أختك المتزوجة [الأرشيف] - منتديات شبكة الأسهم القطرية

مشاهدة النسخة كاملة : أختك المتزوجة

جابر العثرات

23-02-2011, 09:42 AM

[[
color="navy"]center]
أختك المتزوجة
للأسف كثير من الإخوان يكون آخر علمه بأخته يوم عرسها
أو بعد ذلك بيوم أو يومين ...وبعدها تصبح في عالم النسيان ..!!

سلّمها للرجل ( زوجها )وتوكل على الله ، متخيلا أنها الآن في ذمة رجلها
وأنه لم يعد له دور في حياتها
وقع العقد ، وسلــّم البضاعة ، وانتهت المهمة

أختــــــــك ...
تزيد حاجتها لك حتى لو أنها تزوجت ، فهي بحاجة أكبر لعطفك
استشارتك ، بث همومها لك ، تثبيتك ونصحك لها...
أختك ... بسؤالك عنها وعن أحوالها تنعشها وتحييها

تقول إحداهن واصفة حالها عند زيارة أخيها لها أحس بأنني انتفض من الفرحة بزيارته وسؤاله عني
وأبدأ طوال الليل أتكلم عن أخي أمام زوجي ، وأتكلم عن حنان أخي وطيبته
نوع من الفخر والاستعداد لأي طلق ناري من الزوج فلا بد من الكيد البسيط
فهي تفتخر بإخوانها .. وكأنها تحذر زوجها من الإساءة لها فإخوانها موجودون !!

وأخرى ) مسكينة ) تقول : أضطر إلى الكذب على زوجي !! فأخبره بأن أخي يسلم عليه
( متصل اليوم يسأل عني ) !!!

أختـــك ...
بسؤالك عن أحوالها وزوجها ، والاطمئنان على نفسيتها وحقوقها
..تشعر بأن حقها قد أتاها ، وأن الخير ما تعداها ...

سلام وسؤال ودعوة طيبة منك ؛ تجعل من أختـــك ملكة زمانها في ذاك اليوم ..!!!

أختــــك ...
لو يرن الجوال برقمك ، أختك تبدأ تتحدث معك بصوت عالي ،
ليسمع زوجها و( حمولتها ) أن لها أخ حبيب عضيد يسأل عنها
وأسد يقف بجوارها يتفقدها بين الحين والحين ،فرحة ، فخورة بك
ولسان حالها يقول : أنت لي ملاذ لو ساءت الأحوال يا أخي ...

أختــــك ...
لا تأخذك الزوجة ، والأولاد ، ومشاغلك عنها ، فهي بك تعتز
وبك تقوى ، وبك تشعر بأن الدنيا فيها خير وسلام .

ألا يكفيك بأنها ابنة أمك !!

أختـــــك ...
يكبر قدرها عند زوجها ، ويحسب لك ألف حساب .. ويزداد احترامه لك

أختك مالها غيرك
حبيبتك ومن ريحة أمك

( منقول ) [/center][/color]

عابر سبيل

23-02-2011, 09:53 AM

موضوع جيد يا جابر العثرات...
ننتظر لنسمع اراء..كل الإخوة..و الأخوات!

هل..كل اخو..
تتمنى و تفرح الاخت.. باتصاله:(
و هل..كل اخت..
تستاهل ان اخوها يسأل عنها:)

نتفـه

23-02-2011, 09:56 AM

واللي ما يدرون عنه اخوانه وخواته شيسوي !!!!!!!!! :omg:
لنا الله بس ,,:weeping:

ديتول

23-02-2011, 09:56 AM

كلام سليم ياعابر :)

والحمدلله الدنيا للحين بخير

ديتول

23-02-2011, 09:57 AM

واللي ما يدرون عنه اخوانه وخواته شيسوي !!!!!!!!!
لنا الله بس ,,

نتفه شلون يشوفونك :)

ماعليك ياخوي أنت خلك أحسن منهم وسئل عنهم وأكسب الأجر

فالكـ GOOD

23-02-2011, 09:58 AM

موضوع جميل سلمت يمناك

حبيت كلمه أختك مالها غيرك
حبيبتك ومن ريحة أمك

بس للاسف مو كل الاخوان يسالون عن خواتهم والعكس ايضا
حزات الاخت ماتساال عن اخوها

الله يخلي اخواني والله فيهم الخير ودايم نفكر ببعض

والله يهدي الجميع ويحنن القلوب ع بعض

مشكور ع طرح الموضوع

ديتول

23-02-2011, 09:58 AM

نسيت اشكر صاحب الموضوع

شكراً ويزاك ربي الجنه

a.a.a.qatar

23-02-2011, 10:01 AM

ياخوي يا عزوتي ياضحكتي وبكاي
يامن على فزعتي يمينه في يمناي
يانبضة القلب وفزت خاطري
ياجره الأرض باقصى ضامري
تمضي الليالي والزمن فينا يدور
ويبقى الشعور بداخلي نفس الشعور
ياخوي يا عزوتي ياضحكتي وبكاي
يامن على فزعتي يمينه في يمناي
من لي سواك اللي على أكتافه أرتكي
أنت العضيد اللي أشد فيك الظهر يا خوي

كل الشكر لصاحب الموضوع :victory:

STAR

23-02-2011, 10:02 AM

عيل مادريت؟!!‏

في بعض الشباب يفتشل لان اخته تزوجت..‏!!!‏

حتى يوم عرسها يتخشش هذا اذا ماسافر بعد..‏!!‏

..الاميرة..

23-02-2011, 10:04 AM

طبعاً يظل الاهل والأخوان عزوه لنا وسند في الشده والرخى ..

والله الحمد لين الحين عيالنا فيهم خير والله لا يغير علينا أجمعين ..

وجزاك ألف خير اخوي انك طرحت موضوع مهم لم يتطرق له أحد من قبل ..

(رمز المحبه)

23-02-2011, 10:05 AM

انشهــد والله انه احنا تاخذنا الدنيـا احيانا عن اعز الناس لنا .. لا عاد نسأل ولا حتى بأتصال .. الله لا يعاقبنا بس والله مقصرين ومعترفين بهالشي .. بس الله كريم ان شاء الله نسأل ونتطمن ونتواصل معاهم وما ننساهم

لافوشيا

23-02-2011, 10:17 AM

:
عيل مادريت؟!!‏

في بعض الشباب يفتشل لان اخته تزوجت..‏!!!‏

حتى يوم عرسها يتخشش هذا اذا ماسافر بعد..‏!!‏

بل شدعوه صج؟؟؟
يعني ماتزوجت قالو عانس وماتسترت وفضحتنا :anger1:
وتزوجت وبعد ومتفشل؟؟؟؟ يعني شتسوي المسكينه ؟؟؟ الله يعين البنات والله مساكين مالهم ذنب

*محمد*

23-02-2011, 10:31 AM

شاكر لك على الموضوع ..

موضوع في الصميم ..

مثل ماتفضلواالي قبلي ( الاخت مالها الا اخوها هو سندها وعزوتها )

سهم احمر

23-02-2011, 10:33 AM

بيض الله وجهك أخوي على الموضوع المهم جداً

ضي البدر

23-02-2011, 10:36 AM

الحمدلله .. الحمدلله .. الحمدلله ..

وفي اخوان الله يعافينا مايعرف اختة الا حزت الزنقة)).. متدين ويبي فلووووس ويوم ياخذ الي يبيه يروح وينسى انه عنده اخت عزيزة وغالية..

عابر سبيل

23-02-2011, 10:37 AM

طبعا...في وجود الوالدين..او احدهما..
قد لا يكون الامر بهذا الوضوح الذي يشير له
كاتب الخاطرة التي نقلها/ جابر العثرات..

المسألة..تتضح..
عندما يكون الاخوة و الأخوات..
من غير الام و الاب..

هنا..تظهر بشكل اكبر..
مثل هذه الحاجات!!

اعتقد..ان الفكرة في راس الموضوع..
تصلح لمسلس من مسلسلات الكاتبة
(وداد عبداللطيف)..
لانها تذكرني..بمسلسلات (البيت الكبير)
وهلم جرا..

رغم ان الحياة..مليآآآنة..
بـ"اخوان و خوات"..
و بينهم..ياما..حَكَايا و حكايات..
و تجارب ملونة في الحياة...
حتى من قبل عصر (الاتصالات)..
و بعد عصر (الانتفاضات)!!

QatarSupport

23-02-2011, 10:40 AM

اسجل اعجابي للموضوع و الطرح و طارح الموضوع

صحيح هذا الشي منتشر كثير

سنين مضت كان الرجل وقت الشده " يتعزوى " باسم اخته

لكن للاسف الحين من بعد زواجها لا علم ولا خبر الا في المناسبات ..!!

لا خلا و لاعدم

عابر سبيل

23-02-2011, 10:41 AM

الحمدلله .. الحمدلله .. الحمدلله ..

وفي اخوان الله يعافينا مايعرف اختة الا حزت الزنقة)).. متدين ويبي فلووووس ويوم ياخذ الي يبيه يروح وينسى انه عنده اخت عزيزة وغالية..

طيب..و بعد الاخوان..بيقولون لج..
في خوات..ما يعرفون اخوانهم
الا عشان يفك ضيقتها؟؟
تبي تتوضف..
تبيه يتهاوش مع زوجها
عشان ما يفكر يتزوج عليها..
(بدل ما تسوي عمليات تجميل عشان تتشبب له:secret:)

تبيه..
يتوسط حق ولدها عشان يشتغل..طيار ..
و لا ع الاقل في سكيورتي المطار..

تبيه..يتوسط في الجوازات..
عشان خدامه او دريول..
*
*
،،
محد احسن من حد..

مدرسة

23-02-2011, 10:48 AM

[[
color="navy"]center]

تقول إحداهن واصفة حالها عند زيارة أخيها لها أحس بأنني انتفض من الفرحة بزيارته وسؤاله عني
أختك بسؤالك عن أحوالها وزوجها ، والاطمئنان على نفسيتها وحقوقها
..تشعر بأن حقها قد أتاها ، وأن الخير ما تعداها ...

سلام وسؤال ودعوة طيبة منك ؛ تجعل من أختـــك ملكة زمانها في ذاك اليوم ..!!!
أختــــك لو يرن الجوال برقمك ، أختك تبدأ تتحدث معك بصوت عالي ،
ليسمع زوجها و( حمولتها ) أن لها أخ حبيب عضيد يسأل عنها
وأسد يقف بجوارها يتفقدها بين الحين والحين ،فرحة ، فخورة بك

( منقول ) [/center][/color]

سبحان الله!
حسيت ان هالكلام عني ..... يعنيني .... فقد لمس مشاعري .... بالفعل فرحتي لا توصف لما يدخل حد من اخواني بيتي ..... و لما احد فيهم يتصل يسأل عني و عن احوالي
اشعر انه بجنبي

لايمكن انسى اني مرضت من سنوات ووقتها كانوا اخواني جنبي بشكل يومي ، استغفر الله ماودي المرض يرجع بس ودي لمتهم حوالي في ذيك الفترة ترجع

الله لا يخليني منكم .. آمين

طارق

23-02-2011, 10:53 AM

عيل مادريت؟!!‏

في بعض الشباب يفتشل لان اخته تزوجت..‏!!!‏

حتى يوم عرسها يتخشش هذا اذا ماسافر بعد..‏!!‏

هذه الفصيله من البشر من جنس معين
ولا هي من عوايد أهل قطر أذا اخته تزوجت سافر
يمكن هذي العادات مستورده من الخارج
:secret::secret::secret:

طارق

23-02-2011, 10:59 AM

boamir

23-02-2011, 11:00 AM

عيل مادريت؟!!‏

في بعض الشباب يفتشل لان اخته تزوجت..‏!!!‏

حتى يوم عرسها يتخشش هذا اذا ماسافر بعد..‏!!‏

!!!!
اول مره أسمع بهالشي في حياتي الصراحه

والموضوع واايد حلوو
وفعلا انا احب اقعد ويا خواتي واسأل عنهم
وكله طايح في بيت النسيب ههههههههههههههههه

جابر العثرات

23-02-2011, 11:15 AM

!!!!
اول مره أسمع بهالشي في حياتي الصراحه

والموضوع واايد حلوو
وفعلا انا احب اقعد ويا خواتي واسأل عنهم
وكله طايح في بيت النسيب ههههههههههههههههه

هههههههههههههههههههههههه
الله يخليكم لبعض ،، بس لا تكثر
ترى يختث النسيب ،، ويقلب على اختك

QATAR2011

23-02-2011, 11:25 AM

الأخوان والخوات مالهم غنى عن بعض الزوج بداله ألف والزوجه بدالها ألف بس أمك وأبوك وأختك وأخوك من يعوضهم وين نلقى بدالهم

ام عبدالعزيز

23-02-2011, 12:49 PM

أختك مالها غيرك
حبيبتك ومن ريحة أمك

فديت اخواني واعيالي..عزوتي

ملسونه

23-02-2011, 12:52 PM

والي مايدري عن اخته حتى قبل ماتتزوج!!

الله المستعان

ملسونه

23-02-2011, 12:54 PM

غلطه ترتكبها النساء
اتكون علاقتها سطحيه مع أخوانها قبل عرسها او بعده
حتى لو أخوها يحاول ياصلها ويسأل عنها
هي اتكون سلبيه معاه طول ماهي سمن على عسل مع بعلها

ماتعرف أخوانها الى وقت الهوشات

فلا اتلومون الأخوان يا خوات

وفيه العكس

يحاولون يعدلون علاقتهم مع اخوانهم حتى قبل الزواج

بس الاخ هو الي يقصر ولا يسأل ولا يحاول يتقرب

عاد بعد الزواج

عادي تقوله فلانه ولدت مثلا يقولك ليش هي متى حملت اصلا !!

بو الجوري

23-02-2011, 12:57 PM

بخصوص إن من كم يوم كان عرس إختي :.. :)
الله يباركـ لها :..

والله يا خوي الموضوع مهم :.. و في ناس مثل ماذكرت مايدرون عن خواتهم :..
وفي ناس على تواصل دايم بينهم وبين بعض :..

و أحيان تجي ظروف تبعدنا عنهم فتره :.. بسبب شغل أو سفر :..

و صلة الرحم مهمه :.. الله لايفرق الإخوان :..

قطرة ندى

23-02-2011, 01:03 PM

يعطيك ألف عافيه على الموضوع الشيق

ومن منا مايفتخر بإخوانه

وامه وأبوه على راسهم :)

gulfnet

23-02-2011, 02:03 PM

موضوع جيد ... وفعلا هذا هو حال بعض الاخوان تجاه اخواتهم .. لا يسألون عنهم ولا يفكرون بعد

مع واقع تجربة من بعض الناس ...

لافوشيا

23-02-2011, 04:48 PM

طيب..و بعد الاخوان..بيقولون لج..
في خوات..ما يعرفون اخوانهم
الا عشان يفك ضيقتها؟؟
تبي تتوضف..
تبيه يتهاوش مع زوجها
عشان ما يفكر يتزوج عليها..
(بدل ما تسوي عمليات تجميل عشان تتشبب له:secret:)

تبيه..
يتوسط حق ولدها عشان يشتغل..طيار ..
و لا ع الاقل في سكيورتي المطار..

تبيه..يتوسط في الجوازات..
عشان خدامه او دريول..
*
*
،،
محد احسن من حد..

مافهمت هالنقطه؟؟؟؟؟؟؟؟؟؟

امـ حمد

23-02-2011, 04:59 PM

بارك الله فيك اخوي على الموضوع النادر من نوعه

هدهد سليمان

23-02-2011, 05:00 PM

زين والي تقول ما ابي حد يزورني !
واللي يشعر انه ماله ترحيب في بيت اخته !
واللي يتصل حق اخته وكل ما يتصل ما ترد او انها مشغوله!

جابر العثرات

23-02-2011, 05:22 PM

زين والي تقول ما ابي حد يزورني !
واللي يشعر انه ماله ترحيب في بيت اخته !
واللي يتصل حق اخته وكل ما يتصل ما ترد او انها مشغوله!

ما أكذبك والله ،، بس قويه على الاخت اتقول جذيه لاخوانها
وفي جميع الأحوال بعد أتصل وأعرف شلي في خاطرها ومزعلها
وفي جميع الأحوال بعد انت الواصل ولا تقطع الرحم

فتى الجود

23-02-2011, 05:31 PM

الكلام هذا صحيح 100 %

وفي من الناس ياخذ عدم السؤال
من المراجل

ومن العادات والتقاليد

بوحارب

24-02-2011, 04:10 AM

بوحارب

24-02-2011, 04:12 AM

البنت مسكينة دايما تبي من يهتم فيها ويسأل عنها

سواء تزوجت اذا للحين

وماراح تحصل احسن من زوجها وللحين الأخوات يتفدون اخوانهم وهم في احضان ازواجهم :shy:

:(

ما أكذبك والله ،، بس قويه على الاخت اتقول جذيه لاخوانها
وفي جميع الأحوال بعد أتصل وأعرف شلي في خاطرها ومزعلها
وفي جميع الأحوال بعد انت الواصل ولا تقطع الرحم

الله يهديك في اسلوب احسن من هالأسلوب :)

الخارجية

24-02-2011, 12:20 PM

جزاك الله خير على الموضوع الطيب (( والله كنت غافل عن هذي النقطة وفي ميزان اعمالك ))

بوخالد911

24-02-2011, 02:50 PM

موضوع رائع جدا

جابر العثرات

24-02-2011, 05:37 PM

إلى كل من قرأ الموضوع
أتمنى أن تقوم بالاتصال باختك الآن
متزوجه أو غير متزوجه
زعلانه عليك ولا راضيه
دايما انت الكبيييييير
ولأنها اختك ومالها غيرك

Arab!an

24-02-2011, 07:16 PM

قبل لا يكون التواصل فقط لتطييب خاطر او لحاجة .. تذكروا انها صلة رحم تؤجرون عليها وتزيد في العمر

حـ ن ـيـ ن

24-02-2011, 08:36 PM

موضوع جميل ومهم

بارك الله في صاحب الموضوع وبارك الله في كل من وصل اخته

سونيتا

24-02-2011, 10:55 PM

فديت اخواني تواصلنا شبه يومي والله لايفرقنا انا اصغرهم كلهم لكن من قد احترامهم وتقديرهم حتى راسي يبوسونه واطلب من كل اخت تتصل باخوانها وتتواصل معهم كل يوم حتى لو بمسج ترى الاخوان مالهم عوض الله يحفظهم ويبارك فيهم