ايهما تفضل/ ين الليل ام النهار..؟؟

[بوحارب]

ايهما تفضل/ ين الليل ام النهار.....


ما هو الليل ؟!!


الليل هو الفترة الزمنية التي تغرب فيها الشمس تحت الأفق.

في كافة أنحاء التاريخ الليل كان أساسا وقت الراحة والنوم للبشر أيضا الأعمال الصغيرة يمكن أن تنفذ في الظلام . من الناحية الأخرى ... تنشط النشاطات السرية مثل السرقة والإجرام والقتل .

إختفاء نور الشمس له تأثيرات مثيرة على علم وظائف أعضاء وسلوك كلّ الكائنات الحية تقريبا . بعض الحيوانات تنام أثناء اللّيل بينما حيوانات ليلية أخرى بما فيهم العثّ والصراصير تنشط أثناء هذا الوقت . تأثيرات النهار والليل لم ترى في مملكة الحيوانات فقط بل تلاحظ أيضا في النباتات .



ما هو النهار ؟!!



النهار هو الفترة الزمنية التي تشرق فيها الشمس وترتفع .

النهار هو أمل الحياة فيه تشرق شمس الصباح بكم من الأمل فيه يخرج الناس لأداء أعمالهم المختلفة دون خوف أيضا تنشط فيه الحيوانات النهارية فتنطلق لاصطياد فرائسها .

النهار دائما ما إرتبط بالأمل والطموح في أغلب الأحيان فأشعته تشرح الصدر وتعطي طعم الحياة الحقيقي .

إشراق نور الشمس له تأثيرات مثيرة على علم وظائف أعضاء وسلوك كلّ الكائنات الحية تقريبا . فبعض الحيوانات تختبئ في جحورها أثناء النهار والبعض الآخر يقوم من سباته من مثل النمور والأسود والغزلان وأيضا النهار يؤثر على عالم النباتات ففيه تستطيع النباتات أن تقوم بعملية البناء الضوئي التي تصنع من خلاله الغذاء لنفسها ولباقي الكائنات الحية الأخرى .



فأيهما تفضل/ ين

اعجبني ونقلته :)

[بوحارب]

بالنسبة لي احب الليل اكثر من النهار:)

لأني احب الهدوء والهدوء لايوجد الا في ااااااااخر الليل <<< ارحم حالك على قولة جلمود :shy:


في انتظار مشاركاتكم الطيبة :nice:

[بوخالد911]

عن نفسي أفضل الليل


حيث لشرب الكرك بالليل لذةٌ لا يعلمها الا عشاقها الكرام

تحياتي قبل غسيل دلاتي

[بلوتنيوم]

الليل والنهار
كلهم مثل بعض
الفرق بالنفس كيف بتكون
بهذي الاوقات :(

[ورقــة أمــل]

احب النهار وفترة شروق الشمس،، ووقت الفجررر بالذات،، هدوء غير طبيعي

[QATAR2011]

عن نفسي أحب الليل والنهار
كل فتره لها لونها وحلاوتها...أختصر نظرتي في هالسطرين:
الليل: هدوء،، راحه،،سكينة،، أنس،، تخطيط للغد،، رسم أحلام،،
النهار : نشاط ،،حيويه،، طلب رزق ،، تحقيق أحلام،،

[MoneyMaker]

انا افضل الليل في الشتاء (بيات شتوي)

في الصيف افضل النهار

[الأصيلة]

أحب الصباح وحتى بداية الظهيرة
واحب الليل في نهايته ..لأنه اهدأ الأوقات...

[بوحارب]

عن نفسي أفضل الليل


حيث لشرب الكرك بالليل لذةٌ لا يعلمها الا عشاقها الكرام

تحياتي قبل غسيل دلاتي
صح كلامك بوخالد:)

روح غسل دلالك

اسعدني مرورك :)

الليل والنهار
كلهم مثل بعض
الفرق بالنفس كيف بتكون
بهذي الاوقات :(

اتوقع النفس تتأثر بالجو استاذي بلوتنيوم

[مهل]

الله لايبلي مسلم بدوامي .. ماعرف النهار بكل اسف .. وقت نوم غصب عني

اذا خذت اجازه احس بالحياه .. احس بالليل و بالنهار

افضل الليل و خصوصا اذا قمرا

[جلمود]

بالنسبة لي احب الليل اكثر من النهار:)

لأني احب الهدوء والهدوء لايوجد الا في ااااااااخر الليل <<< ارحم حالك على قولة جلمود :shy:


في انتظار مشاركاتكم الطيبة :nice:

اي والله يرحم حالك يابو عراده

الليل أبو الاسرار

بالنسبه لي احب النهار الليل يجيب الطواري مشكله:p

[ZURICH]

بالنسبه لي احب الليل والنهار لانهم أيتين فيهم إعجاز رباني للمتأمل ..

[تغلبية]

أحب الليل من عقب العشأ .. أكثر .. وأتحسف أرقد !!

من النهار أحب الفجر ووقت الشروق والعصر <<< اشبقى من اليوم :p

[**هـتــــــان**]

انه انسانه ليليه من طفولتي راعيه سهر لدرجه مرت على سنوات مارقد الا بمنوم :(
اعشق الليل واكرة اذا طال السهر والنوم عيا من اعيوني يقرب .. لاني ابدى افكر باشياء مال لامها داعي :(
بس شسوي هذا ربي وهذي حكمته انسانه ليليه :)
تحياتي لناقل الموضوع .

[بوحارب]

احب النهار وفترة شروق الشمس،، ووقت الفجررر بالذات،، هدوء غير طبيعي
من اجمل الأوقات ( الفجر )

يسلمو على المرور ورقة امل :)



عن نفسي أحب الليل والنهار
كل فتره لها لونها وحلاوتها...أختصر نظرتي في هالسطرين:
الليل: هدوء،، راحه،،سكينة،، أنس،، تخطيط للغد،، رسم أحلام،،
النهار : نشاط ،،حيويه،، طلب رزق ،، تحقيق أحلام،،
يا سلام عليك

اعجبني ردك :victory:



انا افضل الليل في الشتاء (بيات شتوي)

في الصيف افضل النهار
يبيلك تروح القطب الشمالي عشان تعرف البيات الشتوي عدل :( ههههه

وانه بعد احب صيف النهار حق البحر :victory:


لاهنت على المرور :)



أحب الصباح وحتى بداية الظهيرة
واحب الليل في نهايته ..لأنه اهدأ الأوقات...

الظاهر كل فترة ولها شغلها يالأصيلة :nice:

اشكرج على المرور

[R 7 A L]

انا من محبين الليل بس في قطر

هني في امريكا من تغيب الشمس يصير كل شي كئيب

[العضو العتيج]

الليل طبعا
ام كلثوم تقول,,

اقبل الليل
اقبل الليل ياحبيبى
اقبل الليل ونادانى
حنينى ياحبيبى

وسرت ذكراك طيفا
هام فى بحر ظنونى
ينشر الماضى ظلالاَ
كُنا انساَ وجمالا

فاذا قلبى يشتاقُ
الى عهد شجونى
واذا دمعى ينهلُ
على رجع آنين
ياهدى الحيران
فى ليل الضنى
اين انت الان
بل اين انا

[لافوشيا]

الليل اجمل احب اشوف القمر كامل والنجوم تملأ السماء الحالكه مع نسمه هواء بارده

[حـ ن ـيـ ن]

على حسب اذا دوام احب الليل ...مع انه الدوام مايخلينا نتهنى بليلنا:(

واذا اجازة النهار عشان اتسوق اتمشى اسير وهكذا:nice:

[BIG-VEGA]

افضل القايله :)

يمكن لاني خال مابين في الليل :shy:

[نوفا91]

انا عن نفسي احب الليل اكثر لكن يعجبني وقت الفجر وساعات الاولي من النهار :)

[العقل المدمر]

يعتمد على نفسيتي
اذا مرتاحه نفسيا احب النهار لانه يعطيني طاقه ويحفزني واحسه وقت الانجازات
اما اذا تعبانه او متضايقه احب الليل لانه يريحني وهادي ويخلي الواحد ريلاكس :shy:

[ضي البدر]

مانقدر نعيش من غير آيتي النهار والليل وعظمة الأعجاز الرباني .. الله خلقهم وحط لكل آيه وقت معين لما توافقه على جميع الكائنات الحية ولما له من فوائد جمة.. ودايما يقولون لنا أهلنا ((حرام عليكم ليش اتغيرووون في آية الله)).. تدرووون كل شي انقلب بهالدنيا..

وبالنسبة لي أحب الفجر في رمضان له جو خياااااال وتحس بالروحانيات.. والليل بالشتاء وسط الدوه والدفا ودلال الشاي والقهوة والحسو ياااااااااااااااو,, المشكلة خلص الشتاء للأسف..:weeping:

أما بخصوووص شاي الكرك فحلاته الصبح قبل الدوام وعقب المغرب هذة أوقاته.. مب تالي الليل ولا 24 ساعة اشهالغوري الي مايبي يخلص حتى طعم الشاي صار حلي.. ياكي ياكي!!:tease:

وموفقين يارب..:victory:

[بو خليفه 123]

يعتمد على امور كثيره

على الموقع (البلد) اللي أنت فيه

مع نسبة اعتدال المزاج

او تعكر صفوه

مع الاشخاص المرافقين لك ..



يعني لكل وقت له لذته و ميزته ..



و أنت بو حارب ؟ احسك تحب وقت القايله شهر 7 :tease:

[هدهد سليمان]

افضل الدولار لأنه ثابت اما الين مره فوق مره تحت :p

[بوسيف الهاجري]

موضوع حلو ومميز وشيق
مع اني ماقريته
تسلم يدك يا بوحارب
تعبناك معانا

غياض لبعض الناس

[بومحمد911]

بالنسبة لي احب يفتقد البدر في الليلة الظلماء اااشدخل هههههههههههههههههههههه

بوحارب يسلمو على المواضيع الفنتكية

[لافوشيا]

افضل القايله :)

يمكن لاني خال مابين في الليل :shy:

ههههههاي حلوه

[شخص ما]

انا افضل الليل.... يعني تقدر تقول انه دااي ودوااي:weeping:
تسلم خيو بو حمني= بو حارب سابقا:)

[حليتان*]

احب البر والمزيون واحب البدر والاوطان :(

[العضو العتيج]

احب البر والمزيون واحب البدر والاوطان :(

احب البر والمزيون واحب البدو والاوطان

[الحياة الخالدة]

يعتمد على امور كثيره

على الموقع (البلد) اللي أنت فيه

مع نسبة اعتدال المزاج

او تعكر صفوه

مع الاشخاص المرافقين لك ..



يعني لكل وقت له لذته و ميزته ..



و أنت بو حارب ؟ احسك تحب وقت القايله شهر 7 :tease:


درر يا بوخليفة 123 درر .. :secret:

يا عيني على الدقـــة في التحليل ..

بس أهـــم شي ..
الأشخاص المرافقين لك ..
ذكرتنـــي بمرافق البسط .. و مرافق المقام .. :nice:

[شاهيناز]

احب البر والمزيون واحب البدر والاوطان :(

وانا بعد احب البر بس المزاياين مافي


احب الليل بس مع الدوامات مافي ليل ننام بدري:weeping:

[بـــــــنت النوخـّــــذه]

احب النهار اذا مافي دوام

واحب الليل بكل الاحوال بحلوه ومره يبقى الوقت الهادئ الي تقدر اتفكر به

[الحره]

احب الليل بطوله والنهار لين الظهر ماحب ولا اعرف ارقد الليل وراي دوام ولا اجازه ماعرف ولا احب واحب الصبح لين الساعه11

[الحسام اليماني]

احب النهار في فصل الشتاء من وقت شروق الشمس وحتى الظهيره وخاصة اذا كان الجو ممطر واحب الليل في فصل الشتاء من بعد التاسعه مساء

[بوحارب]

الله لايبلي مسلم بدوامي .. ماعرف النهار بكل اسف .. وقت نوم غصب عني

اذا خذت اجازه احس بالحياه .. احس بالليل و بالنهار

افضل الليل و خصوصا اذا قمرا
الله يعينك مهل حالتك صعبه والله :(

وماله حل الليل بالقمرا صج جو ثاني :victory:

موفق اخوي ولاهنت على المرور العطر



اي والله يرحم حالك يابو عراده

الليل أبو الاسرار

بالنسبه لي احب النهار الليل يجيب الطواري مشكله:p
ههههههههههههههههههههههه

النهار وقت تحصيل الأرزاق :victory:




بالنسبه لي احب الليل والنهار لانهم أيتين فيهم إعجاز رباني للمتأمل ..
كلامك صحيح حوران

لاهنت على المرور العطر :)



أحب الليل من عقب العشأ .. أكثر .. وأتحسف أرقد !!

من النهار أحب الفجر ووقت الشروق والعصر <<< اشبقى من اليوم :p

ههههههههههههههه اي والله وش خليتي :)

[بوحارب]

انه انسانه ليليه من طفولتي راعيه سهر لدرجه مرت على سنوات مارقد الا بمنوم :(
اعشق الليل واكرة اذا طال السهر والنوم عيا من اعيوني يقرب .. لاني ابدى افكر باشياء مال لامها داعي :(
بس شسوي هذا ربي وهذي حكمته انسانه ليليه :)
تحياتي لناقل الموضوع .
اتوقع اكثر الناس ليلييين //( مادري وش اللي محببهم في السهر !!

والتكفير قصدي التفكير ما يجي الا وقت النوم للأسف يبدى الواحد يهوجس:(

حياج الله اختي في الله


انا من محبين الليل بس في قطر

هني في امريكا من تغيب الشمس يصير كل شي كئيب
لايفوتك جو الليل هالأيام رحال والله شي رووووعة <<< يبي يحره هههههههه

بالتوفيق في دراستك
:victory:




الليل طبعا
ام كلثوم تقول,,

اقبل الليل
اقبل الليل ياحبيبى
اقبل الليل ونادانى
حنينى ياحبيبى

وسرت ذكراك طيفا
هام فى بحر ظنونى
ينشر الماضى ظلالاَ
كُنا انساَ وجمالا

فاذا قلبى يشتاقُ
الى عهد شجونى
واذا دمعى ينهلُ
على رجع آنين
ياهدى الحيران
فى ليل الضنى
اين انت الان
بل اين انا
هههههههههههههههههههاااييي

مالك حل مع ام كلثوم

بس خاطري اعرف ليش كانت تمسك المنديل في كل اغنية :(




الليل اجمل احب اشوف القمر كامل والنجوم تملأ السماء الحالكه مع نسمه هواء بارده
اذا تبي تشوفين القمر كامل ترقبيه في انصاف الشهور الهجرية :victory:



على حسب اذا دوام احب الليل ...مع انه الدوام مايخلينا نتهنى بليلنا:(

واذا اجازة النهار عشان اتسوق اتمشى اسير وهكذا:nice:
الدوام مايخليج تحسين بالليل اصلا

من تغرب الدنيا الواحد يبدى يفكر متى يرقد ومتى يقوم للدوام :weeping:

انه احب التسوق في الليل وخاصة هالأيام عندنا مجمعات مفتوحة 24 ساعة الصراحة شي عجيب:victory:





افضل القايله :)

يمكن لاني خال مابين في الليل :shy:
ههههههههههههههههههههههههههههههههههههه

ويييين هالغيبة يالحبيب ؟؟



انا عن نفسي احب الليل اكثر لكن يعجبني وقت الفجر وساعات الاولي من النهار :)
مي تو :nice:



يعتمد على نفسيتي
اذا مرتاحه نفسيا احب النهار لانه يعطيني طاقه ويحفزني واحسه وقت الانجازات
اما اذا تعبانه او متضايقه احب الليل لانه يريحني وهادي ويخلي الواحد ريلاكس :shy:

الواحد وده يكون ريلاكس على طول في الليل والنهار بس هموم الدنيا ملغه شوي :(

[حليتان*]

احب البر والمزيون واحب البدو والاوطان

انزين ماحب :(

[وهم قطر]

أفضل النهار تحديدآ حزة الظهر وقت الشياطين

مادري ليش

[مهل]

أفضل النهار تحديدآ حزة الظهر وقت الشياطين

مادري ليش


:secret:

اعوذ بالله من الشيطان الرجيم .. الشياطين وقتهم مع شروق الشمس و غروبها الله يكفينا وياكم شرهم

[Eman Qtr]

أنا عن نفسي أفضل الليل والساعات الاولى من النهار

لان في الاثنين هدوء عجيب وغيرطبيعي

يمكن لأني انسانة هادئة تعشق الهدوء:) ....وكلش ماأحب الآزعاج

[بوحارب]

مانقدر نعيش من غير آيتي النهار والليل وعظمة الأعجاز الرباني .. الله خلقهم وحط لكل آيه وقت معين لما توافقه على جميع الكائنات الحية ولما له من فوائد جمة.. ودايما يقولون لنا أهلنا ((حرام عليكم ليش اتغيرووون في آية الله)).. تدرووون كل شي انقلب بهالدنيا..

وبالنسبة لي أحب الفجر في رمضان له جو خياااااال وتحس بالروحانيات.. والليل بالشتاء وسط الدوه والدفا ودلال الشاي والقهوة والحسو ياااااااااااااااو,, المشكلة خلص الشتاء للأسف..:weeping:

أما بخصوووص شاي الكرك فحلاته الصبح قبل الدوام وعقب المغرب هذة أوقاته.. مب تالي الليل ولا 24 ساعة اشهالغوري الي مايبي يخلص حتى طعم الشاي صار حلي.. ياكي ياكي!!:tease:

وموفقين يارب..:victory:
هههههههههههههههههه

اشكرج اختي ضي على المرور

الصراحة ذكرتني نقاط وايد وحلوة :nice:


الله يوفق الجميع


يعتمد على امور كثيره

على الموقع (البلد) اللي أنت فيه

مع نسبة اعتدال المزاج

او تعكر صفوه

مع الاشخاص المرافقين لك ..



يعني لكل وقت له لذته و ميزته ..



و أنت بو حارب ؟ احسك تحب وقت القايله شهر 7 :tease:
وقت القايلة في شهر 7 تحصلني زابن تحت المكيف تقول ارنب :weeping::shy:

احاسب على بشرتي من اشعه الشمس الحارقة :shy::( ههههههههههههه


يقولون ماتحلى لك الطلعة الا الساعة 4 العصر في شهر 8 :eek5:


افضل الدولار لأنه ثابت اما الين مره فوق مره تحت :p
انا لعبتي البات التايلندي لأنه ينقبل في كل بلدان العالم :(

هدهد انت للحين ماعقلت :weeping:



موضوع حلو ومميز وشيق
مع اني ماقريته
تسلم يدك يا بوحارب
تعبناك معانا

غياض لبعض الناس
الله يسلمك يالحبيب

الصراحة رد حلو ومشجع ومفرح

تعال كل يوم :victory:



بالنسبة لي احب يفتقد البدر في الليلة الظلماء اااشدخل هههههههههههههههههههههه

بوحارب يسلمو على المواضيع الفنتكية
هههههههههههههههههههههه

الله يسلمك بوحمود



انا افضل الليل.... يعني تقدر تقول انه دااي ودوااي:weeping:
تسلم خيو بو حمني= بو حارب سابقا:)
الله يسلمج اخوي

وحلوة سابقا هههههههه:victory:



احب البر والمزيون واحب البدر والاوطان :(
مسكين يا ميحد :victory:



وانا بعد احب البر بس المزاياين مافي


احب الليل بس مع الدوامات مافي ليل ننام بدري:weeping:
مزايين مب مزاياين :(

محد مخرب جو الليل الا الدوامات :anger1:

اشكرج على المرور شاهيناز



احب النهار اذا مافي دوام

واحب الليل بكل الاحوال بحلوه ومره يبقى الوقت الهادئ الي تقدر اتفكر به
ياسلام :nice:



احب الليل بطوله والنهار لين الظهر ماحب ولا اعرف ارقد الليل وراي دوام ولا اجازه ماعرف ولا احب واحب الصبح لين الساعه11
بعض الناس بينهم وبين النوم عداوه

تلاقيه 24 ساعة قاعد ومايرقد الا القليل !!!!

اشكرج على المرور يالحره :)



احب النهار في فصل الشتاء من وقت شروق الشمس وحتى الظهيره وخاصة اذا كان الجو ممطر واحب الليل في فصل الشتاء من بعد التاسعه مساء

مرحبا ومسهلا بالحسام اليماني:)

احلى وقت العصرية في الشتا حق التمشي بين الفلل والأراضي وتدلل عليهم :victory: ههههههههه

شاكر لك مرورك وماننعدم هالطلة في الأستراحة وبسك من قسم العقار اللي اخطفك منا :(

[بوحارب]

أفضل النهار تحديدآ حزة الظهر وقت الشياطين

مادري ليش


اعوذ بالله من الشيطان الرجيم:anger1:





:secret:

اعوذ بالله من الشيطان الرجيم .. الشياطين وقتهم مع شروق الشمس و غروبها الله يكفينا وياكم شرهم
اعوذ بالله من الشيطان الرجيم:(



أنا عن نفسي أفضل الليل والساعات الاولى من النهار

لان في الاثنين هدوء عجيب وغيرطبيعي

يمكن لأني انسانة هادئة تعشق الهدوء:) ....وكلش ماأحب الآزعاج

مافيه احسن من الهدوء:)

وانا بعد احب الهدوء لكني انسان مزعج بشهادة الكثير :anger1::(

شاكر لج مرورج :/×

[لاجل QT]

احب النهار لانى اعشقة ولانة فية وضوح.... اما الليل ظلام في غموض ماحبة

[بوخالد911]

س بريء مثلي : أيهما تفضل كرك
ولا

كرك معاه ماي ورد؟


جررربه ترااه حلوووووووووووووووووو

[بوحارب]

احب النهار لانى اعشقة ولانة فية وضوح.... اما الليل ظلام في غموض ماحبة
كل وقته وله ميزته خيتو لأجل

النهار فيه وضوح لكن مافيه هدوء الليل :)

صح!!


س بريء مثلي : أيهما تفضل كرك
ولا

كرك معاه ماي ورد؟


جررربه ترااه حلوووووووووووووووووو

قلت لي من قبل بس للحين ماجربته

وبجربه عشانك وبعطيك الخبر فالبي بي :)

[بوخالد911]

[color="red"]قلت لي من قبل بس للحين ماجربته

وبجربه عشانك وبعطيك الخبر فالبي بي :)

اصلا انا ما ضفتك

!!!!!!!!!!!!!!!!!!

:secret::eek5::eek5::secret:

[بوحارب]

هههههههههههههههههههههههههههههه

حلوة بوخلودي

واللي عصب على النكته اليوم من ؟؟

واللي سألته عن اذان العشا اليوم من؟؟

كثر منها بس ههههههههه

لاتخرب موضوعي ترى ممنوع السوالف :(

[حليتان*]

احب النهار لانى اعشقة ولانة فية وضوح.... اما الليل ظلام في غموض ماحبة

فيه وضوح ولا حمني :tease:

فهمتها بوحارب ؟ :nice:

[بوحارب]

فيه وضوح ولا حمني :tease:

فهمتها بوحارب ؟ :nice:

ههههههههههههههههههههههههاااااايييي

اي فهمتا :victory:

[العضو العتيج]

هههههههههههههههههههاااييي

مالك حل مع ام كلثوم

بس خاطري اعرف ليش كانت تمسك المنديل في كل اغنية



اولا /برستيج
ثانيا / يضبط التوازن
ثالثا /تشد عليه لين استطربت فيمتص الطربه

[عاشق الشهادة]

الليل يـ بوحارب الغالي لان الليل صديقي الاوحد يسامرني وكاتم اسراري :)

[بوحارب]

اولا /برستيج
ثانيا / يضبط التوازن
ثالثا /تشد عليه لين استطربت فيمتص الطربه
ههههههههههههههه

تعرف لها عدل :victory:




الليل يـ بوحارب الغالي لان الليل صديقي الاوحد يسامرني وكاتم اسراري :)

الليل احلى صديق

تسلم ياصديقي على المرور العطر:victory:

[شيط ويط]

أفضل النهار إذا كنت صوب (الدحل) ...:shy: وأفضل الليل إذا كنت في (الملعب) ههههههههه

[بوحارب]

أفضل النهار إذا كنت صوب (الدحل) ...:shy: وأفضل الليل إذا كنت في (الملعب) ههههههههه

ههههههههههههههههههههههههههه

شرير واحد :)

[شيط ويط]

ههههههههههههههههههههههههههه

شرير واحد :)

موووبي ماحبــك :shy:

[وخروا عن طريقها]

من محبيين الليل :shy:


من وقت العشا الين شروق الشمس

[بوحارب]

شيط ويط اشكرك على النصيحة الغالية في البي بي هههههههههه :anger1:




من محبيين الليل :shy:


من وقت العشا الين شروق الشمس

شاكر لج مرورج اختي العزيزة ومافيه احلى من الليل :victory:

[فيزيائية]

أحب أي وقت بس بدون ازعاج اليهالو....):

[بوحارب]

أحب أي وقت بس بدون ازعاج اليهالو....):

زين واذا كان ازعاج اليهالوا شر لابد منه :(

وش الحل ام نونية :weeping:

[JN000N]

انا احب الليل

كل شي اركز فيه فاليل اما النهار هههههههههههههههه

حتا الدراسه ماعرف ادرس الا اخر الليل

[بوحارب]

انا احب الليل

كل شي اركز فيه فاليل اما النهار هههههههههههههههه

حتا الدراسه ماعرف ادرس الا اخر الليل

الدراسة في الليل حلوة لأنه يكون هدوووووووووء


منورة ينون :nice:

[majiphone]

افضل النهار و اخر الليل الواحد يحس بهدوء

[بوحارب]

افضل النهار و اخر الليل الواحد يحس بهدوء

شكرا على المرور اخي العزيز :nice:

[Red rose]

هلا بوحارب :nice:

أنا عن نفسي احب بداية الصبح واخر الليل

أعصابي تكون هادية في هالفترتين


:) :) :)

[فيزيائية]

زين واذا كان ازعاج اليهالوا شر لابد منه :(

وش الحل ام نونية :weeping:
لنا الجنة :weeping:

[%حورية قطر%]

both together
بس نوعا ما افضل الليل اكثر ....

[لاجل QT]

صرت احب الليل والسهر :shy:

اللي سهر لـآجلك.ّ
وطول الليل لك سهرآن ..
.،
يدور عن أمل يروي فيه عطشـآني ؟!


صحيح
أنك يآحبي ملكت قلبي مع الوجدآن ..!


وتدآركت على قلبي وتحرك دوم وجدآني

أبي أتمكن وسط قلبك
أبي أملك المـكآن ,’
أبي أحضن دروبك
وأبي تروي ضميـآني,

أبي أمـلأ الدنيـآ حب
ولو العمر يظل فـآني
.,
تعآل
وجدد أفرآحي وأبعد عني هـآلآحزآن


تعآل
وآضحك لي وتروح عني أحزآني

أبي آختم كلمـآتي
وآهديـهآ لـآعز أنسآن


وآقول :
آسسف أذآ قصرت بحقك يـآبعد خلـآني:shy:

[sara jsm]

بالنسبة لي من بعد الوحدة بالليل لين 6 الصبح ^ ^
هذا افضل وامتع واحلى واهدأ وقت على الاطلاااااااااااااق ,,

[بوحارب]

هلا بوحارب :nice:

أنا عن نفسي احب بداية الصبح واخر الليل

أعصابي تكون هادية في هالفترتين


:) :) :)
الواحد وده تكون اعصابه دوم هادية بس مافيه امل :)

لازم الدنيا تشوش الأرسال على الواحد

منورة اختي رد روز:nice:



لنا الجنة :weeping:

امين :weeping:

[Max Speed]

احب هدوء والفجر وشروق الشمس والهدوء العجيب
وهدوء وسكون الليل اخر ساعات فيه

[alhurmsi]

أسمع يا بو حارب من ابداعات اخوك الفقير الى الله
الليل .. ودروب السهر .. وآهات مجتمعه ..
ودمعة يتيم ٍ ... ما لقت من يهديها ...
يهزها برد الشمال ... فـــــ ليلة الجمعة ...
ويلفها حزن السنين ... اللي يبكيها

لحفظ الحقوق من كلماتي القديمة ....

[jeep-srt8]

احب الليل الكرك يشتغل صح فالليل والصبح ان كان مغيم وبالكورنيش غير كذا انا انسان لييييلي ولليوم ادورلي وظيفة ليلية وياحلاها لو كانت ضرب خطوط ههههههههههههههه

[غزلان]

احب العصر:)

[meme~qatar]

انا افضل الليل في الشتاء (بيات شتوي)

في الصيف افضل النهار

سيم سيم

[meme~qatar]

احب الليل الكرك يشتغل صح فالليل والصبح ان كان مغيم وبالكورنيش غير كذا انا انسان لييييلي ولليوم ادورلي وظيفة ليلية وياحلاها لو كانت ضرب خطوط ههههههههههههههه
سواق شاحنة مثلا؟؟

[simsim1963]

افضل النهار

[بوحارب]

both together
بس نوعا ما افضل الليل اكثر ....
thankyou Ms:nice:


صرت احب الليل والسهر :shy:

اللي سهر لـآجلك.ّ
وطول الليل لك سهرآن ..
.،
يدور عن أمل يروي فيه عطشـآني ؟!


صحيح
أنك يآحبي ملكت قلبي مع الوجدآن ..!


وتدآركت على قلبي وتحرك دوم وجدآني

أبي أتمكن وسط قلبك
أبي أملك المـكآن ,’
أبي أحضن دروبك
وأبي تروي ضميـآني,

أبي أمـلأ الدنيـآ حب
ولو العمر يظل فـآني
.,
تعآل
وجدد أفرآحي وأبعد عني هـآلآحزآن


تعآل
وآضحك لي وتروح عني أحزآني

أبي آختم كلمـآتي
وآهديـهآ لـآعز أنسآن


وآقول :
آسسف أذآ قصرت بحقك يـآبعد خلـآني:shy:

يقولون في هالزمن مافيه شي اسمة حب

خلي عنج هالخرابيط ابرك لج خالتي لأجل :(





بالنسبة لي من بعد الوحدة بالليل لين 6 الصبح ^ ^
هذا افضل وامتع واحلى واهدأ وقت على الاطلاااااااااااااق ,,
يعني مثل البومة ماتطلع الا في الليل :(




احب هدوء والفجر وشروق الشمس والهدوء العجيب
وهدوء وسكون الليل اخر ساعات فيه
يازين الهدوء زيناه :)




أسمع يا بو حارب من ابداعات اخوك الفقير الى الله
الليل .. ودروب السهر .. وآهات مجتمعه ..
ودمعة يتيم ٍ ... ما لقت من يهديها ...
يهزها برد الشمال ... فـــــ ليلة الجمعة ...
ويلفها حزن السنين ... اللي يبكيها

لحفظ الحقوق من كلماتي القديمة ....

:victory::victory::victory::nice::nice::nice:

صح السااااااااااانك والله كلمات روعة :)

[بوحارب]

احب الليل الكرك يشتغل صح فالليل والصبح ان كان مغيم وبالكورنيش غير كذا انا انسان لييييلي ولليوم ادورلي وظيفة ليلية وياحلاها لو كانت ضرب خطوط ههههههههههههههه
اكثر الشباب مثل تفكيرك هههههههههههههههه

تحس ماعندنا سالفة :shy:





احب العصر:)
حلو العصر وخاصة لما تكون الشمس باردة شوي << مطلوب مفسر :secret:





سيم سيم
مشكل مافيه مي مي


افضل النهار

:victory:

[مريومة]

أحب اليوم طول مالشمس موجودة

ومن يأذن المغرب .. شوي شوي افقد حيويتي

الليل مخصص للنوم فقط لا غير