للبيع فبلا في منطقة السودان

[صفقه]

الفيلا على أرض مساحة 1244 تتكون من 7 غرف نوم و7 حمامات بالأضافه الى الصالات فوق وتحت وعدد 2 مطبخ اللي تحت أكبر من اللي فوق ومضاف اليه غرفه تصلح للأستعمال كمخزن صغير .
كما يوجد به ملحق خارجي يتكون من مجلس وغرفه وحمام صالحه للخدم وهناك ايضا غرفه في الطرف المقابل لكن بدون مرفقات ومثلها أخرى عند مؤخرة الفيلا والحوش واسع .
الفيلا قديمه وعمرها مابين 15 الى 20 سنه تقريبا ومؤجره حاليا بمبلغ 3000 ريال شهريا
(( الأجار نفسه من على أيام الرخص وهو قليل نسبيا ولكنه لم يرفع مراعاة لظروف المستأجر )).

الفيلا تقع مقابل الملعب الفرعي الجديد لنادي السد .

المطلوب : 5 مليون ريال . (( قابل : للزياده فقط ;) ))

[مستريح البال]

بالتووفيق اخوي
بس اعتقد السعر شوي غالي
خاصه وان البيت عمره قديييم 15-20 سنه
ولو حد بيشتريه اتوقع يزيد سعر الايجار..
بس اش بيكون مصير المؤجر اللي فيه؟

[بو تميم]

اقول خمس مليون ما يستاهل حرام عليكم ارحموا الناس فى الاسعار

[barod]

1= المبنى قديم
2=حسب القانون الجديد لا تستطيع زياده الايجار اكثر من عشره في المئه
3=حسب السعر الي طلبته لازم يكون ايجارها الشهري لا يقل عن 41000 الف ريال

[صفقه]

اخوي الغالي مستريح البال .. ممكن يكون السعر غالي شوي لكن المنطقه غاليه أيضا واستثماريه من الدرجه الأولى نظرا للموقع المميز (( في ظني )) .

أما بالنسبه للمستأجر فــ ما أظن ان اللي بيشتريه بيستعمله للأيجار وانما استثماره بطريقه اكثر ربحيه وهي كثيره طرق الأستثمار ..

واعلم عزيزي (( والله العالم )) انه لولا نقص السيوله والتي تساعد في هذه المشاريع لما فكرت في البيع مطلقا ولكن الموضوع أكبر مني .

وأشكرك على المرور .

[صفقه]

أخوي بو تميم ..

الحلال بين والحرام بين وانا أخوك .. والشي اللي مايستاهل عندك يستاهل عند غيرك الله يحفظك .. وانا ماطلبت هالسعر الا نظرا لأسعار العقار والأراضي في الفتره الحاليه .

مشكور على طلتك وريح اعصابك ياطويل العمر .

[بو تميم]

هههههههههههههههههههههههه مريح اعصابى لا تخاف بس خفوا على الناس ما رفع اسعار الاراضى والبيوتلا المضاربه فيها ما فتكوا الناس من البورصه راحوا يضاربون فى البيوت والاراضى

[bo_hamad]

بكتب لك في الخاص

[صفقه]

أخوي بارود ... شرفتنا بزيارتك ياغالي ..


1 - المبنى قديم هذا كلام صحيح ولكن بالصيانه يستوي جديد وانا أخوك وانا ذكرت في رد مسبق لي انه لولا نقص السيوله لأستثمرته بالطريقه المناسبه ولكن لاحول ولا قوه .

2 - حسب القانون الجديد لا تستطيع زياده الايجار اكثر من عشره في المئه هذا كلام صحيح ولكن لايوجد عقد بيني وبين المستأجر (( العقد كان موجود من سنة 94 ولمدة 5 سنوات وبعد انتهاء العقد لم يجدد والمستأجر لم يطالب بالتجديد قد يكون خوفا من رفع الأيجار عليه ومن جهتي لم اجدد لأنه ملتزم بالدفع حتى بعد انتهاء العقد )) وبالأمكان عمل عقد جديد ومن اليوم لو أردت وبالسعر الذي أريده ولكن لنا في الرسول (ص) قدوة حسنه (( أرحموا من في الأرض يرحمكم من في السماء )) .

3 - حسب السعر الي طلبته لازم يكون ايجارها الشهري لا يقل عن 41000 الف ريال هذا كلام صحيح وهناك حل ...
تستطيع هدم الفيلا وتبني مكانها 3 فلل وسيتعدى المدخول 41000 الف ريال ان شاءالله .

[صفقه]

أخوي بو حمد يامرحبا بك ..

تم الأتصال على الأول الله يحفظك بس الظاهر الأرسال تعبان والثاني ما اتصلت عليه لأنه ممكن نفس الشخص والله أعلم .. بس حبيت أعرف أي واحد فيهم لك ؟

[صفقه]

أخوي بو تميم ...

الحمدلله ان الأعصاب مرتاحه ...

في الأجارات الواحد يقدر يخف على الناس لأن في النهايه العقار له زاد الأجار ولانزله ولكن في البيع والشراء الأسواق متقاربه فا ما أقدر اني أخالف اللي يصير في السوق لأن العقار بيروح مني وانا لازم اني اشوفلي بديل الله يعافيك .

وانا اكيد باطلب سعر يناسبني ويناسب افكاري وان شاءالله باحصل شخص يناسبه السعر أيضا والتوافيق من عند رب العالمين .

[صفقه]

للرفع ...
.
.
.

[الوطني]

بالتوفيق انشالله

[عقاريون]

مليون و200 الف انا شرااااااااااااااي دور ارضى والبيان قديم

[خالد32]

اخوي اشتر بمليون احسن
الاخ يقول لك خمسه و انت تقول مليون و 200 الف!

عندك بيت في نفس المنطقه للبيع بسعرك؟

[صفقه]

مليون و200 الف انا شرااااااااااااااي دور ارضى والبيان قديم



الله يسامحك بس ... وانا قلت ان هي فيلا من دورين مو دور أرضي بس .. على سعرك ذي كان أحسن لي لو ماقلته من الأساس الله يحفظك .. راجع نفسك واذا بغيت انا موجود ان شاء الله .