موقف حصل لي اليوم. أتمنى الجميع يستفيد!

[اللوجستي]

وسيطي هو المجموعه........... والحق يقال، أشوف انها شركه محترمه.

أعطيت أمر بيع ناقلات على موقعهم. وكان الطلب خمسين الف سهم على 33 ريال وعرض الفين سهم على 33 ريال و10 دراهم. طبعا صفيت مع العارضين. شفت السوق قاعد ينزل وطلبت تعديل الأمر على 33 ريال وكان حجم الطلب وقتها أربعين الف. رفض الموقع طلبي! اتصلت عليهم وانا قاعد أشوف الطلب يخف بسرعه! قلتله ياخوي بيع بيع (طاش ما طاش) قال السيستم يرفض!! قلت له شوف لي حل وبيع- وانا قاعد أتكلم معه خفس السهم لمت داون! صحت عليه (بأدب) وقلت له ويش ذنبي سيستمك عطلان، أبيكم تعوضوني! حولني على المسؤول وقلت له القصه، وانا قاعد أتكلم معه نفذ لي على اللمت داون وقال الفرق بنتحمله أحنا (المجموعه) وبينزل في حسابك بكره.


أشهد انهم محترمين. واللي يصير معه نفس الموقف لايتراجع ويقبل بالخساره لأن مايضيع حق وراه مطالب.

[السهم السريع]

زين الحمدلله انهم نفذولك
الصراحة ما أعتقد الوسطاء الباقين بيسوونها
تحياتي

[Empress_QTR]

تصرف محترم واشكرك على هالبادره الطيبه منك

[alkaabi]

نعم اخوي

المجموعة مايضيع حقك معاها

واسأل مجرب

باجر بتحصل الفلوس في رصيدك

[عهد]

دعايـــــــــــــــــــــــــــــــــــه واضحه كثر منها

[ساري اليل]

في ضل الانهيار الي صار اليوم . فهذه بادرة طيبة من المجموعة بأن يهدؤ اعصابك بهذا الكلام ولاكن قابلني اذا شفت شي منهم ... ؟ :cool:

[لمت داون111]

دعايـــــــــــــــــــــــــــــــــــه واضحه كثر منها
يا فـــــــاهمتني :nice:

[اللوجستي]

بالنسبه للدعايه.................الله العالم بنيتي. واذا كانت الشركه تستحق الثناء، حتى لو في ذلك دعايه، فلا أرى أي مانع، على وعسى أن تحذوا حذوها شركات أخرى للتتنافس في التعامل الراقي.

بالنسبه للمشككين في كلام الشركه، احتمال تكونو صادقين وبكره نشوف الحساب نزل فيه شي ولا لا. وراح أوافيكم بالأخبار.............................

الله يكتب اللي فيه الخير لي ولكم.

[مايمدح السوق]

شكرا على مشاركتنا اخوي العزيز

وبالفعل بادرة ممتازة من المجموعة

[الزاجل]

يشهد الله اني تعرضت لنفس الموقف ولكن بشكل مغاير ..

طلبت شراء والموظف سمعها بيع
وباع اسهم كمية من اسعم الصناعات وصلني المسج ان ملية البيع تمت
ا ستغربت واتصلت بهم وقلت لهم اني طلبت امر شراء مب بيع ..
قال لي لحظات واشوي والا يقول لي سكر وراح اخلي المسؤول يكلمك ..

اتصل بي المسؤول واعتذر وقال لي انت طلبت تشتري صح
قلت له صح
قال لي خلاص
احنا بنقدم الطلب على السعر اللي طلبته وراح نشتري لك اسهمك
اللي راحت عليك بالسعر اللي يناسبنا والفرق على المجموعة ..
وبالفعل شروا الكمية اللي باعها الموظف بالغلط
من دون ما يتغير شي من رصيدي ...

فهذه مب دعاية كثر ما هي كلمة حق لازم تقال عند ذكر الحقيقة ..

[blackjacket]

و الله المجموعه محترمين :nice:

انا صار لي موقف مع دلاله لكن ما رجعو لي شي و كان بامكاني اني اطالب لكن عاملوني باحترام و قلت في نفسي هاي تسوي فلوس الدنيا :nice:

[اللوجستي]

يشهد الله اني تعرضت لنفس الموقف ولكن بشكل مغاير ..

طلبت شراء والموظف سمعها بيع
وباع اسهم كمية من اسعم الصناعات وصلني المسج ان ملية البيع تمت
ا ستغربت واتصلت بهم وقلت لهم اني طلبت امر شراء مب بيع ..
قال لي لحظات واشوي والا يقول لي سكر وراح اخلي المسؤول يكلمك ..

اتصل بي المسؤول واعتذر وقال لي انت طلبت تشتري صح
قلت له صح
قال لي خلاص
احنا بنقدم الطلب على السعر اللي طلبته وراح نشتري لك اسهمك
اللي راحت عليك بالسعر اللي يناسبنا والفرق على المجموعة ..
وبالفعل شروا الكمية اللي باعها الموظف بالغلط
من دون ما يتغير شي من رصيدي ...

فهذه مب دعاية كثر ما هي كلمة حق لازم تقال عند ذكر الحقيقة ..


أشكرك على تأكيد كلامي ياعزيزي. بصراحه انتابتني بعض الشكوك بسبب مشاركة الأخوان. وأتفق معك على قول الثناء الصادق والابتعاد عن الرياء الكاذب. فالثناء غذاء الروح مثل مالطعام غذاء الجسم. والثناء الصادق يعزز من العمل الايجابي بدرجه كبيره.

وفي هذه الحاله، تستحق المجموعه الثناء الى درجة الدعايه........................