بدا يرجع لنا ضيف ثقيل دم

[gxr o.z]

السلام عليكم ورحمة الله وبركاته


تدريجيا للأسف اشوف درجات الحرارة ترتفع الحين بره حول 32-33 مع احساس بالحرارة 34 !!
الجو غيم وخير ان شاءالله وهذا اللي مفرحني مع ان الغيم والحر = كتمه
توقع تهب علينا رياح شمالية غربية خلال الأسبوع القادم وراح تنزل درجات الحرارة ان شاءالله وراح يكون الجو لطيف والله يعينا على حر الصيف

[البارح]

شر لا بد منه :weeping:

[مريومة]

حيالله الصيف

حيويتي وطاقتي :nice:

وحشني

[الفكر الحر]

وعليكم السلام ورحمة الله وبركاته

اسمحوا لي

حياه وبياه فصل النشاط والانطلاق

وداعا فصل البيات

[gxr o.z]

اي نشاط ودرجة الحرارة ٥٨
والرطوبة بليون %

[][ iMedia ][]

اهلا وسهلا بفصل الامراض الجلديه :)

[jeep-srt8]

اييييه حاس بكتمة في صدري والله من الجو

[wadha-qa]

اي والله بدا الصيف اشوف البريعصيات فالحوش شرفت :(

[فاضي عمل]

الجو مغبر اليوم مآيسآعد للتمرين في سبآير < :(

[ورقــة أمــل]

يحيا الصيف

[لافوشيا]

تسبحو كل يوم بماي باااااارد عقب الرياضه ولا تاكلون اكل دسم
:victory::victory::victory:

[qtr7]

احلا شي التغير صيف وبحر شتا وبر ربيع وحدايق سبحان الخالق لو فصل واحد كان تمللنا.

[العضو العتيج]

موخوش ضيف

[وهم قطر]

الي يجي من الله حياة الله

حياتي تنتعش في الصيف

في الشتاء
اصبح قمله مقصوعه

[MAZEN37]

والله انا اقول
الحمدلله على اي حال ولكل الاحوال - هذه اقدار

[بـــــــنت النوخـّــــذه]

من وعينا على هالدنيا وهذي الاجواء في منطقه الخليج 00لاجديد في ذلك
عيل مساكين اهلها قبل بالمهفه ويكتون عليهم الماي عشان يبرد عليهم 00 الحمد الله ان فيه كهربه ومكيفات

عموما حرّ الدنيا ولا حرّ الاخره 00

[صعبة وصوفه]

يالله حيوه :nice:
أحلى شي بالصيف النوم على صوت المكيفات

[$ طلال $]

يالله حيوه :nice:
أحلى شي بالصيف النوم على صوت المكيفات

:nice::nice:

اي والله صدقت

[حدالكلمه]

نسيتوا الربيييع

[عليه العوض]

فعلا الصيف ضيف ثقيل لا يطاق وانا من محبي فصل الشتاء والصيف يصلح للي عنده فلوس يسافر ويهرب من فصل الصيف ولو حتى شهر فقط الله يعينا على فصل الصيف ودرجات الحراره وهبوب الرياح المحمله بالاتربه و الرطوبه

[ريم الشمال]

الله حيه ضيف عزيز لا يستغنى عنه

[شيط ويط]

قول الحمدلله .. شنهو ضيف ثقيل دم ؟؟

[chillis]

اليوم الهوا حلو بس غبار الله يعينا على الحر :(

[Mshari]

يا زين الشتا زينااااااااه

[غابت الشمس~]

والله مافيه احلى من ريحة الصيييييف هالفتره مو الصيف القوي
ترررررررررد الروح

ومافيه فرق عندي المكيف صيف وشتا لازم ....لازم انام على نغماته *_*

[ام السعف]

حيالله الصيف

حيويتي وطاقتي :nice:

وحشني

حلو الصيف ،، ليله طويل ،، بس لو يخف من حرارته اشوي
ما بيكون هناك احسن منه في الدنيا :shy:

[نجم سهيل]

السلام عليكم

الحمدلله رب العالمين .. كان حر ولا برد .. كله من رب العالمين واللهم لا اعتراض

الشتى له حلاوته والصيف له حلاوته و وناسته بعد

[ضي البدر]

الله يعينا ويساعدنا وخاصة في رمضان..

يالله على أمراض المكيفات .. وعوار الراس..

[هداف]

حلو الصيف ،، ليله طويل ،، بس لو يخف من حرارته اشوي
ما بيكون هناك احسن منه في الدنيا :shy:


الصيف ليله طويل !!!

العكس صحيح الصيف ليله قصير ونهاره طويل ام السعف انتي من كوكب ثاني :)


يامرحبا بالصيف ويازينه في اول شهوره

[ام السعف]

الصيف ليله طويل !!!

العكس صحيح الصيف ليله قصير ونهاره طويل ام السعف انتي من كوكب ثاني :)


يامرحبا بالصيف ويازينه في اول شهوره
ايه من كوكب ثاني ...> اسم الله عليكم :shy:

[سهم طايش]

بدأ الماي يحتر

[OTOsan]

هلابه ..حي من عاكس اتجاه الريح وجابه
هلابه ..قـــــد ماسوى الشتا فيني بغيابــــه :)

[^NoOOoR^]

في الخليج مافي ربيع .. يا صيف أو شتاء ..
نودع دفى الشتاء و نستقبل حر الصيف الحارق ..ولا نقول غير الحمدلله

[قطريه ماركه]

الحمدلله على كل حااااال ...

الصيف والا الشتااا كلها خيررررر من الله ...

[jeep-srt8]

اجل من بكرة برتب للبحر :d