£عبدالعزيز£
25-02-2011, 05:36 AM
السلام عليكم ورحمة الله وبركاته
بمستوى اقل ما يقال عنه بانه فاشل بل وفاشل جدا
بمدرب لا يعرف كيفية التصرف مع المباريات والمشاكل التي تصادف الفريق
اثناء سير المباراة !!
..
غير تشكيلة اللعب الى 3-5-2 وفاز الفريق .. ولكن ذلك لا يعود لمستواه الجيد
بل يعود لضعف المنافس (العربي) .. وفي مقارنة بسيطة .. عندما كان الفريق
في (نصف) مستواه تقريبا قبل سنة .. وكان العربي في (قمة) مستواه قبل سنة
انتهت المباراة بخماسية نظيفة
..
اوكي يمكن ما نلومك لان لعبت اليوم بعد بهالتشكيلة مب مشكلة في ظل غياب العساس
لكن انت شفت تالق ماركوني في المباراة السابقة .. تقوم تدخل جورج اللي نكب الفريق
في اكثر من مناسبة اخرها امام لخويا !!
حتى ولو تحججت بان ماركوني لا يصلح لمركز الظهير الايمن
احمد فارس شوظيفته ؟ .. سعد الشمري ليش مجددين معاه العقد اذا حاطينه زينة ؟
..
يونس محمود كان يعاني من عدم وصول الكرة اليه .. وشفناه ضايع فالمباريات السابقة
شلون تمر 4 مباريات وانت للحين مب قادر تحل هالمشكلة
عندك في الاحتياط مشعل عبدالله دخله كمهاجم ثاني ليش متعاقدين معاه عيل ؟
..
وعقب طرد انس اللي الصراحة ما يستاهله .. تبديلاته تضحك الصراحة !!
رجع ميرغني ارتكاااز .. من متى ميرغني يلعب ارتكاز ؟
عندك خيارين .. يا انك تلعب بارتكاز واحد او دخل سعود صباح لانه يجيد اللعب فهالمركز
حتى جورج اللي ميت عليه ممكن يلعب فهالمركز !!
واللي يقهر انه طلع فهيد اللي كان ممكن جدا انه يسوي شي
ودخل احمد فارس .. يعني تبديل غير مفهوم ويدل على ضعف المدرب
..
باختصار المشكلة مب في خروج كليمرسون .. المشكلة في البديل اللي هو بمستوى عالي
بس حد يطلع من عنده مهاجم يروح يتعاقد مع لاعب وسط بداله ؟
محترفين الفريق كلهم وسط (جونينهو - العساس - ديانيه) .. حتى يونس محمود زهق
كله يرد ورا مافيه دعم له باي شكل من الاشكال !!
..
عموما احنا ما نكابر نفس بعض الاندية الفاشلة لما تنرقع ونقول التحكيم تعبان
نعم طرد انس كان غير صحيح وقصي كان يستاهل احمر بالاضافة الى ضربة جزاء للغرافة
لم تحتسب .. لكن كل هذا ما راح يخلينا نفوز لان الخلل الرئيسي من مدربنا !!
وما نقول احنا واحنا واحنا .. نعم احنا ابطال الدوري في المواسم الثلاثة الاخيرة
بس الحفاظ على اللقب يبيله عمل شاق .. مب لعيبة كلهم فنفس المركز
ومدرب ما يعرف يستغل اللعيبة اللي عنده !!
..
في النهاية .. في موسم 2008 خسرنا من السد 4-0 وخذنا الدوري
وفي 2009 خسرنا من الوكرة 5-2 وخذنا الدوري
فمن يدري .. قد نقول في المستقبل اننا خسرنا من قطر 4-0 وخذنا الدوري !!
لكن هالشي مب صاير الا لما الادارة تشوف شغلها مع هالمدرب التعبان !!
..
وهاردلك لجماهير الغرافة
وخلكم ورى فريقكم اللي من 3 مواسم محتكر لقب بطولة الدوري
لان اللعيبة (اغلبهم) يستاهلون الدعم .. لكن للاسف مدربهم تعبان !!
..
وماقول غير الله يستر علينا من الهلال وساباهان لو تمينا بهالمستوى الـ(مصخرة)
بمستوى اقل ما يقال عنه بانه فاشل بل وفاشل جدا
بمدرب لا يعرف كيفية التصرف مع المباريات والمشاكل التي تصادف الفريق
اثناء سير المباراة !!
..
غير تشكيلة اللعب الى 3-5-2 وفاز الفريق .. ولكن ذلك لا يعود لمستواه الجيد
بل يعود لضعف المنافس (العربي) .. وفي مقارنة بسيطة .. عندما كان الفريق
في (نصف) مستواه تقريبا قبل سنة .. وكان العربي في (قمة) مستواه قبل سنة
انتهت المباراة بخماسية نظيفة
..
اوكي يمكن ما نلومك لان لعبت اليوم بعد بهالتشكيلة مب مشكلة في ظل غياب العساس
لكن انت شفت تالق ماركوني في المباراة السابقة .. تقوم تدخل جورج اللي نكب الفريق
في اكثر من مناسبة اخرها امام لخويا !!
حتى ولو تحججت بان ماركوني لا يصلح لمركز الظهير الايمن
احمد فارس شوظيفته ؟ .. سعد الشمري ليش مجددين معاه العقد اذا حاطينه زينة ؟
..
يونس محمود كان يعاني من عدم وصول الكرة اليه .. وشفناه ضايع فالمباريات السابقة
شلون تمر 4 مباريات وانت للحين مب قادر تحل هالمشكلة
عندك في الاحتياط مشعل عبدالله دخله كمهاجم ثاني ليش متعاقدين معاه عيل ؟
..
وعقب طرد انس اللي الصراحة ما يستاهله .. تبديلاته تضحك الصراحة !!
رجع ميرغني ارتكاااز .. من متى ميرغني يلعب ارتكاز ؟
عندك خيارين .. يا انك تلعب بارتكاز واحد او دخل سعود صباح لانه يجيد اللعب فهالمركز
حتى جورج اللي ميت عليه ممكن يلعب فهالمركز !!
واللي يقهر انه طلع فهيد اللي كان ممكن جدا انه يسوي شي
ودخل احمد فارس .. يعني تبديل غير مفهوم ويدل على ضعف المدرب
..
باختصار المشكلة مب في خروج كليمرسون .. المشكلة في البديل اللي هو بمستوى عالي
بس حد يطلع من عنده مهاجم يروح يتعاقد مع لاعب وسط بداله ؟
محترفين الفريق كلهم وسط (جونينهو - العساس - ديانيه) .. حتى يونس محمود زهق
كله يرد ورا مافيه دعم له باي شكل من الاشكال !!
..
عموما احنا ما نكابر نفس بعض الاندية الفاشلة لما تنرقع ونقول التحكيم تعبان
نعم طرد انس كان غير صحيح وقصي كان يستاهل احمر بالاضافة الى ضربة جزاء للغرافة
لم تحتسب .. لكن كل هذا ما راح يخلينا نفوز لان الخلل الرئيسي من مدربنا !!
وما نقول احنا واحنا واحنا .. نعم احنا ابطال الدوري في المواسم الثلاثة الاخيرة
بس الحفاظ على اللقب يبيله عمل شاق .. مب لعيبة كلهم فنفس المركز
ومدرب ما يعرف يستغل اللعيبة اللي عنده !!
..
في النهاية .. في موسم 2008 خسرنا من السد 4-0 وخذنا الدوري
وفي 2009 خسرنا من الوكرة 5-2 وخذنا الدوري
فمن يدري .. قد نقول في المستقبل اننا خسرنا من قطر 4-0 وخذنا الدوري !!
لكن هالشي مب صاير الا لما الادارة تشوف شغلها مع هالمدرب التعبان !!
..
وهاردلك لجماهير الغرافة
وخلكم ورى فريقكم اللي من 3 مواسم محتكر لقب بطولة الدوري
لان اللعيبة (اغلبهم) يستاهلون الدعم .. لكن للاسف مدربهم تعبان !!
..
وماقول غير الله يستر علينا من الهلال وساباهان لو تمينا بهالمستوى الـ(مصخرة)