ساحرة تدور عالبيوت ..أحذروا ياهل قطر!!

[دانـة قطـر]

السلام عليكم ورحمة الله وبركاته

مثل ما هو موضح فالعنوان قد حدث لنا اليوم ولبعض جيرانا
شامية ذات لهجة غجرية عملااااقه ومعاها أكياس فيها أغراض وهيأتها مب هيأت واحده محتاجه:(
أي والله عملاقه ..الخدامات شردوا منها وهم مستقوين علينا :omg:
الساعه كانت 10:30 صباحاً ..خوش وقت للي فالداومات
دشت بدون احم ولا دستور دزت الخدامه من طريقها وعلى طول عالمطبخ قعدت عالكرسي
شسمه أنا كنت أبي أدش عليها أشوف شقصتها بس المره عليها طووول وعرض مب طبيعي يخليك غصب عنك تكتفي أنك تشوفها من بعييييييد :rolleyes2:
قلنا لها خير وش عندج؟ قالت أنا أختكم من(...) وأنتوا مذكورين لي...وقبل لا تكمل قاطعنها وقلنا لها الله يعطيج ما عندنا شي
طنشت لنا وارجعت للمطبخ :eek5:
يه لو سمحتي أطلعي برى قبل لا نتصل فالشرطة ..أطلعت عل طول وخذت أغراضها معاها وركبت سيارة فيها واحد يسوقها
وراحت بيت جيرانا وسوت فيهم نفس الشي..بس راعيت البيت طلعت واااايد طيبه وقعدتها وهي على أعصبها ..قعدت تسألها عن حياتها الشخصيه وطلبت منها خاتم ذهب تنقش أسمها عليه وشيله سوداء!! :rolleyes2:
خافت راعية البيت وقالت الله يسهل عليج ما عندي لا خاتم ولا شيله

حذرنا جيرانا الباقين وقفلوا بيبانهم وبالفعل جاتهم وطقت الباب بس محد فتح لها :victory:

كنت أتمنى لو قدرت أخذ رقم السيارة:(



حبيت أحذركم تحذرون أهلكم وخداماتكم ما يفتحون الباب لحد غريب :nice:
والله يحفظ قطر وأهلها من كل سوء ومن أراد بهم سوءً

[بوحارب]

زين يمكن انها جوعانه دام راحت المطبخ هههههههههه

الله يستر من هالأشكال والصراحة الوقت اللي جاية فيه ماله حل !!!

الله يستر لاتخطف حد من البزران او تسوي مصيبة وتشرد !!

بس كان من المفترض تاخذين رقم الموتر وتبلغين عليه !!


الله يستر من شرور الناس :)

[مهل]

افااااااااا افاااااااااا عليكم


رقم السياره ياشيخه مهم جدا

طيب شنوع سيارتهم و هل هي لابسه عبايه او شي ،، اوصفيها و شقالت اسمها او اي شي عشان الناس تعرفها

[ضوى]

بسم الله الرحمن الرحيم ، واعوذ بالله من كيد السحرة والمشعوذين ، الله يكفينا شرهم ياااااااااااارب

[QATAR2011]

هاي في أي منطقه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[دانـة قطـر]

زين يمكن انها جوعانه دام راحت المطبخ هههههههههه

الله يستر من هالأشكال والصراحة الوقت اللي جاية فيه ماله حل !!!

الله يستر لاتخطف حد من البزران او تسوي مصيبة وتشرد !!

بس كان من المفترض تاخذين رقم الموتر وتبلغين عليه !!


الله يستر من شرور الناس :)


أكذب عليك يا بو حارب لو قلت أني شفت مثل بنيتها :eek5:
أتوقع تاكل من يوقف في طريقها :(
ما خلوني هلي أطلع والخدامه على طول قفلت الباب ما لحقت على شي

[**هـتــــــان**]

الله يستررر شي يروع :(

مشكورة على التحذير.

[دانـة قطـر]

افااااااااا افاااااااااا عليكم


رقم السياره ياشيخه مهم جدا

طيب شنوع سيارتهم و هل هي لابسه عبايه او شي ،، اوصفيها و شقالت اسمها او اي شي عشان الناس تعرفها


والله هذا اللي صار أخوي:(
لابسه عباية كتف وشيله وسمرا شوي وأهم شي عملااااقه :secret:
ما قالت أسم ولا شي إلا دولتها مع أنه مشكوك فيها

[الشقيان]

والله قهرتيني :weeping:

ليش ماتصلتي على الشرطة :telephone::anger1:

[دانـة قطـر]

بسم الله الرحمن الرحيم ، واعوذ بالله من كيد السحرة والمشعوذين ، الله يكفينا شرهم ياااااااااااارب


آمين ..الديره راح تكون مرتع لهالناس إذا ما محد وقفهم عند حدهم

[الجووري]

اللهم اكفنا بهم بما شئت

[][ iMedia ][]

بأي منطقة اختي ؟ -_-''

[دانـة قطـر]

هاي في أي منطقه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

برى الدوحه :)

[دانـة قطـر]

الله يستررر شي يروع :(
مشكورة على التحذير.

الواحد حتى في بيته ما يقدر يحس بالأمان ..صرنا على طول نقفل الباب وما نخلي اليهال يلعبون فالحوش:(

[دانـة قطـر]

والله قهرتيني :weeping:

ليش ماتصلتي على الشرطة :telephone::anger1:


حتى لو اتصلت فالشرطة ما يمديهم يوصلون إلا هي شردت escape

[دانـة قطـر]

اللهم اكفنا بهم بما شئت


اللهم آمين

[R 7 A L]

مشكورة على التنبية والتحذير


ياجماعة اي حد يشوف لة شي يريبة لازم يمسك لة دليل رقم موتر او اي شي
حتى لو يصورها عن طريق الجوال من بعيد

[الحياة الخالدة]

أعــــوذ بالله .. الله يكفينـــا شرهم ..

[£عبدالعزيز£]

بس اختي في اشياء غير واضحة في الموضوع ياريت توضحينها اكثر عشان الاعضاء

يفهمون الموضوع بالشكل الصحيح




الساعه كانت 10:30 صباحاً ..خوش وقت للي فالداومات


هالكلام هل هو معناه انه ما كان في حد من هلج في البيت لما جات ؟



ما خلوني هلي أطلع والخدامه على طول قفلت الباب ما لحقت على شي


لكن من خلال ردج على اخوي بو حارب اتضح ان هلج كانوا فالبيت

فشلون تدخل من غير احم ولا دستور نفس ما تقولين وهلج موجودين فالبيت ؟



وراحت بيت جيرانا وسوت فيهم نفس الشي..بس راعيت البيت طلعت واااايد طيبه وقعدتها وهي على أعصبها ..قعدت تسألها عن حياتها الشخصيه وطلبت منها خاتم ذهب تنقش أسمها عليه وشيله سوداء!!
خافت راعية البيت وقالت الله يسهل عليج ما عندي لا خاتم ولا شيله

حذرنا جيرانا الباقين وقفلوا بيبانهم وبالفعل جاتهم وطقت الباب بس محد فتح لها


من خلال هالكلام فهمت شيئين

الاول انها مرت على اكثر من بيت فكان فيه فرصة كبيرة جدا انه احد الموجودين

في هالبيوت يبلغ الشرطة او على اقل تقدير ياخذ رقم السيارة !!

اما الشيء الثاني فهو انها طولت في الفريج تفتر من بيت لبيت




حتى لو اتصلت فالشرطة ما يمديهم يوصلون إلا هي شردت

اختي الحمدلله رب العالمين احنا عندنا الشرطة يجون بوقت قياسي

ونفس ما ذكرتي فوق انها تمت تفتر بين البيوت

يعني لو مبلغين في احتمال كبير انهم يصيدونها

وبعدين حتى لو كانت شاردة .. ترى عادي يطلعونها من تحت الارض !!


..


واخيرا ماقول غير الحمدلله على سلامتكم

والله يحفظ الجميع

[لاجل QT]

يمة

شنهو هالوصف..انا اقرة وخفت..يمكن تاكل يهال:eek5:

المهم..بعد بلغي الشرطة بالاوصاف اللى شفتيها حتى لو راح عليج رقم السيارة..

[دانـة قطـر]

مشكورة على التنبية والتحذير

ياجماعة اي حد يشوف لة شي يريبة لازم يمسك لة دليل رقم موتر او اي شي
حتى لو يصورها عن طريق الجوال من بعيد



العفو أخوي
أتمنى من الناس اللي بتقرقع عندهم أنهم يقدرون يسجلون رقم السيارة

[دانـة قطـر]

أعــــوذ بالله .. الله يكفينـــا شرهم ..


آميــن

[الوسيط العقاري]

حاولوا اخذ رقم السيارة والتبليغ عليها

هذي مب ساحره

هذي حراميه نصابه ؟ صدقوني ؟

[basma222]

اى منطقة خارج الدوحه
الله يحفظنا من شرها

[دانـة قطـر]

بس اختي في اشياء غير واضحة في الموضوع ياريت توضحينها اكثر عشان الاعضاء

يفهمون الموضوع بالشكل الصحيح


جين

هالكلام هل هو معناه انه ما كان في حد من هلج في البيت لما جات ؟


الحريم بلى موجودين والرياييل الله يحفظهم :)


لكن من خلال ردج على اخوي بو حارب اتضح ان هلج كانوا فالبيت

فشلون تدخل من غير احم ولا دستور نفس ما تقولين وهلج موجودين فالبيت ؟

هلي(الحريم) لحسن الحظ ماخذين بند مركزي لو في دواماتهم كان ما عرفت شلون اتصرف وياها
افتحت الباب بدون استأذن ودزت الخدامه ودشت المطبخ وبلطت فيه وتقول شلون دخلت بدون أحم ولا دستور:rolleyes2:


من خلال هالكلام فهمت شيئين

الاول انها مرت على اكثر من بيت فكان فيه فرصة كبيرة جدا انه احد الموجودين

في هالبيوت يبلغ الشرطة او على اقل تقدير ياخذ رقم السيارة !!

اما الشيء الثاني فهو انها طولت في الفريج تفتر من بيت لبيت

أخوي أحنا من مناطق الدوحه الخارجية وأغلب اللي فالبيوت هالحزة يا أما عجايز يالله بنفسهم أو خدامات والباقين مسافرين ومخلين خداماتهم فالبيوت واللي في دواماتهم


اختي الحمدلله رب العالمين احنا عندنا الشرطة يجون بوقت قياسي

ونفس ما ذكرتي فوق انها تمت تفتر بين البيوت

يعني لو مبلغين في احتمال كبير انهم يصيدونها

وبعدين حتى لو كانت شاردة .. ترى عادي يطلعونها من تحت الارض !!

عاد والبيوت مب من كثرها :rolleyes2:
مثل ما قلت لك من قبل منطقة خارجية أعتقد الشرطة لو بتجي يفضل تكون على هليكوبتر عشان يمديها توصل :)

أهم شي صار أكشن عندنا فالمنطقة خلت العجايز يلقون لهم سالفه يلهون فيها حدهم متمللين :nice:
ربي يعطيهم الصحة والعافيه ويطول بعمارهم
..


واخيرا ماقول غير الحمدلله على سلامتكم

والله يحفظ الجميع


الله يسلمك أخوي ويحفظكم من كل شر:)

[دانـة قطـر]

يمة

شنهو هالوصف..انا اقرة وخفت..يمكن تاكل يهال:eek5:

المهم..بعد بلغي الشرطة بالاوصاف اللى شفتيها حتى لو راح عليج رقم السيارة..


ههههههههههههههه تاكل يهال!!:tease:
للأمانه طولها وعرضها يخوف لأن ما فيه مجال لما تمسكج أنج تشردين تحطج تحت أباطها محد درى فيج :(
بلغنا شرطة البيت قالوا خلوها تولي :rolleyes2:

[نمـر]

شيكوا يمكن باقت شي وانتوا ماتدرون

[sara jsm]

قبل كم يوم جانا واحد حول الساعه تسع
مبين عليه بدوي من بدو الشام ,,
طق الجرس والخدامة فتحت له وسال عن الوالد وعقب راح ,,
انا كنت اطل عليهم من الدريشة ,, بس شكله ماكان مريح :(
وكان معاه كيس فيه اغراض ,, وولده كان ينتظره برع ,,
:( الواحد لازم يحذر ومايفتح الباب حق اي حد ,,

اختي الدانه انا بدالج اصورها بدون ماتدري وابلغ تالي عنها :shy:
الله يحفظكم ويحفظ اهل قطر من هالاشكال ,,

[الصريحه]

الله يحفظ الجميع
والله انهم كثروا في قطر
ولا وحده امي ضايفتها ودخلت عليها اشوف من هي
طبعا الا وحده كبيره في العمر تسال وتستفسر عنا وبعدين قاعده تطلب -الله يعافينا-المشكله من خلال كلامها تقول انا عندي تابعه واي واحد يضايقني يصير له شيء مب زين وتروي قصص كثيره
والله خفت منها والوالده مافهمت كلامها كثير لانها من دوله عربيه
انا حاولت اصرفها وعطيناها المقسوم
وبلغت الخدامه اذا شافتها ماتدخلها ولاتقول لها انه في احد في البيت
بس الوالده ماقدلات اقول لها خفت تخاف ولاتسالها اذا جات وانا محد
الله يحفظنا منهم جميع

[حمد بن سعد]

والله لو منك اعطيها لقطه وهي في المطبخ بـ لبلاك بيرك ونشر صورتها . ههههههههههه

[شهد محمد]

الله يحفظنا من كل شر
جاري الاتصال بالمنزل
الله يجزاك خير

[نوفا91]

الله يحفظ الجميع ..

[كازانوفا]

اللهم احفظناااا بغض النظر شكلها يخوف او لا المفروض من عند الباب تسال ايش غرضها وبعدين نتخد قرار

[بو خليفه 123]

WTH :eek5:

[بوعمير]

التصرف المثالي مع هؤلاء الاشخاص هو إخراجهم من المنزل بلطف ولين، والاتصال بشرطة لن يجدي نفعاً إلا من باب العلم وتزويدهم برقم السيارة.

[بنـت الغالـي]

لا حول ولا قوة الا بالله ..

انا حتى اذا ابي شي من المطبخ اخاف اني اطلع ف الليل << لان برى =(
واللحين بعد هالسالفه .. لافي الليل ولا في الصبح =((

يسلمو اختي ع التحذير

[ضي البدر]

يعطيج العافية اختي..

وان شاء الله بيمسكونها ويسفرونها والله يكفينا من شرهم وكيدهم..

[meeemz]

انا جاتني وحده وقالت انها مدرسه لغه عربيه من الاردن ..ودرعمت ماقلت لها تفضلي ولا شي ولهجتها خرابيط مب اردنيه احس كل اللهجات ولابسه عبايه .. يات وقالت انتي فلانه (شكلها سالت السواقين ) قلت لها شعرفج ؟! قالت سالت وقالوا انتو عايلتكم معروفه انها زينه قمت سالتها اي عايله تقصدين هههه قالت العايله اللي ساكنه هالمنطقه وغيرت الموضوع وقالت انا عندي شي بس خليني ادخل طبعا ماخليتها لكنها درعمت .. الحمدلله انه زوجي موجود على طول طلع وهاوشها واول ما ياب سيره الشرطه اختفت .. ولاعرفنا شسالفتها طراره ولا ساحره .. بس الغالبيه طراروه .. اخبر وحده دخلت بيت ناس على طول الطابق اللي فوق غرفه صاحبه والبيت وعطتها 500 رجعتها وقالت ابي الف هههه وناس طلعوا لهم سكين الله ياخذهم

[قطرية وافتخر]

الله يكافينا الشر

[fahad ..gh]

الله يعينكم..

بس خلونى اشوفها فالفريج ..و الله يعينها

[حسن]

المفروض منك تاخذين رقم السياره على الاقل وتبلغين الشرطه:telephone:

[مستثمر 999]

مشكورة على التنبية والتحذير

[@north_star@]

مثل ما قالوا الاخوان المفروض كلمتي الشرطة واتسايرينها لين يجون الشرطه وخاصه انج ذكرتي انها راحت عند جيرانكم وقعدت مع جارتكم يعني اقل شي نص ساعة لانه هالاشكال ما ينسكت عنهم والله يستر على جميع المسلمين

[الصاعق الحارق]

بسكم عاد تونا مخلصين من سالفه النمر هلمرة تطلع ساحرة
خوش شئ

[فريخ الشاهين]

لاحول ولا قوة إلا بالله ... هالناس من وين يطلعون وشلون يدشون البلد

[بدون]

شكرا على التنبيه

الظاهر مختارين المناطق اللي خارج الدوحة لأنهم يعرفون ان السكان هناك عايلات قطرية و في هذي الحزة يكونون النسوان بس في البيوت

لازم الكل ينبه على أهله بالحذر من هالاشكال

الله يحفظكم

[بومحمد911]

هذي نتايج التأشيرات السياحية

كل من هب ودب دخل البلد

الله يحفظ جميع المسلمين

يزاج الله خير على التنبيه

[بوخالد911]

الله ياخذهم

[لافوشيا]

الله لايبارك فيها

[المحقق كونان]

اعوذ بالله من الساحرات حصنوا بيوتكم
الحين الدنيا مافيها امان حتى جارك خاف منه المشكله حتى لو سكرتوا الباب عنها يمكن عندها ماااستر تفتح بيوتكم وانتوا ماتحسوون

[%حورية قطر%]

بسم الله وصفج لها يخررع

في اي منطقة بالضبط كانت ..؟؟
الدنيا مب امان مثل قبل ..

[ALHAJAJI]

انزين ليش ما تبلغوا عليها الحين عشان الشرطة تعمم عليها , ما دامت تجول البيوت ومثل ما قلتي ساحرة

[بـــــــنت النوخـّــــذه]

بل ضخمه الله يعين الي بتدخل عليه :eek5:

عموما اختي معليه يمكن اكون جاهله ببعض الامور بس وين الدلالات انها ساحره ؟؟؟؟
عشان اطلبت الخاتم تنقش عليه والشيله السوده :omen2:

وعليه عليّ لو انا كان اشتغل الغباء و عطيتها على طول :weeping: صادني نفس هالموقف مع وحده من مذهب (0000) بس هي اعرفها معرفه زماله عمل احلفت الا اتفصل لي عبايه هديه من عندها قلت لها معليه خلاص وحلفت اني البسها ولبستها :weeping:ولما تعمقت معها بالسوالف اشوي الا اشوفها تتكلم عن وحده اتقول انهم يحترمونها ويطلبونها طلبه تجي الدوحه من دوله خليجيه قريبه جدا منا ولاسف تجي ولها ناس يقبلون عليها 00مادري ليش كانت مصره اني اعرفها والله ياجماعه ان بس قالت لها اسم امي واصرت اني اكلمها وتسمع صوتي المره طلعت شلايلي اهههههههههه اشلون اعرف مادري :eek5:
بس بعدين اتصلت بمطوع وقلت له السالفه وطاح فيني طبعا قال لي ليش هالجهل الي فيج بأمور السحره وكيف تجهلين كره هذه الفئه لاهل السنه قلت له والله انا احسن الظن بالجميع ما اتخيل فيه ناس ظارين بالدنيا :weeping:وقال لي الاشياء الي المفروض اسويها لانها ساحره 00

يعني ياجماعه كذلك احذرو لاتعطون عبيكم او ملابس او قياس او اي شي نكم ومن ريحتكم للحريم مهب وسواس بل من باب الحذر انتو ماتدرون بالدنيا ماصار بها امان

ومشكوره دانه على التنبيه واسفه اني قلت القصه عشان الكل يعتبر وما يتعاطف مع حد بطريقه ساذجه :)

[قلم صادق]

مشكورة على التحذير.
الله يكفينـــا شرهم

[ضي البدر]

اوبس .. ماقتلكم هالبلية طبت عندنا البيت:omg::omg: اللهم ياكافي والحمدلله ماحد كان في البيت الا الخدامة والبزووورة والكل في الدوام ,, أول مادشت ادرعم عالصالة على طول وتقول وين راعية البيت والخدامة اتقول لها مو موجودة بس ماتبي اتصدق قامت تسأل اليهال وهم من الخرعة تبرطمو..:secret::secret: الله ياخذها وهالكلام كان من يوم الخميس الي طاف بمنطقة المناصير.. نفس المواصفات الي انذكرت اهنيه..

الحمدلله ماصار شي وبعدين متى راح يمسكونها!!!

[OTOsan]

كان معاها (مقشّه) ولا بدون ...؟
:)

[الطيبة كلها]

جزاج الله خير- اول شئ باخذ رقم السياره وبطردهااو بتصل بالشرطة خل ياخذونها

[هارودز]

الله يستر مشكورين على التحذير خفت ع اليهال والله اذا احنا في الدوام

[الشقيان]

ها صادوها ولا :rolleyes2:

[مشتاقة لقطر]

بسم الله .. وصف الغول سعيد اللي في دعاية زين ..

الله يحفظكم

[روضه الجنة]

يمكن ريال اذا طويلة يممه

[Daisey]

بسم الله الرحمن الرحيم الله يكفينا شرهم .

[latty]

يمكن رجل

الصراحه شي لابد من وقفه للداخليه خاصه الناس اللي تشحد وتطلع يدها او بطنها وتقول مريضه نبي نعطيهم بس ما نبي نستغل شر استقلال اما الساحرات يامكثرهم وخاصه سوق واقف وفيه من تجي الاحياء تشحت ولما تلقى مراه كبيره تطلب فعلا خاتمها


لابد من الانتباه وتبليغ الاهل عن مايفتحون لاي احد الا بتواجد رب العايله

[Nesreen]

ياربي سترك نحنا بيتنا 24 ساعة في 24 ساعة مفتوح عمرنا ما سكرنا حتى باب الصالة نفسها والله انا خفت كتيرررر لازم اوصي اهلي الصبح يسكرو الباب اول ما يطلعو اشغالهم والمشكله ما عنا شغاله نعتمد عليها بشي الله ييسر الحال ويسترها علينا وع اولادنا واهالينا يااااارب

[سهيل قطر]

الله يحفظكم من كل شر هذه طراره بطرييقه جديده

وحراميه من نوع اخر الظاهر

شاكر لج التحذير والله يحفظنا

[حليتان*]

خرعتيني تقولين منطقه خارج الدوحه

لا يكون الخور :(


عاد احنا باب بيتنا جر السيم وادخل

[دااانة قطر]

الرودو تخرع

اذكر من جم سنه وانا في بيت اهلي كاانوا طاالعين السوق وجلست انا والعيال مع جحدتي جاان تدخل علينا وحده حزة المغربيه شااميه وكبيره شويه
سألت عن الواالده قلت لها محد فكرتها تعرفها وقلطتها المهم انها بدت تهذر وتسأل أسئلة شخصيه جم شخص في البيت وجم اعمااركم المهم اني ماجاوبتها وقلت لها معليش اني بطلع قالت معليش بنتظر الواالده وجلست تدعيلي وتدعي للوالده ووووووووووووووو ليا زهقت منها ووقتها اتصلت الواالده وعلمتها جاان تقول قوليلها بمرها مرة ثاانيه وشردت يمه منها خرعتني ومن يومها لا انا ولا اهلي نفتح بااب الكبير الا بجرس ونتأكد من بالباااب

الله يستر منهم

[MaRuKoO]

الله ياخذ روحها
عااااااد حرام عليييكم بروحي جي من غير سالفه أخاف ان سمعت حس حوالين الملحق هالدور ساحره وعملاقه وتدز الخدامه:weeping::rolleyes2::eek5:

[قطرات ندى]

لاحول ولاقوة إلا بالله

[wadha-qa]

والله من وصفج لضخامتها انا اخاف انها مب مره يمكن واحد ولابس عبايه
والمفروض ما تدخلون الغرب بيوتكم ! شكرا ع التنبيه