الشرهه مو عليك .. الشرهه على اللي يعطيك سيارته

[بوهلال]

بسم الله الرحمن الرحيم
.
.
.
.
.
.
أسعد الله جميع أوقاتكم بكل خير ومسرّه وسعادة
.


أحيي أخواني الأعضاء في هذه المنتدى المبارك وأرحب بكم أجمل ترحيب
.
.
.


موضوعنا اليوم موضوع هام ويتعلق بكل شخص يمتلك سيارة
ودعونا نتناقش لنصل للفائدة المرجوّه


لكل شخص منا حد أدنى من الخصوصية فيما يمتلك مع من حوله
ولكل شخص أسلوبه في الحفاظ عليها


وسيارتك من أحد أهم خصوصياتك
وقد تكون متسلف ودافع اللي وراك ودونك عشان تشريها


فلذلك أخي الكريم


هل تعطيها من هب ودب ولا تهتم ؟ فيأخذها فلان ويداريها ويأخذها علان ويعفلها وممكن يسوي بها مشكله دون علمك

هل تعطيها من تثق فيه وتطمئن أنها في يد أمينه تصونها وتداريها ؟


وفي الجانب الآخر :


هل تطلب - بسبب أو بدون - سيارات أخوانك أو أصدقائك بكثره ؟
هل تستحي تطلب سيارة أحد - في حالة حاجتك لها - وتروح تقضي مشاوريك في تكسي أو تسأجر سيارة


شارك برأيك أو بموقف مر عليك


ملاحظة :
قد يكون العنوان استفزازي ولكن هناك أشخاص مروا بمثل هذا الموقف


أنتظر تفاعلكم وتعليقاتكم حول هذا الموضوع

[vtc_4.8]

اول مرة عطيت رفيجي سيارتي كنسلها في غمضة عين للأسف
تعلمت درس ومن بعدها معطي سيارتي حق اي شخص ولا استخدم سيارة حد

[بوخالد911]

سياراتي إحدى خصوصياتي وممتلكاتي

ولذلك لا أفضل اعطيها لأي أحد


ولو اضططرت ان استعمل سيارة
فأحب أخذ سيارة بالايجار

[بـــــــنت النوخـّــــذه]

الناس للناس
اذا الشخص يستاهل ياخذها 00اخبر سنه من السنوات اخوي كان عنده سياره فخمه وحافظ عليها يعني سواقه شخصيه فقط واحد من ربعه المقربين طلب السياره لزفاف احد اقربائه بها وبيرجعها ثاني يوم تأخر الرجل بتسليمها تقريبا 3 اسابيع لما جابها البيت قال له السياره واجهتها الاماميه تكنسلت من حادث وصلحتها على حسابي الخاص وتكلفت مبلغ وقدره 00وكانت رده فل اخوي طبيعيه واهي تفداك جات بالسياره ولافيك 00

يعني النقطه الي بغيت اثيرها هي هل الشخص المستعير للسياره بيكون شهم نفس ذلك الرجل وبيصلحها لاقدرالله لو صار شيئ او بيصب بها بترول ويحافظ عليها ولا بيصلحها تصليح اي كلام وبيعطيها لصاحبها ؟؟وماهي نوع المناسبه الي ماخذ السياره لها هل مصخره ووراها شبهه ام مناسبه او شيئ اضطراري اهنيه المهم 00

[رجل الجزيرة]

والله أصابع يدك ما هي بسوى

إذا الواحد أعرفه من زمان ومعرفة ممتازة أعطيه بما أعملك والسبب هو قوله عن أبى هريرة عن النبى (صلى الله عليه وسلم) قال "من نفّس عن مؤمن كربة من كرب الدنيا نفّس الله عنه كربة من كرب يوم القيامة ؛ ومن يسّر على معسر يسّر الله عليه فى الدنيا والآخرة ؛ ومن ستر مسلما ستره الله فى الدنيا والآخرة ، والله فى عون العبد ما كان العبد فى عون أخيه."

وإذا هو ما أعرفه فأطبق عليه المثل إلي يقول: إلي ما يعرفك ما يثمنك يعني أعتذر منه.

[رجل الجزيرة]

الناس للناس
اذا الشخص يستاهل ياخذها 00اخبر سنه من السنوات اخوي كان عنده سياره فخمه وحافظ عليها يعني سواقه شخصيه فقط واحد من ربعه المقربين طلب السياره لزفاف احد اقربائه بها وبيرجعها ثاني يوم تأخر الرجل بتسليمها تقريبا 3 اسابيع لما جابها البيت قال له السياره واجهتها الاماميه تكنسلت من حادث وصلحتها على حسابي الخاص وتكلفت مبلغ وقدره 00وكانت رده فل اخوي طبيعيه واهي تفداك جات بالسياره ولافيك 00

يعني النقطه الي بغيت اثيرها هي هل الشخص المستعير للسياره بيكون شهم نفس ذلك الرجل وبيصلحها لاقدرالله لو صار شيئ او بيصب بها بترول ويحافظ عليها ولا بيصلحها تصليح اي كلام وبيعطيها لصاحبها ؟؟وماهي نوع المناسبه الي ماخذ السياره لها هل مصخره ووراها شبهه ام مناسبه او شيئ اضطراري اهنيه المهم 00

والله إنه رجال.

[سونيتا]

انا بصراحه ماحب اعطي سيارتي الخاصه لاي احد والسبب صار لي موقف ما أنحسد عليه أأبد لي صديقه من دوله خليجيه مجاورة ماراح اذكر اسم الدوله وكانت هي في لندن ولها صديقات بيحضرون عرس عندنا بقطر وطلبت ارسل لهم سياره من سياراتنا عشان يتمشون فيها بقطر وارسلت لهم السياره والسايق اللي عندنا مصري واخذهم لسوق واقف وشافو الامير وسلمو عليه وكانو جنب السياره والخويا جنبه وكانو يضحكون ويتكلمون بصوت عالي وبعدها الشيخات يبون يدخلون وسط الموكب والسايق يقول مايصير هالشي وهم مصرين المهم ماسمع كلامهم وبعدها وقوفو عند الاشارات ويشوفون واحد من الشباب ويفتحون شباك السياره وهات يامسخره السايق رجع مايشوف ويقولي هذولا مسخره يامدام هي صاحبتك مومعهم قلت لالا هي بلندن قال عرفت لان دول مش مزبوطين بصراحه خفت والدوحه صغيره وممكن ينخذ رقم السياره وينعرف صاحبهااا وشدراهم ان هذولا ضيوف بيقولون زوجه فلان وبناته المهم انا خففففففففت واتصل على واحد من اخواني واشرحله اللي صار وطلبت منه تغير رقم السياره ومن الصبح غيرنا الرقم وعلمت زوجي بالموقف وحلف يمين ما ارسل سياراتنا الخاصه لاي ضيف جاي قالي اجري سيارات ولاترسلين سيارتنا وكلامه صح لان الواحد مايعطي سيارته لاي احد مو كفوووو و....اسمحولي طولت السالفه لكن للعبره وانتبهو تعطون سياراتكم لاحد ماتعرفونه عدل ونسيت اقولكم صديقتي اعرفت اللي صار من وحده منهم وهاوشتها واتصلت تعتذر مني ...

[الـقـاسـي]

انا عن نفسي ماحب اخذ سياره حد لكن لو احتديت باخذ سياره واحد من اخواني او عيال عمي واذا حد منهم طلب سيارتي اكيد اني مراح اعتذر الا بعطيه على طول لكن اشخاص من برى مستحيل اروح ااجر له سياره ولا اعطيه سيارتي

[مهل]

اخذ و اعطي ... ربعي و اخواني و عيال عمي تفداهم السياره
اهم شي تقظي حاجته

[الخزرجي قطر]

انا مااحب اخذ سيارة اي حد او اعطي سيارتي لاي شخص
رغم انه عندي اكثر من سياره ولله الحمد
اذا اضطرتني الظروف استاجر سياره
للاصدقأ او الزوار

[رمــش الغلا]

اخذ و اعطي ... ربعي و اخواني و عيال عمي تفداهم السياره
اهم شي تقظي حاجته

صح كلامك
الناس للناس

[AL_MUTAEM]

انا من طبعي ما احب اطلب اي شخص واذا احتديت اقرب مكتب تأجير اما سيارتي اي واحد عزيز علي ومحل ثقه يطلبها مني ما ارده ..

انتظر ردك بوهلال وابي اشوف مشاركتك بموضوعك :)

[MAZEN37]

ما اعطي سيارتي الا حق ابوي
وان كنسلها لو قيمتها مليون على قلبي عسل
غيره لا ولا ولا

[المشتاقه الى الجنه]

مال الغير موكل فيه إبليس
ـ أنا ما أحب أخذ سياره احد ولا اعطي سيارتي حق احد

[نمـر]

اذكر مره اعز ربعي هو الوحيد الي أخذ سيارته وياخذ سيارتي حتى في لفلوس مره محتاج ومره انه احتاج
حذ سيارتي وكلمني بو فلان ريوست علي مره ودعمت السياره من قدام قلته صادك شي انت قالي لا قلتله الحمد لله على السلامه والموتر موترك وخلص الموتر وصلحه في الوكاله
في ناس تستاهل وقد المسؤوليه وتثق فيها لو عطتها وشو سياره ولا غيره وفي ناس لا

[بو راشد 1]

فقط اذا بينزف فيها حق المسيرة (هذا اذا كانت مرسدس اخر موديل:()

[بوحارب]

لا أعطي سيارتي لأي احد ولا احب استخدم سيارة اي حد

:)

[R.S.C]

ربعي واخواني وعيال عمي وعيال خوالي وكل من يعز علي اعتبر موتري موتره
والوقت اللي يطلبه فيه يفداه الموتر وراعيه :) وصارت لي وايد ان عطيت موتري
لربعي وناس يعزون علي والحمدلله ضامن سواقتهم وعارف انهم يحسبون الموتر بمثابة
موترهم ,, اما عن نفسي فأستخدم مواتر ربعي وعيال عمي او موتر البيت إذا توهقت
وماحب مواتر الاجار

[وهم قطر]

تختلف من شخص لشخص اذا كان اخوي لابأس فلحلال واحد

واذا كان الموضوع يعني الربع هنا أنا اتحمل المسؤليه بحكم موافقتي واعطائي له السياره

لاسمح الله وعمل فيها حادث هو وشهامته في اصلاحها

وانا انصح في مثل هذه الحالات عدم استعاره سيارة الصديق لأي سبب

[تركي محمد]

الوالد الله يطول في عمره

كان يقول ولا زال

شيئين لاتسلفهم حد

زوجتك وسيارتك

[hamad1990]

انا عن نفسي ويصراحه ماعندي مشكله اعطي سيارتي احد لكني ماحب اخذ سيارة احد وكرهت هالشي عشان سالفة صارت وبصراحه انصح الكل ان ماياخذون سياره احد والاجار احسن واريح بصراحه

[ام عبدالعزيز]

صار لي موقف


ومن يومها حرمت اعطي اي شخص كان سيااارات البيت

[مخطط قطري]

سيارتي قيمتها 700 الف ريال لو طلبها اي واحد من ربعي حق مشاوير تفداه
هنود وبلوش قبضو سكانها ماياخذها واحد من ربعي وبعدين اي خصوصيه اللي بخليها في سيارتي
سواء اخوي ولا ولد عمي ولا صديقي سياره مانصنعت الا للركوب شدعوه عاد مسجل الملكيه بسمه؟
اعتقد الموضوع ينطبق على فئه من ناس شحيحه وماتبي تعطي بس تاخذ يكون تفكيرها سطحي وانطوائي ولاتعودت على مد العون والكرم والفزعه :)

[khaldoon]

انا اعرف انه في ثلاثة اشياء لا يمكن اعارتها

السلاح و الخيل و الزوجه

و الخيل الحين صار السياره بالنسبه لنا

[ولد النصر]

المسألة معقدة نوعآ ما لكن بالنسبة لي مرات اوفقك ومرات لا راح اذكر موقفين حصلوا لي

1 .. خذت سيارة البيت انا واخوي ورحنا حق ربعنا ومن بعدها يبلفيت بروح اجيب هلي من العرس هذا اول ماكنت اسوق المهم تسابقت مع شباب وانقلبنا بسيارة البيت ياهي ايام صعبة عشتها في ذيك الفترة هههههههههههه ..
2 .. عطيت اخوي الصغير مرة سيارتي اول ايام العيد كان يبي يروح حق ربعة من الصبح اتصلة من العصر لين المغرب مايرد اخر شي رد إلا الحبيب مستعرض في الموتر ووضرب الرصيف وانكسر التاير الله يعلم بحالي ذاك اليوم ..

بس اخوي الكبير عادي اعطية موتري لانة ثقة لكن مسالة اخذ موتر حد مستحيل عشان ما اتوهق معاة

[][ iMedia ][]

حاضرين

[MAZEN37]

سيارتي قيمتها 700 الف ريال لو طلبها اي واحد من ربعي حق مشاوير تفداه
هنود وبلوش قبضو سكانها ماياخذها واحد من ربعي وبعدين اي خصوصيه اللي بخليها في سيارتي
سواء اخوي ولا ولد عمي ولا صديقي سياره مانصنعت الا للركوب شدعوه عاد مسجل الملكيه بسمه؟
اعتقد الموضوع ينطبق على فئه من ناس شحيحه وماتبي تعطي بس تاخذ يكون تفكيرها سطحي وانطوائي ولاتعودت على مد العون والكرم والفزعه :)
الموضوع ما يسئل عن قيمة السياره وموديلها !
ومحد يطلب سياره من شخص ثاني الا المفروض يفكر مليون مره ولعدة اسباب معروفه
وبعدين سيارة اي انسان تعز عليه وله معاها ذكريات ومواقف ويفهمها وتفهمه وله خصوصيه شيء طبيعي معاها وفي ناس تحصله محتفظ بسيارته من 30 سنه ويحافظ عليها ويصرف عليها
وكل انسان حر بتفكيره وطريقة تعامله ماله خص بالبخل او بالشح والسطحيه والانطوائيه
ومد يد العون والفزعه في اي موقف يكون صغير او كبير .
انا عن نفسي اخالفك الرأي.

[NEMO]

انا مره عطيت اخوي سيارتي على طول جاني مسج مخالفه (ههههههههه)
رأيي ف الموضوع مثل رأي اغلب الاعضاء ما اعطي حد ولاااطلب من حد (منعآ للمشاكل )

بس اذا سافرت اخليها عند شخص ثقه واعرف ان مستحيل يحركها لي ما ارجع (نفس الشخص اللي دايمآ اخلي عنده السياره )

شكرآ

[OTOsan]

اللي يطلب اعطيه .. بس انا ماحب اخذ سيارة احد !!!

لاني كل ما اسوق سيارة لغيري ..ادعم فيها !!

[موضي قطر]

الوالد الله يطول في عمره

كان يقول ولا زال

شيئين لاتسلفهم حد

زوجتك وسيارتك


:secret::eek5::omg:

[G0LD]

الشخص الي يستاهل مافيه أي مشكله

والدنيا بخير والحمدلله

شكرا لك

[QATAR 4 EVER]

الوالد الله يطول في عمره

كان يقول ولا زال

شيئين لاتسلفهم حد

زوجتك وسيارتك


:rolleyes2::rolleyes2::rolleyes2::omg::omg::rolley es2::rolleyes2::rolleyes2:

[Al-Kuwari]

لو حد من ربعي المقربين طلب سيارتي ماتغلى عليه فدى ثراه

لكن انا عن نفسي ما احب اطلب سيارة اي شخص

حتى سيارة الوالد استحي اطلبها !!

عندي اخذ موتر اجار ولا اسوق سيارة مهب سيارتي

[Rider]

ماحب اعطني سيارتي حق احد صار لي موقف عطيت واحد من الاصدقاء سيارتي راح حضرته وقف فواق الرصيف وخالفوه المرور

[ملاك]

بالنسبه لي توووووووووبه اعطي موتري لحد

مره عطيت موتري لرفيجتي من باب الشهامه والكرم عشان تسد حاجتها عن فلان وفلتان

عطيتها الموتر نيووو من الوكاله ماصار له 3 ايام عندي وخليته عندها اسبوع الله لا يراوكم والله خلتني اتحسف قد شعر راسي كل شوي متصله ومسويه فيني مقلب مره دعمت بالموتر مره الموتر انشمخ ومره مادروا شنو وانا مااحب ابين لها اني تضايقت بس كررررررررهت اسلوبها وحررررررررمت اني اعطيها شي
وردت لي الموتر وصخ !! صج محد يستاهل في هالزمن تعطيه شي
كلن عنده راتب والكل قاادر يعيش نفسه
اما بالنسبه لي مره خذيت موتر الوالد الله يحفظه حبيبي والله
ودعمت في موتره والله من القهر قعدت ابكي لانه وثق فيني وما قالي الا ابشري
والحين لو طلب موتري فدى راسه حتى لو كسرها جدامي

[دوحة حمد]

انا بصراحه واحد ماحب اتسلف سيارة حد ولا احب اعطي سيارتي حق حد الا المقربين يعني الوالد الاخوان الخوات .

اما حد ثاني ف اسف جدا....

لاني عطيت رفيجي الموتر ورجعه لي ثاني يوم ولا الموتر ريحته كله زقاير يوم كلمته قال لي عادي ، وعطيته كاااش قلت له داااام عادي انسى اعطيك الموتر مره ثانيه .

[بدون]

موتري ما احد ياخذه و لا يسوقه حتى السايق و لا آخذ موتر أحد ألا مواتر البيت

أوصل اللي يبي للباب بس ما أحد يسوق سيارتي

و ممكن أأجر سيارة حق الضيف إذا محتاج لسيارة

بس مثل ما قالوا بعض الشباب ما أحب حد يسوق سيارتي :)