عندي بيت قديم وابي اسوي له تصميم تراثي,, ياليت تساعدوني

[XXX]

السلام عليكم

اخواني وخواتي

عندي بيت شعبي و قديم

بس مرتب والترميم باستمرار

حبيت اني اسوي ديكوره الخارجي ( سور البيت )الخارجي والداخلي

كذالك المطبخ الخارجي والليوان

ويكون تصميم قديم اوتراثي وفي نفس الوقت يكون التصميم راقي

يعني يكون الصبغ نفس ( اليص) وتكون في عرشات وحركات قديمه

ف المقابل اظاءه راقيه


اتمنى تفيدوني ولكم مني جزيل الشكر

[شموع قطريه]

تفضل اخوي

http://awamrgulf.com/up//uploads/images/awamrgulf.com-65ff83253a.jpg

http://awamrgulf.com/up//uploads/images/awamrgulf.com-43aa2a8fb2.jpg

وسامحنا على القصور

[XXX]

ماقصرت ياشيخ

بس انا بغيت الترتيب الخارجي

يعني حق السور من برع وداخل والليوان

اشكرك

[الألماسي]

في بيت اذكروه لي بالمطار نفس المواصفات اللي تبيها . . ان ما خانتني الذاكره شفت طريق المطار قبل لا توصل دوار سلاح الجو ادخل يمين باللفه اللي عند رامز اللي ع الشارع و كمل طريقك هـ المنطقه اللي اقصدها . .

[XXX]

بروح ادور عليه اليوم

[الأمبراطور]

الغالي ايضا في بيت نفس الي انت تبيه انا دخلته وبصراحه تحفه من اسقف وطوفه وابواب ونوافذ
دوار نادي قطر (وانت جاي من دوار المطافي) تاخذه وترجع وتاخذ اول لفه يمين(دخلة مسجد الدوله) وتكمل سيييده بتحصل البيت على يمينك قبل التقاطع
حاولت افهم شي من الهنود الي هناك عن الي مشتغل فيه مافادوني ومافهموا علي
اذا حصلت شي دزلي الرقم على الخاص (مشكور)

[XXX]

بدور ع البيت وبرد عليك خبر انشالله

[بنت البدر 77]

السلام عليكم

حبيت اساعدك بوضع بعض الصور .. مع العلم من خلال تجربتي لان كان عندي نية تصميم مجلس قديم ولكن تغير الاتجاه الى اني وضعت الفكرة بالصالة فوق فقط ..

حبيت احط لك كم شغله ممكن تساعدك بالتصميم القديم .. واغلب اللي تم بالفعل تنفيذه جابوا المواد من البحرين وبعضهم من عمان .. لو كان بيتي كان صورت لك بالتفصيل .. لكن في بيوت اقراب لنا وجيران ..


وعن صالتي اذا اجهزت راح احط لك الصور ان شاء الله .


من البيوت اللي شفتها بتصميم قديم

في بيت في سلطه ورا مدرسة الاستقلال البيت حق واحد سليطي .. مجلسه تراثي قديم .. واغلب المواد جايبها من البحرين .

في بيت بعد دوار دحل الحمام وانت طالع كأنه بتروح دحيل البيت ماشاء الله روعه وهو بالكامل ومرتب .. مو بس مجلس

في بيوت كثيره خذ لفه شوفها شوف الشغل اللي فيها مو غلط ..

شفت كثير من الاشكال مثل الابواب والدرايش والدنجل بس مو خشب يعني بتصميم حديث قديم حتى سور الدرج في شئ مضبوط وعجيب وممكن لو وصلت لهذي المرحله اخبرك وين بالضبط لو ماعينته بنفسك .. واستخدام المواد الجديده بدل الخشب او الدنجل الحقيقي حتى نتجنب عوامل التعريه وغيرها .. بس مصممة الديكور اللي اتابع عندها بيتي من اول خطوه انصحتني ان التصميم القديم يجي يوم وتملل منه .. بعكس المودرن او الكلاسيك . وهذا كان اهم سبب بالتخلي عن الفكره وتم وضعها بجانب واحد من تصميم بيتي . بيتي مكس بين المودرن والكلاسيك والتراث وحتى التراث القطري والتراث السوري حتى ماامل من المكان وطبعا كل انسان وذوقه ورايه بس دوم خل نظرتك بعيده لعدة سنوات .

ولازم تحدد مبنى قديم قطري .. سوري .. مغربي .. ايش بالضبط !
لان لكل بلد مميزاته .. وخطوط تسير عليها .

بعض الصور اللي ممكن تساعدك

http://a4.sphotos.ak.fbcdn.net/hphotos-ak-ash2/182973_10150090591062623_664922622_6647414_5788115 _n.jpg

http://www.nicksbuilding.com/Mega_doors_Nicks/Vienna_knotty_alder_Door_exterior_view%20copy.jpg
باب قديم حديث

كل ما حاولت تقرب من الواقع راح تطلع بنتيجه .. بس لا تستعجل في مثل هذه الأمور اذا تبي شئ يطلع صح لازم تدرسه من كل النواحي .. تفرج على الشغل الاصيل وحاول تجيب اقرب شئ للواقع من صور قديمه فعلاً وراح توصل ان شاء الله .

من الصور القديمة ..

http://gallery.qcat.net/data/media/25/oldbuilding.jpg

http://gallery.qcat.net/data/media/25/aj.jpg

http://naajan.com/up/uploads/488111bd8c.jpg

http://t0.gstatic.com/images?q=tbn:ANd9GcRKIywPhz69FgrblpuofnGsjKVNOwwrc aVFYDFQ656FvwOMNxwqNlmMpQ

http://img48.imageshack.us/img48/9038/08bk6.jpg

http://asiranet.com/phone_index/page/208.jpg

http://farm3.static.flickr.com/2296/2269898944_e485f36cc0.jpg

لا تقول ماعندها سالفه حطت لي صور قديمه لازم تشوف كل القديم عشان تطلع بنتيجه .. :
discuss:

بكمل معاك اذا شفت ان اضافتي لها معنى واضافتلك شئ جديد .

[XXX]

مراحب

اشكرج اختي بنت البدر على الشرح الطويل

الصراحه فتحتي عيني على اشياء كثيره

منها ان احتمال ازهق من الديكور بعد فتره ( خلاني افكر واراجع حساباتي )

اختي انا بغيت اسوي سور البيت قديم من برع ومن داخل والطوفة المجلس من الخارج

بعد عندي المطبخ خارجي

ف بغيت الديكور يكون خارجي

اما داخل البيت ابي اسويه مودرن

وبروح انشالله البيت الي ف اسلطه لانه قريب مني

اختي اسعدني مجهودج وتفاعلج مع الموضوع وانتظر الجديد

[السد]

اخي الكريم
عندي مجلس خارجي مسويه على الطريقة القديمة
طرش لي رقمك على الخاص

[ام عبدالعزيز]

مووفق اخوووي

[XXX]

مشكوره عل الدعوه الطيبه

اخوي السد طرشت لك رقمي

[بنت البدر 77]

الله يوفقك يارب وان شاء الله نضيف الافضل والمفيد لك دائماً .. وفي ابواب خارجية على الطراز القديم
جداً رائعه ..

لو تفكر تسوي المجلس الخارجي بس على الطراز القديم وتخليه برا وداخل اشوف افضل من انك تسوي البيت كامل ومن الداخل يكون مودرن يعني شئ مو مكمل له .

وطبعا على راحتك ..

[XXX]

اشكرج اختي

باخذ الفكره بعين الاعتبار انشالله

[ابو علاوي]

باجر ادزلج الصور الطيبة

[سيف مهند]

ان شاء الله طلبك عندنا نحن نقوم بتنفيذ اسقف من دنجل وحصير وبامبو
مع تنفيذ صبغ النجدية او مشاشكو وهذه صبغات شبيه بتراث يتخلل مزج الالوان قش
اذا طلبت ارسل لكم رقمي واقابلكم واطلعكم على جميع صور من تنفيذنا في الدوحة