟ وتشوفين نظرات ست الحسن,,,,( مالت اقول مالت بس)

وتفرجنا عالفيلم مالهم انا وزوجي طبعا احتقرناهم وتناقشنا بهالموضوع ..؟

يعني عيييييييييييييب وقلة ادب ..احترمي اللي حولج..
شكرا عالتنبيه ..

[بوحارب]

مب لازم دورة للحياء الوظيفي

لأنه البنت اذا ماتعلمت الحياء من امها وخواتها الأكبر منها وصديقاتها ترى ما راح تتعلمه ولا في اي مكان

وياكثرهم قليلات الأدب اللي انشوفهم يضحكون ويسوولفون مع الشباب في الشغل وكأنه الأمر عااادي

الله يهديهم

[][ iMedia ][]

موضوع مهم يدل على التناقض الاجتماعي و الديني من قبل البعض ..

تذكرت احدهم هنا في المنتدى عندما دخل الرجل على أب احدى الموظفات

في مجلسه .. و قال له ناد بنتك تجلس معانا .. هي تجلس معانا في المكتب .. الخ.



:eek5:
كمل .. وبعدين شصار اخوي ؟

[الأصيلة]

ياما وياما يابنت النوخذه حكينا وتكلمنا في ها الموضوع الحيوي المهم
الحياء الوظيفي المفقود
لكن لقينا بعض المؤيدين والبعض يعارض وينكر والبعض يرى أنه أمر عادي...
إلا الميل على جهاز الكمبيوتر من الموظف على الموظفة أو العكس
دائما يتكرر أمام عيني وأشمئز منه
في البنك او في المستشفى والكثير من الأماكن...
فالموظفة مثلا تناديه فلان تعال شوف ( اشلون أتصرف )
إذا مثلا علق الكمبيوتر ..فبدل ماتقوم من مكانها حتى يقوم هو بالإصلاح
تبقى بدون أن تبعد بالكرسي حتى
وهو يميل عليها ميل قريب من كتفها ليستخدم الكي بورد
ميل مقزز جدا... وطبعا هي في كامل زينتها وعطرها
بالإضافة إلى استلطاف بعضهم البعض
استلطاف غير طبيعي...
في نفس الوقت الموظفة لاتبالي باستلطافها هذا إن كان الموظف
متزوج او خاطب أو مرتبط باي شكل من الأشكال..
الحمدلله الذي عافانا مما ابتلاهم فيه وفضلنا
على كثيرا ممن خلق تفضيلا...

[wadha-qa]

صراحه كلام في الصميم والله هذا حال اغلب البنات الا من رحم ربي
و بخصوص الشباب اللي يستحون يوقفون هالاشكال عند حدها والله اغلبهم في بيوتهم مسوين اسود و بالدوام قطاوه عند هالبنات اللي لاعبين فيهم صايرين طراطير كلمه توديهم وكلمه تجيبهم !!!

[intesar]

الكاتبة ما قالته صحيح .. وفي هالزمن صار الرجل يتحرج أكثر من الحرمة .. بالطبع الإختلاط في العمل كان سبب من هذي الأسباب .. بالأخص انه دخيل جديد علينا .. لكن لو كان العمل ما بين الجنسين في حدود العمل ما صارت الخربطة هذي .. تلاقي الوحدة فيهم تكلم زميلها عن أدق أسرار بيتها كأنه أخوها ولا زوجها .. وهو ماشي بالخط ويقدم لها الحلول .. يا حلاتهم جنهم بمجلس .. لو كل حط حدود ما صارت المسخرة ..

[المـهـفـة والـســفـرة]

:eek5:

الله أكبر
المسلم من سلم المسلمون من لسانه و يده.


لاهنتي ياأختي بنت النوخذة على الموضوع
اللي فتح عيوني على أشياء أول مرة أعرفها.
للأمانه,أقرى الموضوع وأقول في نفسي الـ MSM أكيد دازينه لج من أوروبا.
في ذمتكم عندنا بنات , يسون هالشكل.:eek5:

أظن ماتسويها الأ قليلة إيمان , وحياء وأصل .

:anger1:
وبعدين بهالطريقة , أنتو تشوهون صورة نساء المسلمين
والله يحز في نفسي ,, مسلمين وفي بلد أسلامي ونتكلم على النساء بهالطريقة.

الله يهديكم أتقوا الله ,,, فيه رجال متزوجين موظفات , وفيه زوجات لهم رجاجيل موظفين,
وفيه أخوان لهم خوات , وأباء لهم بنات,,,,والعكس صحيح .
عيب والله نقول هالكلام عنهم .

أحسنوا الظنّ طيب:eek5: مافي أقلوبكم إيمان,,

وبعدين الخوات اللي يشوفون وحده وياهم بهالطريقة
يقولون لها الصح, ولايصيرون مثل الشيطان الأخرس , هذي كلمة حقّ
تقولونها لأختكم المخطئة .

الكلام (للأخ/والأخت).

لاتقولون أحراج ونخاف تهاوشنا ,,, خافوا من الله
تشوفون وحدة منكم وفيكم بالمكتب, تسوي هالحركات
ولاتقولون لها شي.


تتكلمون عن النساء واللي يقول الرياييل ماعليهم قاصر,
كاملين المواصفات , بفلتر وهديرز وكام ,
وتواير بالون ,, والإسبير مبنجشر:tease:


جمعني ربي وياكم بالفردوس الأعلى وعلى طاعته وذكره بهالدنيا .

ولدكم طالب أول ثانوي .:shy:

[طارق]

بس مادري ليش هألنساء الي يسون هالووون

يترقون بسرعه - مايصير عمرها 25 الى صارت مستشاره


بس النساء هاللون - اذا كان القسم معظمه نساء مايقدرون يعيشون

اخوكم طارق

[موضي قطر]

السؤال اللي محيرني ليش بعض الموظفات تلبس " [color="red"]سواريه " على أساس عبايه ؟!!

ليش بعض الموظفات " تسولف " مع الموظفين في الممرات وتروح لهم المكاتب ؟!!

وليش تتصل " تتفقدهم " اذا غابوا ولا تأخروا ؟!!

وليش " بعض " الموظفات يتهاوشون من اللي بترد على تلفون المكتب اذا كان المتصل " المدير "؟!!

وتجي تفتح الباب بقو على البنات في المكتب وتتشكى أن الموظفين "فاهمينها غلط :eek5:



انا قلت اللي في خاطري لأن الموظفة هي المسؤوله أولا ً واخيراً عن المواقف اللي تحط نفسها فيها بإرادتها :shy:اتصور الحياء الوظيفي ماراح يجدي لو ماكان الحياء نابع من التربية في البيت

[حبر سري]

و بخصوص الشباب اللي يستحون يوقفون هالاشكال عند حدها والله اغلبهم في بيوتهم مسوين اسود و بالدوام قطاوه عند هالبنات اللي لاعبين فيهم صايرين طراطير كلمه توديهم وكلمه تجيبهم !!!

اشهد انج صاقدة ياوضحى

وهاذول يقهروني ودي الشطهم بعقال لانهم طراطير فعلا
وخرفان

[لاجل QT]

سمعت ان في بنات يعطرون ويبخرون زملائهم الموظيفين :eek5:يبالفيت ذربة وتعرف السنع.:).لو ريلها ماسوتلة كذا..:)

اعتقد هالفئة ماشافت خير متخرعة ..قالو اختلاط مهب عارفة شتسوي المتخرعة:)

لا وازيدج..قامو يطلعون مع بعض في مطاعم عينى عينك لاحيا ولامستحى:(

مرة كنت في مطعم انا احط بارتشين ..الا الصوت للى جنبي عالي هي قاعدة تراوية صورة اعيالها من الجوال انا اقول ستغفر الله ان بعض الظن اثم يمكن ريلها:) ال تقولة هذي صورت ريلي:eek5: وهو يراويها الصور اللى مسافر فيها ويقول لها يبيلج انتى هالدولة:eek5: طبع الصوت كان عالي ..وعاااادي ماخذين راحتهم:eek5:

المهم الهيس اللى وياها انا طلعت قام طلع وراي..ويقط الرقم كان احط الحرة فية هاوشتة اقولة مطلع وبعد تلاحق>>>فشلتة:)

ياختى من صار الاختلط ماكنة زادت نسبة العنوسة..مع ان المفروض العكس

وسوري للاطالة بس كان فينى فشت خلئ:shy:

[بـــــــنت النوخـّــــذه]

مرحبتين لكم جميعا"

لي رجعة بعد القيلوله للتعليق على كل رد

وخصوصا مناقشه سالفه الي مسويين نفسهم منحرجين من البنات ومايقدرون يوقفونهم عندهم حدهم يابلفيت :nice:

وعليه اطرح سؤال الى حين رجوعي للتعقيب:

هل عذر (ان الرجل محرج ) من ايقاف قله حياء الموظفه معه عذر منطقي والعكس للموظفه مع الموظف ؟؟؟
فاصل ونواصل

[قطريه ماركه]

موضوع مهم خصوصا هالايام اللي صار فيها الاختلاط سمة واضحة في كل مكان ...

الحياء الوظيفي ... لو البنت حطت في بالها انها رايحه للشغل كسب الرزق و بس جان بتحترم نفسها و بتحترم
الجنس الآخر ...
لكن اللي رايحه الشغل حق الخربطه و الرياييل ..و انه هناك لا أهل بيشوفونها و لا اخوان بينتقدونها .. الله يعينها على نفسها ...

[بلوتنيوم]

ماعتقد مسألة احراج من الرجل
يمكن
مستانس على الموضوع او انه خايف تتبلى عليه ويضيع مستقبله الوظيفي
او انه يخطط لبعيد وقاعد في مفترق طرق :)
او انه منحرج علشان مانظلمه :(

[..الاميرة..]

الحيا مايبيلها دورات وتلقين ..

الحيا فطره موجوده فينا لكن من يفقدها هذا دليل على المستوى الثقافي والتربوي والبيئة إلي عايشها ..

والله يعينهم من ابتلاهم بعدم الحياء ..

[الملكة الام]

عزيزتي بــــــــــــنت النوخـّـــــــــــــذه



موضوع في منتهى الاهميه ...لسوء تصرف انتشر في الفترة الاخيرة لفئه من الناس لم تستطع التأقلم مع وضع جديد فرض على المجتمع واعتقد انه نابع من الجهل الديني...لو كانوا فاهمين في تفاصيل دينهم ما تصرفوا بهذه الطريقة...


جهل ....






اختج العوده



الملكة الام

[الملكة الام]

عزيزتي بنت^البحرين1





الموضوع جميل جدا ومهم وشدني بصراحة

بنت النوخذه.. فالدوام كان معانا وحده مطيحه الميانة مع موظف.. ينحرج من تصرفاتها وفي نفس الوقت مب عارف شلون يوقفها عند حدها .. مره من المرات الظاهر الأخت نست عمرها كلش .. واحنا قاعدين متجمعين عند مكتب وحده من الموظفات دخل وسلم وطلب أوراق من الموظفة اللي متجمعين عندها وعلى ماتطلع له الورقة .. احنا ساكتين فقامت وحدة من الموظفات تسولف معاه وطلبت منه رقم محل (مايحضرني محل شنو) قالها في مخباي وعفسه بدوره بعدين .. البنت ماتعطلت كلش دزته على جتفه ودخلت يدها في مخباه !!! بصراحة كانت صدمة لنا وهو ويهه قلب ألوان اسودت فيه الدنيا .. بس الحمدلله انه ارتعد مره ثانية وصرخ فيها " احترمي نفسج " بحده .. عاد الرقيقة ماتحملت الموقف وطلعت على طول من المكتب وراحت تصيح !!
ومن يومها وهي ماتتكلم ويا حد حتى احنا يالموظفات .. وحاربتنا كلنا فالادارة وصارت المرأة الصامته( من بداية الدوام للنهاية)


الخلاصة في بنات سخيفات صراحة على بالها انا بنت يعني خلاص كل شي مسموح لي لاني بنت .. يعني باطول لساني واقل ادبي لكن لحد يقولي شي تراني بنت .. اصرخ واسب بس محد يرد علي تراني بنت ..

زين يوم انج بنت احترمي نفسج لانج بنت واحشمي عمرج عشان العالم تحشمج..


اشتطيت شويونه معليه ..

بنت النوخذه موضوعج 10/ 10

عساج عالقوة






:omg::omg::omg::omg::omg::omg::omg::omg::omg::omg: :omg::omg::omg:




اختج العوده

[ZURICH]

الرجل الي يسمح بشوفتة أداوم في مكان اختلاط .. بمعنى ثاني مع رجاال

في نظري أنة مب .؟؟. تكانة

[bshayer]

الله يهدي الجميع

[ورقــة أمــل]

لانسانة الملتزمة دينيا واخلاقيا مستحيل تسوي شي من هالنقاط مهما كانت ظروفها العملية يبقى عندها شي اسمه دين واحترام الطرف الآخر،،

وفي نقطة ثانيه للاسف لاحظت من بعض الرجال عندي بالدوام لان مادري اذا هالشي يصير في اماكن ثانيه او بس عندنا.. ان المسؤول يقول لموظفته شوفي باقي الموظفات شلون يدلعون مسائيلهم بالجوكليت والاكل ويرتبون لهم مكاتبهم مش انتي ماشفنا منج شي!!!! او واحد يقول لموظفته فديتج او كلمات من هالقبيل على اساس يشوف هل هي تعطيه ويه او لا... معنه البنت محتشمة وخلوقة لكن العيب مب دايما في البنت،، العيب حتى في بعض الرجال نفسهم،،، اذا كانت البنت شخصيتها ضعيفة ومهزوزة اظن عادي تستجيب حق هالامووور،،،

انا مانكر وجود فئةمش قليلة من البنات اللي عندهم استعداد حق هالسوالف بس المسؤولية تقع عالطرفين

واخيرا نصيحة للامهات والاباء،، احسنوا تربية ابناءكم لان كل هالبلاوي اللي نشوفها هي بسبب الضعف في الدين والشخصية،، حتى لو الانسان فاهم وكبير مافيها شي لو الام او الاب يسال بنته شسويتي في الدوام ومن مسولج او امها تزورها بالدوام وتشوف طبيعة الشغل،، هاي الشي ياثر في نفسية البنت ويحسسها ان في اهل مهتمين لها وقلبهم يعورهم عليها،،

دايما افتحوا قلوبكم لهم عشان هم يفتحون قلوبهم لكم وتوجهونهم للطريق الصحيح،،

[chillis]

مب لازم دورة للحياء الوظيفي

لأنه البنت اذا ماتعلمت الحياء من امها وخواتها الأكبر منها وصديقاتها ترى ما راح تتعلمه ولا في اي مكان

وياكثرهم قليلات الأدب اللي انشوفهم يضحكون ويسوولفون مع الشباب في الشغل وكأنه الأمر عااادي

الله يهديهم

انا معاك اتفق الحياء يبتدي من البيت اولا

[ام-سعود]

العمل المختلط مب هو المشكلة .. المشكلة نوعية الناس اللي تعمل في هذا العمل المختلط.
فيه موظفات يعملن بكل جيدية وباحترام ومع اخوانهم الرجال اللي يراعونهم بكل احترام وتقدير ومن بعيد لبيعد
الخلط العمل لازم ما يكون في نفس المكتب .. لازم مكتب الحريم غير عن مكتب الرجال ولكن العمل مختلط .. يعني في حالة الاجتماعات او الاستفسار عن شغله معينة او مساعدة في موضوع وممكت ايضاً تقليل هذا الاختلاط باستخدام الايميلات في العمل او الهاتف وبعدها اذا تطلب الامروللضرروة يصير اجتماع .. هذا عملي وهذا ديني.

[بنت^البحرين1]

لانسانة الملتزمة دينيا واخلاقيا مستحيل تسوي شي من هالنقاط مهما كانت ظروفها العملية يبقى عندها شي اسمه دين واحترام الطرف الآخر،،

وفي نقطة ثانيه للاسف لاحظت من بعض الرجال عندي بالدوام لان مادري اذا هالشي يصير في اماكن ثانيه او بس عندنا.. ان المسؤول يقول لموظفته شوفي باقي الموظفات شلون يدلعون مسائيلهم بالجوكليت والاكل ويرتبون لهم مكاتبهم مش انتي ماشفنا منج شي!!!! او واحد يقول لموظفته فديتج او كلمات من هالقبيل على اساس يشوف هل هي تعطيه ويه او لا... معنه البنت محتشمة وخلوقة لكن العيب مب دايما في البنت،، العيب حتى في بعض الرجال نفسهم،،، اذا كانت البنت شخصيتها ضعيفة ومهزوزة اظن عادي تستجيب حق هالامووور،،،

انا مانكر وجود فئةمش قليلة من البنات اللي عندهم استعداد حق هالسوالف بس المسؤولية تقع عالطرفين

واخيرا نصيحة للامهات والاباء،، احسنوا تربية ابناءكم لان كل هالبلاوي اللي نشوفها هي بسبب الضعف في الدين والشخصية،، حتى لو الانسان فاهم وكبير مافيها شي لو الام او الاب يسال بنته شسويتي في الدوام ومن مسولج او امها تزورها بالدوام وتشوف طبيعة الشغل،، هاي الشي ياثر في نفسية البنت ويحسسها ان في اهل مهتمين لها وقلبهم يعورهم عليها،،

دايما افتحوا قلوبكم لهم عشان هم يفتحون قلوبهم لكم وتوجهونهم للطريق الصحيح،،




سبحان الله .. والله هالكلام سمعته وايد من موظفات كانوا معاي ..
أول ماتوظفت .. صار المدير يناديني أم عبدالرحمن :eek5: وين الحلاوة ؟؟ قلت له حلاوة شنو ؟؟يقول حلاوة التوظيف !! قلت له ان شاءالله والله ماشاف مني ولا شي :nice:.. وعقبها من اشوفه اصير رسمية حدي معاه .. المكتب كله بنات يدخل وهم يتريقون يقول ها شنو الريوق اليوم خل نتريق مع بنات حوا !! ووقفوا يمعة الريوق والسبه هالعله ..

انزين شرايكم فاللي تقعد عند المدير من نوصل نحط اغراضنا يرن التلفون فلانه مطلوبه عند المدير والله العظيم تروح من ثمان ماترجع الا عشر والا عشر ونص يوميا هالسالفة .. والاثنين متزوجين .. غصب طيب بيطلع الكلام .. ونهاية الدوام كلنا نطلع الا اهمه الاثنين يتمون عشان يازعم باقي الشغل يخلصونه :rolleyes2:

[العقل الحر]

محد يهاجم المرأة الى المرأة

وعدو المرأة هي المرأة !

[Bin Hood]

دام سوت هالحركة
بنت البحرين هذه البنت ما اعتقد انها صاحت




الموضوع جميل جدا ومهم وشدني بصراحة

بنت النوخذه.. فالدوام كان معانا وحده مطيحه الميانة مع موظف.. ينحرج من تصرفاتها وفي نفس الوقت مب عارف شلون يوقفها عند حدها .. مره من المرات الظاهر الأخت نست عمرها كلش .. واحنا قاعدين متجمعين عند مكتب وحده من الموظفات دخل وسلم وطلب أوراق من الموظفة اللي متجمعين عندها وعلى ماتطلع له الورقة .. احنا ساكتين فقامت وحدة من الموظفات تسولف معاه وطلبت منه رقم محل (مايحضرني محل شنو) قالها في مخباي وعفسه بدوره بعدين .. البنت ماتعطلت كلش دزته على جتفه ودخلت يدها في مخباه !!! بصراحة كانت صدمة لنا وهو ويهه قلب ألوان اسودت فيه الدنيا .. بس الحمدلله انه ارتعد مره ثانية وصرخ فيها " احترمي نفسج " بحده .. عاد الرقيقة ماتحملت الموقف وطلعت على طول من المكتب وراحت تصيح !!
ومن يومها وهي ماتتكلم ويا حد حتى احنا يالموظفات .. وحاربتنا كلنا فالادارة وصارت المرأة الصامته( من بداية الدوام للنهاية)


الخلاصة في بنات سخيفات صراحة على بالها انا بنت يعني خلاص كل شي مسموح لي لاني بنت .. يعني باطول لساني واقل ادبي لكن لحد يقولي شي تراني بنت .. اصرخ واسب بس محد يرد علي تراني بنت ..

زين يوم انج بنت احترمي نفسج لانج بنت واحشمي عمرج عشان العالم تحشمج..


اشتطيت شويونه معليه ..

بنت النوخذه موضوعج 10/ 10

عساج عالقوة


كلامج صحيح ولاحظته بشكل واضح
طبيعة الشغل وطول المدة تخلي بعض الموظفات والموظفين ياخذون على بعض
ويطيح الحياء من الموظفات خاصة

تجد ان الموظفه اول ما تتوظف الحياء ضارب توب شوي شوي يخف يخف
وتبتدي تاخذ على الشباب وبعدها سوالف عادية , وعقبها نكت وضحك
ويصير الكلام بالتلفون عادي

بس اغلب البنات الي يقومون بهذه التصرفات تكون بحسن نية ويظنون ان كل هذا في حدود الشغل


وطبعا يبقون الموظفات الي محافظين على حيائهم وفارضين احترامهم على الكل مهما طالت المدة وكثر الموظفين الموجودين

[موضي قطر]

محد يهاجم المرأة الى المرأة

وعدو المرأة هي المرأة !


وفي بعض الأحيان تكون المرأة " عدوة نفسها :rolleyes2:

[Bin Hood]

محد يهاجم المرأة الى المرأة

وعدو المرأة هي المرأة !

اخوي العقل الحر

شوي شوي علينا خلنا نفهم :rolleyes2:

[لافوشيا]

انزين سؤال دام دخلنا في سالفه الخلط والضحك مع بعض وان الكل ماخذ عالكل... هل ينطبق الحياء الوظيفي فالمنتدى؟؟؟؟

[ريم الشمال]

أختي بنت النوخذه انت خير من يعرف في الامثال تعرفين المثل القطري
الي يقول ( من عمره ما تبخر تبخر وحترق )
هذا للأسف ينطبق على هؤلاء الذين لا يعرفون حدود الاداب الاجتماعية في تعامل المرأة والرجل
ذلك أنه منذو الازل يكون هناك احتكاك بين الجنسيين قديماً وحديثاً
ولكن كل طرف من الجنسين يعرف حدود العلاقه بينه و بين الغير محارم من الأدب في الحديث والتعامل المحافظ على الذوق العام في عدم التباسط في الحديث والتعامل حتى لا يقع ما لا يحمد عقباه
مهما كان لابد أن يلتزم كل طرف سواء المراءة أو الرجل بوجود خط واضح مرسوم بينهما في التعامل لا يتعداه إي طرف منهما حتى لا يختلط الحابل بالنابل ..... ونجد ما نجده الأن في دوائر التي يعمل فيها الطرفين
اعتقد انه قانون فطري ينخلق في النفوس السوية التي تربة على الدين و الاخلاق الحميدة فنجد يظهر دون قصد من الفتاة أو الفتى لأن فطرته السليمه تأبا هذا النوع من العلاقه الشاذه عن فطرته

ريم الشمال

[بـنـت ڪرز]

للأسف ان صاروا البنات اللي جذي هم اللي في نظر الإداره ناجحات ويقدرون يمسكون مناصب

والبنت لو انها تشتغل وذكيه ومتخرجه من احسن الجامعات واصعب التخصصات مركونه عالجنب لانها ماتسوي نفسهم .. .

يعني صار التدرج في الوظيفه مايعتمد على التقييم ولا على الانتاجيه في الشغل ؟؟

انا ماقلت ان الوحده تعزل نفسها ويالله اتحجى وولا تسأل ... تكون عاديه تسأل لو في سؤال وسوالف محدوده مع الموظفين ...

لكن في بنات والله اذا مروا وشافوا حد من الموظفين تسلّم عليه بصراااااخ ... كنها واحد من ربعه .. بس عشان تثبت انها جريئه وانها مهمه وان شخصيتها كووول ومب معقده !

لا والمشكله الكبيره .. ان الشباب مستانسين على هالنوع من البنات .. مب كلهم بس لاحظت اغلب اللي عندنا في دوامي مستانسين عليهم .. ينرفزوون :rolleyes2:

[بـنـت ڪرز]

من امثال العضو " العقل الحر " الظاهر هو من معارضين الحياء الوظيفي :secret:

[بـــــــنت النوخـّــــذه]

الموضوع جميل جدا ومهم وشدني بصراحة

بنت النوخذه.. فالدوام كان معانا وحده مطيحه الميانة مع موظف.. ينحرج من تصرفاتها وفي نفس الوقت مب عارف شلون يوقفها عند حدها .. مره من المرات الظاهر الأخت نست عمرها كلش .. واحنا قاعدين متجمعين عند مكتب وحده من الموظفات دخل وسلم وطلب أوراق من الموظفة اللي متجمعين عندها وعلى ماتطلع له الورقة .. احنا ساكتين فقامت وحدة من الموظفات تسولف معاه وطلبت منه رقم محل (مايحضرني محل شنو) قالها في مخباي وعفسه بدوره بعدين .. البنت ماتعطلت كلش دزته على جتفه ودخلت يدها في مخباه:eek5: !!! بصراحة كانت صدمة لنا وهو ويهه قلب ألوان اسودت فيه الدنيا .. بس الحمدلله انه ارتعد مره ثانية وصرخ فيها " احترمي نفسج " بحده .. عاد الرقيقة ماتحملت الموقف وطلعت على طول من المكتب وراحت تصيح !!
ومن يومها وهي ماتتكلم ويا حد حتى احنا يالموظفات .. وحاربتنا كلنا فالادارة وصارت المرأة الصامته( من بداية الدوام للنهاية)


الخلاصة في بنات سخيفات صراحة على بالها انا بنت يعني خلاص كل شي مسموح لي لاني بنت .. يعني باطول لساني واقل ادبي لكن لحد يقولي شي تراني بنت .. اصرخ واسب بس محد يرد علي تراني بنت ..

زين يوم انج بنت احترمي نفسج لانج بنت واحشمي عمرج عشان العالم تحشمج..


اشتطيت شويونه معليه ..

بنت النوخذه موضوعج 10/ 10

عساج عالقوة

الله يحها بنت البحرين 00 يحليلها عيل صاحت يوم زقر فيها امحق بنات بذمتي بعد ادخل يدها بمخباه اههههههههههههههههه والله الحياء تاج على رؤوس البنات حتى اخوي استحي ادخل يدي بمخباه 00

مثل ماقلتي اختي الوحده لازم تحشم نفسها عدل ومافي شي اسمه زماله عمل وقط الميانه اصلا الرجال الغريب ماينعطى وي :shy:حلاتها الوحده رسميه وبحدود معاه ومافي اي عذر ان يكلمها برقه او ينحرج ان ينبها بالعكس لازم تتأدب وبالمثل البنت لازم اتوقف اي رجل عند حده اذا تمادى<<<<<< شريه ماتلاعب:D

سعيده بمداخلتج القيمه :nice:


موضوع مهم يدل على التناقض الاجتماعي و الديني من قبل البعض ..

تذكرت احدهم هنا في المنتدى عندما دخل الرجل على أب احدى الموظفات

في مجلسه .. و قال له ناد بنتك تجلس معانا .. هي تجلس معانا في المكتب .. الخ.


:eek5::eek5:
والله الرجال الي قال هالكلام اهو الي مايتسحي يعني رضى انها تجلس وبعد ينقز ابو البنت كان من اولها حط له موقف وقال مانبغي جلسه حريم لكن للاسف بعد الرجاجيل يايز لهم هالوضع في اماكن العمل 0المشكله اخوي مافي حزم اتحصل الواحد يقول اشدخلني فيها اهي الي جات وجلست طيب انت وشلتك ليش مافرضتو حدود من البدايه لهذي الدرجه الحيا مقطعه بعضه000

سعيده بمداخلتك

جبيتها صح ...
موضوع يبيله وقفه ..
انا كنت بالطواري بالامارات بمستشفى
وعلى الاستقبال مواطنات حق البطاقة وتعطي ورقة ..

المهم خلصنا وسوينا الضغط والحرارة لبنتنا

طلع موظف من وراهم ..

ووقف بين الكرسيين ؟؟ وتشوفين نظرات ست الحسن,,,,( مالت اقول مالت بس)

وتفرجنا عالفيلم مالهم انا وزوجي طبعا احتقرناهم وتناقشنا بهالموضوع ..؟

يعني عيييييييييييييب وقلة ادب ..احترمي اللي حولج..
شكرا عالتنبيه ..

اي بعضهم لما يشتطون بالنظرات ينسون العالم الي حولهم تتحول القعده لنور ومهند مسلسل تركي00:) المفروض فيه حزم في التعامل لكن ممزوج بالاحترام والتقدير

سعيده بمداخلتج

مب لازم دورة للحياء الوظيفي

لأنه البنت اذا ماتعلمت الحياء من امها وخواتها الأكبر منها وصديقاتها ترى ما راح تتعلمه ولا في اي مكان

وياكثرهم قليلات الأدب اللي انشوفهم يضحكون ويسوولفون مع الشباب في الشغل وكأنه الأمر عااادي

الله يهديهم

بوحارب التذكير حلو بين فتره وثانيه وصحيح التربيه تلعب دور ولكن كذلك الدورات والارشادات في مجال العمل تلعب دور اكبر0000

بوحارب طيب هذولي البنات قليلات ادب طيب الشاب الي رضى انه يكلمها بهذي الطريقه ويستمر بالسالفه شنهو يطلع بضنك 00؟؟؟؟؟؟


[ iMedia ][;6953261']

:eek5:
كمل .. وبعدين شصار اخوي ؟

ياحبك للسوالف:telephone:


ياما وياما يابنت النوخذه حكينا وتكلمنا في ها الموضوع الحيوي المهم
الحياء الوظيفي المفقود
لكن لقينا بعض المؤيدين والبعض يعارض وينكر والبعض يرى أنه أمر عادي...
إلا الميل على جهاز الكمبيوتر من الموظف على الموظفة أو العكس
دائما يتكرر أمام عيني وأشمئز منه
في البنك او في المستشفى والكثير من الأماكن...
فالموظفة مثلا تناديه فلان تعال شوف ( اشلون أتصرف )
إذا مثلا علق الكمبيوتر ..فبدل ماتقوم من مكانها حتى يقوم هو بالإصلاح
تبقى بدون أن تبعد بالكرسي حتى
وهو يميل عليها ميل قريب من كتفها ليستخدم الكي بورد
ميل مقزز جدا... وطبعا هي في كامل زينتها وعطرها
بالإضافة إلى استلطاف بعضهم البعض
استلطاف غير طبيعي...
في نفس الوقت الموظفة لاتبالي باستلطافها هذا إن كان الموظف
متزوج او خاطب أو مرتبط باي شكل من الأشكال..
الحمدلله الذي عافانا مما ابتلاهم فيه وفضلنا
على كثيرا ممن خلق تفضيلا...



صحيح كلامج اختي الاصيله 000 تدرين انا اكتشفت ان الوحده ممكن بتصرفها تضع لها مدرسة من التعامل في مجال العمل من خلال تصرفاتها التي (تجبر) الطرف الاخر على الاحترام والتقدير000

اعتقد المشكله متبادله بين الموظف والموظفه ومانحط اللوم على الموظفه لان الرجل باسلوبه يقدر يضع حدود للتعامل ويكون هو كذلك مدرسه

سعيده جدا بمداخلتج اختي الاصيله

صراحه كلام في الصميم والله هذا حال اغلب البنات الا من رحم ربي
و بخصوص الشباب اللي يستحون يوقفون هالاشكال عند حدها والله اغلبهم في بيوتهم مسوين اسود و بالدوام قطاوه عند هالبنات اللي لاعبين فيهم صايرين طراطير كلمه توديهم وكلمه تجيبهم !!!

اي والله صدقتي عشان جذيه وانا اقرى مقالها اعجبت فيه ولكن قلت اني اخالفها بنقطه ان الرجل يخجل من ايقافها 0000 ويسمح انها تجلس معه المشكله اختي لما وحده اتحلف عليه الا يذوق هاللقمه ولا بتزعل اههههههههه:eek5:

عموما هناك فئات في المجتمع الوظيفي قمه الاحترام

سعيده بمداخلتج

[العقل الحر]

من امثال العضو " العقل الحر " الظاهر هو من معارضين الحياء الوظيفي :secret:


التسرع في الاحكام تضعف مصداقيه المدعي

مقيوله - الي مايعرفك ما يثمنك

[R 7 A L]

الله يحسن الحال

[بوسيف الهاجري]

طيب طيب

[بـــــــنت النوخـّــــذه]

الكاتبة ما قالته صحيح .. وفي هالزمن صار الرجل يتحرج أكثر من الحرمة .. بالطبع الإختلاط في العمل كان سبب من هذي الأسباب .. بالأخص انه دخيل جديد علينا .. لكن لو كان العمل ما بين الجنسين في حدود العمل ما صارت الخربطة هذي .. تلاقي الوحدة فيهم تكلم زميلها عن أدق أسرار بيتها كأنه أخوها ولا زوجها .. وهو ماشي بالخط ويقدم لها الحلول .. يا حلاتهم جنهم بمجلس .. لو كل حط حدود ما صارت المسخرة ..

صدقتي بكل كلمه لوحطو حدود ماصارت هالمسخره 000وعموما انا ألوم الموظف والموظفه وليس هناك عذر اسمه محرج من الايقاف 0000

سعيده بمداخلتج



:eek5:

الله أكبر
المسلم من سلم المسلمون من لسانه و يده.


لاهنتي ياأختي بنت النوخذة على الموضوع
اللي فتح عيوني على أشياء أول مرة أعرفها.
للأمانه,أقرى الموضوع وأقول في نفسي الـ MSM أكيد دازينه لج من أوروبا.
في ذمتكم عندنا بنات , يسون هالشكل.:eek5:

أظن ماتسويها الأ قليلة إيمان , وحياء وأصل .

:anger1:
وبعدين بهالطريقة , أنتو تشوهون صورة نساء المسلمين
والله يحز في نفسي ,, مسلمين وفي بلد أسلامي ونتكلم على النساء بهالطريقة.

الله يهديكم أتقوا الله ,,, فيه رجال متزوجين موظفات , وفيه زوجات لهم رجاجيل موظفين,
وفيه أخوان لهم خوات , وأباء لهم بنات,,,,والعكس صحيح .
عيب والله نقول هالكلام عنهم .

أحسنوا الظنّ طيب:eek5: مافي أقلوبكم إيمان,,

وبعدين الخوات اللي يشوفون وحده وياهم بهالطريقة
يقولون لها الصح, ولايصيرون مثل الشيطان الأخرس , هذي كلمة حقّ
تقولونها لأختكم المخطئة .

الكلام (للأخ/والأخت).

لاتقولون أحراج ونخاف تهاوشنا ,,, خافوا من الله
تشوفون وحدة منكم وفيكم بالمكتب, تسوي هالحركات
ولاتقولون لها شي.


تتكلمون عن النساء واللي يقول الرياييل ماعليهم قاصر,
كاملين المواصفات , بفلتر وهديرز وكام ,
وتواير بالون ,, والإسبير مبنجشر:tease:


جمعني ربي وياكم بالفردوس الأعلى وعلى طاعته وذكره بهالدنيا .

ولدكم طالب أول ثانوي .:shy:


لحظه اخوي 000امممممممممممم احنا نتكلم عن فئه بارك الله فيك لو دققت اشوي ببداية الموضوع بتحصل كلمه صغيره (البعض) :)

ما انكر ان فيه فئات محترمه واثبتو وجودهم باحترامهم بمكان مختلط وشبه مختلط وغير مختلط :nice:000

وبعد لو ركزت بآخر كلامي قلت انا اتحفظ على نقطه كتبتها الكاتبه ان الرجل محرج وهذا اسمه عذر اقبح من ذنب 000 ودوم اقول ان الرجل اهو السبب الاول والاخير اهههه

الله يوفقك اخوي دنيا وآخرها وتكون من الرجال الي ينشد بهم الظهر

سعيده بمداخلتك ^_^


السؤال اللي محيرني ليش بعض الموظفات تلبس " [color="red"]سواريه " على أساس عبايه ؟!!

ليش بعض الموظفات " تسولف " مع الموظفين في الممرات وتروح لهم المكاتب ؟!!

وليش تتصل " تتفقدهم " اذا غابوا ولا تأخروا ؟!!

وليش " بعض " الموظفات يتهاوشون من اللي بترد على تلفون المكتب اذا كان المتصل " المدير "؟!!

وتجي تفتح الباب بقو على البنات في المكتب وتتشكى أن الموظفين "فاهمينها غلط :eek5:



انا قلت اللي في خاطري لأن الموظفة هي المسؤوله أولا ً واخيراً عن المواقف اللي تحط نفسها فيها بإرادتها :shy:اتصور الحياء الوظيفي ماراح يجدي لو ماكان الحياء نابع من التربية في البيت

والله اسئله تحتاج لوقفه صح ليش؟؟؟

وكذلك ليش الموظف يسمح انها تجلس وطق وسوالف معه ويقول انا محرج اكلمها اقول لها عيب :omen2:؟؟؟




اشهد انج صاقدة ياوضحى

وهاذول يقهروني ودي الشطهم بعقال لانهم طراطير فعلا
وخرفان

:)


سمعت ان في بنات يعطرون ويبخرون زملائهم الموظيفين :eek5:يبالفيت ذربة وتعرف السنع.:).لو ريلها ماسوتلة كذا..:)

اعتقد هالفئة ماشافت خير متخرعة ..قالو اختلاط مهب عارفة شتسوي المتخرعة:)

لا وازيدج..قامو يطلعون مع بعض في مطاعم عينى عينك لاحيا ولامستحى:(

مرة كنت في مطعم انا احط بارتشين ..الا الصوت للى جنبي عالي هي قاعدة تراوية صورة اعيالها من الجوال انا اقول ستغفر الله ان بعض الظن اثم يمكن ريلها:) ال تقولة هذي صورت ريلي:eek5: وهو يراويها الصور اللى مسافر فيها ويقول لها يبيلج انتى هالدولة:eek5: طبع الصوت كان عالي ..وعاااادي ماخذين راحتهم:eek5:

المهم الهيس اللى وياها انا طلعت قام طلع وراي..ويقط الرقم كان احط الحرة فية هاوشتة اقولة مطلع وبعد تلاحق>>>فشلتة:)

ياختى من صار الاختلط ماكنة زادت نسبة العنوسة..مع ان المفروض العكس

وسوري للاطالة بس كان فينى فشت خلئ:shy:


خوش بعد يبخرونهم 000 طيب وين البشت لازم اتلبسه اياه هذا الي ناقص 000

شوفي اختي انا الوم ارجل في المقام الاول بيده يوقف هذا الشي 00لكن مشكله لي شاف هالحركات ويازتله وقال انا متحرج اوقفها 000


على طاري نسبه العنوسه اهههههههههههه من يومين حاطين فالجريده احصائيه عن الزواج طلع 70% من الشباب يفضلون الزواج ع طريق الحب والتعارف :secret:

موضوع مهم خصوصا هالايام اللي صار فيها الاختلاط سمة واضحة في كل مكان ...

الحياء الوظيفي ... لو البنت حطت في بالها انها رايحه للشغل كسب الرزق و بس جان بتحترم نفسها و بتحترم
الجنس الآخر ...
لكن اللي رايحه الشغل حق الخربطه و الرياييل ..و انه هناك لا أهل بيشوفونها و لا اخوان بينتقدونها .. الله يعينها على نفسها ...


صحيح كلامج العيب مهب في مجال العمل بل العيب بالافراد انفسهم 000

سعيده بمداخلتج القيمه


ماعتقد مسألة احراج من الرجل
يمكن
مستانس على الموضوع او انه خايف تتبلى عليه ويضيع مستقبله الوظيفي
او انه يخطط لبعيد وقاعد في مفترق طرق :)
او انه منحرج علشان مانظلمه :(

:oops:



الحيا مايبيلها دورات وتلقين ..

الحيا فطره موجوده فينا لكن من يفقدها هذا دليل على المستوى الثقافي والتربوي والبيئة إلي عايشها ..

والله يعينهم من ابتلاهم بعدم الحياء ..

صحيح كلامج ولكن فيه فئات تحتاج لدوره تأهيليه والتذكير مهم

سعيده بمداخلتج القيمه

[تحداني]

يعطيك العافيه سيدتي الفاضله " بنت النوخذه "
الحديث عن عمل المرأه وإختلاطها بالرجل .. يفتح للرجل آفاق واسعه من الإنتقاد اللاذع
أو من رؤويه كل المشاهد كما المشهد الذي تطرقت له الكاتبه .. او الأخوان
والأخوات
لا أحد يستطيع ان ينكر ان واقع العمل اليوم مختلف عما كان عليه في السابق

زمان كانت المراه تعمل في المدرسه
او في المستشفى
او في اماكن جدا ضيقه وحدود تعاملها مع النساء فقط
وانظري لحجم العلاقات التي كانت من بينهم ..

أما اليوم توسعت دائره عمل المرأه ولكل امرأه وجه نظر وسبب قي المكان الذي تعمل به
ولها من الظروف ومن الأسباب ولها من أولياء أمر هو مسؤولين عنها


أنا أعمل في مكان مختلط ولكن بمكاتب منفصله تماما ..
لا موظف معي ولا موظفه
ولكن ما اتقبل أن يمر أحد الموظفين .. ولا يقول السلام عليكم
أو صباح الخير .. وبحدود معينه بالطبع ولا أقبل أن ينادني الا باختي تحداني الزمن
او الاستاذه تحداني الزمن وهكذا تعودنا جميعا


ألفه العمل .. أو زماله العمل أو أخوه العمل موجوده وسموها بأي مسمى تجدونه يليق بعاداتنا وتقاليدنا وبالنهايه نحن نتواجد مع بعض ساعات وساعات طويله .. وسنوات أطول

نوعيه الحدود يرسمها الطرفان .. ومدى توسعها ايضا يرسمها الطرفان
ولا أحد مجبر أن يمارس نوع من الحياء والخجل لأمرا لا يتقبله


ارفض صداقه العمل
أرفض تماما .. أن تمتد علاقتي مع ايا كانت تلك الشخصيه خارج العمل
أرفض التواصل ما بعد ساعات العمل
لأني مؤمنه أن صداقاتي الفاشله هي التي أخذتها من العمل


الإختلاط مع الرجل ليس بكارثه يخاف منها المجتمع
إنما الكوارث تاتي من النقوس المريضه حتى لو كانت في سجون منعزله
نعاني في مجتمعنا من بعض العقول التعبانه .. التي طالما تنظر للمرأه على إنها فريسه
وللرجل على إنه فارس الاحلام أينما وجدناه وتحت أي ظروف كانت


بنت النوخذه من أطرف المواقف إلي حصلت لي
دخل علي مراجع في الخمسين من العام
إتعرفين إيش قال لي .. :) قال لي قلوا الرجاجيل عشان يحطونكم إنتوا البنات
قلت له يا يبه إعتبرني بنتك .. وكمل مصالحك .. وتوكل على الله


جملك الله برضى الرحمن

[بـــــــنت النوخـّــــذه]

عزيزتي بــــــــــــنت النوخـّـــــــــــــذه



موضوع في منتهى الاهميه ...لسوء تصرف انتشر في الفترة الاخيرة لفئه من الناس لم تستطع التأقلم مع وضع جديد فرض على المجتمع واعتقد انه نابع من الجهل الديني...لو كانوا فاهمين في تفاصيل دينهم ما تصرفوا بهذه الطريقة...

جهل ....






اختج العوده



الملكة الام

احسنت كلام سليم 100% الوازع الديني هذا الاهم 000:)


الرجل الي يسمح بشوفتة أداوم في مكان اختلاط .. بمعنى ثاني مع رجاال

في نظري أنة مب .؟؟. تكانة

والله فيه ناس والنعم فيهم اخوي حوران وصراحه الي مهب تكانه الي مخلي شوفاته مهيته بالمجمعات وهم متبرجات وقاطين الحيا 000 ولا مرته حذاه بالسياره والشيله نص الشعر:)
سعيده بمداخلتك


الله يهدي الجميع


الله يهديهم 00


لانسانة الملتزمة دينيا واخلاقيا مستحيل تسوي شي من هالنقاط مهما كانت ظروفها العملية يبقى عندها شي اسمه دين واحترام الطرف الآخر،،

وفي نقطة ثانيه للاسف لاحظت من بعض الرجال عندي بالدوام لان مادري اذا هالشي يصير في اماكن ثانيه او بس عندنا.. ان المسؤول يقول لموظفته شوفي باقي الموظفات شلون يدلعون مسائيلهم بالجوكليت والاكل ويرتبون لهم مكاتبهم مش انتي ماشفنا منج شي!!!! او واحد يقول لموظفته فديتج او كلمات من هالقبيل على اساس يشوف هل هي تعطيه ويه او لا... معنه البنت محتشمة وخلوقة لكن العيب مب دايما في البنت،، العيب حتى في بعض الرجال نفسهم،،، اذا كانت البنت شخصيتها ضعيفة ومهزوزة اظن عادي تستجيب حق هالامووور،،،

انا مانكر وجود فئةمش قليلة من البنات اللي عندهم استعداد حق هالسوالف بس المسؤولية تقع عالطرفين

واخيرا نصيحة للامهات والاباء،، احسنوا تربية ابناءكم لان كل هالبلاوي اللي نشوفها هي بسبب الضعف في الدين والشخصية،، حتى لو الانسان فاهم وكبير مافيها شي لو الام او الاب يسال بنته شسويتي في الدوام ومن مسولج او امها تزورها بالدوام وتشوف طبيعة الشغل،، هاي الشي ياثر في نفسية البنت ويحسسها ان في اهل مهتمين لها وقلبهم يعورهم عليها،،

دايما افتحوا قلوبكم لهم عشان هم يفتحون قلوبهم لكم وتوجهونهم للطريق الصحيح،،



والله كلامج درر درر درر احسنت :victory:




انا معاك اتفق الحياء يبتدي من البيت اولا

صحيح والي ما فيه تعليم بالصغر اعتقد يأتي دور الدورات التأهيليه
سعيده بمداخلتج القيمه


العمل المختلط مب هو المشكلة .. المشكلة نوعية الناس اللي تعمل في هذا العمل المختلط.فيه موظفات يعملن بكل جيدية وباحترام ومع اخوانهم الرجال اللي يراعونهم بكل احترام وتقدير ومن بعيد لبيعد
الخلط العمل لازم ما يكون في نفس المكتب .. لازم مكتب الحريم غير عن مكتب الرجال ولكن العمل مختلط .. يعني في حالة الاجتماعات او الاستفسار عن شغله معينة او مساعدة في موضوع وممكت ايضاً تقليل هذا الاختلاط باستخدام الايميلات في العمل او الهاتف وبعدها اذا تطلب الامروللضرروة يصير اجتماع .. هذا عملي وهذا ديني.


:victory:

احسنت العيب مهب بالوظيفه ولا بالاختلاط بشكل مباشر بل بالاشخاص انفسهم عجبني كثير كلامج :)



محد يهاجم المرأة الى المرأة

وعدو المرأة هي المرأة !

اههههههههههههههه على وشهو عاد على التبرج !!!:nice:

على فكره البلاوي ماتظهر الا من نظره الرجل والضوء الاخضر الي يعطيه لضعيفه النفس :)

عموما وجهة نظر واحترمها واحترام لك مغزى من وراءها 000 وعموما فيه نساء والنعم فيهم اثبتو جدارتهم وافرضو احترامهم بين الرجال 000


دام سوت هالحركة
بنت البحرين هذه البنت ما اعتقد انها صاحت






كلامج صحيح ولاحظته بشكل واضح
طبيعة الشغل وطول المدة تخلي بعض الموظفات والموظفين ياخذون على بعض
ويطيح الحياء من الموظفات خاصة

تجد ان الموظفه اول ما تتوظف الحياء ضارب توب شوي شوي يخف يخف
وتبتدي تاخذ على الشباب وبعدها سوالف عادية , وعقبها نكت وضحك
ويصير الكلام بالتلفون عادي

بس اغلب البنات الي يقومون بهذه التصرفات تكون بحسن نية ويظنون ان كل هذا في حدود الشغل


وطبعا يبقون الموظفات الي محافظين على حيائهم وفارضين احترامهم على الكل مهما طالت المدة وكثر الموظفين الموجودين

:nice:

[بـــــــنت النوخـّــــذه]

وفي بعض الأحيان تكون المرأة " عدوة نفسها :rolleyes2:



اههههههههههههههههه صدقتي والله :nice:


انزين سؤال دام دخلنا في سالفه الخلط والضحك مع بعض وان الكل ماخذ عالكل... هل ينطبق الحياء الوظيفي فالمنتدى؟؟؟؟

شوفي المنتدى ما تقدرين تحكمين خصوصا" انه من خلف الشاشات المعاشره عن قرب اتبين لج النوايا والتصرفات على حقيقتها والا اذا عن الشبكه العنكبوتيه ياما ناس قال الله وقال الرسول وعلى الخاص تدزز ارقام لبنات خلق الله يحسبون ان الكل على شاكلتهم 00 فخلونا مركزين على المجال الوظيفي السهل الحكم على التصرفات والنوايا المرئيه :) وبنفس الوقت اؤمن بتبادل الاحترام بين الطرفين 00وبالنسبه لمنتدانا انا اشوف الكل محترم وماحط بذمتي دام ماشفت بعيني وعاشرت عن قرب :nice:

الحياء مطلوب اختي بكل مكان وزمان ومع الاشخاص جميعهم حتى مع زوجك واهلج لازم حياء :)



أختي بنت النوخذه انت خير من يعرف في الامثال تعرفين المثل القطري
الي يقول ( من عمره ما تبخر تبخر وحترق )
هذا للأسف ينطبق على هؤلاء الذين لا يعرفون حدود الاداب الاجتماعية في تعامل المرأة والرجل
ذلك أنه منذو الازل يكون هناك احتكاك بين الجنسيين قديماً وحديثاً
ولكن كل طرف من الجنسين يعرف حدود العلاقه بينه و بين الغير محارم من الأدب في الحديث والتعامل المحافظ على الذوق العام في عدم التباسط في الحديث والتعامل حتى لا يقع ما لا يحمد عقباه
مهما كان لابد أن يلتزم كل طرف سواء المراءة أو الرجل بوجود خط واضح مرسوم بينهما في التعامل لا يتعداه إي طرف منهما حتى لا يختلط الحابل بالنابل ..... ونجد ما نجده الأن في دوائر التي يعمل فيها الطرفين
اعتقد انه قانون فطري ينخلق في النفوس السوية التي تربة على الدين و الاخلاق الحميدة فنجد يظهر دون قصد من الفتاة أو الفتى لأن فطرته السليمه تأبا هذا النوع من العلاقه الشاذه عن فطرته

ريم الشمال


الله عليج ياريم الشمال استمتعت بقراءه ماخطته اناملك 00احسنت 00


للأسف ان صاروا البنات اللي جذي هم اللي في نظر الإداره ناجحات ويقدرون يمسكون مناصب

والبنت لو انها تشتغل وذكيه ومتخرجه من احسن الجامعات واصعب التخصصات مركونه عالجنب لانها ماتسوي نفسهم .. .

يعني صار التدرج في الوظيفه مايعتمد على التقييم ولا على الانتاجيه في الشغل ؟؟

انا ماقلت ان الوحده تعزل نفسها ويالله اتحجى وولا تسأل ... تكون عاديه تسأل لو في سؤال وسوالف محدوده مع الموظفين ...

لكن في بنات والله اذا مروا وشافوا حد من الموظفين تسلّم عليه بصراااااخ ... كنها واحد من ربعه .. بس عشان تثبت انها جريئه وانها مهمه وان شخصيتها كووول ومب معقده !

لا والمشكله الكبيره .. ان الشباب مستانسين على هالنوع من البنات .. مب كلهم بس لاحظت اغلب اللي عندنا في دوامي مستانسين عليهم .. ينرفزوون :rolleyes2:


:rolleyes2: ما اقدر اكذبج لان كلامج واقع وحقيقه




التسرع في الاحكام تضعف مصداقيه المدعي

مقيوله - الي مايعرفك ما يثمنك


قدرك كبير 00بس لازم تبتعد عن التلميحات المبهمه عشان لايساء فهمك ^_^


الله يحسن الحال

اي والله

طيب طيب

الطيب مرورك ^_^

[بـــــــنت النوخـّــــذه]

يعطيك العافيه سيدتي الفاضله " بنت النوخذه "
الحديث عن عمل المرأه وإختلاطها بالرجل .. يفتح للرجل آفاق واسعه من الإنتقاد اللاذع
أو من رؤويه كل المشاهد كما المشهد الذي تطرقت له الكاتبه .. او الأخوان
والأخوات
لا أحد يستطيع ان ينكر ان واقع العمل اليوم مختلف عما كان عليه في السابق

زمان كانت المراه تعمل في المدرسه
او في المستشفى
او في اماكن جدا ضيقه وحدود تعاملها مع النساء فقط
وانظري لحجم العلاقات التي كانت من بينهم ..

أما اليوم توسعت دائره عمل المرأه ولكل امرأه وجه نظر وسبب قي المكان الذي تعمل به
ولها من الظروف ومن الأسباب ولها من أولياء أمر هو مسؤولين عنها


أنا أعمل في مكان مختلط ولكن بمكاتب منفصله تماما ..
لا موظف معي ولا موظفه
ولكن ما اتقبل أن يمر أحد الموظفين .. ولا يقول السلام عليكم
أو صباح الخير .. وبحدود معينه بالطبع ولا أقبل أن ينادني الا باختي تحداني الزمن
او الاستاذه تحداني الزمن وهكذا تعودنا جميعا


ألفه العمل .. أو زماله العمل أو أخوه العمل موجوده وسموها بأي مسمى تجدونه يليق بعاداتنا وتقاليدنا وبالنهايه نحن نتواجد مع بعض ساعات وساعات طويله .. وسنوات أطول

نوعيه الحدود يرسمها الطرفان .. ومدى توسعها ايضا يرسمها الطرفان
ولا أحد مجبر أن يمارس نوع من الحياء والخجل لأمرا لا يتقبله


ارفض صداقه العمل
أرفض تماما .. أن تمتد علاقتي مع ايا كانت تلك الشخصيه خارج العمل
أرفض التواصل ما بعد ساعات العمل
لأني مؤمنه أن صداقاتي الفاشله هي التي أخذتها من العمل


الإختلاط مع الرجل ليس بكارثه يخاف منها المجتمع إنما الكوارث تاتي من النقوس المريضه حتى لو كانت في سجون منعزله نعاني في مجتمعنا من بعض العقول التعبانه .. التي طالما تنظر للمرأه على إنها فريسه
وللرجل على إنه فارس الاحلام أينما وجدناه وتحت أي ظروف كانت


بنت النوخذه من أطرف المواقف إلي حصلت لي
دخل علي مراجع في الخمسين من العام
إتعرفين إيش قال لي .. :) قال لي قلوا الرجاجيل عشان يحطونكم إنتوا البنات
قلت له يا يبه إعتبرني بنتك .. وكمل مصالحك .. وتوكل على الله


جملك الله برضى الرحمن


اههههههههههههههههههههههه

ضحكني الي قالج اخرشي قلو البنات 000

عموما كلمات عذبه وفيها من الشفافيه والواقعيه 00اتفق معاج بكل كلمه كتبتيها اختي تحداني الزمن ومازلت اقول ان العيب مهب بالاختلاط اوشبه الاختلاط او الانعزال العيب بالنفوس انفسهم 000
وكلام الاخت الفاضله صاحبه المقال على بعض الفئات صحيح وهي ماعممت ولا ركزت بشكل مباشر على مسئله الاختلاط بل ركزت اكثر على قله الحياء من تلك الفئه وانحراج الرجل 00والي ما اتفقت معها فيه هو انحراج الرجل 00لماذا ينحرج الرجل من فرض الاحترام والمطالبه بوجوده في مجال العمل والعكس كذلك مع المرأه ؟؟؟

سعيده جدا بمدخلتج العقلانيه والمهمه جدا واتمنى الكل يقراءها بتمعن 0:nice:

0

[المـهـفـة والـســفـرة]

سعيده جدا بمدخلتج العقلانيه والمهمه جدا واتمنى الكل يقراءها بتمعن 0:nice:



:eek5:
عقلانية..!!

يعني شلون مداخلتنا ,,, من غير عقل مثلاً:tease:
فسري ردج بسرعة لأني على قد عقلي.
شنهو تقصدين بعقلانية وتتمنين الكل يقراها.
لأنه خاطري أٌقولج مثل الشيبه
اللي دخل على أختنا تحداني الزمن
وقالها ’’’ قلو الرجاجيل علشان الحريم ,, يعلمونا العقلانية:nice::omen2:

[بـــــــنت النوخـّــــذه]

:eek5:
عقلانية..!!

يعني شلون مداخلتنا ,,, من غير عقل مثلاً:tease:
فسري ردج بسرعة لأني على قد عقلي.
شنهو تقصدين بعقلانية وتتمنين الكل يقراها.
لأنه خاطري أٌقولج مثل الشيبه
اللي دخل على أختنا تحداني الزمن
وقالها ’’’ قلو الرجاجيل علشان الحريم ,, يعلمونا العقلانية:nice::omen2:

8
8
8
وهقني :tooth:


لا والله اخوي اتصدق لي حلفت لك وقلت يشهد ربي ان كل مداخلاتكم عقلانيه ومحترمه وجديره اساسا بالاحترام والدليل اني رديت عليهم رد رد على كثرتها لانها تستحق ذلك وما اهملت اي رد 00 بس تحداني الزمن دوم مداخلاتها تكون لها نظره من كل الجوانب وغير ان لها خبره وتستحق ان الشخص يتمعن القراءه فيها00

وحتى انت ماشاء الله اول ثانوي واسلوبك بالكتابه قمه العقل وملاحظه هذا الشي بكذا موضوع صراحه شي يثلج الصدر ويثبت ان عقليه الشباب مازالت بخير :thumbup1:

[المـهـفـة والـســفـرة]

8
8
8
وهقني :tooth:
لا والله اخوي اتصدق لي حلفت لك وقلت يشهد ربي :thumbup1:

صادقة ياأختي من غير حلفان , جعلج الجنه ومن يقرى وياج.
بس بالعمالة صدت عليج زلة غير مقصودة بحقنا فقلت ياولد لاتعديها لها:nice:
وعلشان أثبت لج مو كل الشباب ينحرجون من البنات هههه.
ويشهد الله أن عيني ماتعلى عليكم , من أخوان وأخوات.

ربي يسعدكم ويجمعنا على طاعته.

حررررة صدناها:tease:

أخوج العقلاني ههه.
:D

[بو راشد 1]

الحياء ضيع علينا حقوقنا في العمل لان نستحي نطالب بها

[SonOfQatar]

لا حول و لا قوة إلا بالله العلي العظيم !! لكني على يقين بوجود فئة مغايرة تماما ً لهذه الفئة هداهن الله

[Al- noor]

الحياء دليل الايمان .. المفروض يعطون دورات تاهيلية للموظفات لانه حالتهم كسيفه الصراحه ... لا فن تعامل ولا حياء ولا مهنية ... طبعا مب الكل ..
انا مب ضد العمل في مجال مختلط انا ضد انه البنت تمسخر نفسها .. سورى انا لما اشوف وحدة جي حالتها اعتبرها مسخرة ومب كفو توظف في مجال مختلط تبي تكشخ وتسولف وتضحك بصوت عااااالي وتحط فل ميك تروح المدارس ابرك لها ...
ياحلو الرزانه والثقل ... وعلى فكرة انا ارفض الصداقه من داخل العمل سواء بنت او رجل رفض قاااااااطع .. مافيه شي اسمه صداقه في العمل
صديقاتي من خارج مكان عملي
سورى على الاطاله .. موضوعك رائع بنت النوخذة :nice:

[لاجل QT]

خوش بعد يبخرونهم 000 طيب وين البشت لازم اتلبسه اياه هذا الي ناقص 000

شوفي اختي انا الوم ارجل في المقام الاول بيده يوقف هذا الشي 00لكن مشكله لي شاف هالحركات ويازتله وقال انا متحرج اوقفها 000


على طاري نسبه العنوسه اهههههههههههه من يومين حاطين فالجريده احصائيه عن الزواج طلع 70% من الشباب يفضلون الزواج ع طريق الحب والتعارف :secret:


تلبس البشت:eek5: عيل اشبقي تلبسة:(

عاد خبرج اذا متزوج وشاف كذا المقارنة تشتغل:) بين الموظفة واللى قاعدة في البيت.:(.خبرج رجاجيلنا لازم وحتما يقارن غصب يطلع عيب في المسكينة زوجتة:( يعنى لو الموظفة زوجتة طل في عينة بتبخرة ولابتخدمة:(

هذي بس كلها حركات ...وللعلم في ناس تسويها من حقدها على شان تخرب بيوت الناس ...نقص يعنى في شخصيتها تبي تثبت انها قادرة تجيب راس الرجل ..

لو رجل محترم يخلي بينة وبين هالاشكال حدود
ماقول غير الطيور على اشكالها تقع

[طارق]

اقترح أعطاء دورات للموظفين والموظفات
عن المسموح والغير مسموح بالعمل

ويكون المحاظر من نفس الجنس
مره اتعلم الحريم
ورجال ينصح الرجاجيل

[بوصلووح]

الريال يستحي يوقف البنت عند حدها
لأن نظرة المجتمع له اذا سوى جي , أن شفيك تستقوي على الحريم , معقوله هي الي تتحرش فيك يعني ؟
و لو تكلم أو قال شي محد بيصدقه .. بس لأنه ريال و هي بنت
البنت تستخدم دلعها و دموعها لتكسب أي قضية ضد الرجل حتى لو هي الغلطانه .. وللأسف تكسب .



همسة :- الله يكفينا شر الاختلاط

[ضي البدر]

الموضوع جداَ حساس وكثر ماراح نتكلم وننصح ماراح يستفيدون الا بيتمادووون ويتفننون بزيادة هالمعاملات الخرقاء الخارجة عن عاداتنا وتقاليدنا وتربيتنا الإسلامية..


يحليلج يابنت النوخذة ذكرتيني بدكتور فيل)),, الي عندنا في الدوام يقعد يناقز من موظفة لثانية يسمعهم ويحل مشاكلهم وكل وحدة تجي عند الثانية شفتية واااااااايد محترم؟!!!:eek5:
وقالي اسوي واسوي,, والمشكلة العظمى ان أغلبيتهن متزوجااااات!!:rolleyes2:


وبخصوص ان الموظف الرجل المسكين المؤدب الي مايبي يحرج زميلته ويكسر قلبها ,, ترى يقدر يطلع لسانه البذيىء ويتطاول ويكبر السالفة بعد ,, بس هو مليعين خاطرة مو زميلة وحدة وبس الا عشر يجابلونه مسويلي فيها مهند)),, ولا هو يقدر يحط حد من أول مرة..

موفقة حبيبتي على هالموضوع الطيب وياريت الكل يستفيد ويطبق مو بس ينتقد على ورق..

[طارق]

الموضوع جداَ حساس وكثر ماراح نتكلم وننصح ماراح يستفيدون الا بيتمادووون ويتفننون بزيادة هالمعاملات الخرقاء الخارجة عن عاداتنا وتقاليدنا وتربيتنا الإسلامية..


يحليلج يابنت النوخذة ذكرتيني بدكتور فيل)),, الي عندنا في الدوام يقعد يناقز من موظفة لثانية يسمعهم ويحل مشاكلهم وكل وحدة تجي عند الثانية شفتية واااااااايد محترم؟!!!:eek5:
وقالي اسوي واسوي,, والمشكلة العظمى ان أغلبيتهن متزوجااااات!!:rolleyes2:


وبخصوص ان الموظف الرجل المسكين المؤدب الي مايبي يحرج زميلته ويكسر قلبها ,, ترى يقدر يطلع لسانه البذيىء ويتطاول ويكبر السالفة بعد ,, بس هو مليعين خاطرة مو زميلة وحدة وبس الا عشر يجابلونه مسويلي فيها مهند)),, ولا هو يقدر يحط حد من أول مرة..

موفقة حبيبتي على هالموضوع الطيب وياريت الكل يستفيد ويطبق مو بس ينتقد على ورق..


البلى هالأيام مايطلع الى من بعض المتزوجات

[بـــــــنت النوخـّــــذه]

صادقة ياأختي من غير حلفان , جعلج الجنه ومن يقرى وياج.
بس بالعمالة صدت عليج زلة غير مقصودة بحقنا فقلت ياولد لاتعديها لها:nice:
وعلشان أثبت لج مو كل الشباب ينحرجون من البنات هههه.
ويشهد الله أن عيني ماتعلى عليكم , من أخوان وأخوات.

ربي يسعدكم ويجمعنا على طاعته.

حررررة صدناها:tease:

أخوج العقلاني ههه.
:D

اخ يعني 1/0
:weeping:

اول مره انصاد اههه

حياك الله اخوي انت والاخوان جميعا" لكم كل التقدير والاحترام 00وانت صحيح عقلاني دامك باول ثانوي وهذا اسلوبك وتفكيرك والله قمه العقل :)



الحياء ضيع علينا حقوقنا في العمل لان نستحي نطالب بها

ممكن تفسير اكثر ماهي الحقوق 00وليش الاحراج منها اساسا" ؟؟؟:telephone:


لا حول و لا قوة إلا بالله العلي العظيم !! لكني على يقين بوجود فئة مغايرة تماما ً لهذه الفئة هداهن الله

طبعا طبعا في بنات ورجال والنعم فيهم في مجال العمل وان تحدثنا عن فئه فهي فئات بدت تنتشر بكثره تحت مسمى زماله العمل00ولكن فيه ناس محترمين


الحياء دليل الايمان .. المفروض يعطون دورات تاهيلية للموظفات لانه حالتهم كسيفه الصراحه ... لا فن تعامل ولا حياء ولا مهنية ... طبعا مب الكل ..
انا مب ضد العمل في مجال مختلط انا ضد انه البنت تمسخر نفسها .. سورى انا لما اشوف وحدة جي حالتها اعتبرها مسخرة ومب كفو توظف في مجال مختلط تبي تكشخ وتسولف وتضحك بصوت عااااالي وتحط فل ميك تروح المدارس ابرك لها ...
ياحلو الرزانه والثقل ... وعلى فكرة انا ارفض الصداقه من داخل العمل سواء بنت او رجل رفض قاااااااطع .. مافيه شي اسمه صداقه في العمل
صديقاتي من خارج مكان عملي
سورى على الاطاله .. موضوعك رائع بنت النوخذة :nice:

الرائع مرورج اختي وتعقيبج 00صدقتي بكل كلمه الله يستر عليج دنيا وآخره 000وياحلو الثقل والعقل في مجال العمل 00خصوصا مع تعامل المرأه مع الرجل 0


عاد خبرج اذا متزوج وشاف كذا المقارنة تشتغل:) بين الموظفة واللى قاعدة في البيت.:(.خبرج رجاجيلنا لازم وحتما يقارن غصب يطلع عيب في المسكينة زوجتة:( يعنى لو الموظفة زوجتة طل في عينة بتبخرة ولابتخدمة:(

هذي بس كلها حركات ...وللعلم في ناس تسويها من حقدها على شان تخرب بيوت الناس ...نقص يعنى في شخصيتها تبي تثبت انها قادرة تجيب راس الرجل ..

لو رجل محترم يخلي بينة وبين هالاشكال حدود
ماقول غير الطيور على اشكالها تقع

الطيور على اشكالها تقع:nice:

مشكله المقارنه اذا بدت في حياه الجنسين :rolleyes2:




اقترح أعطاء دورات للموظفين والموظفات
عن المسموح والغير مسموح بالعمل

ويكون المحاظر من نفس الجنس
مره اتعلم الحريم
ورجال ينصح الرجاجيل

اتفق مع كلامك 100%

بس ترى ساعات الحريم ماياخذون النصيحه من بعض (في المجال الوظيفي ) فيعني حلو يكون الرجل هو الواعظ او المحاضر في كلا الحالتين 000


الريال يستحي يوقف البنت عند حدها
لأن نظرة المجتمع له اذا سوى جي , أن شفيك تستقوي على الحريم , معقوله هي الي تتحرش فيك يعني ؟
و لو تكلم أو قال شي محد بيصدقه .. بس لأنه ريال و هي بنت
البنت تستخدم دلعها و دموعها لتكسب أي قضية ضد الرجل حتى لو هي الغلطانه .. وللأسف تكسب .



همسة :- الله يكفينا شر الاختلاط


بال طلعو الحريم شريات :weeping:

بس عموما اخوي لنفترض البنت في مجال العمل من النوع الي تكلمت عنها الكاتبه لماذا الرجل يجلس ويستمع ويشاركها الحديث في مجال العمل 00اعتقد الحقران بيأدي مفعول قوي امام الفتاه واللبيب بالاشاره يفهم 00




الموضوع جداَ حساس وكثر ماراح نتكلم وننصح ماراح يستفيدون الا بيتمادووون ويتفننون بزيادة هالمعاملات الخرقاء الخارجة عن عاداتنا وتقاليدنا وتربيتنا الإسلامية..


يحليلج يابنت النوخذة ذكرتيني بدكتور فيل)),, الي عندنا في الدوام يقعد يناقز من موظفة لثانية يسمعهم ويحل مشاكلهم وكل وحدة تجي عند الثانية شفتية واااااااايد محترم؟!!!:eek5:
وقالي اسوي واسوي,, والمشكلة العظمى ان أغلبيتهن [COLOR="Red"][SIZE="7"]متزوجااااات!!:rolleyes2:


وبخصوص ان الموظف الرجل المسكين المؤدب الي مايبي يحرج زميلته ويكسر قلبها ,, ترى يقدر يطلع لسانه البذيىء ويتطاول ويكبر السالفة بعد ,, بس هو مليعين خاطرة مو زميلة وحدة وبس الا عشر يجابلونه مسويلي فيها مهند)),, ولا هو يقدر يحط حد من أول مرة..

موفقة حبيبتي على هالموضوع الطيب وياريت الكل يستفيد ويطبق مو بس ينتقد على ورق..

صراحه مادري اشفيهم المتزوجين والمتزوجات الله يستر عليهم صحيح ملاحظه هالشي 00:omen2:
ومثل ماقلتي نتمنى الاستفاده من مقاله الكاتبه ولا يكون مجرد حبر على ورق 000

لابد من ان يكون هناك حياء وظيفي بين الجنسين 000

سعيده بمداخلتج ضي البدر ^__________^

[واقعية]

ممكن مكان العمل يطلب تقييم المراجعين

و يدرج ( هل تبدو العلاقة مهنية بين الجنسين في المؤسسة؟ )

حتى كل مؤسسة تعرف اذا كان موضوع مثل هذا موجود او لا

و ينفس الوقت يكون اداة تقييم و تطوير للموظفين

موضوع جميل يحتاج توعية البنت من اهلها قبل ما يسمح لها انها تعمل في مكان مختلط

تحياتي
واقعية

[بنت^البحرين1]

بنت النوخذه هالموضوع حيوي جدا ..

الكل يشوف في كل مكان هالتجاوزات وبعضهم ترى صج اول مايبتدون لا لا لا وشوي شوي يصير الموضوع اعتيادي .. عااااااااااااااادي الا وياي في الشغل الا فلااااااااااااان ترى عادي عادي

[بـــــــنت النوخـّــــذه]

ممكن مكان العمل يطلب تقييم المراجعين

و يدرج ( هل تبدو العلاقة مهنية بين الجنسين في المؤسسة؟ )

حتى كل مؤسسة تعرف اذا كان موضوع مثل هذا موجود او لا

و ينفس الوقت يكون اداة تقييم و تطوير للموظفين

موضوع جميل يحتاج توعية البنت من اهلها قبل ما يسمح لها انها تعمل في مكان مختلط

تحياتيواقعية

احسنت فالتوعيه كفيله بسير الموضوع بطريقه ايجابيه ومحترمه جدا"

سعيده بمداخلتج :)


بنت النوخذه هالموضوع حيوي جدا ..

الكل يشوف في كل مكان هالتجاوزات وبعضهم ترى صج اول مايبتدون لا لا لا وشوي شوي يصير الموضوع اعتيادي .. عااااااااااااااادي الا وياي في الشغل الا فلااااااااااااان ترى عادي عادي

بنت البحرين عشان جذيه اقول المفروض فيه دوره عن الحياء الوظيفي للتذكير عشان لايكون عادي مع الزمن النفس البشريه اذا ماوجهت منذ البدايه لابد ان تمل فلابد من التوجيه بين فتره وأخرى 00

سعيده بمداخلاتج ^_^

[قمر الكواري]

هياااااااااااااااااااااااااا

شاقول و شاخالي؟؟


انا فنشونش و السبب شنو

ليش ما اكلم الموظفين و لازم اكون فريه في الدوام


الله ع الظالم


لكن في نهاية انا ماانساه هلي و تربيتهم لي و العادات و التقاليد


و الحين شغلي اليديد كله بنات و بعد ما اكلم اي ريال الا في حدود الشغل بس


دورات حياء للموظفين " الحياء نقطه" من اقوال يدتي

[بـــــــنت النوخـّــــذه]

هياااااااااااااااااااااااااا

شاقول و شاخالي؟؟


انا فنشونش و السبب شنو

ليش ما اكلم الموظفين و لازم اكون فريه في الدوام


الله ع الظالم


لكن في نهاية انا ماانساه هلي و تربيتهم لي و العادات و التقاليد


و الحين شغلي اليديد كله بنات و بعد ما اكلم اي ريال الا في حدود الشغل بس


دورات حياء للموظفين " الحياء نقطه" من اقوال يدتي

:eek5:
فنشوج عشان جذيه امحق ناس 00

الله يوفق مديرنا دنيا واخره اهو الوحيد الي حاط قسم خاص للنساء ولا حد يمر صوبه واي كلام بالتلفون مافي دواره بالممرات ولا مقابلات من تحت لي تحت ومكان مغلق بالكامل 00 ويحترم البنت الستيره

هذولي صج الي الشخص يقول والنعم فيهم 00

ياقمر البوكواره خلج على ما انتي عليه ولا تتغيرين افرضي قصبن عنهم مبادئج وخلج في حالج ترى الحريم والريايل كثره الهذره معاهم ماوراهم الي عوار الراس انا جذيه ولا لي خص بحد شغلي وبس يقولون الي يقولونه متكبره ام عيون ام راس عاد كيفهم:)

[لافوشيا]

متابعين من بعيد لبعيد

[بوخالد2]

هذه ليست دعوه للتكشير والتعامل العتيف مع الزملاء الرجال لكنها دعوه لوضع (حدود من الأدب ) و (( الحياء )) في اماكن العمل 00

اللى لا يرويج اللى عندنا بالدوام (( بخور و عبايات مخصره و كشخه )) والله العظيم اوقات اتحسبين عمرج في حفله او عرس هههههه


الله يهديهم ويصلحهم ان شاءالله

[بـــــــنت النوخـّــــذه]

هذه ليست دعوه للتكشير والتعامل العتيف مع الزملاء الرجال لكنها دعوه لوضع (حدود من الأدب ) و (( الحياء )) في اماكن العمل 00

اللى لا يرويج اللى عندنا بالدوام (( بخور و عبايات مخصره و كشخه )) والله العظيم اوقات اتحسبين عمرج في حفله او عرس هههههه


الله يهديهم ويصلحهم ان شاءالله

هذي المشكله صارت الايام والليالي والاوقات والساعات كلها اعراس 000

ماحبيت فكره الوحده اتروح الشغل الصبح بعباه مزركشه من فوق لي تحت بالوان فاقعه احس مافي رقي 00 لي بغيت اتعرف الرقي مهب بلبس كل ماهو ملفت وغالي بل بالتناسق والتفريق بين العرس00العمل00البيت 00الزيارات العاديه00السوق 000الخ

هذا اسمه قمه الرقي 00

سعيده بمداخلتك ^_^

[أجودية]

الوظيفة هي اللوحة التي نضع فيها الصورة الطيبة عن شخصياتنا او العكس ...

كل الشكر والتقدير اختي بنت النوخذة ...

[بـــــــنت النوخـّــــذه]

الوظيفة هي اللوحة التي نضع فيها الصورة الطيبة عن شخصياتنا او العكس ...

كل الشكر والتقدير اختي بنت النوخذة ...

ألف شكر لمرورج اختي الفاضله


فعلا" اللوحة التي نضع فيها الصورة الطبيعيه لشخصيتنا 000

عجبني كلامج :)

[@شيخة@]

مب لازم دورة للحياء الوظيفي

لأنه البنت اذا ماتعلمت الحياء من امها وخواتها الأكبر منها وصديقاتها ترى ما راح تتعلمه ولا في اي مكان

وياكثرهم قليلات الأدب اللي انشوفهم يضحكون ويسوولفون مع الشباب في الشغل وكأنه الأمر عااادي

الله يهديهم



صح كلامك اخوي :victory:

[@شيخة@]

هذه ليست دعوه للتكشير والتعامل العتيف مع الزملاء الرجال لكنها دعوه لوضع (حدود من الأدب ) و (( الحياء )) في اماكن العمل 00

اللى لا يرويج اللى عندنا بالدوام (( بخور و عبايات مخصره و كشخه )) والله العظيم اوقات اتحسبين عمرج في حفله او عرس هههههه


الله يهديهم ويصلحهم ان شاءالله



اخوي خخخخخخخخخ اسالهم من وين ماخذين البخور ؟؟؟؟؟؟؟؟

[بـــــــنت النوخـّــــذه]

صح كلامك اخوي :victory:

والي اهلهم اللهم لك الحمد ممكن تنفع معهم الدورات على الاقل كنوع من فرض القوانين ومعرفه الحدود في مجال الوظيفه


اخوي خخخخخخخخخ اسالهم من وين ماخذين البخور ؟؟؟؟؟؟؟؟

:eek2:

اههههههههههههههههه

[ابوخالد السل]

ربما كا نت هذه احدى سلبيات " تمكين المرأة " يا ولدي !

[OREO]

الاخت فتحيه البلوشي اساءة لشخصية الرجل و المرأة العاملة في مجال الاختلاط ..
بالعربي ما اشوف فيها شي اذا لبسوا بعض العقال او اكلوا بعض شوكليت او طبخوا مع بعض بيض وطماط او شاندويش جبن و الخ .. لان اهم شي التربيه السليمه و التزام الادب و عدم تعدي على حقوق الاخرين .. لكن الاخت فتحية تعدت و تكلمت عليهم و سردت قصتهم و بالشكل السلبي و هذا لا يجوز .. و معروف بأن المذهب العلماني يعمل على الود و المحبه و احترام الاخرين و هذا شي طيب من المذهب العلماني ,,

شكرا اختي بنت النوخذه على النقل ..

[بـــــــنت النوخـّــــذه]

ربما كا نت هذه احدى سلبيات " تمكين المرأة " يا ولدي !

ممكن صح كلامك 00 بس وين الرجل لماذا الاستسلام والخجل من النصح



الاخت فتحيه البلوشي اساءة لشخصية الرجل و المرأة العاملة في مجال الاختلاط ..
بالعربي ما اشوف فيها شي اذا لبسوا بعض العقال او اكلوا بعض شوكليت او طبخوا مع بعض بيض وطماط او شاندويش جبن و الخ .. لان اهم شي التربيه السليمه و التزام الادب و عدم تعدي على حقوق الاخرين .. لكن الاخت فتحية تعدت و تكلمت عليهم و سردت قصتهم و بالشكل السلبي و هذا لا يجوز .. و معروف بأن المذهب العلماني يعمل على الود و المحبه و احترام الاخرين و هذا شي طيب من المذهب العلماني ,,

شكرا اختي بنت النوخذه على النقل ..

لا اهي ماعممت اهي ناقشت قصه من المجتمع بالعكس فيه فئات محترمه
ولكن بعد فيه حدود بدل الوحده ماتاكل مع رجل غريب تاخذ اكلها بعيد يعني استغرب مايحلا الاكل الا مشاهدين بعض والجمعه 00:omen2:0

عموما" انا ضد الاجتماع بين الجنسين بدون هدف وخارج اطار العمل وتصرفات شاذه مبطنه تحت مفهوم الغشمره احنا خوان واخوات مابينا كلافه 0 هذا الكلام مرفوض 00

سعيده بمداخلتج :)

[ابوخالد السل]

كثرة المساس يضعف الاحساس
كما يقولون

[الكولونيل]

موضوع مهم جدا بس كان ممكن يطرح بطريقة أقوى
أشكرك أتمنى أن تتبني الموضوع إنتي والأخوات الفاضلات
لعمل ندوات وكتيبات صغيرة للموظفات وكيفية التعامل مع الموظفين بصورة محترمة بدون تجهم وبدون إبتذال

[بـــــــنت النوخـّــــذه]

كثرة المساس يضعف الاحساس
كما يقولون

يعني شنهو


موضوع مهم جدا بس كان ممكن يطرح بطريقة أقوى
أشكرك أتمنى أن تتبني الموضوع إنتي والأخوات الفاضلات
لعمل ندوات وكتيبات صغيرة للموظفات وكيفية التعامل مع الموظفين بصورة محترمة بدون تجهم وبدون إبتذال

الله يجزاك خير وان شاء الله خوات ماراح يقصرون

[هدى ورحمه]

صراحه كلام في الصميم والله هذا حال اغلب البنات الا من رحم ربي
و بخصوص الشباب اللي يستحون يوقفون هالاشكال عند حدها والله اغلبهم في بيوتهم مسوين اسود و بالدوام قطاوه عند هالبنات اللي لاعبين فيهم صايرين طراطير كلمه توديهم وكلمه تجيبهم !!!

بااااااااااااال ليش هالتحامل هدي شوي يا وضحه ترى مش اغلب البنات هذي حالات شاذه الله يرضى عليج لا تتكلمين وكأن نساء الجتمع كلهم من هذا المجتمع وتقللين من فئه الموظفات الكفاءه لالا لا يجوز الشر يعم والخير يخص ؟!!!
والله انهم فئات قليله ومكروهه من زميلاتهم فالعمل كثيرا . وصح انا مع الاخت صاحبه الموضوع يجب عمل دورات باسم (( بروتوكلات العمل بين الجنسين )) افضل لانه لو اسمها (( الحياء الوظيفي )) راح يتحرج الكثير من الخوض في هذه الدورات لان ها تعطي احساس ان منتسبينها مافيهم حيا وجايين يتعلمونه هههههههههه
مع ان الفئه الغالبه راح تسجل فيها لتطلع وتتنور اكثر وتعرف اللي لها واللي عليها لزياده المعرفه

والله من وراء القصد

وسلامن عليكم

[بـــــــنت النوخـّــــذه]

بااااااااااااال ليش هالتحامل هدي شوي يا وضحه ترى مش اغلب البنات هذي حالات شاذه الله يرضى عليج لا تتكلمين وكأن نساء الجتمع كلهم من هذا المجتمع وتقللين من فئه الموظفات الكفاءه لالا لا يجوز الشر يعم والخير يخص ؟!!!
والله انهم فئات قليله ومكروهه من زميلاتهم فالعمل كثيرا . وصح انا مع الاخت صاحبه الموضوع يجب عمل دورات باسم (( بروتوكلات العمل بين الجنسين )) افضل لانه لو اسمها (( الحياء الوظيفي )) راح يتحرج الكثير من الخوض في هذه الدورات لان ها تعطي احساس ان منتسبينها مافيهم حيا وجايين يتعلمونه هههههههههه
مع ان الفئه الغالبه راح تسجل فيها لتطلع وتتنور اكثر وتعرف اللي لها واللي عليها لزياده المعرفه

والله من وراء القصد

وسلامن عليكم

والله حلو المسمى الي اخترتيه اههههههههه عجيب :victory:


صح صح كلامج نقطه فاتتنا لازم انحور بالعنوان عشان يخدم اكبر شريحه للدوره

عاد وينهي الدوره :(

[ابن الجزيره]

:nice:
مساكم \ صبحكم الله بالخير يا اهل الطيب

بعيدا" عن المواضيع السياسيه عشان لحد يحذف الموضوع ^_^

مقاله وصلتني على :telephone:sms ولفتت نظري وعجبتني مع تحفظي على نقطه واحده اتركها لكم في النهاية:)


منهن من تتعامل مع الرجال الموجودين في مكان العمل بأريحه تامه وتميل عليه لتريه شيئا على الكمبيوتر:shy: وترسل له ايميلات (بناتيه قد تكون خاصه ومحرجه:( ) تلقي عليه النكات وتسر له الاشاعات وتضبفه على (البلاك بيري ) وتعزمه على (الريوق ):rolleyes2:

كثيرات - للاسف يضربن بآداب اماكن العمل عرض الحائط 00فيبالغن في التعامل مع الزملاء مما يجعلهن صيدا سهلا لضعاف النفوس :omen2: واضحوكة لناقلي الوشايات00

تندفع بعض الموظفات وتحت بند (الحاجه الى النجاح ) إلى زيادة التعامل مع الموظفين الرجال حاصة اذا كان هذا الشخص هو الرئيس في العمل 00فتراها تتعامل معه بصوره تشبه تعامل السكرتيره او ربما (الزوجه ):eek5:
تلاحقه بنظراتها وتعليقاتها واتصالاتها وحتى مسجاتها بينما يعاني الرجل غالبا" هذا الموقف فلا يود احراج الموظفه ولا يعرفون كيف ايقافها 00000

انتهى المقال00

رأيي الشخص : اتفق مع الكاتبه 100% الا بنقطه واحده وهي الاخيره بمقالها ان الرجل ينحرج من ايقافها !!! لماذا ينحرج هل الرجل اذا فرض احترامه منذ البدايه واقوف المهزله هل احراج للفتاه ولا واجب وفرض000اعتقد في هذا الجانب الاثنان مشتركان ب (انعدام الحياء الوظيفي )000:nice:


سؤال : مارأيكم بفكره عمل دورات تحت مسمى الحياء الوظيفي ؟؟؟:nice:

الموضوع مفتوح للمناقشه وحياكم الله

سلام (ن) عليكم


اعادة تاهيل

للموظفين وبعض المسوؤلين !!!

ودمتم سالمين

[بـــــــنت النوخـّــــذه]

اعادة تاهيل

للموظفين وبعض المسوؤلين !!!

ودمتم سالمين

يعني انت مع هالدورات 000

وحلو نطلق عليها مثل ماقالت الاخت بنت الريح(( بروتوكلات العمل بين الجنسين )):)

[ANONYMOUS]

وبخصوص ان الموظف الرجل المسكين المؤدب الي مايبي يحرج زميلته ويكسر قلبها ,, ترى يقدر يطلع لسانه البذيىء ويتطاول ويكبر السالفة بعد ,, بس هو مليعين خاطرة مو زميلة وحدة وبس الا عشر يجابلونه مسويلي فيها مهند)),, ولا هو يقدر يحط حد من أول مرة..

..


ههههههههههههههههههههه

اميل حق هالرأي مادري هالسبب

[سكون الليل]

{وَاتَّقُواْ يَوْمًا تُرْجَعُونَ فِيهِ إِلَى اللّهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ}،

[missperfect]

صج وقاااحه فيها
ليتني ماقريت الموضوع :(

[سعود00]

:nice:
سؤال : مارأيكم بفكره عمل دورات تحت مسمى الحياء الوظيفي ؟؟؟:nice:


يصبحج بالنور والسرور

حيالله بنت النوخذة

بخصوص سؤالك ماتقدرين تقضين على هالمشكلة لا بدورات ولا غيرها لأنها غريزة في بني البشر

الذكر يفتن بالأنثى والأنثى تفتن بالذكر سواء بكلمة أو نظرة أو تصرف وإذا ما فتن أحد منهم بالآخر

سرعان ما رأينا جدار الحياء الوظيفي يتهدم شيئاً فشيئاً

وتقل درجتة تدريجياً حتى تصل للصفر والإنحلال الخلقي بالتعامل والتصرف دون مراعاة للآخرين

يعني البلا كله من الإختلاط متى ما قضينا على الإختلاط حافظنا على حياء البنت وجنبنا الشباب من الوقوع في الرذيلة والمعصية

وأخيراً الحياء جميل سواء للمرأة والرجل وخاصة الحياء مع الله في كل أمر نفعله

ونحن على أرضه ونأكل من خيراته سبحانه وتعالى فعلينا أن نستشعر الحياء مع الله في كل شيء

وشاكر لج طرحج القيم يا بنت النوخذة

[بـــــــنت النوخـّــــذه]

{وَاتَّقُواْ يَوْمًا تُرْجَعُونَ فِيهِ إِلَى اللّهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ}،

صدق الله العظيم




صج وقاااحه فيها
ليتني ماقريت الموضوع :(

لاعاد لاتعصبين هالمواضيع يبيلها طوله بال:(




يصبحج بالنور والسرور

حيالله بنت النوخذة

بخصوص سؤالك ماتقدرين تقضين على هالمشكلة لا بدورات ولا غيرها لأنها غريزة في بني البشر

الذكر يفتن بالأنثى والأنثى تفتن بالذكر سواء بكلمة أو نظرة أو تصرف وإذا ما فتن أحد منهم بالآخر

سرعان ما رأينا جدار الحياء الوظيفي يتهدم شيئاً فشيئاً

وتقل درجتة تدريجياً حتى تصل للصفر والإنحلال الخلقي بالتعامل والتصرف دون مراعاة للآخرين

يعني البلا كله من الإختلاط متى ما قضينا على الإختلاط حافظنا على حياء البنت وجنبنا الشباب من الوقوع في الرذيلة والمعصية

وأخيراً الحياء جميل سواء للمرأة والرجل وخاصة الحياء مع الله في كل أمر نفعله

ونحن على أرضه ونأكل من خيراته سبحانه وتعالى فعلينا أن نستشعر الحياء مع الله في كل شيء

وشاكر لج طرحج القيم يا بنت النوخذة

معاك حق اخي الفاضل ولكن المقصد من الدورات(تنبيه لقوانين العمل ) يعني اعجبت بمسمى دورة بروتوكلات العمل بين الجنسين الذي طرحته احدى الاخوات كنوع من فبركه العنوان حتى لايحرج احد من حضور الدوره00
تخيل تطرح تلك الدوره واتكون اجباريه لكل موظف يلتحق بالوزاره تتحدث بشكل غير مباشر عن ماهية العلاقيه بين الموظفين والحدود والقيود وتكون هذه الدوره مثل القرار الصارم باتباع كل ماجاء بها ومن يخالف يتعرض للمسائله ولا اعني بالمسائله مثل التحقيق بل (تنبيه شفوي ) بالالتزام بقوانين العمل 00

طبعا" العلاقات ستكون فيها مرونه ولكن هالمرنه للعمل فقط محصوره بين (سؤال و جواب ) في مجال العمل 00

سعيده بمداخلتك

[الشامخ]

كله مرده لضعف الدين وقلة الحياء وعدم الخوف من الله

[بوسلمان 2010]

الله يهديم ويصلحهم ان شاء الله

[بـــــــنت النوخـّــــذه]

كله مرده لضعف الدين وقلة الحياء وعدم الخوف من الله


طبعا الدين هو الاساس


الله يهديم ويصلحهم ان شاء الله

اللهم امين

[أخت القمر]

السلام عليكم ،

هم بلا حياء وبلا صلاة الا من رحم ربي .

الله يعافينا ولا يبلنا ،، اعجبتني فكرة طرح دورة لتلك القلة القليلة للادب على أن تحارب العادات التالية :
رفع التفون وكثرة الضحك اللي ما له داعي ، السلام باليد يزعم ضرورة مباحة ، طق السوالف في الممرات
الترزز بلا مبرر لتسليم العمل فيس تو فيس ، الاجتماعات الممتدة لاكثر من نصف ساعة
فطور انت معزوم عندي ، عادة تعال نسولف اذا انت فاضي ، واحدث عادة ضيفني على البلاك بييري

وشكرا

[بـــــــنت النوخـّــــذه]

السلام عليكم ،

هم بلا حياء وبلا صلاة الا من رحم ربي .

الله يعافينا ولا يبلنا ،، اعجبتني فكرة طرح دورة لتلك القلة القليلة للادب على أن تحارب العادات التالية :
رفع التفون وكثرة الضحك اللي ما له داعي ، السلام باليد يزعم ضرورة مباحة ، طق السوالف في الممرات
الترزز بلا مبرر لتسليم العمل فيس تو فيس ، الاجتماعات الممتدة لاكثر من نصف ساعة
فطور انت معزوم عندي ، عادة تعال نسولف اذا انت فاضي ، واحدث عادة ضيفني على البلاك بييري

وشكرا

مرحبا اختي

بس مهب شرط تكون الدوره لفئه قليله الادب 000مادري عندي تحفظ من هذا الكلام والمسمى :(

خلينا انسميها نفس ماقالت احدى الاخوات دوره البروتكول للتعامل بين الجنسين وتطرح بطريقه تبين (لجميع ) الموظفين اسس التعامل والقوانين والشروط بحيث ينحصر التعامل في مجال العمل فقط (س ومن ثم ج )وغير ذلك فلا 000

سعيده بمداخلتج القيمه ^_^