موضوع قد يكون سبق طرحه ولكن مهم جدا

[مخطط قطري]

ليش مايتم تشكيل لجنه بين وزراه الداخليه القطريه وصندوق الزكاه وجميعات خيريه وبعض من وجهاء واعيان قطر وتسمى هاللجنه لجنه الغارمين
مهمتها بس تشوف منهم مسجونين بقضايا شيكات لاول مره ويكون فعلا مضطر على هالدين
مش ماخذه على كماليات او غيره او بمعني اصح تكون العمليه منظمه واليه محدده وتكون في اولويات لهالشي
طبعا الموضوع توه جاي على بالي من موقف فعذروني اذاكان مش مرتب بس وجود هاللجنه ضروري جدا جدا
الي دعاني لهالمووضع قبل فتره بسيطه صارت مشكله حق صديق لي كافل له شخص غير قطري وصارت مشاكل كثيره على هذا المكفول
طبعا بعض الناس تحكم بالظاهر وتقول القانون لايحمي المغفلين او ليش يكفله او شحاده
صدقوني ياجماعه الخير لو انه هذا المكفول الغير قطري جاني بكفله لاسباب واجد
اول شي الحمدالله الخير موجود في هل قطر
الشي الثاني هذا المكفول كان يدرس ويانا من ايام الاعداديه والثانويه بالاضافه الي صديقي القطري طبعا يعني نعرفه عدل ونعرف ظروفه
مابي ادخل في تفاصيل اكثر في هالجانب عشان نركز على لب المووضوع
المهم الي صار تدخل واحد من افراد الاسره الحاكمه شيوخنا الله يطول في عمارهم ولا هي غريبه على اخوان روضه و هو صديق واخ لنا ودارس ويانا وسدد كل الي على هالمقيم(المكفول) وطلع رفيجنا من الاشكاليات والمحاكم الي كانت بتصير له
والمبالغ الي كانت مستحقه 64 الف ريال قطري
اعتقد مبلغ مب بسيط
زين هذا ماقصر الشيخ فزع له مع انه مب ملزوم به
فاتفاجانا انه في عدد مش قليل من هل قطر عليهم نفس القضايا حسب ماعرفنا
فكنا نتناقش نقول لو بقا واحد يدفع عن ناس ثانين ويفكهم من الحجز السجن ويسدد التزامهم يعني هو ناوي يعمل عمل خير وين يتوجهه
اقصد بس في هالجانب- يعني فئه الناس الي مالهم ذنب سوى انههم كفلو ناس وكان صاحب نخوه وطلعت عليه هالنخوه بضرر وسوء نفس صاحبنا الي في القصه
هل اللجنه موجوده او هل الداخليه تقدر تساعدنا في معرفه هالناس بدون ذكر اساميهم لانها اسرار بس نبي ارقام القضايا وتفاصيلها عشان المصداقيه في الموضوع
ودمتم سالمين,,,,,,,,,

[ريم الشمال]

اللجنه مو بس حق الغارمين ندخل من ضمنهم المديونيين ديون كبيره تؤثر على حياتهم مثل المريض الذي استدان للعلاج وترتب على دينه مبلغ كبير يؤثر على اسرته ويقوم بيت الزكاه بدفع هذه الديون من خلال زكاة أعيان الدوله لأن معروف أن الزكاة تحق لأهل البلاد ثم تدفع للغير
ريم الشمال

[شاهيناز]

في لجنه كانت بين الداخليه وجمعيه عيد الخيريه وتبنتها جريده الشرق للغارمين في السنه الماضيه

[الدمعه]

السنه الماضيه شاركت مدرسة اروى الثانويه في سداد دين بعض الغارمين ..

جزاهم الله خير ونتمنى باقي المدارس يحذون حذوهم في فعل الخير ..

[النائب]

مخطط قطري دائما إقتراحاتك جيده بس ما حولك احد .