لا تروحين عزيمه ولا..... علشان ما يصير لك كذا >> للنقااااااش

[شيخ القبيلة]

انعزمت حرمه لحفل زفاف بأحد الفنادق

و لما وصلت إلى المدخل وجدت بابين ..!


الاول/ مكتوب عليه لأهل المعرس..!


و الثاني/ مكتوب عليه لأهل العروس ..!


*** فدخلت من باب اهل المعرس***


مشيت خطوتين لقت بابين ..!


الاول / مكتوب عليه للرجال ..!


و الثاني / مكتوب عليه للنساء ..!

*** فدخلت من باب النساء ***


مشت خطوات لقت بابين ..!


الأول / مكتوب عليه لمن تحمل هديه..!


و الثاني / مكتوب عليه لمن لا تحمل هديه..!


و بما انها لا تحمل هديه
***دخلت من باب لمن لا تحمل هديه ***

و فجأه















و فجأه




















و فجأه









لقــــــــــت نفســــــــها في الشـــــــارع

العضوات العزيزات

هل صارت معاكي؟؟؟؟

إعترفي

عادي تصير

لو تطبق عندنا لقينا نص النساء في الشارع

هل توافقنني الرأي؟؟؟؟

موضوعي للنقاش ياخواتنا العضوات

هل تشيلين هم الهديه عند زيارتك للنفاس أو زفاف أو حفلة؟؟؟

وممكن الاعضاء الرجال يشاركون بآرائهم :nice:

[شيزكيك]

بس مب من عوايدنا نودي هديه يوم العرس

عقب العرس نزور العروس ومعانا هديتها ولما نروح للمربي بعد نودي الهديه معانا

والغالب على هل قطر انهم ذوق ويحبون يهادون ويتهادون

[ملسونه]

هههههههههههههههههههه

لا الصراحه الصراحه

اذا رحت اي مناسبه اصلا افكر في هالشي قبل كل شي

بس اذا رحت عرس ماافكر في الهديه اخليها ع امي

بس اذا ولاده او خطوبة وحده من رفيجاتي او تخرج

اول شي افكر فيه الهديه


عشان عيب وعشان ماانطرد في الشارع :shy:

[شيخ القبيلة]

بس مب من عوايدنا نودي هديه يوم العرس

عقب العرس نزور العروس ومعانا هديتها ولما نروح للمربي بعد نودي الهديه معانا

والغالب على هل قطر انهم ذوق ويحبون يهادون ويتهادون

زين احنا ماقصدنا الهدية يوم العرس بالذات يعني كمثال والأهم هو (موضوع الهدية) والناس اللي يكلفون على نفسهم والمفوشر وانا طرحت الموضوع للنقاش مب علشان تعلميني ان غالب هل قطر ذوق ومادري شنو عندج شي ينفع قولي ولا لاتعبين اصابعج على الكيبورد وبس قرقر واجد مايبي .

[شيزكيك]

زين احنا ماقصدنا الهدية يوم العرس بالذات يعني كمثال والأهم هو (موضوع الهدية) والناس اللي يكلفون على نفسهم والمفوشر وانا طرحت الموضوع للنقاش مب علشان تعلميني ان غالب هل قطر ذوق ومادري شنو عندج شي ينفع قولي ولا لاتعبين اصابعج على الكيبورد وبس قرقر واجد مايبي .

شقلت انا الحين انا تكلمت على الي انا وربعي ومجتمعي نسويه مب يايه اعلمك ولا شي وردي كلش مافيه نقد لموضوعك وانت طلبت النقاش

[شيخ القبيلة]

شقلت انا الحين انا تكلمت على الي انا وربعي ومجتمعي نسويه مب يايه اعلمك ولا شي وردي كلش مافيه نقد لموضوعك وانت طلبت النقاش

أيه صح أنا طلبت النقاش .......بس ماطلبت اللي يتكلمون قرقر وايد مامنه فايده

[قطرة ندى]

والله أخاف اقول رأيي تنتقدني نفس
اللي قبلي .. هي ماقالت شي غلط
هذا الواقع وكل واحد هديته تعبر عن اهتمامه

وأظن مالك حق تنتقد الاراء وتستهزئ فيها
هذا حوار عام ..،
ياليت تسمع الاراء بصدر رحب
ولا ليش منزل الموضوع !!!!

[شيخ القبيلة]

والله أخاف اقول رأيي تنتقدني نفس
اللي قبلي .. هي ماقالت شي غلط
هذا الواقع وكل واحد هديته تعبر عن اهتمامه

وأظن مالك حق تنتقد الاراء وتستهزئ فيها
هذا حوار عام ..،
ياليت تسمع الاراء بصدر رحب
ولا ليش منزل الموضوع !!!!

والله اللي واثق من نفسه بيقول رايه بكلللللل صراحة ومايخاف من الجني نفسه وأهم شي أن رايه يخدم وينفع الموضوع نفسه أما قرقرقرقر مامنه فايده لالالالالالالا وأنتي شكلج مثها ههههههههه قرقرقرقر وايد مامنه فايده هههههههه:tease:

[موضي قطر]

الهدية ما اعاني فيها لأني اعرف اذواق اللي بهاديهم وبصراحة ما اكلف على عمري و ما اقصد اجيب هدية رخيصة بس مب معناته آخذ هديه بــ 10000 بصراحة لازم يكون كل شي له حدود حتى لو هديه واللي تتزوج من ربعي اودي لها هديتها بعد حفله الزواج

[شيخ القبيلة]

الهدية ما اعاني فيها لأني اعرف اذواق اللي بهاديهم وبصراحة ما اكلف على عمري و ما اقصد اجيب هدية رخيصة بس مب معناته آخذ هديه بــ 10000 بصراحة لازم يكون كل شي له حدود حتى لو هديه واللي تتزوج من ربعي اجيب لها هدية بعد الزواج

ياهلا ويامرحبا بأختي الغالية موضي قطر ونورك غطى على الكهربا
وشكرا على المشاركة القيمة .....أيه هذي الردود والمشاركات ولا بلاش وتقبلي من كل التقدير والاحترام .

[موضي قطر]

ياهلا ويامرحبا بأختي الغالية موضي قطر ونورك غطى على الكهربا
وشكرا على المشاركة القيمة .....أيه هذي الردود والمشاركات ولا بلاش وتقبلي من كل التقدير والاحترام .


تبي تسوي مشكله بيني وبين البنات اللي ردوا يمه منك انا وياهم حبايب بس انت ركز في موضوعك :nice:

[قطرة ندى]

والله اللي واثق من نفسه بيقول رايه بكلللللل صراحة ومايخاف من الجني نفسه وأهم شي أن رايه يخدم وينفع الموضوع نفسه أما قرقرقرقر مامنه فايده لالالالالالالا وأنتي شكلج مثها ههههههههه قرقرقرقر وايد مامنه فايده هههههههه:tease:


ههه والله مادري من اللي يقرقرر ويبربرر بدون هدف :)

[شيخ القبيلة]

تبي تسوي مشكله بيني وبين البنات اللي ردوا يمه منك انا وياهم حبايب بس انت ركز في موضوعك :nice:

لا والله بالعكس أنا عبرت عن رأيي لأني مقتنع ان مشاركتج انفعت الموضوع وزادته اثراء وماقصدت ابدا اني اسوي مشكلة بينج وبينهم ياأختي ياموضي قطر قلت لج نورك غطى على الكهربا وبعد تقبلي مني كل التقدير والاحترام

[لافوشيا]

مافهمت شسالفه؟؟؟؟؟؟؟؟؟؟؟؟

[شيخ القبيلة]

ههه والله مادري من اللي يقرقرر ويبربرر بدون هدف :)

مين ده .......انتي مين .......ههه:tease:

[شيخ القبيلة]

مافهمت شسالفه؟؟؟؟؟؟؟؟؟؟؟؟

لا عاد يالافوشيا كله ولا مشاركتج انا ادري ان مشاركاتج حللللللللللوة .
يالله عاد..... أبدعي وشاركي وعطينا رايج في الموضوع .

[qtrose]

قال رسول الله صلى الله عليه وسلم " تهادوا تحابوا"

وقال صلى الله عليه و سلم :" و الذي نفسي بيده لا تدخلوا الجنة حتى تؤمنوا ،

و لا تؤمنوا حتى تحابوا "


ومن وجهة نظري الهدية مش في قيمتها ! وكل وحدة تمد ريولها

على قد لحافها وبس ! أتمنى ما أكون قرقرت وشكراً.

[الـراسي]

اخوي شيخ القبيلة الظاهر ان كل شخص له وجهة نظر

وما فيه احد مغصوب يقرا الموضوع او يكتب تعليق وانت ما حطيت الموضوع الا

للنقاش فلا احد يزعل من وجهة نظر احد ان لم يكن فيها تجريح لشخص معين

والبنت ما قالت الا وجهة نظرها
وتقبلوا مروري

[لافوشيا]

لا عاد يالافوشيا كله ولا مشاركتج انا ادري ان مشاركاتج حللللللللللوة .
يالله عاد..... أبدعي وشاركي وعطينا رايج في الموضوع .

اي اي انشالله فهمت فهمت يالله نشارك

المهم انا وحده صراحه ماحب اخذ شي وياي او بسوي فالبيت كيكه برتقال ولا صحن بقلاوه من عند حلويات القدس وخلاص بعد وليش التبذير

تقبل مشاركتي

[الدمعه]

قال رسول الله صلى الله عليه وسلم " تهادوا تحابوا"

وقال صلى الله عليه و سلم :" و الذي نفسي بيده لا تدخلوا الجنة حتى تؤمنوا ،

و لا تؤمنوا حتى تحابوا "


ومن وجهة نظري الهدية مش في قيمتها ! وكل وحدة تمد ريولها

على قد لحافها وبس ! أتمنى ما أكون قرقرت وشكراً.


نفس اللي كنت بقوله ..

اكيد افكر في الهديه .. بس مب تبذير يعني اللحين في الغالب معروفه هدية الولاده كم

وهدية العروس كم .. واحب اعطيهم المبلغ وهم يختارون هديتهم بروحهم ..:victory:

[الأصيلة]

الهدية تعبر عن صاحبها أكثر
فلما أفكر أقدم هدية لأحد أشوف شي يليق فيني أنا كـ مقدمة لـ هذه الهدية
بدون تبذير وإسراف
لكن أكون متأكده إنها رح تعجب من أقدمها له...
أنا ما أحمل هم الهدية لكن أحمل هم الحصول على الوقت
اللي أقدر أزور فيه من أقدم لهم الهدية..

[Um-Dana]

السلام عليكم ..
بخصوص الهدية هي حلوا ومطلوبة بس اهم شي مانبالغ فيها وكل واحد على قده يعني بالعربي مثلاً احيانا شخص عزيز عليك وايد يمكن تحب تقدره بهديه يستاهلها وشخص اخر دايما هو يوجب حنا بعد من الذوق لازم نوجبه والهدية تعبر عن حاجات كثره وفي المناسبات الهدية حلوا نتبادلها والواحد علشان مايحمل هم الهدية وياخذها عن حب وخاطر لايبالغ فيها ..
واخيراً اخوي شيخ القبيلة اشكرك عالموضوع لان رائع وتستاهل هدية
تحياتي لك

[شويهينــه]

تهادوا تحابوا:)

[قطري رزه]

والله ماذبحنا الا الهدايا

[روضه الجنة]

بس مب من عوايدنا نودي هديه يوم العرس

عقب العرس نزور العروس ومعانا هديتها ولما نروح للمربي بعد نودي الهديه معانا

والغالب على هل قطر انهم ذوق ويحبون يهادون ويتهادون

:nice:

[بـــــــنت النوخـّــــذه]

اعاني من بيوديني اشتري هديه هذا الي اعاني منه صراحه خصوصا ان الهديه يبغيلك دواره للاختيار والتغليف والتزيين ماشاء الله بعضهم يحسب بدش المحل بتحصل الهديه مغلفه وجاهزه اتقول لك تعال اشترني:(

بالنسبه للبيبان الي ذكرتهم صراحه بدخل الباب الي مافيه هدايا اذا ماكان عندي هديه بعد يعني شاسوي يكفي جيتي لهم وتوجيبي لهم اكبر هديه اههههههه :p والهديه الماديه مقدور عليها بيوم ثاني ولا رابع

بالنسبه لذوقي الحمد الله راقي بشهاده الجميع حتى لو كان احيانا من الناحيه الماديه قليل الا ان له طابع خاص وتبغي الصج ساعات انا اذا صارت عندي مناسبه احاول المح للمعازيم ان ما ابغي هدايا يكفي دخلتكم عليّ اكبر هديه ماحب اكلف على احد

:nice:

[فراشة ناعمة]

موضوعك عجبني..

هذا الشي اكيد بفكر بالهدية..لإني مستحيل اقدر اروح من غير مااودي معاي هدية..بس طبعا الهدية تختلف بإختلاف المناسبة اللي رايحة لها..ولازم اودي معاي شي يليق بذوقي وذوق صاحبة المناسبة..

انزين يسمح لي صاحب الموضوع اذا ممكن

عندي سؤالين وياليت بس احصل جواب..

الاول/ لو جاتج هدية بأي مناسبة من وحده من صديقاتج او اهلج..والهدية قيمتها عادية ومو من ذوقج او خلنا نقول انزل من المستوى المطلوب..هل ياترى بتردين لهم نفس القيمة لصارت عندهم مناسبة؟

الثاني/ لو عندج مناسبة وفلانة ماجابت لج هدية وعقب فترة صارت لها نفس المناسبة ياترى بتودين لها هدية او لا؟؟

[wadha-qa]

والله على حسب مكانة هالشخص و قربه يعني ناس اهتم بموضوع الهدايا وناس لا ما له داعي و افضل اعطيهم مبالغ ماليه افضل من شراء الهدايا

[ام عبدالعزيز]

تهادوا تحابوا


حلو الواحد يدش بهديه

[سحـابة خيـر]

مثل ماقـالوا الي قبــلي (تهـادوا تحـابو)

اصلا من باب الـذوق والادب بالمنـاسبات ,,

[شيخ القبيلة]

السلام عليكم ..
بخصوص الهدية هي حلوا ومطلوبة بس اهم شي مانبالغ فيها وكل واحد على قده يعني بالعربي مثلاً احيانا شخص عزيز عليك وايد يمكن تحب تقدره بهديه يستاهلها وشخص اخر دايما هو يوجب حنا بعد من الذوق لازم نوجبه والهدية تعبر عن حاجات كثره وفي المناسبات الهدية حلوا نتبادلها والواحد علشان مايحمل هم الهدية وياخذها عن حب وخاطر لايبالغ فيها ..
واخيراً اخوي شيخ القبيلة اشكرك عالموضوع لان رائع وتستاهل هدية
تحياتي لك

تسلمين :shy:

[شيخ القبيلة]

قال رسول الله صلى الله عليه وسلم " تهادوا تحابوا"

وقال صلى الله عليه و سلم :" و الذي نفسي بيده لا تدخلوا الجنة حتى تؤمنوا ،

و لا تؤمنوا حتى تحابوا "


ومن وجهة نظري الهدية مش في قيمتها ! وكل وحدة تمد ريولها

على قد لحافها وبس ! أتمنى ما أكون قرقرت وشكراً.

شكرا على المشاركة أختي :victory:

[بوصلووح]

مب وايد اشيل هم الهدية
لكن ما احب ادخل و يدي فاضيه
قال عليه الصلاة والسلام : تهادوا تحابوا


ذكرتني من كم يوم
شباب من اخواننا البتان
داخلين عرس واحد من الربع معاهم باقة ورد هههه
قلت في قلبي مساكين صج طيبين
ماحبوا ايوون يدهم فاضيه

[نوفا91]

طلتي عليهم اكبر هديه ههههههههههههههههه
امزح ..
اخوي شيخ القبيله لازم اول شي افكر فيه الهديه قبل ما اروح اي مناسبه ..ومب سالفة تبذير ولا اسراف يعني احيانا يكون الغالي للغالي يعني على حسب الشخص ..وبصراحه احراج تروح مناسبه وايدك فاضيه عشان مانطرد :)

[chillis]

محد يودي هديه يوم العرس شيخ القبيله موضوعك هالمره مهب في محله الهديه تنعطى يوم يسون لها عزيمه يسمونها الهديه بس يوم العرس لا

[( أكاديمية )]

حي الله شيخ القبيلة ...
باقولك على النظام اللي أنا أتبعه ..
بالعرس حّنا بالعادة مانودي هدايا بس بعد العرس ضروري نوجب العروس ونودي لها هدية
وخير الأمور الوسط بأختيار الهدية لاالقليل ولا الكثير .. الشي اللي يبيض الوجه :)
ويعطيك العافية على هالموضوع الطيب ،.

[saud.m]

والله الحريم هداياهم وايد

و الخسارة لنا احنا :)

[سونيتا]

اللي يواجبني أواجبه ..

[ضي البدر]

مثل ماتفضلو خواتي العضوات الي قبلي حنا مانودي الهدية يوم العرس وطبعاً نقوم بالواجب في حفلة الهدية بالمعقول وبمايرضي الله..

وعلى حسب الشخص الي بنهدية لأنه في فرق مبين أختي,,بنت عمي,,قريبتي,,من الأهل,,رفيجاتي,,بنت جيرانا وجتى مديرتي.. كلن على حسب مكانته ,وأنا لازم أقوم بالواجب وحتى لو مافيه مقابل أو هدية رمزية أحس أنا غير وشخصيتي غير ولازم أهدي وأوجب..

وموفقين بالهدايا ..

[بومحمد911]

هههههههههههههههههههههههههههههههاي والله ضحكت من قلب

عيل اطلعت في الشارع هههههههههههههههههاي

[هبوب الكوس]

الرجال وضح ميئة مرة هدية العرس مثال

والمقصد في المناسبات عامه وبدون تحديد

وانتو تردون وتعيدون مانودي هدايه يوم العرس :rolleyes2:

شرايكم في الباب لمن لا تحمل هديه :secret:

[دااانة قطر]

كنت بطلع بدون ما أرد لأن صااحب الموضوع ماعنده أسلوب
بس يوم شفته باااند قلت خلني ارد


بصرااحه أنا أوجب كل شخص ومعزته عندي
والهديه دوم تكون متوااضعه والحمدلله ماقد دخلت منااسبه الا والكل يتكلم عن الهديه
مع بسااطتها لكن طريقة تغليف وتزيين الهديه لها دور
والعروس اما ارسل لها الهديه قبل عرسها او في الهديه او أقرب وقت