خسارتي كبيره في دلاله ارجوكم الاستشاره

[خالدالخالد]

عشرة الاف سهم في دلاله سعر شراء السهم 119 الحين 64 ارجو توجيهي نفذ صبري وحترت مع دلاله

[stoex]

ان الله مع الصابرين

[سهم123]

سهم دلاله من الشركات الواعدة أرجوا الأنتظار لآخر السنة

وانشالله بتعوض خسارتك

ويسميه كبار التجار بأنه ((بنك دلالة))

[فائز الدارين]

لو عندك فلوس خدلك شوي , بيتعدل السعر والفرج قريب انشاء الله.

[بن دعلوي]

عشرة الاف سهم في دلاله سعر شراء السهم 119 الحين 64 ارجو توجيهي نفذ صبري وحترت مع دلاله
اذا قدرت اشتر 10000 سهم بأقل سعر ... ثم بيع بمتوسط السعر الذي هو 119 + السعر الى راح تشتري فية = ؟ مبلغ معين ... هذا المبلغ ÷ 2 = يعطيك متوسط السعر
اذا وصل سعر السهم الى هذا المتوسط او اكثر بيع كل الأسهم 20000 سهم ... و لا تبيع بأقل من المتوسط.
و الله يعينك.

[العقيد]

نصيحه اخوي نفذها ولا تتردد..

بيع جميع اسهمك في دلاله..وانتقل الى بروه المتحده وقود النقل البحري...قسم المبلغ بالتساوي على هذه الشركات ..والله الموفق

[lwfabs]

الله يكون في عونك


والصبر جميل

[ابوالمها]

حبيبي

فيه قضيه مرفوعه على شكره دلاله

والسبب الوعد او الكلام الي قالوه انه التداول بيكون عن طريقهم بس والبنوك راح يسكرون

بس التمديد حق البنوك خرب السالفه كلها

بس اذا غيرو مديرهم الفاشل العطيه راح ينتعش السهم عن قريب ان شاء الله

وطبعا المدير اثبت فشله في كذا منصب تولاه منها كيوتل والجيش وصندوق التقاعد

وسبحان الله شركه لها كل الصلاحيات في البيع والشراء في السوق تفشل والمجموعه تنجح

[@@ديزل@@]

اخوي بخصوص دلاله سهم ذهبي في السوق وانشاء الله بشووف دلاله الرباع من الربع الخير وتقول @@ديزل @@ مااقااال اقل سعر حق دلاله بكون انشاء الله 200 رياال او اكثر

[راعي المواجيب]

ماشفت أحد نصحك إن شراء هالسهم مايجوز وعليك التخلص منه بكل الأحوال

والله يعين جميع المسلمين

[الرسام كويتي]

جمد قلبك نسبة الهبوط بالسهم عندك مثل باقي الاسهم بالمقارنه والوقت حاليا مو مناسب للبيع ومبين أنه حضرتك عند الشراء مستثمر ونزول السهم مسببلك تعب أصبر عليه مده بعد وراح تستفيد أكثر طالما حضرتك مو محتاج سيوله والسهم في نظري يحتاج 5 شهور صبر وتلقي التفاؤل الحلو أن شاء الله ونصيحتي بعد يرح من متابعتة فتره وتفائل خير بالسووق عامة حاليا انت عايش بكووورس تعليمي أسمه (الصبر) شاق بس نتيجته حلوه بالتوفيق يارب

[المخفي]

اخوي اذا مو محتاج خليه او عدل سعره بانك تشتري بعد كمية
وتنزل من قيمة الاسهم الكلية بس اخوي
ترى اسهم دلالة حرام و انا مااكتتبت فيها الحمد الله

[الوسط]

احتفظ بالسهم

[familiar]

اخي العزيز
ألم تسمع بأن الله يربي الصدقات ويمحق الربا ، وتعلم جيدا بأن هذه الشركة هي احدى الشركات المحرمة شرعا التعامل معها ، وتركت الحلال ومشيت بالحرام ، وأغضبت الرب ،
أخي العزيز ، وعسى ان تكرهو شيئا وهو خير لكم ، نصيحتي اخي العزيز بيع الاسهم جميعا ، واشتري بدلا منها أسهم الشركات الحلال مثل بروة لها مستقبل كبير ، او البنوك الاسلامية ، او شركات الخدمات وكلها في سعر مناسب جدا جدا ولها مستقبل كبير . وان شاء الله يعوضك خير وتسترد جميع خسائرك ، المهم الصبر ثم الصبر وان الله مع الصابرين

[لـؤلـؤة الـخـلـيـج]

اخوي مرحباا .. انا من زمان ما شاركت بس والله انك ذكرتني بعمري ويمكن اذا عرفت مشكلتي بتهون عليك مشكلتك انا اشتريت دلالة يوم وصلت 140 اشتريت حول 8000 سهم وكل يوم اشوفها تخسر وتخسر لين نفذ صبري وقررت قرار لا رجعة لي فيه اني اتخلص من هالسهم الفاشل وفعلا من يوم تخلصت منه دخلت بالمبلغ الي ظل في المصرف والدولي والحمدلله رب العالمين كل اربع الى اسبوع ربحي فيهم ما يقارب 25000 يعني لو ظل الوضع شهر تقريبا باعوض خسارتي .. اخذ االنصيحة بيع حتى لو جزء وضارب في البنوك الاسلامية اخير لك وافضل لك والله يوفقك ويفرحك انشالله وتدعي لي بالخير :shy:

[KhalidQ]

ماشفت أحد نصحك إن شراء هالسهم مايجوز وعليك التخلص منه بكل الأحوال

والله يعين جميع المسلمين


المشايخ من البداية قال ما يجوز و الناس تنصح
ولكن اللي شراء بغالي يصبر حتى ياخذ راس ماله

إمتثالا لقولة تعالى ( ولكم روؤس أموالكم).

[حالي الذوق]

familiar
سنيك


جزاكم الله خير على النصيحه

[منصور]

عشرة الاف سهم في دلاله سعر شراء السهم 119 الحين 64 ارجو توجيهي نفذ صبري وحترت مع دلاله

الله يعوض عليك

وانصحك ببيع دلاله مهما كانت الخساره لان الشركه محرمه

والتوجه للاسهم المباحه شرعا

[المخلب]

الله يكون بعونك ..

[مشعل الرفاع]

بيع اللاسهم وانتقل الى بروة بسرعة
مع تمنياتى لك بالتوفيق

[رحال]

كان الله بعونك ومن صبر ناااال وهي الآن في أسوأ حالاتها لا أعتقد أنها تنزل أكثر !!!

[مسالم]

لا لا ماعليك من الي يقول بيع لو كان الأمر متعلق في الأشخاص الي قالو بيع والله مايبيعون بي هاذي الخساره

انت تدري اخي الكريم حرام يعني 55 في السهم الواحد يروح أنا الي اقوله لو انا منك والله صبرت اخسر بعد ولا ابيع انطر حتى يرتفع انشاءالله (( الصبر مفتاح الفرج ))

[عابر]

عشرة الاف سهم في دلاله سعر شراء السهم 119 الحين 64 ارجو توجيهي نفذ صبري وحترت مع دلاله

الوقت مناسب الآن لإعادة توزيع إستثماراتك ، ربما تفكر في الإنتقال الى أسهم مضمونة أكثر ومثمنة بطريقة صحيحة ، أقترح أن تشترى مجموعة البنوك وتتركها لمدة ستة أشهر أو حتى نهاية العام وإن شاء الله سترد خسارتك ، مجرد إجتهاد والله أعلم.

[@@ديزل@@]

يااا شباب شلون حرام وفي دلاله اسلاميه فهموني اكثر نااس يتعملون عن طريق دلاله الاسلاميه ؟ حلال ولى حرام

[خالدالخالد]

شكرا للجميع وخاصه للي علق على مدير دلاله