المساعد الشخصي الرقمي

مشاهدة النسخة كاملة : مستشفى السدره وتوظيف القطريات


^NoOOoR^
22-02-2011, 09:57 AM
أسعد الله صباحكم بالخير و السرور و دهن العود .

قد يكون العنوان مألوفا للجميع ولكني أردت أن أطرح موضوعاً يساند و ربما يؤكد صحة العنوان .
راح أدخل في الموضوع مباشرة . جميعنا يعرف أن شعار جميع الوزارات والهيئات الحكومية التقطير . ولكن ما نراه عكس ذلك .
وكلنا نعرف أن الدولة بصدد افتتاح مستشفى السدرة وطبعاً هذا الصرح الطبي يحتاج موظفيين من كلا الجنسين و أيضا ممرضات . و مستشفى حمد خاطب جميع المستشفيات التابعة له باختيار ممرضات و ممرضين من أقسامهم لنقلهم للمستشفى الجديد .

ولكن السؤال الذي يطرح نفسه (( كم ممرضة قطرية سيتم تعينها في مستشفى السدرة )) ؟؟؟؟؟

واللي صار أن مسؤولين و المسؤولات في الإدارات بدل ما يختاروون الممرضات القطريات قاموا باختيار من هم من بني جلدتهم . خاصة العيون الزرق والخضر والشعر الاشقر ، مع أن بعض الممرضات والله ما كملوا سنة من تعيينهم ..

وبصراحة قمت أحس أن الأجنبي كأنه قطري وله الأولية في كل شي .. والعنابي اللي عندنا ماله أي اهمية في هالزمن .. :weeping::weeping:
الأصيلة
22-02-2011, 10:03 AM
اللي أعرفه أنه يتم الآن تدريب القطريات فقط للتمريض
في مستشفى السدرة...
والكثير من خريجات الثانوية انخرطن في التدريب منذ سنتين تقريبا...
^NoOOoR^
22-02-2011, 10:07 AM
الثانويات ربما مساعدات ممرضات ..
و المسؤولين قاعدين يختارون ممرضات بس مب قطريات وإن كان هناك قطريات فعدد بسيط
hamoor4ever
22-02-2011, 10:10 AM
هممم تبين الصج ولانضحك على روحنا ؟؟
^NoOOoR^
22-02-2011, 10:11 AM
نضحك على روحنا أحسن ..
السكر والضغط ما قصر في حد
قطرية فذة
22-02-2011, 10:14 AM
استعمار عادي ايش المشكله يعني بيدكم شي؟ الشرهه على اللي جايبهم
بعدين ماتدرين شنو الفلسفه من وجودهم احتمال نظام يديد

الله العالم بالمسببات
..الاميرة..
22-02-2011, 10:14 AM
لكن الأغلبيه من القطريات لا يحبون إمتهان مهنة التمريض ..

لذا يتم إختيار جنسيات أخرى لهذه المهنه ..
الأصيلة
22-02-2011, 10:17 AM
الثانويات ربما مساعدات ممرضات ..
و المسؤولين قاعدين يختارون ممرضات بس مب قطريات وإن كان هناك قطريات فعدد بسيط

لا مش مساعدات
هذا معهد يدرس فيه التمريض لسنوات وليس تدريب شهر أو شهرين...
وجميعهم قطريات وأعداد كبيرة هذا مارأيته وعلمته من الدارسات بالمعهد...
sendarala
22-02-2011, 10:18 AM
لا حول ولا قوة الا بالله

حسبي الله ونعم الوكيل عليهم ( المسؤولين ) اللي هاضمين حق كل قطري وقطرية
^NoOOoR^
22-02-2011, 10:20 AM
القطريات في التمريض أعدادهم مب اشوي وان كان هناك عدد كبير من الجنسيات الأخرى كالفلبينيات و الهنديات ..
الأصيلة
22-02-2011, 10:20 AM
أعتقد أغلب الأطباء سيكونوا اجانب
فيجب أن تكون الممرضة تعرف لغات...
والمفروض القطرية تُدرب لحد ماتصل للإتقان التام
ولديهن القدرة على ذلك..
فلما أشوف ممرضات سبيتار التونسيات ولباقتهن وقدرتهن على التعامل مع المريض والدكتور
أتمنى لو القطرية امتهنت التمريض ووصلت لأن تكون في كل المستشفيات...
^NoOOoR^
22-02-2011, 10:22 AM
نعم يالأصيلة .. كلامك صح ..
والسبب لأنهم كنسلوا مبنى معهد التمريض
Qatarianes
22-02-2011, 10:23 AM
كنت ضمن جوله انا وعدد من المهندسين في هذا المشروع السنه الي راحت
وشفت البروتوتايب ماله واستمعت لشرح فريق المشروع عن هذا المشروع
من نظرتي لمرافق هذا المستشفى اعتقد انه حق ناس هاي كلاس
ياجماعه الغرف الي فيه تقول فنادق الزجاج من ماده الي داخل يشوفك وانت ماتشوفه وبضغطة زر تخليه زجاج عادي
ولا غرفة الولاده اخر دلع هههههههه
مدفوع عليه ومتعوب بصراحه انا اتوقع انه بفلوس,, خلكم ع الاهلي وفضو فيه التأمين الصحي حقكم هههههههههههه
^NoOOoR^
22-02-2011, 10:25 AM
والله القطرية قادرة على أن ترتقي لهالمستوى إن عطوها المجال الكافي في التدريب و وفروا لها امتيازات حالها مثل حال الاخريات ..
مانقول غير صبر جميل والله المستعان
الـقـاسـي
22-02-2011, 10:46 AM
بس بيكون حق من هالمستشفى وهل بياخذون الزين من المستشفيات الحكومية وبيحطونه فيه؟؟
بوعبدالله779
22-02-2011, 10:51 AM
اعتقد انه المستشفى راح يكون بمستوى راقي جداً وخدمات راقية بمستوى 7 نجوم وعلشان جذي راح يختارون النخبة من كل التخصصات ولا اعتقد انه اي ممرضه قطرية عندها امكانيات وعنده رغبه ما تدخل تعمل في المستشفى ويليت لو نلقى ممرضات قطريات في كل المستشفيات بس الاقبال على التخصص من الاخوات قليل ولابد من سد الحاجة من غير قطريات
شنايدر
22-02-2011, 10:52 AM
جامعه كالجاري في قطر . . . واحده من افضل الجامعات في العالم اجمع . . .

انخرط فيها الكثيرين من القطريين وخاصه البنات . . . .

وصراحه انصح البنات بآن بنتهزوا الفرصه والتسابق على الفرص المتاحه . . .

وخاصه ان السدره من ارقى المستشفيات . . .

واذا كان ع الراتب اتوقع ان راتب الممرضه الاجنبيه في السدره في حوالي ٣٠ الف ريال . . . حسب ما قال لي حد الاخوان في قطر فونديشن . . .

موفقين
alasmar_king
22-02-2011, 12:10 PM
أول شي خلهم يفتحون المستشفى ويوظفون الناس بعدين تكلموا


تبينهم يسحبون كل الممرضات القطريات ويوظفونهم هناك؟؟؟

وباقي المستشفيات من بكون فيها؟؟؟؟


لا نستبق الاحداث


ونتفائل خير
koketa
22-02-2011, 01:52 PM
الحين هاي للمرضات فقط ولا في تخصصات ثانيه طالبينها ؟

وشلون التقديم
الأصيلة
22-02-2011, 02:13 PM
أنا قابلت طالبة قطرية قالت لمستشفى السدرة بس احنا القطريات
ندرس التمريض...
موضي قطر
22-02-2011, 04:47 PM
اللي المفروض يصير ياخذون بعض الممرضات القطريات اللي عندهم خبره في حمد ليدربوا القطريات الجدد وان كان فيه حاجة لسد حاجة يكملون من الممرضات الأجانب واذا على اللغة الإنجليزيه هذا احنا نتكلم مع الممرضات الهنود اللي في حمد وهم يتكلمون " من بطونهم " وفاهمينهم
والقطريات يكثفون لهم كورس اللغة وماراح تكون فيه مشاكل إن شاء الله
الأصيلة
22-02-2011, 04:50 PM
اللي المفروض يصير ياخذون بعض الممرضات القطريات اللي عندهم خبره في حمد ليدربوا القطريات الجدد وان كان فيه حاجة لسد حاجة يكملون من الممرضات الأجانب واذا على اللغة الإنجليزيه هذا احنا نتكلم مع الممرضات الهنود اللي في حمد وهم يتكلمون " من بطونهم " وفاهمينهم
والقطريات يكثفون لهم كورس اللغة وماراح تكون فيه مشاكل إن شاء الله

انا متفائلة خير بمستشفى السدرة
والتركيز على تدريب القطريات للتمريض...
Um-Dana
22-02-2011, 04:56 PM
صبرا جميلاً ياقطريين والله المستعان
موضي قطر
22-02-2011, 04:58 PM
انا متفائلة خير بمستشفى السدرة
والتركيز على تدريب القطريات للتمريض...


إن شاء الله يالأصيلة بس اللي نسمعه انه بيكون لطبقة معينه و اتمنى مايكون صحيح ..

لأن حصــه بدخل واسطات علشان تربي فيه واسمها ربت في السدرة مستشفى الطبقة الراقية والأثرياء و تحر مريــوم اللي ربت في مستشفى " العوسـج " اقصد الولاده :shy:
الأصيلة
22-02-2011, 05:01 PM
إن شاء الله يالأصيلة بس اللي نسمعه انه بيكون لطبقة معينه و اتمنى مايكون صحيح ..

لأن حصه بدخل واسطات علشان تربي فيه واسمها ربت في السدرة مستشفى الطبقة الراقية والأثرياء و تحر مريوم اللي ربت في مستشفى " العوسج " اقصد الولاده :shy:

عاد هذا اللي مانقدر نمنعه
الله يعين الأزواج على زوجات من ها النوع..
من يهمها التفاخر والتعالي والمهايط على الفايض والمليان...
وبتكثر الديون والسبب السدرة لاحول ولاقوة إلا بالله...
نحتاج إلى توعية مركزة في ها السالفة...
موضي قطر
22-02-2011, 05:04 PM
عاد هذا اللي مانقدر نمنعه
الله يعين الأزواج على زوجات من ها النوع..
من يهمها التفاخر والتعالي والمهايط على الفايض والمليان...
وبتكثر الديون والسبب السدرة لاحول ولاقوة إلا بالله...
نحتاج إلى توعية مركزة في ها السالفة...

وانا اضم صوتي لصوتك اختي الفاضلة البعض محتاج لدروة لكيفية التعامل مع المظاهر وعدم الإنجرار ورائها بلا عقل :)
M O H A D
22-02-2011, 06:53 PM
اعرف قطريين تخصصاتهم لها دخل بالطب
و كلهم يدرسون على حساب سدره !
و في قطريات يدرسون تمريض في جامعه كالجاري
موضي قطر
22-02-2011, 11:13 PM
اعرف قطريين تخصصاتهم لها دخل بالطب
و كلهم يدرسون على حساب سدره !
و في قطريات يدرسون تمريض في جامعه كالجاري


خبر مفرح وإن شاء الله يتخرجون ويخدمون بلدهم :victory:
شمعة الدوحه
22-02-2011, 11:20 PM
إن شاء الله يالأصيلة بس اللي نسمعه انه بيكون لطبقة معينه و اتمنى مايكون صحيح ..

لأن حصــه بدخل واسطات علشان تربي فيه واسمها ربت في السدرة مستشفى الطبقة الراقية والأثرياء و تحر مريــوم اللي ربت في مستشفى " العوسـج " اقصد الولاده :shy:


بصراحه الله يعينها على نفسها اللي تفكر بهالعقليه

ليش يعني اللي ينولد في السدره بيطلع يبرق ذهب ومكتوب عليه مولود مستشفى السدره

الناس وين وصل تفكيرها ؟

كلام الناس لابيقدم ولا يأخر اذا هذا اللي هامها
موضي قطر
22-02-2011, 11:25 PM
بصراحه الله يعينها على نفسها اللي تفكر بهالعقليه

ليش يعني اللي ينولد في السدره بيطلع يبرق ذهب ومكتوب عليه مولود مستشفى السدره

الناس وين وصل تفكيرها ؟

كلام الناس لابيقدم ولا يأخر اذا هذا اللي هامها

شوفي ياشمعه اذا صار السدرة " لعلية القوم والطبقة الألمعية " بتشوفين بعض الحريم وحتى بعض الرجاجيل ماراح يذخرون جهد في أنهم يكونون من نزلائه و من ساكني اجنحته الفاخره :rolleyes2:
بوحارب
23-02-2011, 12:37 AM
الله يوفق بنات بلادي للوظيفة السنعة :)
حليتان*
23-02-2011, 12:40 AM
المسؤول عن التوظيف في سدره رجل قطري واعرفه شخصياً ..شلون تقولين يعينون بني جلدتهم من هم عيون زرق وخضر !!

مب قصدي شي ...لكن للتوضيح
**هـتــــــان**
23-02-2011, 12:46 AM
وين موقع المستشفى ومن المسئول عن تلقي طلبات التوظيف ووين ؟؟؟
الأصيلة
23-02-2011, 02:06 AM
وين موقع المستشفى ومن المسئول عن تلقي طلبات التوظيف ووين ؟؟؟

الموقع بالقرب من الدوار المائل المتجه للمدينة التعليمية ...
لكن مازال تحت قيد الإنشاء..
والدكتورة / حنان الكواري مدير عام مؤسسة حمد الطبية
من ضمن المؤوسسين والقائمين على مستشفى السدرة
بو راشد 1
23-02-2011, 07:33 AM
كنت ضمن جوله انا وعدد من المهندسين في هذا المشروع السنه الي راحت
وشفت البروتوتايب ماله واستمعت لشرح فريق المشروع عن هذا المشروع
من نظرتي لمرافق هذا المستشفى اعتقد انه حق ناس هاي كلاس
ياجماعه الغرف الي فيه تقول فنادق الزجاج من ماده الي داخل يشوفك وانت ماتشوفه وبضغطة زر تخليه زجاج عادي
ولا غرفة الولاده اخر دلع هههههههه
مدفوع عليه ومتعوب بصراحه انا اتوقع انه بفلوس,, خلكم ع الاهلي وفضو فيه التأمين الصحي حقكم هههههههههههه

قبل كم سنه التلفزيون سوى مقابله مع شجاع (راعي مطعم الشعبي للكباب) فسأله المذيع ليش ما تسوي ديكور، رد عليه "شباب يجي ياكل كباب والا ياكل ديكور:omg:، ما يبي يسوي ديكور"

السؤال: اشلون الدكاتره في سدرة؟ ما نبي ديكور :)
بنت البدر 77
23-02-2011, 07:44 AM
عجيب بو راشد

صدق مانبي ديكور

الديكورات بقطر اذبحتنا .. نبي كوادر بشرية .. والا التقينيات بحمد تفوق التصور

بشهادة الجميع .. لكن ينقصه كوادر بشرية طبعاً مع الكل .. والكوادر القوية نجدها تتجه للخاص مثال

دكتور العمادي فتح له مستشفى وطلع

دكتور عبدالعظيم راح الاهلي

دكتورة احلام فتحت لها عيادة وطلعت

دكتور اليزيدي يداوم بالعمادي والاربعاء والخميس في السعودية

وغيرهم الكثير ..

الله المستعان
^NoOOoR^
23-02-2011, 08:45 AM
أخي amaf535
وإن كان مسؤول التعيين و التوظيف قطري ولكن في إدارات المستشفيات التابعة لحمد يتم اختيار غير قطريات . وأنا بنفسي أعرف غير قطرية وما كملت سنة في البلاد وتم اختيارها لهالمستشفى . لا تقول خبرة لان تعينها تم مع عدد من القطريات ..
الدنيا حظوظ :)
M O H A D
23-02-2011, 01:29 PM
وين موقع المستشفى ومن المسئول عن تلقي طلبات التوظيف ووين ؟؟؟

المستشفى قيد الانشاء و موقعه مقابل المدينه التعليميه
حالياَ مكانهم في برج من ابراج الدفنه .. ما اعرف اي برج الصراحه :)
هذا رقمهم 44042038
و الايميل لتقديم الطلبات Jobs@sidra.org
خشوف
23-02-2011, 01:31 PM
وين هالمستشفى؟؟
الأصيلة
23-02-2011, 02:27 PM
عجيب بو راشد

صدق مانبي ديكور

الديكورات بقطر اذبحتنا .. نبي كوادر بشرية .. والا التقينيات بحمد تفوق التصور

بشهادة الجميع .. لكن ينقصه كوادر بشرية طبعاً مع الكل .. والكوادر القوية نجدها تتجه للخاص مثال

دكتور العمادي فتح له مستشفى وطلع

دكتور عبدالعظيم راح الاهلي

دكتورة احلام فتحت لها عيادة وطلعت

دكتور اليزيدي يداوم بالعمادي والاربعاء والخميس في السعودية

وغيرهم الكثير ..

الله المستعان

الدكتور القطري سريع التأثر..لايصبر ولايتحمل ...
كما أرى فإنه يبحث عن الربح السريع...
من أول مايشتهر يترك مستشفى حمد ويبحث عن الخاص ليحصل على راتب أعلى...
ورقــة أمــل
23-02-2011, 03:01 PM
كله حق ناس وناس


الله يعينكم ياخواتي
بوخالد911
23-02-2011, 03:05 PM
الله يووفق
QATAR2011
23-02-2011, 03:16 PM
ياليت المسؤولين عن التوظيف في السدره يرتقون في أسلوبهم شوي مع اللي يقدمون،، أعرف وحده تخصصها شريعه راحت تقدم وتجرب حظها تدرون وش رد عليها القطري المسؤول هناك،، اللي المفروض يحترم شهادتها ويوجهها الى المكان المناسب؟؟؟؟؟؟؟؟
"شو تبينا نشغلج عندنا !! تقرين على المرضى مثلاً ( وهو يضحك باستهزاء)"
ايش هالرد المنحط،، صراحة أعطى صورة غير حضارية لـ هالمؤسسه الراقيه اللي كنت أفكر أقدم عليها ،، لكن الحين ماراح أفكر أقدم أوراقي وهو موجود هنا ك.....
الموضوعي
23-02-2011, 03:37 PM
ودي اشوف في قطر ناس يفهمون ويعرفون السنع في موقع مسؤولية
الأصيلة
23-02-2011, 04:01 PM
ياليت المسؤولين عن التوظيف في السدره يرتقون في أسلوبهم شوي مع اللي يقدمون،، أعرف وحده تخصصها شريعه راحت تقدم وتجرب حظها تدرون وش رد عليها القطري المسؤول هناك،، اللي المفروض يحترم شهادتها ويوجهها الى المكان المناسب؟؟؟؟؟؟؟؟
"شو تبينا نشغلج عندنا !! تقرين على المرضى مثلاً ( وهو يضحك باستهزاء)"
ايش هالرد المنحط،، صراحة أعطى صورة غير حضارية لـ هالمؤسسه الراقيه اللي كنت أفكر أقدم عليها ،، لكن الحين ماراح أفكر أقدم أوراقي وهو موجود هنا ك.....

من رداة أخلاقه وتربيته...
شويهينــه
23-02-2011, 06:30 PM
انا اللي اعرفه ان سدره بحكم انهم لحين مافتحوا المبنى قاموا طرشوا بنات لتكمله دراستهم على حساب سدره

عشان اول مايرجعون يمسكون مناصب فيها
QATAR2011
23-02-2011, 10:46 PM
اي اختي كانو حاطين اعلان أولة العام وأغلب التخصصات طبيه
هام السحاب
23-02-2011, 11:01 PM
التقديم فقط يكون على موقعهم على الانترنت
www.sidra.org
موقعهم برج ماتذكر اسمه بالضبط
بس حذى برج البنك التجاري الي صوب برزان
بو راشد 1
24-02-2011, 07:12 AM
الدكتور القطري سريع التأثر..لايصبر ولايتحمل ...
كما أرى فإنه يبحث عن الربح السريع...
من أول مايشتهر يترك مستشفى حمد ويبحث عن الخاص ليحصل على راتب أعلى...


يعني عيالنا لا يدرسون طب، لانهم ما رح يتوظفون، واذا توظفوا ما رح يستمرون :rolleyes2:
حال لسانك يقول: لا تتسبح لانك بتعرق، او لا تقرض اظافرك لانها بتطول:)
حنان الدنيا
24-02-2011, 12:38 PM
بصراحه قدمت عندهم واعتذروا مني وقالوا لي مانقدر نوظفج

سالتهم ليه وكان السبب لانج موظفه في موسسه حمد وفي اتفاقيه بين موسسه حمد

وسدرة والمجلس الاعلى للصحه الا في حاله اني استقلت من موسسه حمد


وماقدر اقول الا حسبي الله ونعم الوكيل
المخباط
25-02-2011, 09:33 AM
بصراحه قدمت عندهم واعتذروا مني وقالوا لي مانقدر نوظفج

سالتهم ليه وكان السبب لانج موظفه في موسسه حمد وفي اتفاقيه بين موسسه حمد

وسدرة والمجلس الاعلى للصحه الا في حاله اني استقلت من موسسه حمد


وماقدر اقول الا حسبي الله ونعم الوكيل
الله يعينكم يالقطريين على قانون حظر التجول والاحتكار :(
صراحه قانون تعسفي وما اشوف الفايدة منه لا للمؤسسه ولا للموظف نفسه
لأن الانتاجية في العمل مرتبطه بالراحة النفسية