افـــضــــل ســـــــــــــــهـــــم للاســــتــــثــــمــــــــــــار

[ملاك]

السلام عليكم ورحمة الله وبركاته

جمعه طيبه بإذن الله على الجميع

حبيت استشيركم واخذ رايكم

شنو احسن سهم للاستثمار ع المدى المتوسط او الطويل


تقبلوا تحياتي ،

[الوسيط العقاري]

الريان - الاجارة - السلام

[مقيم]

اخوي اشتري الذهب افضل واحسن

من اسهم يتحكم بها مجموعة صغيرة من العارفين واصحاب المحافظ

[ابومحمد 123]

أخوي تبي نصحيتي أفضل سهم إستثماري في السوق حاليا سهم مزايا سعره اقل من الاكتتاب حاليا 8.7 ريال وشركة عقارية مع تحسن وانتعاش العقار راح يتحسن ويرتفع والله أعلم .

[MP3]

شوفي لج سهم من قطاع التأمين

مثل الخليج التكافلي

وحاولي تشترينه بسعر ممتاز

لان قطاع التامين سنويا يوزع ارباح ممتازه واسعار اسهمه ثابته صعبه تنزل بقوة نفس الاسهم الثانيه

[بوجبر]

الاجارة

مزايا

قطر وعمان

الاسلامية القابضة

مخازن
الريان
مواشي

[رياني qtr]

قطاع البنوك الي اقل من 25 ريال الريان او الخليجي
ان شاءالله بتشوفينهم هالسنة في الثلاثينات وشوي :victory:

[roma27]

المتحده و ناقلات

[مخطط قطري]

قطاع البنوك الي اقل من 25 ريال الريان او الخليجي
ان شاءالله بتشوفينهم هالسنة في الثلاثينات وشوي :victory:

اخوي رياني شكرا على نصيحتك في الريان بس الخليجي ياخي ربوي
والدال على الخير كفاعله والدال على الشر اعتقد بياخذ كفل من السيئات اذا الشخص مشى على كلامك وشرى
فهذي نصيحتي لك انك تبتعد عن البنوك الربويه لانها محاربه لله ورسوله
وغير هذا مشايخ وصلو درجه التحريم انك حرام تستظل بظل بنك ربوي
اتمنى انه الله يهديك ويرشدك على طريق الحق
واسمحلي على هالنصيحه الثقيله بس ابي مصلحتك :)

[<اضرب واشرد>]

شكرا على نصيحتك في الريان بس الخليجي ياخي ربوي

لقد ناديت لو أسمعت حيا
أخوي أنت في زمن أكل المال الحرام بلا مبالاة

***************

مزايا المطلعين لازالوا يبيعون فيه وبكميات ضخمة ، لا أعتقد أن وقتها حان للشراء ، والله أعلم.

بعض الأسهم النقية : الريان ، المصرف ، الاجارة ، بروة: استثمار طــويــل.
ومخازن - اسألوا السالوس هل لازالت حلال بعد الاندماج -

وأفضل سهم في السوق بلا منازع ( وقود ) لكنه للأسف مختلط.

(( ملاحظة : واحد من الشباب قابل القرة داغي قبل كم يوم في مسجد وسأله عن فودافون ، قال له : كانت لي فتوى سابقة بأنها نقية لكن الآن أصبحت مختلطة لايداعها في بنوك ربوية ، وعبر له عن أسفه لصدهم الناس عن الشراء بمثل هذي الخطوات ))

[رياني qtr]

اخوي رياني شكرا على نصيحتك في الريان بس الخليجي ياخي ربوي
والدال على الخير كفاعله والدال على الشر اعتقد بياخذ كفل من السيئات اذا الشخص مشى على كلامك وشرى
فهذي نصيحتي لك انك تبتعد عن البنوك الربويه لانها محاربه لله ورسوله
وغير هذا مشايخ وصلو درجه التحريم انك حرام تستظل بظل بنك ربوي
اتمنى انه الله يهديك ويرشدك على طريق الحق
واسمحلي على هالنصيحه الثقيله بس ابي مصلحتك :)




عزيز وغالي اخوي مخطط قطري انا ذكرت قطاع البنوك الي اقل من 25 ريال وصاحبه القرار هي حره في ماتختارعلى حسب هواها وحريتها الشخصية تبغي الحلال تدله وتبغي الحرام تدله بس صعبه نضحك على نفسنا ونقول الريان بيوصل اكثر من 30 ريال ونتجاهل الخليجي اعتقد الاثنين في نفس المركب والخليجي اساسيا افضل وموزع ريال في اول سنه وبيندمج مع بنك كبير اخر ولو قارنته بسهم اخر في قطاع الخدمات مثل مخازن الي بتوزع ريال بتلقى سعرها اكثر من سعره وهي اليوم ب 24 ريال وهو 19 ريال وهو في اقوى قطاع وهو قطاع البنوك ولا تنسى اخوي ارجع واقولك هي صاحبه القرار ان حبت تاخذ الاسلامي الله يوفقها ولا حبت تاخذ غيره بعد الله يوفقها وانا قلت رايي بصراحة وشملت البنوك الي اقل من 25 ريال وعن نصيحتك لي اخوي فهي على راسي من فوق وانا الحمدالله ماعندي ولا سهم ربوي كل اسهمي نقية 100% ولا اتعامل مع الاسهم الربوية نهائيا حتى من فيها تطهير بعتها يوم الخميس وبشتري اسهم حلال 100% وانا اتمنى منك اخوي انت بعد تحذوا حذوي وتبتعد عن كل الاسهم حتى الي فيها نسبه تطهير والله يتقبل مني ومنك صالح الاعمال وجزاك الله خيرا في هذه الجمعه المباركة :victory:

[المازن]

في إعتقادي أن بروه الافضل للاستثمار بشرط الدخول عند نهاية نزول السهم بعد إعلانها عن ترحيل الارباح..
وجهة نظر والله العالم..

[ابوريما الرياشي]

انا اتفق معاك اخوي ان بروه مستقبلها ممتاز
لكن ترحيل الارباح وعدم التوزيع يجعل المستثمر
يفر منها ((الريان -ناقلات -الخليج القابضه
كثير من الاسهم اسعارها ممتازه_______ مزايا

[كلمة مرور]

فودافون بلامنازع بس للصابرين

[alhurmsi]

اللي يقول بروة زينة واللي يقول الاجارة زينة واللي يقول فودافون او مخازن او .... او ...او....
زين ابي افهم على اي اساس رشحتوا الشركات اللي ذكرتوها
شنو جدوى الاستثمار فيها من حيث القيمة الدفترية او مكرر الارباح او حساب الارباح او الخسائر او التدفقات النقدية او نسبة العائد على حقوق الملكية او غيرها من المؤشرات المالية لتحديد جدوى الاستثمار في الاسهم

[كروة]

انا بالنسبة لي المتحدة
بمجرد قرب موعد اعلان ارباح الربع الأول سيطير السهم إلى فوق 28 ريال

بالنسبة للعامة للتأمين ، ممكن نظراً لتوزيع اسهم مجانية 40 % و15 % نقدي
انصح الشراء على سعر 55 ريال فقط

بالنسبة لزاد انصح شراءها على 55 ريال فقط وليس أكثر حيث أن تاريخ احقية اكتتاب 31مارس 2011م
30 % من قيمة الاسهم المملوكة

[خالدالخالد]

الريان