مطلوب حوض سمك

[reya7]

مطلوب حوض سمك يكون العرض متر او اكثر

اللي عنده ويبي يبيع
او اي حد يعرف اماكن تبيع باسعار حلوه يساعدنا


وشكرا

[منآكير]

امم في محل في المرخيه وفي محل في سوق العلي وفي محل في طريق سلوى ..

بس بطلع لك اساميهم قريبا هههه ....

بالتووفيق ياارب

[حمد بن سعد]

اخوي ارخص مكان في قطر سوق واقف

ونصيحه لاتاخذ حوض كبير ونصيحه ثانيه اذا خذت حوض وامورك طيبه لاتخلي الليت الي في الحوض شغال 24 ساعه ترى الحراره اتخلي الماي ايصير اخضر ويتطحلب.

والله يوفقنا وياك

[reya7]

الله يجزاكم خير على هالنصايح والمعلومات

بخصوص الحجم العرض متر زين مو كبير واجد

[قطرية وافتخر]

اخوي انا عندي متر ونص وارتفاع متر بس بدون فلاتر او الفلاتر اللي موجوده تعبانه والشيل عليك

[الســـهم]

بالنسبة لي ..

أحلى أحواض يبيعها أكوا آرت اللي بطريق سلوى ..

صح ان بضاعته اغلى من المحلات الثانية , بس بتحط فلوسك بشي راقي ويسوى سعره ، ومحله يشرح الخاطر ..

[reya7]

اخوي انا عندي متر ونص وارتفاع متر بس بدون فلاتر او الفلاتر اللي موجوده تعبانه والشيل عليك


ممكن صوره للحوض وسعرج اختي

[reya7]

بالنسبة لي ..

أحلى أحواض يبيعها أكوا آرت اللي بطريق سلوى ..

صح ان بضاعته اغلى من المحلات الثانية , بس بتحط فلوسك بشي راقي ويسوى سعره ، ومحله يشرح الخاطر ..

امس مريتها اغراضه روعه

بس الاحواض اللي عنده غلايه بزياده عن باقي الاماكن

[قطر love]

http://www.qatarshares.com/vb/showthread.php?t=437716

[halcrow]

الله لايهينك روح الدوحه ستي اذا ماخاب ظني اللي ورى المتحف عنده احواض طب وتخير

خذ لك حوض له درج تحت يكون له باب افضل عشان اتحط مكينة ضخ الهوى داخل واكل السمج ومستلزمات الحوض من تمديدات .

والحوض يبيله اهتمام ... من تنظيف الفلاتر كل يومين او اسبوع ع حسب عدد السمج اللي في الحوض

ومثل ماقلت لك روح الدوحه ستي اختار لك حوض اللي يناسبك .

والسمج بتحصله عن تجربه عند اشارات النصر في محل اهناك اخذ منه

وبالتوفيق