يا وزارة البلديه كليتوا رواتبنا (حسبي الله ونعم الوكيل) [الأرشيف]

شموع قطريه

23-02-2011, 12:05 AM

حسبي الله عليهم ..فعلا موظفين البلديه يشتكون من الاجحاف في رواتبهم والخصومات اللي كل شهر تصير في رواتبهم بدون وجه حق .. واذا طالبوا بحقوقهم كل مسؤول يقطهم على الثاني ويماطلون لين يزهقون الموظف ..

وين وزير البلديه ؟؟!! وين دوره !! مب من حق الموظفين عليه انه يستقبل تظلماتهم في ظل ظلم المدراء لهم والسرقه العلنيه لرواتبهم في كل شهر ..

انا اتحدى اذا كل موظف البلدية راتبه هالشهر نفس الشهر اللي طاف .. كل شهر الراتب غير مع انه يداوم كل يوم .. واذا اشتكى وطالب بحقه محد حوله المدراء كل واحد نفسي نفسي ..

هم يهتمون في الصرف على المؤتمرات والاستقبالات ويتجاهلون حقوق الموظفين اللي اخذت زورا وبهتانا ..

اتمنى من وزير البلديه انه يتابع موضوع رواتب الموظفين بنفسه ويطالب بكشوفات الرواتب ويشوف بنفسه المصخره اللي لاعبينها المسؤولين في رواتب الموظفين .. وخصوصا ان وزير البلدية الكل يشهد له بطيبته وتواضعه بس ايش يفيد هالشي والناس تؤكل حقوقهم بغير حق ..

وبعدين مب من حق الموظفين انهم يبلغونهم بسبب ايقاف العلاوات .. السالفه مب مصخره لهم يقطعون علاوات الموظفين واذا طالبوا يقولون لهم بننزلها لكم بأثر رجعي عقب كم شهر ليش ؟؟ يستثمرون فلوسهم في البورصه ولا يوفرونها كفائض يرجعونه لميزانية الدوله في شهر اربعه علشان يبينون للحكومة انهم مقتصدين في الصرف وانهم مايلعبون في الميزانية.. وهم في الحقيقه يصرفونها على اشياء تافهه في حين انهم يجحفون الموظفين حقوقهم واذا استلموا الميزانية الجديدة بيمشونها لهم ..

ميموري

23-02-2011, 12:12 AM

هذا حال وزارة البلديه بس؟؟؟؟؟

الله يعين الجميع

ترى بكل مكان ملعوب بحسبة الموظف القطري

صبر جميل والله المستعان

بوحارب

23-02-2011, 12:19 AM

الله يعينكم اخوي :(

بويوسف

23-02-2011, 12:23 AM

كلامكم صحيح 100% وياليت حد يشوف حال الموظفين المظلومين ..

وهم قطر

23-02-2011, 12:28 AM

الله يعينكم والله معاناة يمكن يبون يطفشونكم ويحطون اجانب

مونديال

23-02-2011, 12:38 AM

غريبه الله المستعان

الكادي99

23-02-2011, 12:38 AM

شموع قطريه

23-02-2011, 12:49 AM

هذا قانون الموارد البشرية اللي حاشرينا عليه،،،
صار سيف يقطع رواتب القطريين،،قانون مجحف للموظف ياعالم ماتشوفون الناس اشلون انظلمت بها القانون اللي انوضع لنا مادري من وين جايبينه،،،نبي نعرف هل كان في اللجنه اللي وضعت هالقانون قانونين قطريين،،
ما أعتقد انه فيه قطري يرضىبها القانون المجحف لنا كقطريين

صحيح كلامج حبيبتي لان لو كان قطري واحد في اللجنة جان مارضى بهالظلم اللي وقع على الموظفين القطريين .. بس مع الاسف حتى القوانين المصيرية للقطريين ناخذ فيها راي الاجانب اللي ماتهمهم مصلحة المواطن ولا راحته الا بالعكس يحاولون يضيقونها عليه من الحقد والحسد .. الله يكافينا شرهم

كفاحي

23-02-2011, 03:07 AM

عن جابر أن رسول الله قال: { أتقوا الظلم فإن الظلم ظلمات يوم القيامة، واتقوا الشح فإن الشح أهلك من كان قبلكم، حملهم على أن سفكوا دماءهم واستحلوا محارمهم } [رواه مسلم].

نداءموجة الى سعادة الشيخ عبدالرحمن بن خليفة آل ثاني وزير البلدية والتخطيط العمراني

مطلوب التدخل العاجل لإنهاء المعاناة والظلم الدي يتعرض له مفتشي وزارة البلدية والتخطيط العمراني أصحاب الضبطية القضائية
من قبل مدير ادارة الموارد البشرية بوزارة البلدية والتخطيط العمراني

بحرمانهم من حقوقهم الذي منحهم اياها قانون الموارد البشرية
وقطع:-
1-علاوة بدل استخدام سيارة خاصة
2-علاوةبدل العمل الاضافي
3- علاوة استخدام الهاتف

حيث ان مفتشي البلدية يقومون بستخدام سيارتهم الخاصه في التفتيش واستخدام هواتفهم الخاصه بالاتصال بالشركات وغيرها و التفتيش في أثناء العمل وخارج أوقات الدوام الرسمي

نوضح للجميع:-
بالدليل القاطع مخالفة مدير ادارة الموارد البشرية بوزارة البلدية والتخطيط العمراني
لمواد قانون الموارد البشرية المعتمد من سمو ولي لعهد

مادة( ٤٣)
بالإضافة إلى بدل التنقل المقرر ، يمنح الموظف الذي تقتضي طبيعة عمله التنقل بسيارته ،
ولم توفرالجهة الحكومية سيارة لتنقلاته ، بدل استخدام سيارة خاصة يتراوح من ( ١٠٠٠ )
إلى ( ٢٠٠٠ ) ريال شهرياً.ويصدر بمنح هذا البدل وتحديد مقداره قرار من الرئيس.

مادة (40)
يستحق الموظف بدل عمل إضافي عن ساعات العمل الإضافي التي يكلف بها بقرار من الرئيس التنفيذي، بناءً على اقتراح مدير الإدارة المعنية.ويحسب هذا البدل على أساس أن ساعة العمل الإضافي تساوي ساعة وربعاً في أيام العمل العادية ،وساعة ونصفاً في أيام العطلات الرسمية.

مادة(45)
يجوز بقرار من الرئيس منح الموظف الذي يتطلب عمله استخدام هاتفه النقال في إجراء مكالمات تتعلق بالعمل ، بدل هاتف نقال ، يصرف شهرياً ويحدد وفقاً لطبيعة العمل والمهام الموآولة إلى الموظف على النحو التالي: وتضع الإدارة ضوابط تحديد المستحقين لهذا البدل وفئاته.
الاستخدام البسيط (300)ريال الاستخدام المتوسط ( ٥٠٠ ) ريال الاستخدام المرتفع ( 1000) ريال.

الحمد لله إن الرزق بيد الله وحده وهو المتصرف به وحده وهو الرازق والمُعطي والواهب

marwa2005

23-02-2011, 03:11 AM

الله يعينكم الصراحة

شموع قطريه

23-02-2011, 11:31 AM

نداءموجة الى سعادة الشيخ عبدالرحمن بن خليفة آل ثاني وزير البلدية والتخطيط العمراني

مطلوب التدخل العاجل لإنهاء المعاناة والظلم الدي يتعرض له مفتشي وزارة البلدية والتخطيط العمراني أصحاب الضبطية القضائية
من قبل مدير ادارة الموارد البشرية بوزارة البلدية والتخطيط العمراني

بحرمانهم من حقوقهم الذي منحهم اياها قانون الموارد البشرية
وقطع:-
1-علاوة بدل استخدام سيارة خاصة
2-علاوةبدل العمل الاضافي
3- علاوة استخدام الهاتف

حيث ان مفتشي البلدية يقومون بستخدام سيارتهم الخاصه في التفتيش واستخدام هواتفهم الخاصه بالاتصال بالشركات وغيرها و التفتيش في أثناء العمل وخارج أوقات الدوام الرسمي

ماشاءالله عليك اخوي كفاحي كفيت ووفيت وتكلمت بلسان كل موظف انظلم في راتبه في وزارة البلديه والتخطيط العمراني ..

ان شاءالله يوصل نداءك للوزير ويحقق في هالجريمه اللي يرتكبونها قسم الموارد البشريه بوزارة البلدية في حق موظفي الوزارة وابتزازهم لحقوقهم ..

واذا ما انحلت مشكلتهم فما لهم الا انهم يتوجهون بكتاب تظلم لسيدي سمو الامير وبياخذون حقهم ان شاءالله ..[/COLOR]

ديتول

23-02-2011, 11:34 AM

أي والله أنك صادق عن الراتب الي كل شهر رقم

لدرجة إني كنت كافل واحد وفنش واخصموا علي لمدة 3 شهور وانا خبر خير أحسب الراتب كعادته في زياده ونقصان :)

والحمدلله افتكيت منهم ومن بلاويهم

ابـو مــحــــمـــــد

23-02-2011, 11:38 AM

المشكله مش في مدير ادارة الموارد البشريه

المشكله في الوزير نفسه والي حصل كله من تحت يده

هارودز

23-02-2011, 11:48 AM

من حقكم تكتبون تظلم والشيخ عبدالرحمن مايقصر أهم شي يكون على علم

ايزو

23-02-2011, 12:45 PM

وش رأي الموظفين في الوزارات الاخرى مثل الاوقاف, الثقافة...الخ نفس النهج او في اختلاف

سارونه

23-02-2011, 12:51 PM

يا خواني وش سالفة المواد البشرية يعني قاعده تهبط بالموظفين القطريين ..

سمعت بانهم وقفو العلاوات السنوية لين اشعار آخر .. هل صحيح ؟

طموحة

23-02-2011, 02:37 PM

الله يعينكم والله معاناة يمكن يبون يطفشونكم ويحطون اجانب

مب ناقصين لفي على مراكز البلديات

وشوفي مافي مركز مافيه اجانب

حسبى الله ونعم الوكيل على هالقانون قصونا قص

ياليت القى مكان ثاني ماراح اتردد بالطلعه

بوخالد911

23-02-2011, 02:41 PM

الله ووياكم ويعيينكم

sendarala

23-02-2011, 05:22 PM

لا حول ولا قوة الا بالله

حسبي الله ونعم الوكيل على كل ظالم

sendarala

23-02-2011, 05:29 PM

قلنا بس اللي تابعين للمجلس الاعلى ( مدرسين ومدرسات ) هم المظلومين

ترى الموظف القطري في جميع القطاعات مظلوم

حسبي الله ونعم الوكيل

مخطط قطري

23-02-2011, 05:34 PM

بويوسف

23-02-2011, 06:39 PM

سوولكم موقع في الفيس بوك وانشرو مشكلتكم بدال التسدح هنيه وتشكي وتحندي
وخلوهم يساونكم برواتب قطاع الطاقه تراهم مب احسن منكم ولا يكرفون كثركم الحال من بعضه
عيل موظف جامعي قطري متزوج راتبه 13 الف ولين الحين مابنا بيت ؟؟؟

الخلل وين ؟

هل هو عدم علم المسئولين ؟
هل هو عدم على كبار المسئولين ؟

هل يظن المسئولين ان مايكتب هو كذب وتدليس مثلا ؟
هل يعرف الجميع وصامتين لأن الظلم لا يقع عليهم ؟

موقع على الفيس بوك او شكاوي على التويتر او بالمنتدى ؟ ماهو الفرق اخي الكريم ؟

- اخذ القليل او الكثير واستقطاع البدلات من رواتب الموظفين.
- حصول بعض الادارات على بعض البدلات ومنعها عن البعض الآخر بلا اسباب منطقية.
- وقف الترقيات ولسنين طويلة عن البعض.
- وقف العلاوة السنوية لبعض الموظفين بلا اسباب منطقية.

إنها فوضى.

قال تعالي"ولاَ تَأْكُلُواْ أَمْوَالَكُم بَيْنَكُم بِالْبَاطِلِ وَتُدْلُواْ بِهَا إِلَى الْحُكَّامِ لِتَأْكُلُواْ فَرِيقاً مِّنْ أَمْوَالِ النَّاسِ بِالإِثْمِ وَأَنتُمْ تَعْلَمُونَ [البقرة 188].

صدق الله العظيم.

مخطط قطري

23-02-2011, 07:09 PM

الخلل وين ؟

هل هو عدم علم المسئولين ؟
هل هو عدم على كبار المسئولين ؟

هل يظن المسئولين ان مايكتب هو كذب وتدليس مثلا ؟
هل يعرف الجميع وصامتين لأن الظلم لا يقع عليهم ؟

موقع على الفيس بوك او شكاوي على التويتر او بالمنتدى ؟ ماهو الفرق اخي الكريم ؟

- اخذ القليل او الكثير واستقطاع البدلات من رواتب الموظفين.
- حصول بعض الادارات على بعض البدلات ومنعها عن البعض الآخر بلا اسباب منطقية.
- وقف الترقيات ولسنين طويلة عن البعض.
- وقف العلاوة السنوية لبعض الموظفين بلا اسباب منطقية.

إنها فوضى.

قال تعالي"ولاَ تَأْكُلُواْ أَمْوَالَكُم بَيْنَكُم بِالْبَاطِلِ وَتُدْلُواْ بِهَا إِلَى الْحُكَّامِ لِتَأْكُلُواْ فَرِيقاً مِّنْ أَمْوَالِ النَّاسِ بِالإِثْمِ وَأَنتُمْ تَعْلَمُونَ [البقرة 188].

صدق الله العظيم.

اول شي بيض الله ويهك واشكرك على تفاعلك السريع مع الموضوع
الشي الثاني والله كلنا مستغربين وين الخلل بالضبط
ماشالله الوزراء- الي الاشكاليات صارت في وزارتهم- شباب وقد المسؤليه والتقينا معاهم في مناسبات كثيره لهم تطلعات واسعه وطموح كبير ولانشك في حبهم للوطن ومساعدتهم للموظفين الي تحتهم وخصوصا القطرييين منهم وهذا وايد نسمعه منهم
بس هذي حقوق وهذا اقل شي تقدر تسويه للموظف القطري الي عندك وانت ماتعطيه شي من عندك هذا حقه وراتبه ومستحقاته الي راح تنسال عنها يوم القيامه قبل لاتنسال عنها في الدنيا وتحاسب
سؤالك مهم وين الخلل هل هو ضغط من فوق يعني من مجلس الوزراء من السلطات العليا بترشيد الانفاق والي دعاني الي التفكير في هذا هو انكشاف معظم الميزانيات
من تخبط صاير وتخطيط سيئ في عدم صرف الميزانيات في الاتجاه الصحيح
مما دعا الا عدم صرف بدلات مستحقه لهلموظفين في هذي الوزرات بالذات
بس ماتوقع هالشي لانه الدوله عندها فائض كبير ودليل على ذلك اسثمارها في شتى بقاع العالم
واستعدادها الكامل لاستضافه كاس العالم
اوكي الضغط مش من فوق والخلل ماهوب من فوق عيل وين
الاشخاص التنفذيون والمدراء الي تحت الوزير
اصلن الراتب اوردي ضعيف ومب متحمل تنقص منه شي
يليت نحصل على نص اجابات الاسئله الي طرحتها اخوي بويوسف
وللعلم انا مهندس واشتغل في قطاع الغاز في احد الشركات المعروفه وراتبي 3 اضعاف راتب مهندس صديق لي يشتغل في احد الوزرات المذكوره اعلاه- معدله في ا لجامعه كان افضل مني
انتاجياته في شغله متاكد انها مثلي واحسن يمكن بعد- كاداء وكمسؤليه وكم العمل- وحتى وقت العمل يدوامون مثلنا وعندهم حس المسؤليه ويستاهلون اكثر
وهم كثر بعد- وهذا مثال واحد واعرفه -
ارحموهم وخففو عنهم وساعدوهم هذولا هل قطر وهذولا شباب قطر
ويستاهلون منكم كل خير
واتمنى انه الامر وسد لهله في هالعمليه
وصبرو واجد وسنوات طويله واالحل انا قلته مب في هجره هالشباب المتميزين من عملهم
الابالعكس كلن يخدم قطر في مكانه ويرد الدين والواجب الي عليه
الحل هو زياده علاواتهم مب انك تروح وتنقص عليهم العلاوات وتشل منهم وتعلل بالميزانيه
وكان الله في العون

@السفير@

23-02-2011, 07:14 PM

كلام ( كفاحي ) صحيح 100% وازيدكم من الشعر بيت ماينزل راتب شهر مثل الي قبله كل شهر حسبه واذا رحت وكلمتهم قالو هذا شهر اقصر من الي قبله واخصم من جميع العلاوات مب بس من الأضافي مقارنه بلجمارك والوزاراة الأخرى ماتحصل عندهم هلأمور ورواتبهم ثابته مب متغيره مثل البورصه يوم لمت اب وايام لمت دااااااااااون

الموضوعي

23-02-2011, 08:17 PM

ادعو موظفي البلدية أنهم يحطون لهم صفحة في الفيس بوك توضح مشاكلهم والخلل الموجود في الوزارة والتعسف من قبل الموارد البشرية ضدهم وعدم اهتمام وزير البلدية بمصالحهم ، العالم تطور الحق يؤخذ ولا يستجدى هذه حقوق موظفين لا الوزير ولا الموارد البشرية لهم حق في منعها عن الموظفين

غير البشر

23-02-2011, 08:19 PM

الله يعوض عليك اخوي
فلوسك راحت مصر اليوم :(

بويوسف

23-02-2011, 09:52 PM

اول شي بيض الله ويهك واشكرك على تفاعلك السريع مع الموضوع
الشي الثاني والله كلنا مستغربين وين الخلل بالضبط
ماشالله الوزراء- الي الاشكاليات صارت في وزارتهم- شباب وقد المسؤليه والتقينا معاهم في مناسبات كثيره لهم تطلعات واسعه وطموح كبير ولانشك في حبهم للوطن ومساعدتهم للموظفين الي تحتهم وخصوصا القطرييين منهم وهذا وايد نسمعه منهم
بس هذي حقوق وهذا اقل شي تقدر تسويه للموظف القطري الي عندك وانت ماتعطيه شي من عندك هذا حقه وراتبه ومستحقاته الي راح تنسال عنها يوم القيامه قبل لاتنسال عنها في الدنيا وتحاسب
سؤالك مهم وين الخلل هل هو ضغط من فوق يعني من مجلس الوزراء من السلطات العليا بترشيد الانفاق والي دعاني الي التفكير في هذا هو انكشاف معظم الميزانيات
من تخبط صاير وتخطيط سيئ في عدم صرف الميزانيات في الاتجاه الصحيح
مما دعا الا عدم صرف بدلات مستحقه لهلموظفين في هذي الوزرات بالذات
بس ماتوقع هالشي لانه الدوله عندها فائض كبير ودليل على ذلك اسثمارها في شتى بقاع العالم
واستعدادها الكامل لاستضافه كاس العالم
اوكي الضغط مش من فوق والخلل ماهوب من فوق عيل وين
الاشخاص التنفذيون والمدراء الي تحت الوزير
اصلن الراتب اوردي ضعيف ومب متحمل تنقص منه شي
يليت نحصل على نص اجابات الاسئله الي طرحتها اخوي بويوسف
وللعلم انا مهندس واشتغل في قطاع الغاز في احد الشركات المعروفه وراتبي 3 اضعاف راتب مهندس صديق لي يشتغل في احد الوزرات المذكوره اعلاه- معدله في ا لجامعه كان افضل مني
انتاجياته في شغله متاكد انها مثلي واحسن يمكن بعد- كاداء وكمسؤليه وكم العمل- وحتى وقت العمل يدوامون مثلنا وعندهم حس المسؤليه ويستاهلون اكثر
وهم كثر بعد- وهذا مثال واحد واعرفه -
ارحموهم وخففو عنهم وساعدوهم هذولا هل قطر وهذولا شباب قطر
ويستاهلون منكم كل خير
واتمنى انه الامر وسد لهله في هالعمليه
وصبرو واجد وسنوات طويله واالحل انا قلته مب في هجره هالشباب المتميزين من عملهم
الابالعكس كلن يخدم قطر في مكانه ويرد الدين والواجب الي عليه
الحل هو زياده علاواتهم مب انك تروح وتنقص عليهم العلاوات وتشل منهم وتعلل بالميزانيه
وكان الله في العون

وجهك ابيض يالشيخ .. لا يكون انه هو رفيجك :secret:

والله يا اخوي في تقتير .. ما ندري وشو سببه ..

احنا نقول البلاد في خير .. والناس تقول البلاد في خير ..

احد الأخوة المراجعين شاف الشغل وزحمة الشغل .. وسألني ليش ماتعينون موظفين عشان الشغل الموجود ؟ حسباله بويوسف عنده عصا سحرية ..

وما يدري انه كتب رايحة ( one way) بإستمرار لطلب موظفين .. عندنا استقالات وما يتم تعيين حتى بديل لهم .. ما تدري ليش !!!!

وراتب المهندس عندهم حدث ولاحرج راتب ثانوية وشوية زيادة ..

موضي قطر

23-02-2011, 10:03 PM

نبي قانوني يدخل ويقولنا هل من حقنا مقاضاة جهةالعمل بسبب تقصص الراتب ووقف بعض العلاوات او العمل الإضافي بدون وجه حق ؟؟

ما اقصد البلدية بالتحديد اقصد أي جهة عمل ككل

سهم قطر

23-02-2011, 10:21 PM

عليكم بالدعاء فأن تصريف الامور بيد رب العالمين وليست بيد مدير ولا وزير
وتذكروا حديث الرسول الأمين:
(لو اجتمعت الانس والجن على أن يضروك بشيء لم يضروك إلا بشيء قد كتبه الله عليك ، ولو اجتمعت الإنس والجن على أن ينفعوك بشيء لم ينفعوك إلا بشيء قد كتبه الله لك ، رفعت الأقلام وجفت الصحف)

مشكلتنا بعدنا عن الدين وعن اليقين بالله والتوكل عليه

كفاحي

24-02-2011, 02:26 AM

نبي قانوني يدخل ويقولنا هل من حقنا مقاضاة جهةالعمل بسبب تقصص الراتب ووقف بعض العلاوات او العمل الإضافي بدون وجه حق ؟؟

ما اقصد البلدية بالتحديد اقصد أي جهة عمل ككل

مادة ( ١٧٣) من قانون الموارد البشرية
لا يجوز إجراء خصم أو توقيع حجز على المبالغ الواجبة الأداء من الجهة الحكومية للموظف بأي صفة كانت إلا وفاءً لنفقة أو لدين محكوم به من القضاء أو لسداد ما يكون مستحقاً عليه للجهة الحكومية سواء لسبب يتعلق بأداء وظيفته ، أو لاسترداد ما يكون قد صرف له بغير وجه حق ،ولا يجوز أن يزيد ما يخصم أو يحجز من هذه المبالغ على ربع راتبه ، وعند التزاحم تكون الأولوية للنفقة المحكوم بها ثم لدين الجهة الحكومية ثم الديون الأخرى.

موضي قطر
المسؤولين يعرفون القانون ويطبقونه بدقة اذا كان ضد الموظفين والموظفات
جيدين مشاء الله كان عليهم:)
اما اذا كان القانون مع الموظفين والموظفات
ينسون وغشيمين و سقط سهون وبدرسون الموضوع
ومش في يدهم!؟:omg:

موضي قطر

24-02-2011, 08:04 AM

مادة ( ١٧٣) من قانون الموارد البشرية
لا يجوز إجراء خصم أو توقيع حجز على المبالغ الواجبة الأداء من الجهة الحكومية للموظف بأي صفة كانت إلا وفاءً لنفقة أو لدين محكوم به من القضاء أو لسداد ما يكون مستحقاً عليه للجهة الحكومية سواء لسبب يتعلق بأداء وظيفته ، أو لاسترداد ما يكون قد صرف له بغير وجه حق ،ولا يجوز أن يزيد ما يخصم أو يحجز من هذه المبالغ على ربع راتبه ، وعند التزاحم تكون الأولوية للنفقة المحكوم بها ثم لدين الجهة الحكومية ثم الديون الأخرى.

موضي قطر
المسؤولين يعرفون القانون ويطبقونه بدقة اذا كان ضد الموظفين والموظفات
جيدين مشاء الله كان عليهم:)
اما اذا كان القانون مع الموظفين والموظفات
ينسون وغشيمين و سقط سهون وبدرسون الموضوع
ومش في يدهم!؟:omg:

ردك معناته انه مب من حق جهة العمل تمنع المكآفئات والعلاوات المستحقة فابتكون المشكلة في الموظف اللي سكت وما اشتكى وخذ حقه :telephone:

غير البشر

24-02-2011, 08:33 AM

ردك معناته انه مب من حق جهة العمل تمنع المكآفئات والعلاوات المستحقة فابتكون المشكلة في الموظف اللي سكت وما اشتكى وخذ حقه :telephone:

اختي موضي احنا من اشتغلنا وانعرف ان المسئول يحاول قد مايقدر ان يمنع اشياء كثيره من حق الموظف او على الاقل يأخرها
واتحصلينه دايما يصعب الموضوع
انا بصراحه مادري ليش :rolleyes2:

وشمس الضحى

24-02-2011, 12:21 PM

صحيح كلامج حبيبتي لان لو كان قطري واحد في اللجنة جان مارضى بهالظلم اللي وقع على الموظفين القطريين .. بس مع الاسف حتى القوانين المصيرية للقطريين ناخذ فيها راي الاجانب اللي ماتهمهم مصلحة المواطن ولا راحته الا بالعكس يحاولون يضيقونها عليه من الحقد والحسد .. الله يكافينا شرهم

____________________________________________

فعلا ما فيه قطري في اي لجنة تبت في القوانين المتعلقة بالمواطنين .... و احيانا يضعوا واحد في اللجنة ليس له اي دور... بس لذر الرماد في العيون ( منظر)

مستجدة

24-02-2011, 12:24 PM

شموع قطريه

24-02-2011, 06:42 PM

والله حرام موظفين البلديه رواتبهم بسيطه وحالتهم حاله وبعد يقصون منها 2300
والله حرام وراهم عيال وبيوت وديون بنيكه الى متى وكل يوم نقراء عن جهه قصت راتب موظفينينا
هذا بدال مايزيدونهم

مانقول غير حسبي الله ونعم الوكيل

المسؤولين الكبار وشعليهم من الموظفين .. أهم شي هم رواتبهم تنزل كامله مب ناقصه ريال واحد .. وتقاريرهم يرفعونها وفيها كل شي تمام سيدي وماعندنا اي مشاكل وتمشي السالفه .. واللي يطيحون فيها هالموظفين الفقارى اللي تنزل رواتبهم مقصصه ومنتفه كل شهر ولا حد معطيهم بال ولا اهمية .. واذا اشتكوا وتظلموا سكتوهم بجملة خلاص بتنزل لكم في الشهور الجاية بأثر رجعي ولا يشوفون لا اثر رجعي ولا هم يحزنون ..

اللي نبي نعرفه من اللي يلعب في رواتب الموظفين .. وهل المسؤولين عن الحسابات مب كفو انهم يديرون هالقسم .. ولا تجيهم اوامر عليا انهم يخصمون مصاريف المؤتمرات وقاعات الفنادق والصرف ببذخ على ضيوفهم من رواتب الموظفين ..

انا اطالب بتحقيق في هالشي لان الموضوع ماينسكت عليه لان الناس عندهم مصاريف وديون مب ناقصين يقطعون نص راتبهم بدون مبرر .. هالموظفين يشتغلون في الحكومه مايشتغلون عند احد ومن حقهم تنزل رواتبهم كامله من غير نقصان .

الموضوعي

24-02-2011, 08:45 PM

في زيادة قادمة لضباط الجيش والشرطة وكانت وزارة المالية معترضة عليها منذ فترة لكن اعتقد انها وجدت الحل في تخفيض رواتب موظفي البلدية

jajassim

24-02-2011, 09:09 PM

في زيادة قادمة لضباط الجيش والشرطة وكانت وزارة المالية معترضة عليها منذ فترة لكن اعتقد انها وجدت الحل في تخفيض رواتب موظفي البلدية

يعني هى صاحبة القرار :secret:

شموع قطريه

24-02-2011, 11:56 PM

في زيادة قادمة لضباط الجيش والشرطة وكانت وزارة المالية معترضة عليها منذ فترة لكن اعتقد انها وجدت الحل في تخفيض رواتب موظفي البلدية
اذا كان هالكلام صحيح فانا اعتبره قرار غبي من شخص اغبى مايستحق انه يتم دقيقه وحده في منصبه ..

كفاحي

25-02-2011, 04:15 AM

في زيادة قادمة لضباط الجيش والشرطة وكانت وزارة المالية معترضة عليها منذ فترة لكن اعتقد انها وجدت الحل في تخفيض رواتب موظفي البلدية

كلامك لايصدقه عاقل
قرارات الزيادة تصدر باأوامر ساميه
من سمو الامير اوسمو ولي العهد،،،الله يحفظهم
كيف وزارة المالية تعترض!!؟.

نعم للنقاش الهادف و البناء لكي نرتقي بأفكارنا وعقولنا
بعيدا عن السذاجة و الشاعات والاتهامات .

الموضوعي

25-02-2011, 06:30 AM

كلامك لايصدقه عاقل
قرارات الزيادة تصدر باأوامر ساميه
من سمو الامير اوسمو ولي العهد،،،الله يحفظهم
كيف وزارة المالية تعترض!!؟.

نعم للنقاش الهادف و البناء لكي نرتقي بأفكارنا وعقولنا
بعيدا عن السذاجة و الشاعات والاتهامات .

هذا الكلام هو حديث المجالس وليس من عندي ، ومافي زيادة رواتب في اي دولة في العالم إلا توافق عليها وزارة المالية في تلك الدولة

كفاحي

25-02-2011, 04:06 PM

هذا الكلام هو حديث المجالس وليس من عندي ، ومافي زيادة رواتب في اي دولة في العالم إلا توافق عليها وزارة المالية في تلك الدول

عفوا أخوي
ردك غير مقنع و فيه تهرب ولف ودوران وترديد ونقل الشاعات بدون مصدر موثوق

في زيادة قادمة لضباط الجيش والشرطة وكانت وزارة المالية معترضة عليها منذ فترة لكن اعتقد انها وجدت الحل في تخفيض رواتب موظفي البلدية

قرارت الزيادة في الرواتب تجي بقرار من سمو الامير او ولي العهد
سؤالي واضح
هل تقدر وزارة المالية تعترض !؟ كما تدعي!.

- لما تقول :- ( اعتقد انها وجدت الحل في تخفيض رواتب موظفي البلدية)
تقصد وزارة المالية هي قامت بتخفيض رواتب موظفي البلدية!!؟

سبحان الله وزارة البلدية ومدير الموارد البشرية ووزير البلدية مش هم السبب .
وزارة المالية هي السبب بناء على حديث المجالس لي تقوله!!؟

فعلا تصلح محامي لوزارة البلدية

انا حره

25-02-2011, 11:14 PM

اكثر ربعي قدمو استقالتهم من البلديه وراحوو للبنوووك بسبب الظلم الي لقووه فيها

وعلى فكره خصم العلاوات على الكل من مدير الى اصغر موظف الله يعينهم

شموع قطريه

25-02-2011, 11:17 PM

اكثر ربعي قدمو استقالتهم من البلديه وراحوو للبنوووك بسبب الظلم الي لقووه فيها

وعلى فكره خصم العلاوات على الكل من مدير الى اصغر موظف الله يعينهم
زين ومن اللي يخصم .. وايش مصلحته من هالخصم ؟؟ .. والاهم من هذا كله على ايش يصرفون المبالغ اللي تنخصم من الموظفين شهريا ؟؟؟؟؟

اسئله كل الموظفين يتمنون يعرفون اجابتها .. وياريت الوزير بنفسه يتكرم ويوضح للموظفين وين تروح هالمبالغ وعلى اي اساس انخصمت .. مب هو وزير ؟؟!! اذن هذا دوره

qatari 111

26-02-2011, 02:50 AM

الله يعينا
http://www.qatarshares.com/vb/showthread.php?p=6978805#post6978805

rashid700

26-02-2011, 11:51 AM

زين ومن اللي يخصم .. وايش مصلحته من هالخصم ؟؟ .. والاهم من هذا كله على ايش يصرفون المبالغ اللي تنخصم من الموظفين شهريا ؟؟؟؟؟

اسئله كل الموظفين يتمنون يعرفون اجابتها .. وياريت الوزير بنفسه يتكرم ويوضح للموظفين وين تروح هالمبالغ وعلى اي اساس انخصمت .. مب هو وزير ؟؟!! اذن هذا دوره

بلانا من الوزير نفسه ومن شاهين السبيعي

شموع قطريه

26-02-2011, 12:24 PM

بلانا من الوزير نفسه ومن شاهين السبيعي

وهالشاهين السبيعي عنده صلاحيه انه يخصم من رواتب الموظفين علشان يوفرها لمصروفات الوزاره ؟؟!! اذا عنده فمن اللي عطاه هالصلاحيه ؟؟
وهل يخصمون هم من رواتبهم مثل مايخصمون من رواتب الموظفين ولا رواتبهم ممنوع الاقتراب منها ورواتب الموظفين سبيل لهم يخصمون منها اللي يبون بدون وجه حق؟؟

واذا كان الوزير نفسه هو اللي اصدر توجيهات بهالخصومات الغير مبرره فأنا اتمنى من السيد معالي رئيس مجلس الوزراء انه يحقق في هالموضوع ويحاسب الوزير على هالظلم اللي اوقعه على موظفي الوزاره ..
ترى اللي راتبه 50 و60 الف اذا انخصم من راتبه 2000 ولا 3000 مب متضرر مثل اللي راتبه 10 الاف و15 الف وتنخصم عليه هالمبالغ وعليه ديون ويدفع اجار بيته ..

بويوسف

26-02-2011, 05:51 PM

اخواني لا داعي لذكر الأسماء .. جميع الأخوة ان شاءالله على خير ولكن هناك خطأ ما وهناك ظلم يقع على الكثير.. والمشكلة لاتخص موظف او اثنان ولكنها واضحة للعيان والكثير من الموظفين استقالوا بسبب وجود الظلم الواقع عليهم.

wadha-qa

26-02-2011, 06:28 PM

محد يعرف اذا فيه شواغر في الغار ولا البترول ابي اقدم استقالتي يالربع :(
كفايه ان رواتبنا اقل رواتب في الدوله بعد يخصمون صراحه ظلم وقهر

hamoor4ever

26-02-2011, 06:50 PM

محد يعرف اذا فيه شواغر في الغار ولا البترول ابي اقدم استقالتي يالربع :(
كفايه ان رواتبنا اقل رواتب في الدوله بعد يخصمون صراحه ظلم وقهر

ماتقدرين على لسان المسؤولين هناك ، موظفين البلديه ممنوعين من القبول بشركات النفط والبترول ؟؟ لايوجد كتاب رسمي لكن هناك امر شفهي ، اذن الجلوس في البلديه هو اجباري وليس اختياري والظلم اجباري وليس اختياري

الموضوعي

26-02-2011, 08:15 PM

عفوا أخوي
ردك غير مقنع و فيه تهرب ولف ودوران وترديد ونقل الشاعات بدون مصدر موثوق

قرارت الزيادة في الرواتب تجي بقرار من سمو الامير او ولي العهد
سؤالي واضح
هل تقدر وزارة المالية تعترض !؟ كما تدعي!.

- لما تقول :- ( اعتقد انها وجدت الحل في تخفيض رواتب موظفي البلدية)
تقصد وزارة المالية هي قامت بتخفيض رواتب موظفي البلدية!!؟

سبحان الله وزارة البلدية ومدير الموارد البشرية ووزير البلدية مش هم السبب .
وزارة المالية هي السبب بناء على حديث المجالس لي تقوله!!؟

فعلا تصلح محامي لوزارة البلدية

ياخي مافي أي زيادة في اي دولة في العالم إلا بعد استشارة وزارة المالية بعدين أنا مادافع عن وزارة البلدية ، كلنا نعرف أن هالوزارة تحارب موظفينها وان القياديين في الوزارة يشفون الموظفين من خلال نظارة الحسد والحقد الحقران مثلهم مثل القذافي

Um-Dana

26-02-2011, 08:19 PM

الله يعين الجميع ويتغيركل شي الى الأحسن

auto body

27-02-2011, 01:17 AM

اتمنى ان وزير البلدية يفتتح باب مكتبة او الدعوة لكل يوم بلدية او ادارة وفتح النقاش الجاد
في مسرح الوزارة

كفاحي

27-02-2011, 01:45 AM

ياخي مافي أي زيادة في اي دولة في العالم إلا بعد استشارة وزارة المالية بعدين أنا مادافع عن وزارة البلدية ، كلنا نعرف أن هالوزارة تحارب موظفينها وان القياديين في الوزارة يشفون الموظفين من خلال نظارة الحسد والحقد الحقران مثلهم مثل القذافي

احترم وجهة نظرك
وتشرفت بالحوار مع شخصك الكريم ..
ماتقدم كان لإثراء الحوار فقط

rashid700

27-02-2011, 01:30 PM

اتمنى ان وزير البلدية يفتتح باب مكتبة او الدعوة لكل يوم بلدية او ادارة وفتح النقاش الجاد
في مسرح الوزارة

الله يذكره بالخير وزير البلديه السابق اللي كان مكتبه مفتوح 24 ساعه بعد صلاة الفجر له جلسه معروفه ويوم شاف أكثر المراجعين من كبار السن قال لهم انا بجيكم وبقصر عليكم العنوه وقام يدور على البلديات والمكاتب الفرعيه التابعه لها ومافيه مراجع يدخل عليه الا ويطلع رافع راسه ويتبسم واموره خالصه .
والقليل من المسؤليين اللي بيسوي سواته

N7eEeS

27-02-2011, 01:44 PM

سؤال هل صرف هذه البدلات(الهاتف-السياره-العمل الإضافي) كان يتم بناء على استحقاق الموظف لها يعني الموظف يستخدم هاتفه للعمل والسياره للعمل ويداوم في غير اوقات العمل الرسميه.
اذا كانت الاجابة بنعم فلا يحق للوزير او غيره بمنعها واذا كانت الاجابه بلا وكان يتم صرف هذه البدلات للموظفين بدون سند قانوني فيجب محاسبة الوزير على إهداره اموال الدوله ومحاسبته على كل الف الف ومئة ومئة وريال ريال ودرهم درهم :) .

حيهور

27-02-2011, 01:54 PM

موب كفاية المخالفات المتر 250 ريال

حسبي الله ونعم الوكيل

شموع قطريه

28-02-2011, 02:58 PM

بشروا ياموظفين البلديه عسى حصلتوا حق من ورى مطالبكم وتظلماتكم

rashid700

28-02-2011, 11:38 PM

للأسف ان هذا المنتدى صار مثل البرنامج الإذاعي وطني الحبيب حق الكلام والحكي والفظفظه بس بدون فايده للطرف المتضرر مافيه حلول للمشاكل اللي قاعدين نشوفها ونسمعها ونقراها
قال الرسول (ص):من راى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان.
وقال (ص): من مات دون ماله فهو شهيد.

بو نايف

28-02-2011, 11:54 PM

حسب الله ونعم الوكيييييييل

على هالوزاره اللي لتهتنا وقصقصت رواتبنا

وانا راجعتهم على نقص في الراتب

قالولي وقفنا العلاوات للدراسه

الله لا يوفقهم
مايقدرون يخلونها تمشي ويدرسووون بكييفهم سوونا مثل الشركات الخاصه اهم شي شلوون نوفل فلووس باللف والدوران

وانا صارلي سنه ابي علاوتي الدوريه تنزل والحين دخلنا السنه الجديدة والعلاوه القديمه ما نزلت !!!!! !!!!!!

نحتاااااااااااج وقفه من الوزيييييييييييير

هذا وقت الوزير للتدخل

المزن الرياني

01-03-2011, 12:09 AM

الموضوعي

01-03-2011, 12:18 AM

للأسف الوزير هو اللي موقفها على كلام الhr

الوزاره الوحيده اللي مكانك سر

سمعت معلومة من كذا موظف في البلدية أن وزير البلدية راح السوق المركزي يبي يفتش على موظفي البلدية ودخل على إدارة تابعة لوزارة الاعمال والتجارة وماحصل أحد وراح اتخذ اجراء ضد موظفي البلدية اللي كان ناوي يفتش عليهم!! ومحد قاله انه دخل على موظفي وزارة الأعمال مب موظفي البلدية!

بو نايف

01-03-2011, 05:00 PM

ما يعرف اذا الاداره تابعه له او لا !!!!!!!!!!!!!!!!!!

بودحوم

01-03-2011, 07:21 PM

الخبر ( الغير أكيد )

أن اللي انقطعت عنهم هذه العلاوات . احتمال عودتها في راتب شهر مارس
وذلك بعد الحصول على مبلغ إضافي من وزارة المالية .

والخبر ( الأكيد )

ان العلاوات ستعود في نهاية ابريل مع الميزانية الجديدة . ( حسب الكشوفات الجديدة )

يعني اللي اسمه بينزل في الكشوفات الجديده راح تنزل له العلاوات .

والمسؤولين عن هذه الكشوفات هم مدراء الإدارات

يعني إذا مديرك حط اسمك في الكشف المرسل للموارد البشرية بتنزل لك العلاوات

المزن الرياني

01-03-2011, 09:34 PM

ومتى التقييم السنوي ؟

دخلنا شهر مارس وللحين مالهم حس
وزاره ماشيه بعصر التسعينات

rashid700

01-03-2011, 10:04 PM

اليوم رحت للموارد البشريه وقال لي الموظف ان الوزير هو اللي موقفها
والله يشهد على كلامي

qtr qtr

02-03-2011, 01:10 AM

بودحوم

02-03-2011, 01:30 AM

الله الله فينا يا مدراء ورؤساء الاقسام لاتنسونا :nice:

ضبط امورك مع مدير الإدارة:nice:

rashid700

21-03-2011, 11:59 PM

لا حس ولا خبر ياجماعه
دام الوزراء كل واحد مسكر باب مكتبه وحاط له عشرين حاجب على الباب ومن وراهم مدير مكتبه
عزالله ما انحلت مشاكل الناس لا المراجعين ولا الموظفين
زنقه .............زنقه............زنقه .............زنقه الى ماله نهايييييييييييييييييييييييييييييييييييييييه

شموع قطريه

28-03-2011, 12:20 AM

سمعت معلومة من كذا موظف في البلدية أن وزير البلدية راح السوق المركزي يبي يفتش على موظفي البلدية ودخل على إدارة تابعة لوزارة الاعمال والتجارة وماحصل أحد وراح اتخذ اجراء ضد موظفي البلدية اللي كان ناوي يفتش عليهم!! ومحد قاله انه دخل على موظفي وزارة الأعمال مب موظفي البلدية!

اشدعوه مافيه يافطة مافيه لافته بس تعال ودش واقطع العلاوات ليش الى هالدرجة حاقدين على موظفينهم يدورون عليهم الزلة وياريت بعد ظنهم في محله الا طلع غلطان وداخل قسم بالغلط ..

اقول ياموظفين البلدية شخبار رواتبكم .. اما صج المحاسبين اللي عندهم يبيلهم تجميع في خيشة وتقطهم بحر .. ماعندهم كمبيوترات !! ماعندهم تخزين بيانات الراتب في الحاسب الالي !! كل شهر الراتب ينزل غير عن اللي قبله ولا مره صادف شهرين نفس الراتب مع ان ايام الدوام هي نفسها لكن شنقول .. الله يساعدكم ياموظفين البلديه على بلواكم ..

مسمس12

28-03-2011, 12:33 AM

واللي يقولكم فوق كل هالتغيرات اللي بالراتب اللي يصير كل شهر

انا من اكثر من سنه اشتغلت معاهم مؤتمرين المؤتمر الاول من 8 صباحا الى 8 مساء لمدة يومين وفي اجازة رسمية اللي هي يوم جمعه وسبت وهي من حق الموظف والمؤتمر الثاني اشتغلت 4 ايام يومين من 2 الظهر لين 9 مساء ويومين من 8 الصبح لين 2 الظهر وقالوا لنا فية مكافئات بتنصرف لنا وكل ماكلمت المسؤؤال قال انطروا بتجيكم ان شاء الله وكلمته اكثر من مرة ويقول ان شاء الله جايتكم

ياعلها في ذمتهم وحسبي الله ونعم الوكيل

وهالكلام من اكثر من سنننننننننننننننننننننننننننننننننننننننننه