استفسار بخصوص الانتساب لجامعة القاهره .. اتمنى الافادة

[شموع قطريه]

السلام عليكم ..

عندي استفسار بخصوص الانتساب الى جامعة القاهرة .. بغيت اعرف ايش المطلوب وهل يتوجب ان المنتسب يروح مصر خلال الفصل الدراسي ولا يكفي يروح يسجل بس ومايروح الا وقت الامتحان ..

اتمنى من اللي جربوا الانتساب يفيدونا بمعلوماتهم عن هالموضوع واللي عنده مداخلات تثري الاستفسار ياريت يتفضل بها ..

اعرف ان الشهاده الجامعية عن طريق الانتساب مب معترف فيها في قطر ولا ندري ايش الحكمة من هالقرار و ليش قطر معقدة الموضوع ؟؟ مع العلم بأن جامعة القاهرة وعين شمس من اقوى جامعات
العالم .. بس البنت اللي تبي تكمل دراستها الجامعية حابه انها تاخذ الشهادة الجامعية حتى لو محد بيعترف فيها لانها حاولت في جامعة قطر وخلصت سنتين تأسيسي وحاولت تجيب التوفل والايلز بس ماتوفقت .. وجامعة قطر حاطه شرط اجتياز احد هالامتحانين والنسبه اللي حاطينها وايد مرتفعه مع ان البنت جابت 5 في الايلز والمطلوب في جامعة قطر 5 ونص ..
حسبي الله على راعي هالقرار اللي خلى عيال قطر يتغربون ويدورون لهم جامعات خارج الدولة مافيها هالشروط المعقدة ..

انتظر افادتكم الكريمة :)

[][ iMedia ][]

اخوي التسجيل في منطقه المطار حسب ما اعرف
ما بيلزم سفر نهائيا . .
ونفس ما حضرتك تفضلت " غير معترف فيها للقطريين " . .
يعني ما راح تتصدق بس تتخرج . . عرفت كيف ؟

نصيحتي اللي جاب 5 ما راح يعجز عن النص . .
خليها تتدرب اكثر واكثر . . وان شا الله بتتوفق المره الجايه وبتجيب الدرجه
وبتدخل جامعه قطر :)

تحياتي

[شمعة الدوحه]

رفيجتي توها راده من شهر

وترى الدراسه انتظام وماتروح الا شهر قبل الامتحان علشان تستسلم شهادة انتظام ومايكون انتساب

وتخلص امتحاناتها وترجع

وبهالطريقه شهادتج بتكون معترف فيها

والتسجيل بالسفاره المصريه اهما اللي يطرشون الاوراق ويحطون لج مدرسين ويعطونج كتب وانتي في الدوحه

ومثل ماقلت لج بس تروحين آخر شهر في الكورس وترجعين بعد الامتحانات

وبالتوفيق اختي :)

[R 7 A L]

رفيجتي توها راده من شهر

وترى الدراسه انتظام وماتروح الا شهر قبل الامتحان علشان تستسلم شهادة انتظام ومايكون انتساب

وتخلص امتحاناتها وترجع

وبهالطريقه شهادتج بتكون معترف فيها

والتسجيل بالسفاره المصريه اهما اللي يطرشون الاوراق ويحطون لج مدرسين ويعطونج كتب وانتي في الدوحه

ومثل ماقلت لج بس تروحين آخر شهر في الكورس وترجعين بعد الامتحانات

وبالتوفيق اختي :)




يمكن يتغير الوضع الأن بعد ماتغيرت الحكومة المصرية
اول يقدرون الطلاب يقعدون في قطر ومايروحون الا وقت الامتحانات بس ومسجلين انتظام .

[الـراسي]

السلام عليكم

اولا انا من طلاب جامعة القاهرة

الدراسة تعتبر نظامية ولا يوجد انتساب بجامعة القاهرة

ولكن من كثر الطلاب قبل المحاظرة بربع ساعة ما تحصل مكان

على شان كذا لا يوجد تحضير بالجامعه حضرت ولا لا كلها واحد

اهم شي تحضر الامتحانات نهاية كل فصل وعندك شهر مدة الامتحانات

بين كل امتحان وامتحان 5 ايام تقريبا يعني بتمتحن وانت مرتاح

بس قبل الامتحانات بـ3 اسابيع تروح على شان تحضر للامتحان

واهل قطر ما يقصرون بمصر كلهم على قلب واحد

وكل فصل اربع مواد والمواد صراحة سهلة بس يبيلها دراسة قبل الامتحان بشهر

ولازم يكون حضورك بمصر بمعدل 400 يوم اذا ما خاب ظني وراح يعترفون بالشهادة ان شاء الله

بس تأكدي من عدد الايام المطلوبة حتى لو قعتي بمصر للسياحة يعتمدون عدد الايام

او للعلاج لا قدر الله

واهم شي يكون لك ناس تعرفهم بمصر يضبطون لك الوضع اهناك

ما تاصل مصر الا وكل شي جاهر

عليك دفع الفلوس بس حتى الفحص الطبي جونا لين الشقه وخذو مننا دم للفحص

طبعا بالنسبة لنا يا اهل قطر يابلاش 200 ريال بس بلا زحمه وهم

اي استفسار حاضرين وتقبلوا تحياتي

[شموع قطريه]

ماقصرتوا جزاكم الله خير وارحم الله والديكم

[ام عبدالعزيز]

والله مادري بس اعتقد الجامعات اللي معترف بها المجلس الاعلى بتلاقيها بموقع المجلس..حرااام تتتعب وعقب مايعترفون بها قطر..