استفسار : مساعده بخصوص شهر العسل

[الدوحه 2006]

السلام عليكم ورحمه الله وبركاته

لو سمحتوا ابي منكم مساعده في اختيار مكان شهر العسل مع العلم ان العرس بنهايه شهر 6 الجاي ومحتار وين اروح وشنو احسن الاماكن في هذا الوقت وشلون بتكون حاله الجو ؟ وانا في خاطري ايطاليا

* ابي اعرف شلون احسن طريقه ارتب فيها لشهر العسل ووين ؟
*وكم المده المناسبه ( اسبوعين , ثلاث اسابيع , شهر )
* وهل بحصل بكج كامل في السفريات وشنو احسن سفريات ؟
* شنو نصايحكم لي ومتى افضل وقت للسفر بعد العرس ( نفس اليوم , ثاني يوم , او بعد مده )
* والي عنده بكج كامل مع التكاليف ياليت يطرش لي .
* هل احجز من الحين ولا انطر ؟

ودعواتكم لي بالتوفيق

[مهل]

الله يبارك لك و يوفقك

نصيحتي بالنسبه لموعد السفر

سافر باقرب وقت تقدر عليه بعد العرس

بالنسبه للدوله اعتقد اوروبا زينه .. سو لك جدول و احجز الفنادق و التذاكر عن طريق النت
من موقع القطريه و عندك موقع هوتلز .. بس رتب لك جدول ولاتكثر السفر ،، بالكثير مدينتين او ثلاث

[احمد بن علي]

مرحبا الشيخ

ومبروك العرس مقدما والله يرزقك الذرية الصالحه

وبالنسبه لشهر العسل انصحك تاخذ جولة في النمسا :nice:كم يوم في العاصمه وبعدها تروح زيلامسي وعندك سالزبورغ وعقبها تروح برلين عاصمة المانيا وان شاء الله بحاول اجيبلك رقم واحد عنده مكتب سياحة في النمسا واسعاره جيده وأصله عربي
وبالنسبه للسفريات عندك ريجنسي او علي بن علي

وعندك الاخت خشوف مشرفة القسم تقدر تفيدك اكثر
والله يوفقك

[ام عبدالعزيز]

مبروك

انصحك باوربا..خل رجنسي يرتبون لكم-اذا اول مره تسافر اوربا او انت رتب بنفسك..

امم المده بما انكم عرسان خل اطول مده لكم برع..يعني اجازتك كلها

مووفق..

[فارس الكلمة]

استشير زوجتك أولاً قبل السفر .. فهي قد تكون لها وجهة نظر أخرى.

نسأل الله لك التوفيق و النجاح في زواجك ..

[الدوحه 2006]

الله يبارك لك و يوفقك

نصيحتي بالنسبه لموعد السفر

سافر باقرب وقت تقدر عليه بعد العرس

بالنسبه للدوله اعتقد اوروبا زينه .. سو لك جدول و احجز الفنادق و التذاكر عن طريق النت
من موقع القطريه و عندك موقع هوتلز .. بس رتب لك جدول ولاتكثر السفر ،، بالكثير مدينتين او ثلاث


الله يبارك في عمرك وجزاك الله خير ومشكور اخوي وما قصرت

[الدوحه 2006]

مرحبا الشيخ

ومبروك العرس مقدما والله يرزقك الذرية الصالحه

وبالنسبه لشهر العسل انصحك تاخذ جولة في النمسا :nice:كم يوم في العاصمه وبعدها تروح زيلامسي وعندك سالزبورغ وعقبها تروح برلين عاصمة المانيا وان شاء الله بحاول اجيبلك رقم واحد عنده مكتب سياحة في النمسا واسعاره جيده وأصله عربي
وبالنسبه للسفريات عندك ريجنسي او علي بن علي

وعندك الاخت خشوف مشرفة القسم تقدر تفيدك اكثر
والله يوفقك

الله يبارك فيك اخوي وبيض الله وجهك على هذي الدعوه الحلوه

وان شاء الله الاخت خشوف ماتبخل علينا برايها ..
وجدول حلو وفي انتظار الرقم يالغالي ..

[الدوحه 2006]

مبروك

انصحك باوربا..خل رجنسي يرتبون لكم-اذا اول مره تسافر اوربا او انت رتب بنفسك..

امم المده بما انكم عرسان خل اطول مده لكم برع..يعني اجازتك كلها

مووفق..

الله يبارك في عمرج

ومشكوره على التعليق وعلى النصيحه



استشير زوجتك أولاً قبل السفر .. فهي قد تكون لها وجهة نظر أخرى.

نسأل الله لك التوفيق و النجاح في زواجك ..


وياك يارب وجزاك الله خير

[خشوف]

لو سمحتوا ابي منكم مساعده في اختيار مكان شهر العسل مع العلم ان العرس بنهايه شهر 6 الجاي ومحتار وين اروح وشنو احسن الاماكن في هذا الوقت وشلون بتكون حاله الجو ؟ وانا في خاطري ايطاليا

بالمبارك ان شاءاالله الله يوفقكم ان شاءالله ويرزقكم الذرية الصالحة :nice:
اهم شي تسويه تصلي ركعتين نصح الرسول صلى الله عليه وسلم كل زوجين بتأدية الركعتين لما لهما من فضل كبير وتجلت الحكمة العظيمة من استحباب أداء هاتين الركعتين اللتان تخففان بفضل الله من التوتر وتبعث الطمأنينة في القلوب وتريح الجسد وتزيد الهمة وتضاف إليهما البركة

:nice:
شهر العسل يعتمد على الميزانية وعلى حسب اذا تبي جولة أوربيه بس معظم الي يتزوجون يروحون ماليزيا لانه تكاليف العرس والخساير تكون هاده حيلهم:secret: اوربا غالية وايطاليا من خلال بحثي عنها كدولة ماتصلح لشهر عسل فنسيا مافيها فنادق راقيه 5 نجوم

عندك تقارير لي الى اروبا وشرق اسيا
تقرير رحلتي فرنسا/باريس بلجيكا/ بروكسل المانيا/ميونخ النمسا/ زيلامسي وفينا بالتكاليف
http://www.qatarshares.com/vb/showthread.php?t=391739


تقرير سفرتي ماليزيا تايلند بالتفاصيل الكامله مع التكاليف
http://www.qatarshares.com/vb/showthread.php?t=284363


اختم شهر عسلك

تقرير سفرتي مكة المكرمة (العمرة) 3أيام بالتكاليف
http://www.qatarshares.com/vb/showthread.php?t=389370

* ابي اعرف شلون احسن طريقه ارتب فيها لشهر العسل ووين ؟

رتب لحالك احسن لك وخاصة شهر العسل مب كل يوم رايق تتطلع مع القروب يمكن تكون تعبان مالك خلق :nice: الا المدام


*وكم المده المناسبه ( اسبوعين , ثلاث اسابيع , شهر )على حسب اجازتك والميزانية يعني توك مخلص العرس وتكاليف العرس الكبيرة
:)

* وهل بحصل بكج كامل في السفريات وشنو احسن سفريات ؟

ماقد جربت وما انصحك عن حالي احب اقرأ واجمع معلومات عن الدول الي بروح لها والاماكن السياحيه فيها واسعارهم ما اطلع من قطر الا وانا عندي جدول ملخص

* شنو نصايحكم لي ومتى افضل وقت للسفر بعد العرس ( نفس اليوم , ثاني يوم , او بعد مده )

ثاني او ثالث العرس :nice: خل الرحلة اخر الليل عشان توصل الصبح تعرف الاجواء وتسثمر اليوم باستكشاف المنطقة

* والي عنده بكج كامل مع التكاليف ياليت يطرش لي .

شوف تقاريري وتقارير الاخوان:eek5:


* هل احجز من الحين ولا انطر ؟

الحجوزات تو الناس عليها احجز اخر 4 وحط في بالك اي فندق تحجزه قول لهم يحطون لك هني مون ضروري عشان يعدلون لك الغرفه او يرقونها لك :nice:
واذا بتروح اوربا سوا الفيزا قبل من السفاره الفرنسيه يعطونك ياها على مدة الجواز

[عنابي وابيض]

سفريات ريجنسي يرتبون كل شي ومن الفندق اللي تنزل فيه يرتبونلك الرحلات

سافر ثاني يوم الصبح وخلها 10 ايام

ارجع اقعد يومين في قطر واختمها بالعمره 3 ايام

الله يبارك لكم ويتمم لكم على خير

[تركي الشهراني]

الاخوان ما قصرو وعسى ربي يوفقكم ويسعدكم

[أم شيوخ]

نصيحه طول المده اذا عندك سيوله وريح بالك واستانس والله يوفقك لك ان شالله
واهم شي لاتحط حجوزات بينك وبين المره من اول الطريق عيشوا بدايتكم مع بعض بكل صراحه وكونوا مثل الاصدقاء الي يبون يعرفون عن بعض اكثر شي جي وايد احسن

[عربسات]

بالمبارك عليك

اخوي وخر عن اسيا في الصيف لانها حر وامطار مالك الاو اوروبا

المدة 10 لين 12 يوم حلوين

وقت السفر ثاني يوم ولا ثالث يوم احسن شي

نصيحه لا تسوي بكج عن طريق السفريات ولا حتى الحجوزات لانك راح تخسر وايد

وعسى الله يوفقك دنيا واخره

[راعي الدتسن]

الله يعطيكم العافيه عالموضوع
وانا عرسي في بداية سته وان شاء الله انا وانت نستفيد من هالموضوع

[سونيتا]

الف مبروك الزواج مقدما ....نصيحه خلك على اوربا وخذ حجوزاتك من القطريه للعطلات ترى ارخص بكثير من اي مكتب سفريات وانا جربت معهم سفرتي لفرنسا وكانت موفقه وكل شي تمام وحجزت معهم للمالديف واسعارهم روعه وحجزت معهم لندن على الشهر الجاي يكفي ان اسعار التذاكر الدرجه الاولى لـ لندن من اي مكتب سفريات مش اقل من 20 ألف انا اخذتها منهم بــ 16500 شوف الفرق ...وترى ممكن يرتبون لك لشهر العسل لكن انت حدد لهم الفنادق اذا عندك فنادق معينه وحتى نوع الغرف ....

[jeep-srt8]

اول شيء الف الف الف مبرووك ومنك المال و منها العيال

والله ياخوي انا جتني فترة كنت في منتدى اسوي مواضيع سياحية عن كل مناطق العالم الفله وبصراحة اكثر منطقة اخذت قلبي وعقلي وقلت انها قطعه من الجنة

هي سويسرا بأكملها او في منظقة فيها مشهورة جداً ويمكن اسمها انتر لاكن يالله كل من راحها وصفها بالخياااال

والنمسا اذكر انها كانت حلوة بعد

انت وخيارك ودراهمك تعرف وين تصيف صح

[ابو دانة-مكة]

اول شيء الف الف الف مبرووك ومنك المال و منها العيال



وانا عني اقول لك اختمها برحلة الى الأماكن المقدسة بمكة والمدينة